后海灣小廚

為咗慶祝長輩生日，我哋特意揀咗流浮山一間海鮮餐廳午膳。• 冰鎮鮑魚：提前預留咗冰鎮鮑魚，鮑魚肉質爽滑，鮮味十足，醬汁滲透得剛剛好，係完美嘅開場。• 西芹龍躉炒球：龍躉球煮得恰到好處，完全冇過熟，保持住魚肉嘅彈牙口感，配埋爽脆西芹，清新又有層次。• 豉椒炒蟶子配煎米粉：呢個真係全場焦點！煎得香脆嘅米粉吸晒豉椒醬汁，帶出蟶子嘅鮮甜，香口惹味，絕對係必點之選。• 鹽焗奄仔蟹：蟹肉鮮甜，鹽焗手法保留海鮮原味，食落唔會過鹹。• 豉椒炒鵝腸：鵝腸處理得乾淨，炒得香口又唔油膩，豉椒味濃郁但唔搶味。• 乾炒牛河：夠鑊氣，牛肉嫩滑，河粉唔會黐底，選。整體嚟講，餐廳海鮮同小炒都出色，長輩食得開心。…查看更多

以往曾經食過中午碟頭飯及下午茶，味度向來好一般。今天中午再去，人唔算多，一入門口，收銀女人已毫不客氣地指定你兩位要坐某張圓枱，跟另外兩位食客搭枱，我亦照坐下。怎知坐低後，她還要我跟朋友在圓枱上分開兩邊坐，好像兩位陌生人搭枱一樣！此時剛巧隔離枱走了，我打算坐過去，她又很晦氣地説不可以過去坐。最後我不發一言離開了，那女人亦冇任何回應。今時今日香港旅遊區食店仍然是這樣的招呼。要這樣受氣，係人都走啦！怪不得個個都北上消費。…查看更多

總廚許成之前曾掌管五星級酒店及酒樓廚房，包括聘珍樓，半島酒店中菜部等等。水準極高，但唔平，四千幾蚊食材，六千幾蚊加工費，😝😝。不接街客，要經人介紹。提提大家：位置不易搵。…查看更多

今天趁着放假和家人到流浮山走走，我們每次來這邊都會到后海灣小廚吃飯。餐廳的午餐好抵食，小菜全部都夠鑊氣， $68包括小菜、白飯和湯/ 飲品。招牌咕嚕肉：炸得好香脆、半肥瘦咕嚕肉、甜酸汁都幾好味翡翠炒班球：啖啖肉、斑塊夠新鮮，抵食鵝腸炒河粉：味道一般，豉椒味比較淡魚湯：都算鮮味，加咗芫荽都幾好，喜歡流浮山的紫菜比較爽口食飽飽就去買金蠔、大地魚粉、紫菜、湯包… 每次過來都是滿載而歸，雖然車程超過1小時，但都算不枉此行 …查看更多

星期日和小朋友去流浮山一行，經過后海灣小廚，見裏面咁多人幫襯，諗住食物質數唔會差得去邊。點知入到去無位，收銀叔叔叫我地跟一個陌生男人搭枱，疫情下在沒有隔板的情況下要跟陌生人搭枱我地緊係唔願意，諗住行出門口等一等，點知收銀位個叔叔口噏噏話我地：「搭枱又話唔座，邊有咁多位俾你地……」因帶住口罩，之後果D聽唔到。但果位哥哥態度極差，小朋友仲問叔叔做乜鬧我地。😫雖然沒有幫襯后海灣小廚，唔知食物質素有幾好，但諗住開開心心去食海鮮，冇諗過要受人氣，最後去咗明記海鮮幫襯，雖然價錢貴啲，但招呼好，環境寬躺，食物質素都好好。…查看更多

今日父親節一家4口高高興興去呢間小廚食海鮮湯飯及咕嚕肉, 因呢兩樣之前食過都唔錯。當去到食完比錢既時候, 因今日係我個仔請我食所以由佢比錢。我叫佢記得同收錢既人攞泊車優惠。因為以前都係問佢哋攞番張蓋咗印既紙去路口停車場退錢。不過見個仔比錢好耐都未出嚟就入去睇吓, 原來收錢個4眼男用好差既態度講冇停車場飛就冇。我話停車場冇比飛我, 之前幾次都係講低車牌用張餐廳蓋個印既紙就得。個4眼男又用好差既態度話你幾時攞過點樣攞。我見佢態度咁差就費事理佢, 最多下次唔再去食。不過覺得好可惜明明一間好既店比呢啲態度咁差既人拖累了。…查看更多

