和牛燒肉一郎 (荃灣廣場)

营业中

休息中

同朋友行街行到腳軟，決定食餐勁嘅補返🤣我哋揀咗套餐B，牛嘅種類超多同埋好高質😋😋 呢個價錢竟然食到任食和牛！！！我哋瘋狂點左好多牛，送餐速度好快，絕對唔會要你晒時間等👍🏻👍🏻我同朋友都好推介極上厚切牛舌、薄切牛舌、蔥花牛舌、牛肋肉、牛里脊肉，仲有好多好多唔同嘅款式，不過我哋掛住食都唔記得咗影相😂😂重點一定要點有蛋嘅，溫泉蛋火候啱啱好，加左好多分😋自助區嘅甜品同沙律款式都好多，但我哋冇食沙律，留肚食牛🤣🤣食完主菜，食咗條海鹽荔枝味雪條，好滿足。🙌🏻

今日放工到荃灣找朋友食飯，我們選擇食和牛燒肉。Menu有好幾個和牛套餐選擇，任食2小時，而且飲品種類十分多，雪糕也有很多選擇，開心！😎薄炙葱花牛舌薄薄的，長長的牛舌，好好味！少少煙靭，好有嚼頭，不錯😌極上厚切牛舌雖然肉質厚，不過不會鞋口，都不錯特選牛肋肉牛肉好爽口，入口即融，好味道！燒原條魷魚好大的一條魷魚，燒完再剪開一圈圈，好滿足我們還叫了好多款牛肉，例如牛外橫膈膜，特選薄炙牛裏脊肉，大判壽喜燒牛裏脊肉等等，食到好飽好滿足！最後食返條海鹽荔枝雪條，完美的一餐！👍🏻

和牛燒肉一郎📍荃灣大壩街4-30號荃灣廣場6樓621至630A號舖朋友話 #和牛燒肉一郎 係超正，今日經過荃灣呢到，即刻試下🥳🥳 仲知 #肉之日 和牛燒肉一郎每個月嘅最後一個星期日都有肉之日， $498/位 6款和牛，超過70款美食 🥰估唔到有咁靚既和牛任食都只係呢個價錢😆我最鍾意食特選牛肋肉、牛里脊肉😋和牛脂肪均勻、又隨着自己喜歡嘅熟度黎燒，啖啖肉咁食，和牛肉質較軟身，入口即溶👍🏻海鮮有大量海鮮選擇，魷魚🦑、蝦、元貝、蠔🦪等，魷魚新鮮，肉質彈牙唔霉口，超好食👍🏻厚切牛舌🐮牛舌軟脆多汁，唔洗太多調味料都好好味😋呢度係用電子落單 方便易用☺️啲款式多到我唔記得，同埋落單係超快送到，服務態度又好好👍🏻埋單已經諗緊下次食邊個餐幾時嚟😋

套餐主打4款日本黑毛和牛：和牛里脊肉、和牛薄火炙里脊肉、和牛薄炙壽喜燒里脊肉、和牛牛肉角切餐廳其中一大賣點係每一個和牛都有識別番號，確保由日本直送座位揀左坐卡位，可以享用到燒肉新幹線🚄智能點餐送餐服務✨本日之寶箱每日款式都跟返當日新鮮即切，我地今日食到和牛三筋，肉質好嫩好，油脂分布平均，好重牛香味✨極上花盛盒一個box有哂黑毛和牛、特選牛、牛舌、豚肋肉同野菜，每款肉都設計成花朵形狀🌺賣相同口感都吸引✨香蔥海苔溫泉蛋拌飯和牛拌飯配埋溫泉蛋蛋加海苔，味道更加上一層次另外亦都可以QR code落4單點選過百款和牛、嚴選牛、豚肉、雞肉、海鮮、刺身、炸物、頭盤小食、野菜、飯麵類等除左一般汽水、咖啡、果汁任飲之外，餐廳亦都提供好多自家製飲品：美人果茶、青瓜奇異果綠茶、甘筍蘋果美人水、西瓜紅莓茉莉茶，全部自助無限添飲，多款式又高品質👍🏻依家餐廳有個✨肉之日✨每個月最後一個星期日可以$498/位110分鐘放題，有哂6款和牛同超過70款美食，下次試埋呢個抵玩course

