味道

营业中

休息中

我地叫左一份炸雞脾冬蔭功金邊粉，炸雞脾即炸好大隻而且外脆內軟，冬蔭功粉好濃郁冬蔭功味食落酸辣又開胃入面仲有豆腐卜同魚片飲品叫左泰式奶茶，奶茶一大樽而且飲落比較甜，泰國奶茶無平時飲既港式甘苦。另一碟叫左排骨煎蛋飯，排骨份量比較大塊而且仲有香茅味食落好軟熟唔鞋口，飯可以混入豉油同辣醬食，煎蛋燶邊香脆，飯既份量如果太多可以叫少飯，加埋葱油食好夾。小食叫左炭燒豬頸肉串，豬頸肉燒到外脆又唔會好油膩既口感惹味。

上環無人唔識依間生炸雞髀🍗蛋白質友好餐廳♡$7x-$8x貼地價，免加一！成個後巷得依一間餐廳，但高峰時間都要排隊入座，所以真係打工仔飯堂！以為係東南亞餐廳，原來有港式、泰越、韓式、日式嘅多國菜選擇叫咗佢2個招牌♡！★ 生炸雞髀配冬陰功 $84必試一定係——每枱都叫嘅生炸雞髀‼️有手掌甘大隻，攞上手熱辣辣，完全做到曬皮脆、肉嫩、多汁！冬陰功偏酸，湯底濃稠，我鍾意食酸就好鍾意！金邊粉煙韌、索晒啲湯！★ 越式香茅豬扒蛋飯 $70流心蛋+大大塊豬扒+甜豉油+蔥油+白飯，依個組合係必勝‼️港人comfort food之一，豬扒入味煎香，一啲都吾乾！★ 泰式炭燒豬肉串 $65肉嘅口感好似食緊雞肉XD覺得可能醃得太耐，有啲太入味，所以偏甜，配沙嗲醬就平衡返！★ 泰式奶茶 $12★ 青檸梳打 $12📍味道 (上環)上環畢街15號地舖

上環呢間泰國菜位於小巷入面，離地鐵站都好近，平時lunch time都好多人排隊，收咗工過嚟食返碗炸髀冬陰功粉真係comfort food🥹🍗炸髀冬陰功金邊粉🥘生炸雞髀超級大隻，外皮炸得香脆，入面超多肉汁，金邊粉入味掛汁，配埋泰奶一齊食一流🧋🐷蔥油豬扒蛋飯🍛香茅豬扒肉質軟嫩，面頭有太陽蛋，仲有蔥油可以撈埋飯一齊食，超級邪惡🐽泰式炭燒豬肉串🍢炭燒豬肉串燒得超級香，食落甜甜地，可以點埋沙嗲醬一齊食

上環喱間小巷內的隱世多國菜每到午市及晚市時段都大排長龍，大部份人都係慕名來試他們的炸雞脾配泰式冬蔭功湯麵。。炸雞脾配泰式冬蔭功金邊粉 ($84) - 炸雞脾外皮酥脆，就算炸過都能保持多汁鮮嫩；配上酸辣的冬蔭功湯底，酸得開胃，還有香茅和椰香層層疊加，整體非常有層次。。越式香茅蔥油豬扒煎蛋飯 ($70) - 香茅的清香滲透進豬扒，肉質有嚼感。蔥油香氣十足，拌飯一流。加上煎蛋的半熟蛋黃，融合所有味道，吃起來滿足感十足。。泰式炭燒豬肉串 ($65) - 豬肉外層微焦，內裡保持多汁，並用泰式香料醃製入味，甜中帶辣，配上特製的沙爹醬汁，更加美味。。青檸梳打 ($12)/ 泰式奶茶 ($12)

❤️（4串）泰式炭燒豬肉串配醬汁還有青瓜🥒。外層燒得焦香，豬肉有少少肥膏唔會乾爭爭。配青瓜🥒正好中和油膩感。❤️炸雞牌配冬陰功金邊粉冬陰功辣辣地好滋味，未食已經聞到好香，口水都禁不住流下來～😋 還有豆卜、粟米芯、雜菌和芽菜等配菜。炸雞牌另上，皮脆肉嫩～👍🏻❤️蔥油豬扒蛋飯蛋是太陽蛋，蛋汁加埋蔥油撈飯好正😋。豬扒預先切開了，食起黎好方便。朋友嗌左杯❤️青檸檬梳打；我就嗌左杯❤️泰式奶茶。茶香奶滑而且不會太甜，不錯👍🏻。

yumyum味道絕對係一間性價比極高嘅東南亞餐廳 。菜式正宗又大份，中午時段，經常要排長龍。我地食左幾款招牌菜都好味道。越式香茅蔥油豬扒煎蛋飯，呢個招牌菜真係十足越南街頭味道。香茅豬扒煎到外層香脆、內裡嫩滑。配埋甜甜嘅醬油同煎到金黃流心嘅煎蛋，拌埋飯食，真係超滿足！😋 炸雞髀配泰式冬陰功金邊粉。炸髀煎到外脆內juicy，雞肉香嫩多汁，配埋開胃嘅冬陰功湯底。金邊粉好吸湯，酸辣味十足。泰式炭燒豬肉串，帶有陣陣炭香味，肉質嫩滑，配埋泰式沙嗲醬，真係一口一串so yummy