睇到社交平台有人推介呢間咕嚕肉， 個餐牌仲寫住"得到你唔信咕嚕肉"，就慕名而來，點知.....咕嚕肉嘅肥肉同瘦肉嘅比例係 9比1，真心講~佢個皮係炸得脆嘅，個酸汁都ok，但啖啖都係肥膏，就真係吞唔落囉。魚湯~有少少鮮味，其他都係胡椒味同埋芫茜味。另外仲叫咗翡翠炒斑球 ，呢個ok啦，中規中矩，成餐飯最值得讚既係杯凍檸茶，茶味好夠，呢個算唔算係驚喜？可能係我黑仔啦(9:1)68蚊個餐食 炸皮囉😔 廚神咕嚕肉 翡翠炒斑球 鮮魚湯:( 凍檸茶…查看更多

早排《宵夜燒到過埋夜》其中一集係去流浮山食好西，我呢d為食鬼又點可以錯過呢「后海灣小廚」完全顛覆咗流浮山只有海鮮食嘅固有想法1️⃣海鮮湯因為太肚餓，相機無機會食白白嘅魚湯，原條黃腳立，仲有花甲，再加埋豆腐、白菜，一啲都唔腥，仲好鮮味 2️⃣涼瓜炒牛肉涼瓜竟然無苦味，令人好多食多幾舊3️⃣豬潤 拼 鵝腸豬潤僅僅熟，食落去係滑鵝腸係爽脆不過呢味餸簡直係挑戰膽固醇嘅表表者🤣4️⃣椒豉蝦蝦嘅肉質爽彈、做法仲好惹味5️⃣椒鹽鮮魷大佬弢指定菜式，炸醬好鬆化，雖然係炸但唔覺油膩6️⃣ 酥炸台山蠔又到食蠔季節，蠔肚漲卜卜，加上薄薄嘅粉醬，外脆內軟，我食到停唔到口7️⃣黑醋骨醒胃菜，又惹味，重點係排骨有口感8️⃣臘味炒芥菜臘味好香，又唔油👍聽聞好快滿座，想食就快d打電話去book枱喇😉…查看更多

尋日放假同朋友入咗流浮山，見到呢間午市價錢都幾親民決定試下～我哋平日禮拜三既中午12：30黎到，剛好唔使等位👏 (走果陣大約13：15就開始要排隊嚕)黎到得返三款當日嘅鮮魚可以揀，包括石蚌，立魚同倉魚，一場嚟到諗住試下啲魚係咪特別新鮮，就問店員邊款比較滑同少骨，佢推介倉魚，話豉汁蒸惹味啲，就信佢啦！(間唔中都會自己買倉魚黎蒸，其餘兩款真係完全唔認識😅 就當可以比較下係咪真係鮮過係市區街市買到既魚😂😂)另外仲叫左個鮮魚湯套餐跟翡翠炒斑球～鮮魚湯幾好飲👍 同出面既魚湯真係唔同，多左層魚既鮮味😋(我地好蠢🤦 無睇清楚個餐單以為跟鮮魚湯及飲品，原來係二選一。。。到我哋發現嗰陣飲品已經嚟咗，唯有俾錢($20)加個魚湯🤦跟住店員好好咁話咁當我哋加杯飲品，因為飲品只係$12)翡翠炒斑球份量正常，大約有四件斑球，魚肉彈牙得黎帶啲紮實口感，魚皮煙韌充滿膠質，配料爽口，雖然少許油膩，但整體不錯～豉汁蒸倉魚食落同我喺市區茶餐廳或者自己買黎蒸冇咩分別，可能豉汁味都遮晒啲鮮味🤣不過係都算多遊客去既地方$48食到原條蒸魚，性價比都幾高👍唯獨呢度既白飯唔好食，完全無米香👎(我份人比較麻煩，食中菜對米飯會特別有要求🙈)食完都有點口渴，我仲好天真咁以為流浮山啲食材咁新鮮應該可以唔駛落味精😂不過整體午餐都值得一試既～…查看更多

