合和軒

聽到老細講呢度免開瓶，即刻約兄弟來食！同兄弟主要都係叫D惹味野來送酒😋我地結果叫左3個野食。叫左個一品砂鍋炒飯🍚炒飯粒粒分明，乾身得嚟又唔會太硬，仲要入面有勁多料係上面，有滿滿蝦肉蟹肉碎，加埋D蔥粒同飯香完美融合，每一啖都好豐富但又唔會好濃味。然後我好鐘意食芋頭，就叩左佢地秋冬限定的荔芋南瓜臘味煲，食落幾正，荔芋粉糯、南瓜香甜、臘味鹹香，三種味道又好夾！👍🏻都叫碟菜清清地，叫左蘭遠炒臘味，簡簡單單，同朋友邊食邊飲邊傾，今日呢餐飯真係食得好滿足！總括食物好味，餐廳服務都好加分，碟碟都唔係好貴，人均我地咁食都係300蚊左右，而且仲免開瓶費自己帶定靚酒嚟嘆！🥂下次一定會再嚟！🔋…查看更多

上星期五老闆生日當天，他提議到新開的合和酒店中餐廳飲茶，預早在網上訂了位，去到的時候，我忘記用什麼名字訂枱，帶位並沒有問我電話號碼幫我查，讓我在reception自己搜尋了好幾分鐘告訴她網上訂位編號，她才幫我安排入坐，這不是她份內事嗎🤔；酒樓內的燈光偏白、裝修和擺設略舊式，不太時尚，唯一好處是枱與枱之間有相當的距離、傾計有私隱。看到枱面有個牌註明正價食物有八五折及送飲品，隨即叫侍應過來查問，但她告訴我只是適用於酒店住客，我問她為何沒有註明，她說印漏咗😐我們點了三個點心、一碟炒飯、兩碗蛇羹、兩個甜品，食物味道都算幾好，雖然賣相十分普通（以這價錢而言），最後，侍應也算細心，我們忘記點壽桃包，想取消一個甜品改壽桃包，她竟然說可送給我們吃，這無疑讓我對這食肆加分👍🏻…查看更多

今晚約左十世無見的大學同學食飯，佢又想食中式野，就搵左間呢間靜靜地的餐廳食。叩左幾樣野全部好滿意。✨啫啫鮑魚雞煲 ： 鮑魚仔彈牙得嚟吸盡醬香，雞件嫩滑唔鞋口，醬汁濃郁最正係墊底嘅蒜頭透哂，好食到癲！✨蘭遠炒臘味 ： 炒菜翠綠，爽脆，臘腸油潤。✨荔芋南瓜臘味煲 ：芋頭南瓜燜到極粉，臘肉油分滲透每啖都有油香口感實淨，撈勻食雙重口感同味道 👏 侍應提醒要趁熱食～埋單連加一$800有找，OpenRice訂位仲有85折，仲有免費泊車優惠！今餐聚舊飯體驗真好！…查看更多

同好耐冇見嘅姊妹喺合和酒店Chill食中菜🌆！我哋被安排坐大堂，我地兩個唔係好大食，少少地散叫黎試試佢。荔芋南瓜臘味煲 95分一上檯即刻湧出臘腸香🔥！視覺震撼因為極大煲又多料，芋頭好多件🍠，咬落超級粉糯，加上南瓜，既有甜味又香糯，配合臘味鹹香🎃，好夾，雖然邪惡但忍唔住清晒！蘭遠炒臘味 88分臘腸油香豐富，一食就知是優質貨！菜莖爽脆無渣～略嫌臘肉比例少咗啲。生炒瑤柱臘味糯米飯 92分食得出廚師手藝同心機✨！材料有滿滿的瑤柱絲、臘味、蛋絲，極有誠意；飯粒粒分明又夠香，加上花生粒好香口，最驚喜係飯底唔油好乾身🍘！非常出色✨呢度正就正在大堂極闊落，最正係完全冇趕人壓力，我哋傾足三粒鐘都冇人嚟收碟暗示離場👯‍♀️！加上服務好唔hardsell，又會建議點叫野食，最抵讚係冇硬推酒精飲品🍷。總結：人均$400有找，喺酒店中菜屬高性價比💯！記得OpenRice訂位有85折✨🧡！📍 實用資訊合和中心20樓｜訂位：OpenRice/官網⏰ 晚市 18:00-21:30 (最後落單21:00)💰 優惠 包廂免低消及免開瓶費🚗 消費滿$600享3小時泊車…查看更多

