和牛燒肉一郎 (荃灣廣場)

营业中

休息中

服務員超超級冇耐心，經理的服務也超超超超級差，有老花眼睇唔清楚問她有啲咩肉，佢大声講你自己睇喇冇眼咩你，真的好冇禮貌，然後還對我反白眼，服務態度極差，超級唔建議去唔會再去

今日同女朋友行完荃灣，突然想食燒肉，記得之前有朋友介紹過一間很好的燒肉，就決定去試試。今次我哋叫咗啲餐日本產黑毛和牛9種類120分鐘任食-舟盛合（牛＆豚＆雞＆海鮮＆野菜）拼盤有蝦有扇貝，牛肋條牛脊肉,豚肉以及雞肉，個拼盤有齊各款肉類，而且質素上好，牛肋條和牛脊肉真是肉汁豐富。桶盛牛肋肉以及牛里脊肉，肉質鮮嫩，牛肉味濃郁，肥肉部份不多，入口相對較輕盈。豚肉和雞肉，質素亦都很好。-極上花盛合和牛牛肋肉＆和牛里脊肉＆里脊肉＆牛外橫隔膜＆豚肋肉＆牛舌＆蔬菜-是日寶箱(當日新鮮即切）和牛肉眼，牛肉非常新鮮，肥瘦均勻，而且現場有職員幫我們燒，熟的程度剛剛好，口感一流。因為- 4天梯（和牛4種）黑毛和牛四天梯有四種和牛，牛肉脂肪分布平均，肉質鮮甜柔軟，煎香後牛油味好濃郁，入口即化，牛的香味立刻在口內散發，真係好推薦。-極上和牛夏多布里昂部位出名既和牛品種，果然口感非常。配埋個醬汁，更加突顯牛肉既香味。仲有沙律，飲品，甜品等自助放題，真係好豐富又令人滿足。

好耐無食過日式燒肉，荃灣呢度開咗和牛一燒肉，晚市$498有特選牛肉放題任食，黎試一試揀咗B餐特選牛肉同嚴選牛肉，120分鐘任食落單無耐職員就先上咗個海鮮牛肉拼盤，入面可以試到個餐入面包嘅特選牛肉同嚴選牛肉，仲有帶子同虎蝦自助區有沙律吧唔同嘅飲品選擇最令我驚喜嘅係佢嘅甜品櫃，超多款日本直送嘅雪條，種類多到唔知點揀好最推薦呢款紅豆麻薯鯛魚燒其他另外再叫嘅肉類質素都唔錯，特別推介牛舌同埋薄燒牛肋肉味道好似牛角飯

👉有時想食和牛，未必一定要去日本嘅～～👆皆因市面放題店有很多，想食好一點，有著懷念網燒一番雙重風味，以和牛料理燒肉店來說，對於在有限範圍預算內，可以毫無負擔、任點任食自己揀選心儀套餐，必定大感驚喜。👆份量夠飽之餘，如果是追求上乘味道要求，一眾牛迷就别錯過啦！！😄.👉晚市C套餐主打「日本產黑毛和牛放題」，以不同肥瘦度、脂肪比例、不同部位相應配合食出最佳境界。。。🥳.📌「和牛寶箱」牛脂香濃燒熟後綿密均勻，有入口即溶感覺。.📌「極上花盛合」四款當中每款肉質分別紋理鮮明，弄熟其香氣徘徊加有嚼勁。.📌「桶盛盒」搶眼明顯分佈分，厚薄紮實燒直至完成後口感厚實不乾柴滿滿咀香，其油脂肥美豐富像雪花一樣超正。.🏬 和牛燒肉一郎 (荃灣廣場) (荃灣)🚦 荃灣大壩街4-30號荃灣廣場L6樓621-630A號舖