因為太遲去到流浮山，想食海鮮，但係間間師傅都落曬場:(。經過呢間，以為普通茶餐廳，唸住求其食啲嘢算。叫左個炒班球午餐同一碗魚蛋米線。魚蛋米線個湯味道一啲都唔淡，比好多地方濃味好多，魚蛋都無差，最好味係嗰兩塊炸魚皮，魚味濃，夠脆，我問有無得買，佢哋話自家製無得賣。$40 連凍飲炒班球份量唔大，班球一啲都唔hea唔係雪嘅，啲魚皮煙韌，炒得有鑊氣，有少少補償食唔到海鮮嘅不快。$70連凍飲同行友人同我一致覺得佢哋個凍擰茶好飲。佢哋話可以帶海鮮去加工，下次再試。…查看更多

去流浮山之前，各路朋友包括gxxgle大神搵到嘅資料都話入面冇間好食，唔洗特別點去揀or睇價錢，因為都係貴+唔好食，咁既然冇食物指南，就睇價錢做人啦，我地主要係去買海鮮自己番去煮，所以想食普通野，而依間有午餐，60～90蚊不等，地方可能近水邊，果日又落雨，邊度都濕濕地咁，餐牌都係濕濕地，入去d姐姐好熱情，4個人幫我地5個人，好快咁我地叫左4個套餐菠蘿咕嚕肉，超級好食！！！唔知係咪冇期望，反而有驚喜，個皮係酥脆，肉唔韌，汁嘅味道正常豆豉魚柳+飯，味道正常，豆豉味唔出，有d失色乾炒牛河，夠wok氣，河粉條條分明，係重口味野，要有心理準備濕炒鵝腸河，唔慣食濕炒河，覺得怪怪地，河粉都係條條分明，不過唔岩自己口味，鵝腸洗得太乾淨，冇左原味…查看更多

流浮山是香港著名吃海鮮的地方 為了吸引遊客 沿著正大街行到盡頭 開闢了一個休閒地方 今天我的目的就是去這裏 正大街有很多食肆 祇有這店很多顧客 我們毫不猶豫就選了這一間 打開餐牌一看 午市收費非常實惠 雖然四人套餐 398及498 不算貴 但大家各自有特別喜好 便決定分道揚鑣 各自點餐蠔仔鮮貝煎蛋飯（58元）大大的一塊蛋餅蓋在飯上 內裏的蠔仔及鮮貝非常新鮮 夾著芫茜及蔥 口感一流 非吃不可豉椒鵝腸炒河（68元）選用新鮮鵝腸 醬汁惹味 正蒸立魚套餐（48元）一條大約八両重的新鮮立魚連一碗飯 一個人吃真是太滿足了菠蘿咕嚕肉飯連鮮魚湯（68元）重點是那碗鮮魚湯 用很多魚煲的 十分鮮味 雖然那碟咕嚕肉 外表很脆但實際上肉很細粒 但那碗魚湯已經足以彌补它的缺點套餐全部都附有餐飲最後吃飽飽離開時 發覺原來這店門前有甜品出售 包括布甸 燉蛋 西米露 價錢也很便宜呢還有 午市是不收加一呢…查看更多

今日星期五，心血來潮…入咗流浮山，經過后海灣小廚，見到午餐餐牌有很多選擇，在門口望入去飯店，環境企理，於是決定入去一試，可能到達時尚早（11:45am)，我們是第一枱客。我們兩人分別點了1. 鮮魚餐 - $48，有4款魚選擇：三刀，今古，䱽魚，𩶘魚。可以選擇清蒸或豉汁蒸嘅煮法，我揀了清蒸三刀。2. 乾炒牛河 - $58送熱飲，如轉凍飲加$2。十分推介鮮魚餐，因為魚十分新鮮，而且不是魚毛，真係大滿足，雖然白飯有點硬，但以呢個價錢絕對可以接受😌乾炒牛河有鑊氣，賣相都唔錯，味道適中，正常好味，配辣椒醬…正，但未至於必食之選！至於飲品，點了一杯熱奶茶一杯凍奶茶，普普通通。特別一提，到了大約12:30pm，已經坐無虛席。 之後行咗去近海邊，發現了兩隻鴨仔同一個機械人…即管打吓咭啦😆😆食物：⭐️⭐️⭐️⭐️環境：⭐️⭐️⭐️服務：⭐️⭐️⭐️CP值： ⭐️⭐️⭐️⭐️…查看更多