本來意為早鳥優惠七折 鬼仆禁係將軍澳飛車出黎荃灣 1830 準時入座，點知問店員先知無七折 剩係得openrice訂座95折，明明都已經係中午問過你地店員話七點半前離座就有七折，你地又話係七點，禁你地就唔好寫六點半呢個period有七折啦 誤導消費者，你地話條款有寫，喂大佬 有幾多人會睇條款呀，你唔好寫一折但係條款寫只限一分鐘，好啦 算啦 一場黎到 食就食啦，去到埋單 九五折都無埋，話要係openrice比錢先有，喂大佬 你地店員有無溝通嫁，收費模式一塌糊塗，各位師兄如果係openrice訂枱去食，記得問清楚咩價錢先，唔知會唔會變左天價。

很久沒有食燒肉放題了，在荃灣廣場很少會上到6樓，所以一直沒有留意到這裡原來有這麼一間和牛燒肉放題餐廳。餐廳主打6款和牛，另外，不論燒肉類、海鮮、小食、冷盤、沙律、甜品和飲料都超多款式，據說有超過70款食物。餐廳定期有特別優惠活動，原來餐廳每個月的最後一個星期日有特別折扣優惠。餐廳像迴轉壽司店一樣，有智能送餐的新幹線，音效甚有特色。我們今晚選擇了主打日本產黑毛和牛的C餐，套餐包了本日之寶箱、花畑box和舟盛，這3個組合的外觀都包裝得很吸引，令我食指大動。本日之寶箱裡的是當日新鮮即切的牛肉，今日是和牛三筋，除了外觀，味道超高質，因為油脂分佈極佳，有入口即溶的感覺。花畑box內的和牛肋肉和和牛里脊肉都非常出色，牛味夠重。另外，我也點了和牛薄炙壽喜燒里脊肉，另外附送上溫泉蛋和壽喜燒醬汁，讓我自由配搭食法。整體來說，令我最深印象的是餐廳的牛肉質素，尤其是和牛三筋，另外，就是很有新鮮感的智能送餐新幹線和超多種類的食物款式。

晚飯時間試下燒肉放題 我地揀左course B一坐底好快就上左兩份擺盤得好靚既海鮮同肉好大隻魷魚呀！急不及待 即刻睇下個餐單 好多好多選擇最多唔同款係牛 每碟黎到份量都好多 所以唔好一次叫咁多啊 海鮮有豪肉 扇貝 青口 其中叫得最多既係蝦呀！大大隻啲肉唔會霉佢除咗有燒肉燒海鮮 仲有好熟食選擇 其中覺得幾驚喜係個紫菜飯炸雞大大舊配埋蛋黃醬好正！不過叫左個黑松露薯條就比較遜色 好明顯炸得唔夠 無色唔脆我地係坐卡位 order左既食物會經側邊既通道送到 禁個制佢就會開門拎到另外佢仲有一個自助式既飲品，沙律區，醬料區，雪條都有好多選擇另外仍有數款自家製甜品🍮同果汁鍾意有多選擇既朋友可以試下啊

其實日日燒肉我都好OK😋今次終於book到超出名食和牛既 #和牛燒肉一郎 🥳 有A-D餐 我地揀左中間既B餐既特選牛😆 #肉之日 和牛燒肉一郎每個月嘅最後一個星期日都有肉之日 $498/位 6款和牛 超過70款美食 🥰😝 真心覺得好抵食❤️任食燒肉/海鮮/炸物/小食/飲品/甜品🍩🍬作為牛魔王🐮一定叫厚切牛舌、特選牛肋肉、牛里脊肉等肉質顏色超級靚😍脂肪分佈平均😚燒得表面焦脆但又帶汁 每啖都有牛香 口感軟熟 加埋蛋汁真係大滿足☺️海鮮🦑有好多種海鮮 有海鮮船 🚤 送上 墨魚大大隻 肉質食落去爽口彈牙 蝦🦐 元貝充滿蝦味又鮮甜☺️飲品 + 甜品🍮好多款式任揀 真係飲都飲到飽🤭甜品仲要有多款雪條 自家製蛋糕🧁和牛燒肉一郎📍荃灣大壩街4-30號荃灣廣場6樓621至630A號舖