主打和牛燒既套餐和任君選擇，以120分鐘 $598「日本產黑毛和牛放題」對任食者來說的確好不錯，如果不太嗜牛者更有一系列豚肉、雞肉、海鮮等提供，而當中含(四款和牛) 品質新鮮之餘亦不會參差等情況出現，尤其專注食和牛燒肉控既我簡一間燒肉放題店爽而不膩口味也要共存 !「極上花盛合/四款和牛」質嫩油脂比例均匀，追求的部位色澤與筋肉交雜，入口即溶配上燒汁突出味濃「本日之寶箱」和牛西冷厚薄適中，鬆軟分佈夠細緻光澤，口感獨特集中回味「舟盛盒」集合(豚肋肉、雞腿肉、牛肋條、牛里脊、帶子、虎蝦、野菜)新鮮入口甘香兼爽彈看起來好吸睛「桶盛合」每一口分配不論(雞、黑毛五花腩、牛里脊、豚肉)拼盤剛好，燒落同食落有層次保留外爽內軟更惹味

4月28號第一次食，諗住搵間靚嘢同男朋友慶祝生日，見到啲食評幾好，又話高質素又話一定要食咁，但啲肉仲差過喺街市求其一間凍肉舖啲肥牛，好似食緊樹皮咁，又柴又乾一啲肉脂都無。我哋見啲食評話498-B餐嗰個都已經好高質，咁我哋都覺得可以試吓先，如果好食嘅話下次可以再試高一級。果晚食完，男朋友果晚開始係咁屙，佢喺食嘢方面已經好冇乜所謂，都話完全唔掂，我嗰晚都嘔晒啲嘢出嚟，即係完全冇食過嘢。呢啲肉質就算係最低級別嗰個價錢都覺得唔值，本人平心而論，去之前要三思，唔好曬錢。

今日去咗荃灣嘅和牛燒肉一郎食咗一個100分鐘72款美食放題同埋舟‧盛合，真係食到我口腔都喺呻吟。佢哋有精選牛肉11款、豚肉8款、雞肉3款、海鮮4款、野菜10款同埋其他36款嘅美食，真係滿足咗我對美食嘅渴望。佢哋有牛肋肉、牛肋條、薄炙牛肋肉、牛里脊肉、薄炙牛里脊肉、牛外橫膈膜、牛肉角切、牛肋肉角、兩色蔥花牛舌（鹽味）、薄切上等牛舌芯同熟成壺漬牛外橫膈膜。每一款都有佢哋獨特嘅味道，有啲係濃郁嘅肉味，有啲係香口嘅燒烤味，每一口都令人滿足。除咗牛肉之外，佢哋嘅豚肉、雞肉同埋海鮮都好鮮美。特別係佢哋嘅野菜，有各式各樣嘅青菜、豆腐、蘑菇同埋玉米，令人好似喺嘅山野大餐一樣。食完美食之後，我仲試咗佢哋嘅舟盛合。佢哋嘅船形盤裝滿咗豚肉、牛肉、蝦同埋蔬菜，每一樣都好鮮美，特別係佢哋嘅豚肉，入口即化，好嫩滑。

好耐冇同屋企人出街食飯，難得平日放假，於是趁下午陪家人去屋企附近嘅荃灣廣場睇戲，跟住去咗商場六樓嘅「和牛燒肉一郎」食日式燒肉放題！呢間餐廳共提供四款放題級別俾客人選擇，任飲任食兩小時，最平$298有交易，如果想食豪d，可以揀A4黑毛和牛级別，盛惠$888，豐儉由人！我哋揀左中等價嘅B級餐來吃，每位$448，共25款精選上等牛肉任食，包括：薄炙牛舌、特上牛舌棒、極上厚切牛舌、薄切上等牛舌芯、牛里脊肉、薄炙牛里脊肉、牛外橫膈膜、牛肉角切(一口牛）、薄炙牛肋肉、牛肋肉、牛肋條、牛肋肉角等等，餐廳還提供多款醃製醬汁及配料，較特別的包括有：咖喱汁、秘製味噌汁、大判壽喜燒汁、熟成壺漬、兩色蔥花、海鹽及雞蛋等等。除左牛肉之外，放題仲包埋3款牛肉刺身、14款豚肉、4款雞肉、8款海鮮、10多款蔬菜，以及其他熟食等等共102款食物，各適其適、應有盡有，性價比簡直冇得輸，包你捧腹而歸！除此之外，當我哋一坐低，店員便即刻奉上兩個盛合，分別：舟。盛合 包括：日本豬里脊肉，海蝦，帆立貝，魷魚，珍珠筍、冬菇和南瓜桶。盛合 包括：有牛肋肉，牛里脊肉，日本豚肋肉，雞腿肉，南瓜和冬菇兩款盛盒賣相都非常精緻，並用乾冰盛載著