見朋友食過幾次都話好食，終於到我去試下。平日夜晚去都唔少食客，多數係啲年青人，餐廳面積唔算大，但熱熱鬧鬧，氣氛幾好!葱油豬扒蛋飯🍖🍖見好多食客都叫呢個飯，我地都覺得要試下，見識下佢嘅魅力所在。一上枱，非常震撼，因為塊豬扒好大塊，佔左隻碟嘅一半面積，仲要好貼心咁幫你切到適當嘅大小，等你一啖一嚿! 😘😘豬扒肉質嫩，肥瘦適中，加上流心蛋撈飯，難怪人人食過都讚好!🐷🐷🐖🐖🐽🐽🐗炸雞脾冬陰公金邊粉🍗🍗🍗雞脾炸得香脆又juicy, 最重要係份量大大隻，仲要同碗粉分開上，唔會影響炸雞脾嘅口感。冬陰公金邊粉味道好正宗，集酸﹑咸﹑辣於一身，仲要有超多嘅芽菜，食落更爽口。夏天食啲酸酸辣辣嘅嘢，特別醒胃!🍜🍜🍜泰式炭燒豬肉串🍢🍢豬肉串好嫩，而且充滿炭香，加埋佢嘅沙爹汁，係唔錯嘅小食。😋😋同時跟餐加左2杯飲品：青檸檬梳打🍹🍹﹑泰式奶茶🍸🍸，前者好fresh, 後者唔甜有茶味，係解渴佳品!🥳🥳🤩

真的小店，在上環的巷仔裏面，我們是為了他家的蔥油豬扒飯慕名而來，店面小小，為了美食，兩個人拼座是必然的。店面小，流量大，好處就是上餐快，入座點好餐，很快就可以開吃了，正。✴️蔥油豬扒蛋飯 $70他家蔥油真不是說笑，對於蔥怪的本人根本不能抗拒，咸香而不油膩，蔥粒還保有脆感，豬扒用香茅醃制過，炸得很鬆化，豬扒一點不柴，白飯再配上流心蛋，總體搭配💯。✴️炸雞脾配冬蔭功金邊粉 $84酥炸雞脾另上，冬蔭功金邊粉配料有豆卜／魚片，金邊粉爽滑，冬蔭功功的獨特酸辣，好惹味，不加雞脾也不會單調，雞脾皮脆肉嫩。✴️泰式炭烤豬肉串（4串）$65踢我在泰國吃到的沙嗲無分別，豬肉微脆但又好滑，沙嗲醬花生醬含量令人滿意，好香，辣味反而不濃，跟炭烤豬肉串好夾。✴️青檸梳打 $12用高腰樽盛着，一點甜味都沒有，梳打配青檸絕配，好夠氣好清爽。✴️泰式奶茶 $12泰奶獨特之處就是用練奶沖泡，奶香濃郁，香甜。總結，食物好吃，上餐快，如果趕時間來這裏吃飯很適合，人也很多，吃完門外還有人在等着入座，為了他的蔥油，我們還會再來。

🔹️下午到上環 "Yum Yum味道“ 食店🥢 店內簡潔衛生🍀 主打多國菜, 除了泰式,還有越式和日式食物, 食材新鮮👍 店員細心、友善🙎‍♂️🙎‍♀️ 價錢合宜💰🔸️泰式炭燒豬肉串🐖🍢豬肉串肉質軟腍, 滿滿肉汁, 香噴噴炭燒味道, 加點沙嗲醬, 更加惹味👍🔸️炸雞脾配冬陰功金邊粉🍗🌶🍜雞脾炸至金黃香脆、雞肉鮮嫩幼滑, Size大過手掌🤩 配香辣冬陰功湯底, 粟米仔、豆卜、魚片, 滑溜溜金邊粉, 十分開胃😋🔹️蔥油豬扒蛋飯🐷🍳🍛豬扒炸至外脆內軟, 肉質嫩滑, 配上清香蔥油和香煎太陽蛋, 把蛋漿撈混, 還有秘製醬油, 超Yum👍👍🔸️泰式奶茶🏺味道香濃、甜度適中、奶滑茶香😊🔸️青檸檬梳打🍹味道清新、消暑解渴👍

忙裏偷閑，星期六咁啱去上環做嘢，諗住去再食念念不忘嘅雞髀。星期六既上環多一點寧靜，因為早去，唔洗排隊直入。💜生炸生髀配冬蔭公河再次見呢個配搭，仍覺好新鮮。雞髀炸到勁脆啦，大隻多肉食，切落去雞汁流晒出嚟，好juicy，雞髀沾冬䕃公湯食，又另一個風味。冬蔭公湯酸酸辣辣極開胃，啱晒夏天咁熱冇咩胃口食。💜 葱油豬扒蛋飯豬扒醃得好入味，幫你切埋，細細塊易入口，再加埋太陽蛋好吸睛。💜 泰式炭燒豬肉串泰式炭燒豬肉串係最好食，燒得剛剛好，有少少燶，但又可以保持肉汁，好Juicy。