呢間燒肉店一直都想試，見網上面好多人講佢有個輸送帶會送餐😆新屎坑既我當然想試吓🤤d食物會經輸送帶直接送到你嘅座位，打開門就得！感覺好好玩😂不過記得禁制閂返個玻璃窗🤣入面個自助區都好想飲品、前菜同甜品揀🤩連醬汁都好多特色醬，未食主菜已經好期待食甜品🍮點左Course C $598 120mins 任食🤩裡面包幾款肉：分別有「舟•盛合」、「桶•盛合」、仲有「是日寶箱 - 和牛西冷」同「極上花盛合」。其中個「是日寶箱」日本黑毛和牛🐄仲有好有氣勢既寶箱🤩好岩打卡。呢個寶箱牛真係不得了✨食落充滿豐富牛既油脂香味，脂肪比例好平均，食落入口即溶🫶🏻佢既任食選擇相當多‼️樣樣都想點😍其中點左：🔸炙燒蔥花牛舌口感爽口，牛味香濃✨配埋鹽蔥味醬一齊食，更加突出牛味🔸大判壽喜燒牛里脊肉呢個好少係放題可以食到咁高質！薄切個厚度岩岩好，食落好有口感，配埋蛋汁更加滑同香甜品選擇好多，有唔少日本既雪糕雪條，但我太飽，下次一定會再嚟試埋其他肉肉同甜品😍

自從疫情之後，我哋非常注重環境衛生，選擇色店一定要揀乾淨衛生嘅😊嚟到呢間放題店好符合我哋嘅心意 首先枱與枱嘅空間有足夠嘅距離。列車速遞食物有心思，唔使驚人手，快捷方便。食物選擇非常豐富！今次我哋選擇左course B 嚴選牛肉放題及城合😊$448已經 非常多選擇有海鮮啦、熟食 、湯粉麵和料理😁呢個價位算係有過勁多食物選擇 自家製水果茶適合鍾意功能性嘅我😌我最鍾意呢度嘅甜品細細杯，因為食牛肉都食到好飽，細細杯唔浪費。當中木糠布丁好食，入邊仲有蘋果蓉，食落非常清新。 所有餐具非常整齊，有埋圍裙俾你食燒肉，非常細心。連簡簡單單飲管都係獨立包裝。衛生程度可以話滿分。😏👍🏼鍾意食牛嘅，你哋有好多唔同牛嘅部位選擇，我最鍾意牛肋肉，牛味重，而且非常juicy and tender ! 佢仲提供多款醬汁同埋唔同口味俾你選擇

好似好耐無食過燒肉，一於約朋友仔去食先呢間近近地又係放題，抱住試下心態點知又有驚喜喎🤩🤩我地揀中間價錢Course B都有102款牛肉揀，仲有桶盛合、舟盛合好欣賞佢個自取COUNTER呀😉😉都幾大同埋飲品、雪糕、沙律、甜品都好多選擇我同朋友仔除左食燒肉仲忍唔住食左4-5條雪條😛😛至於肉方面選擇亦好多仲有啲小食、薯條、飯、泡菜等等同埋佢每個月最後一個星期日有肉之日$498一位就可以食6款和牛同埋超過70款美食有機會再試下先😌😌💚桶盛合--包括有牛肋肉、牛里脊肉、雞肉、豬肉🐔🐷🐮💚舟盛合--包括特選牛肋肉、特選牛里脊肉、特選牛肋條、蝦、帶子、五花腩🦐🐮🐷💚102款牛肉🐮🐮🐮🐮🐮超級多選擇呀我地揀左牛肉角切、特選薄炙牛里脊肉、特選薄炙牛肋肉、極上厚切牛舌、薄炙牛肋肉、薄切牛舌芯、熟成壺漬牛外橫膈膜其實仲有好多，不過叫唔晒呀特別讚熟成壺漬牛外橫膈膜第一次食，質感幾好幾好味呀😋😋😋💚小食🍟🥟🍿我地叫左泡菜、魚餅仲有DIY章魚小丸子好得意，佢有4個醬俾你自己點特別啲就係燒餅汁同明太子沙律醬

