咖吔

营业中

休息中

行經沙田好運商場，見到整個商場都翻新了，進駐了不同款式的餐廳。一家人便選擇了這一間星馬餐廳。室內環境很不錯，座位舒適。服務員態度卻很差，由於小朋友「唔餓得」既關係，先點了一個海南雞飯給小朋友，再慢慢揀其他餸菜。第一次到來當然要細看餐牌，結果店員不停問「揀完未」，每分鐘都問，結果隨便點了幾樣食物。現在回想，原來他們是在幫我，因為大部份菜式都很難吃，他們的舉動避免了我點選過多的食物。雖然最早點了海南雞飯，但最早來到的竟是串燒和肉骨茶。每樣都是不到兩分鐘的時間極速送到。兩分鐘到來的食物，溫度可想而知，雖然有酒精火爐在保溫，但整煲肉骨茶只是微暖，份量還可以，但在比較沙田區內其他的肉骨茶，還是比下去。串燒更過份，除了微暖外，份量又少，我也佩服他們把魷魚鬚打直「吉」，雞肉則是又乾又鞋。海南雞飯算是最正常五彩蝦餅即是普通的蝦餅灑上一些彩糖，味道和普通蝦餅分別不大，盛為$88總括來說 服務差，食物凍，份量少，價錢貴。在沙田新城市有更好的選擇。

時間關係，本來唸住食晚飯，但午餐又未落格⋯今日食嘢時間有啲亂😅結果入了呢間坐低，又唔太餓，就點了斑蘭咖央多士，再加藍莓葡萄梳打試試。人唔多，但係都等咗15分鐘先有得食，以為份多士係熱嘅，點知凍嘅，減了分不過食落好脆口，味道都唔錯，不過無乜斑蘭嘅味道。如果熱啲上就好呢。利申：之前未食過咖央多士，唔知呢間嘅味道係咪正宗。實在太口渴，加$12轉了梳打水，少甜、不過應該無少甜到，好清新唔錯嘅。只係略嫌甜咗少少。

行街見到沙田好運中心開咗間「咖吔Kaya」，就同媽咪去試吓下午茶☕️，餐廳環境舒適，幸運地被編排坐卡位👍🏻，職員態度友善！睇過佢餐牌，相對下午茶就較為經濟，我哋叫咗兩個餐👇（1）咖吔多士就很一般，雖然很脆但味道淡， 牛油唔夠香（2）咖喱麵較正宗，湯底似在馬來西亞🇲🇾當 地食到的味道👍🏻，辣得嚟可以接受！ 另外兩本凍飲（不需另加錢）賣相吸引，尤 其是桔仔話梅水，值得一試👍🏻👍🏻👍🏻

午飯見新開又唔洗排隊，看過午餐餐牌後點了個喇沙 。$88連一杯飲品 。喇沙看似幾中，油麵加米粉兩溝，連份量都很正中——即係少 。加上數隻蝦肉、豆卜、半隻半熟蛋及少許芽菜都好適合OL減肥食用 。可惜味道很一般，沒有蝦味、少了椰香味 。講到服務評分我比0分 。不是服務不好，只是除了帶位、落單、上菜外，是沒有任何服務的 。連攞餐具及埋單都係自助的 。但收咗我10%服務費即$9 。今時今日仲收加一服務費但比咁嘅「服務」都幾離地 。如果食品是好食（可惜不是）我情願你收貴少少我會好過啲 ，所以我不會再幫襯了 。隔離嗰間越南粉應該係同一機構 ，裝修及收費模式都一樣 。

沙田好運中心大裝修中…………最近開咗好多新餐廳今日路過, 好想食 海南雞飯, 就揀咗呢間未食過既餐廳KAYA, 新餐廳, 新裝修, 環境 坐位 都好舒適。食物質素 同 服務態度 都唔錯。下午茶餐 海南雞飯 質素ok下午茶餐 新加坡喇沙 幼米粉混幼麵, 米粉掛湯汁味道唔錯下午茶餐 鹹蛋黃 雞翅 必吃小食下午茶餐跟茶飲想講 金桔梅子水（熱）都幾好飲食物 環境 服務 價錢 都算合理, 會再嚟㗎

試試新開新開馬來西亞餐廳，環境裝修簡潔整齊！⭐️海南雞飯拼喇沙（$108）份量十足，有飯有粉麵！🍜喇沙湯用紅咖喱醬及椰奶烹調，香濃撲鼻，選用米粉及油麵再加上多種配菜：蝦、芽菜、豆卜等等，入口濃郁惹味！🐥雞肉雖然呈現啫喱效果，但仍然不夠滑身！三色醬料正常發揮，配以油飯，男士都一定飽肚！⭐️白胡椒肉骨茶配白飯（$92）用料可謂相當豐富，除了一字骨（有點硬🫣）還有豬肚，一整個蒜頭，半條油炸鬼！但胡椒味道非常重，蓋過了藥湯味，希望餐廳調整一下！⭐️班蘭咖央多（$36）外表香脆，內夾上牛油及咖央醬，非常邪惡美味，如果內餡再多一些會更好！⭐️熱手工拉茶拉茶偏甜，建議選擇少甜！