飲食市場競爭激烈,日式放題也不例外,這店是我近期較喜歡而且食材質素較高的日式和牛放題專門店,除了著重食物選材和多元化外,更加入吸睛的擺設,特別一提它自成一角與客人用餐區完全分隔的自助沙律吧、醬料區及飲品、甜品柜,令食客不會受其他客人影響用餐氣氛,值得一讚。今次選食較高檔次的日本產和牛,有多款和牛名貴部位,包括牛里脊、牛舌、牛肋條、西冷等等,更有專人指點燒烤技巧和醬料配搭,尚算招呼週到和細心。餐後的甜品也算用心安排和美味。整體回頭指數屬高。

高質靚牛日式燒肉❤️❤️❤️作為肉肉愛好者嘅美美已經好耐無食燒肉啦實在要同男朋友去食番個燒肉放題解癮📍和牛燒肉一郎呢間專食和牛嘅燒肉店就啱哂我地為左錫住男朋友荷包 美美揀左平少少嘅Set B價錢$448一人食120分鐘已經超多野食✅自助吧比一般放題店大有齊各樣冷熱飲品，前菜，小食，甜品，雪糕等最令美美驚喜嘅係竟然有爆谷機可以即攞新鮮整好熱辣辣爆谷 係美美嘅至愛🥰✅坐低後店員會先上一份海鮮同肉類拼盤海鮮有原隻大魷魚，鮮蝦，同扇貝美美最鍾意食大扇貝 放爐邊慢慢燒就唔怕乾✅燒肉主角當然係靚靚牛肉Set B都有好多款特選靚牛美美最鍾意食牛肋肉片 原味可以食到牛肉嘅原汁原味喜歡濃味嘅都可以食有醃料嘅 有香葱咖哩麵豉等燒到半熟再點醬汁真係好正✅其他放題食品仲有各款肉肉蔬菜 小食主食等錫紙兜蒜茸雜箘都唔錯美美仲叫左幾款和牛刺身同和牛他他試下和牛刺身少食 口感都幾特別

今日黎到荃灣廣場呢間和牛燒肉一郎😋 睇個名已經知係食和牛專門店，好多foodie朋友之前都介紹過，有信心保證😁 餐廳有幾個level嘅餐可以揀，肉類嘅等級同海鮮選擇都會有唔同，我地揀左經濟少少嘅Set B，雖然唔係最高級，但都好多野食。一坐低店員先上海鮮拼盤船同肉類拼盤，唔洗等有得食😋 海鮮有大蝦扇貝同原隻大魷魚🦑 全部都好新鮮好正，個人最鍾意原隻大魷魚，魷魚燒過好香，燒得剛好嘅時候有咬口但唔會靭，幾正。用QR Code落單嘅野係由自動餐車送過黎，自己㩒制開門攞野，又幾好玩😄 牛肉選擇好多，我最欣賞係特選薄切牛肋肉，薄切好似肥口咁燒幾下就食得，點埋蛋汁食一流😘 如果鍾意食厚切啖啖肉嘅朋友，可以點選橫膈膜試下，口感幾特別牛味好重😇除左海鮮同牛肉，放題當然有其他肉類，和食同少量主食可以點。出面仲有自助吧有各款野飲，前菜，甜品，同好多款日式雪糕😋 樣樣都食d已經要捧住個肚走。

每次光顧都逐步試它的放題套餐,今次再豪些,決定選C級日本黑毛和牛包括牛肋條、牛里脊、牛橫隔膜、牛舌等,而且更是用不同吸睛包裝上枱,包括用寶箱配乾冰和牛西冷、牛花卷盛盒及朱牛雞木桶盛合,實在目不暇給,之後更有和牛海鮮船,未正式點其他放題,已經令牛迷大快朵頤。配上不同醬汁和岩鹽,令牛味更上一層樓,之後再添食多一Round牛肋條和大鮮魷,就已經捧著腹了,友人提醒這裡的甜品也不能错過,另外多款韓式和日式冰條,簡直令這兩小時轉眼就過了。下次要昇級打大佬了(D餐)。