今日我嚟到位於荃灣嘅和牛燒肉一郎食飯，依間餐廳其實喺香港都已經開咗唔少分店，主打和牛燒肉。我今日就要咗個一人套餐，食物款式都幾多㗎，有好多唔同嘅部位可以食得到。牛肋肉牛肋肉入口有口感，油脂唔會太過多，牛肉味幾香濃。牛里脊肉脂肪比例比較少，啱晒唔係咁鍾意食肥肉嘅人食。牛外橫膈膜脂肪比例較多，油香味比較突出，肉質好滑。除咗牛肉之外，佢哋仲有啲雪糕同雪條可以當作飯後甜品，所以其實呢一個價錢都可以食到幾多款唔同嘅食物。

難得同老婆出街鬆下，一於食好啲黎呢間燒肉放題！我哋選擇咗不過不失的Course B -入到嚟，真係大開眼界，首先環境非常寬敞，瞬間被自助沙律吧吸引，非常整齊，而且非常多seasoning 可以選擇😂 另外大人小朋友都應該好開心，呢度好似壽司店，有食物輸送帶，而且點完之後，好快就上菜👍🏻👍🏻 乾淨衛生快捷🤭食物種類繁多，有海鮮（鮮蝦同扇貝） ，牛肉有唔同嘅部位，非常講究，連牛外橫膈膜都有👍🏻非常新鮮好味🤭 老婆最愛牛肋肉，有非常多，醬料可以選擇。牛舌都好惹味🥰講到飲品，除咗常見嘅汽水，仲有自家製花茶，非常養生😎食到最後，我同老婆都覺得，價錢同食物質素成正比。食物質素高質，一分錢一分貨

近排打得邊爐多，係時候轉下口味去食下燒肉，記得上年食過呢間＜和牛燒肉一郎＞，質素都有返咁上下，都係時候重溫下～C餐（$598+10%）呢個餐可以食到110款食材，其中包括3款日本黑毛和牛。另外一坐底，店員就會送上《舟•盛合》、《桶•盛合》、《是日寶箱（和牛西冷》同《極上花盛合》。除左有各種唔同部位既牛肉之外，仲有靚靚既擺盤同裝飾，好食之餘仲好岩打卡。另外出面仲有沙律、飲品、甜品同醬料自助區，甜品區仲有多款唔同既日本牌子雪條，想要咩可以自己攞～食完盛合之後就可以掃QR code用手機落單，點單後食物會經台邊既輸送帶送到面前，十分方法。超過一百款既食材當然試唔哂。但有幾款自己食完覺得係必點～👅炙燒蔥花牛舌平時食牛舌多數橫切，餐廳就選擇將佢直切，令口感更加好，建議可以配埋鹽蔥味醬一齊食，令牛舌更惹味🥩和牛薄炙壽喜燒里脊肉和牛薄薄一大片好快就燒熟，之後就可以成片浸落加左溫泉蛋既壽喜燒肉，甜甜地既醬汁加埋滑捋捋既溫泉蛋，口感好豐富除左牛肉之外，仲有好多唔同既菜品都好出色，例如明太子薯仔沙律、生牛肉刺身等等，可憎個肚容量有限，唯有等下次再試埋其他~

今日食既呢一間餐廳係位於荃灣廣場入面的既燒肉一郎, 之前都食過佢唔同既分店, 所以令我好有信心咁會係好食既一餐呢度嘅放題有幾個唔同嘅價錢可以選擇，大家可以根據上面嘅肉類選項而作出決定基本上卡位數目非常多，坐得非常舒適，即使兩人也是安排卡位，絕對不會因為食物太多，而導致枱面空間變得太少除所有不同肉類選擇之外，仲有海鮮，非常新鮮，拎出來的時候仍然是活的賣相亦都非常吸引，打卡able特別推薦這兩個不同的里脊肉，口感一流，而且會附送無菌蛋，沾著牛肉吃是最高享受！將所有燒肉嘅食材可以嗌之外，仲有不同嘅小食可以選擇甜品有極多選擇，而且都是非常吸引，一定要留肚吃！特別推薦這個鯛魚燒雪糕，入面超creamy的雪糕配合鯛魚燒的口感=無敵