位於上環既小店以亞洲菜式為主題有多款美食可以選擇每款都好吸引 係值得支持既小店🙌🏻🌟泰式炭燒豬肉串豬肉串肉嫩多汁 炭香味濃 配上粗粒既沙嗲醬 十分惹味😋🌟炸雞髀配泰式冬蔭功湯金邊粉招牌菜之一份量十足既生炸雞髀🍗外皮炸到脆卜卜 帶濃郁既蒜蓉香味醃得夠哂入味 肉質嫩滑兼保持到肉汁搭配酸酸辣辣既冬蔭功湯頭🌶️鮮美開胃 辣度亦適中 而金邊粉亦非常掛湯💯🌟越式香茅蔥油豬扒煎蛋飯豬扒口感鬆化帶香茅香氣加上蔥油同煎蛋 送飯真係岩哂🍚

今天中午，我同朋友去咗上環畢街嘅一間叫Yum Yum味道嘅店。呢間店真係好正，環境輕鬆又舒適。食物方面，我哋點咗幾樣嘢，首先係一杯清新嘅青檸檬梳打，唔單止解渴，仲可以幫我哋消暑。接住嚟，我哋試咗泰式炭烧猪肉串，肉質鮮嫩，味道香濃，真係好好味！再加埋一杯泰式奶茶，甜度剛好，非常好飲。之後，我哋仲有蔥油猪扒蛋飯，個豬扒煎得啱啱好，搭配香滑蛋同米飯，真係無得輸。最後，炸雞脾配冬陰功金邊粉，味道夠濃郁，令人食得停唔到口。今日嘅午餐真係食得好開心，大家都話下次要再嚟！

係網上見到佢呢到既炸雞髀好吸引，今次完全係沖住佢而黎! 原來呢到唔止係食越泰菜，仲有港式日式，所以選擇都幾多! 蔥油豬扒蛋飯蔥油好香口，食落有少少微辛既刺激味道。豬扒份量好多，好鐘意佢原先就切好，方便入口，香茅味好重，而且豬扒唔會柴，咬落好鬆軟，加配埋佢特製既黑豉油，比較甜，好好食。炸雞脾配冬陰功金邊粉最期望既炸雞脾完全冇令我失望! 上枱已經feel到佢熱辣辣既氣! 超級juicy，一咬就滴肉汁，肉質好juicy，而且好重蒜味，但唔會過咸，就算食到最尾都keep住見到出緊煙。冬陰功湯底既金邊好惹味，夠曬酸辣! 泰式炭燒豬肉串呢到既串燒肉質鬆軟，佢既沙嗲醬有好濃郁既花生味! 泰奶味道感覺都好地道，茶味濃! 青檸梳打呢D天氣飲真係一流!

朋友帶左我黎呢間餐廳，估唔到雖然係條巷仔入面都咁多人黎食，果然有驚喜。我地叫左幾款黎試泰式炭燒豬頸肉串：炭香好突出，豬頸肉食落又香又滑，完全唔鞋口。油脂分佈啱啱好，唔會肥膩，鹹香味好夠。蔥油豬扒蛋飯：必試！豬扒煎到啱啱好，外脆內嫩，啖啖肉。配埋蔥油香飯真係加分，香氣夠又唔會油淋淋，食到尾都唔會膩。炸雞髀配冬陰功金邊粉：雞髀外脆內嫩，炸粉唔算太厚，咬落仲有肉汁。冬陰功湯底酸辣味夠，飲一啖已經醒神，金邊粉吸湯吸得幾入味。泰式奶茶 & 青檸梳打：兩杯都唔錯，奶茶唔會太甜，奶味夠厚；青檸梳打飲落清新，夏天飲一流。地方雖然唔算大，但乾淨企理，上菜速度快，唔駛等耐。店員都有禮貌，唔會催單或者黑面。以呢個價錢嚟講，Yum Yum真係超值，特別推介豬扒蛋飯同炸雞髀！下次經過一定會再食。

天氣好熱辣辣，就搵左呢間泰國菜食😃泰國菜必叫既串燒泰式炭燒豬肉串 配沙嗲醬豬肉串好軟腍，沙嗲醬都令佢成個味道都昇華左蔥油豬扒蛋飯豬扒香茅味好足，仲好細心咁切到細細舊咁，一啖一舊，味道香口入味，蛋係偏流心咁，就咁蛋漿配蔥油飯就已經好好食，再加埋好入味既豬扒，真係Yum Yum😋 炸雞髀配冬陰功金邊粉炸雞髀勁大隻，外皮香脆，雞肉肉質都好juicy，非常好食，冬陰功金邊粉湯頭勁濃郁，食落好開胃🤤，會不自覺係咁食，非常惹味飲品就叫左青檸檬梳打🍋‍🟩同泰式奶茶泰式奶茶唔會太甜，岩哂香港人口味😆