近年荃灣發展得愈來愈好，吸引不同餐廳進駐，當中最令人期待嘅，一定係以「燒肉新幹線」為賣點，主打和牛燒肉嘅 和牛燒肉一郎！午，晚市共有4 款和牛燒肉放題套餐今次點嘅C 餐 可任飲任食日本黑毛和牛 2 小時，仲有是日寶箱+極上花盛盒等110 品可以選擇！喺等燒肉上枱嘅空閒時間，來到自助區，有不同日本品牌嘅雪糕🍦雪條，花茶，飲品，仲有咖啡，小食等，類類豐富。💛極上花盛合店員先送上極上花盛合，將牛肉卷成花嘅形狀～極具創意！一次食齊和牛里脊肉，里脊肉，牛外橫膈膜，豚肋肉，和牛肋肉等，食唔停口！💛是日寶箱好驚喜，打開寶箱原來喺一塊頂級和牛！雪花油脂分布均勻，2 面各燒一分鐘就食得，油脂甘香，牛油入口即溶！和牛方面，和牛里脊肉，極上厚切牛舌都好出色，牛味濃郁香滑，當中小妹最愛輕燒2 下就食得嘅大判壽喜燒牛里脊肉，配埋日本雞蛋醬汁，勁香滑好味，有入口即溶效果！肉質真係好唔錯👍🏻烤爐比一般燒肉店猛火，和牛海鮮都好快燒熟！手卷，壽司，炙燒拌生牛肉都唔駛燒，即食好方便！小食方面，吉列炸蝦，炸蠔，牛肉可樂餅都炸得很脆很香口，牛油雜菌日本蠔，芝士和牛漢堡扒亦在水準之上，特別喜歡炙燒拌生牛肉他他，外層經火槍燒過，

以前食過和牛燒肉一郎的銅鑼灣分店，知道在荃灣開了分店後，一直很想去食但卻就不到時間，日前終於可以和太太去食晚餐了✏️位置（8/10）：荃灣廣場6樓，地點便利。✏️環境（8/10）：店面廣闊，自取區整潔，抽風良好✏️服務（8/10）：掃碼下單，上菜快漏單少✏️食物（9/10）：牛肉質素高，小食相當出色🌟Course C 日本產黑毛和牛日式燒肉放題- $598/位由於之前試過C餐，食物種類多而且品質很高，這次同樣點了C餐🌟極上花盛合一上枱是套餐奉上的極上花盛合，把牛肋肉、里脊肉、 里脊肉及日本豚里脊肉等堆成一個個花型，相當吸睛，肉的質素亦屬不錯，夠嫩滑沒有根🌟是日寶箱是日寶箱是一大塊油花相當均勻，目測A5的和牛西冷，燒出來果然入口即融，肉質鮮嫩，油香十足，令人回味🌟放題部分有共110品掃碼下單食材，大部分都比坊間其他燒肉放題高質不少，不過真不可能全部都下單，以下是一些我有食過的品項：🍴季節限定點了雞肉骨付腸、牛油雜菌日本蠔、芝士和牛漢堡扒及和牛他他手卷，其中雞肉骨付腸燒出來很香，肉質亦鮮嫩多汁，必點！而和牛他他手卷一看就知新鮮，牛肉嫩而不韌，口感豐富，啖啖滿足🍴日本黑毛和牛點了和牛牛肉角切（一口牛

之前食過幾次燒肉或者火鍋放題，就算揀既係比較貴既套餐, 但肉既質素都係一般，今次黎到一朗見佢有2個lunch燒肉放題，貴果款主要係多d野食, 都係限時90分鐘，於是就選左個平餐，唔洗2百蚊一位(未加一)。全自助形式，用2維碼落單，然後由旁邊高速列車送黎。牛既質素以放題黎講已經係超值，當然唔可以用和牛去比，但有肉味，個別一碟入面有1，2片會比較韌。但可以接受。最有驚喜既係厚切牛舌，爽滑有咬口，加少少盬已經超食。同朋友叫左5碟😋。豚肉也可以，雞就無試。小吃炸物炸粉太厚，比較一般。甜品都幾有特色都係出面比較少見，肉桂蘋果木糠布丁，石板街都好好味。仲有好少見既白桃烏龍雪條味道都唔錯。真係非常滿足既一餐，如果時間長多少少就prefect啦！