週末快樂時光，晚餐同老公二人小約會，去左合和酒店20樓中菜餐廳撐檯腳。餐廳廳面寬敞舒適，傾計自在😊 呢度有16間中式廂，部分有小小窗景，氣場安穩溫暖💕 如果同家人朋友食飯包房就好適合，不過今次食飯兩個人坐出面都OK。今次叫返我們必食叉燒蛋撻同埋試試佢新秋冬餐牌。合和黑毛豬叉燒 評分：4.5/5。經典穩定厚薄一致，邊位微焦帶蜜香，火候拿捏準，厚肉多汁😋酥皮蛋撻仔 評分：4/5。酥皮層次分明，咬落鬆化帶牛油香，蛋心滑溜不過甜，熱辣辣，從未令我地失望🥰臘肉白鱔煲飯 評分：4.5/5。火候是關鍵，有米香飯粒分明，飯焦脆而不硬，臘肉鹹香滲進飯底，油香甘甜送飯一流，白鱔大大條又肥美，啖啖肉，同臘肉的油香雙重衝擊，好正！加埋豉油提味，我同老公不知不覺就食光光！比起出面的煲仔飯名店，絕對唔輸🔥今次我地係OpenRice訂位仲有單點85折，滿$600享3小時免費泊車，酒店食飯黎講非常抵食！呢度餐牌選擇超多， 加上員工服務親切，值得推介😊整體係穩打穩紮的當代粵菜晚餐，味道與火候表現踏實👍 餐廳可容納286位；晚餐18:00-21:30、午市12:00-14:00，無用餐時間限制⌛ 包廂免低消，私隱度高；可訂製菜單，連中國珍饈稀見菜式都能安排，二人世界食得安心開心😉…查看更多

晚市上到合和酒店20樓，與好姐妹兩人為生日小聚🎂。餐廳寬敞舒適，柔和偏黃燈光襯得溫暖🍯。呢度有16個個包廂，中式傳統藝術風格，私隱度高，部分還有小窗景🪟。不過今次因為太遲訂房，只可以坐大廳，好彩出面都好大好舒服。呢度主打當代粵菜與創意演繹，選擇超多📜。我地最後揀左佢呢期最新出既二人套餐試試。合和軒晚市套餐($698/2位)編排有層次：前菜三小碟—合和黑豚肉叉燒、涼拌紅蜇頭、麻辣手撕雞先開胃，其後上羊肚菌淮山螺頭燉雞湯，接着熱炒菜遠炒斑球、韭黃滑蛋炒蝦球、啫啫芥蘭煲，最後以絲苗白飯配甜梅菜蒸肉餅，糖水糕點收尾，配茶勤添水，節奏由清到濃，服務編排恰當。合和黑豚肉叉燒 🫶🏻🫶🏻🫶🏻🫶🏻🫶🏻：厚切但不失嫩，脂香均勻，邊位微焦帶蜜香，鹹甜拿捏得好，溫度控制令肉汁鎖住，炭香集中外沿，油而不膩。羊肚菌淮山螺頭燉雞湯 🫶🏻🫶🏻🫶🏻🫶🏻：湯色清亮無油，先聞菌香，入口螺頭鮮甜帶骨香，味道非常清甜。甜梅菜蒸肉餅 🫶🏻🫶🏻🫶🏻🫶🏻：手剁質感，鬆中帶彈，梅菜甜鹹平衡，湯汁撈絲苗白飯正好。呢度唔算難Book位，可官網或OpenRice訂位，單點經OpenRice有85折；無開瓶費🍷滿$600送3小時泊車🅿️。…查看更多

第一次去呢間中菜，位置係合和酒店20樓，一望大廳係柔和嘅鵝黃燈光，暗暗地咁，侍應帶我埋位，間野雖然冇景睇但勝在夠靜，啱晒同客戶傾生意。冷氣溫度剛好，唔會凍到要搶雞湯飲，亦無油煙味黐身，加分！我地就叫左個2人餐試試佢。「4.5 合和黑豚肉叉燒」蜜糖釉光閃到反光，肥瘦層次似威化餅咁脆口，又有油香又有肉味。「4 涼拌紅蜇頭」爽到似踩雪地，麻油香同陳醋比例啱啱好，開胃到想encore。「3.8 麻辣手撕雞」微微有辣但温和，雞肉絲略乾，似健身餐版本，配白飯就剛好。「4.2菜遠炒斑球」斑塊厚切過手指，煎皮脆肉嫩，菜心苗嫩綠無渣，鑊氣足。「4 韭黃滑蛋炒蝦球」滑蛋流心度100分，蝦球爽彈好味，但韭黃太少。「5 羊肚菌淮山螺頭燉雞湯」飲一啖喉嚨即刻潤晒，螺頭甜味同菌香撞出深度，雞肉仲keep住嫩滑，絕對係今晚MVP！「4.1芥末和牛粒」外層焦脆內裡剛好，芥辣好輕身唔係好食得出。「3.5 啫啫芥蘭煲」蝦醬鹹香搶鏡，但芥蘭莖部未削皮有啲扣分，總體不過不失。【💡總結】侍應換碟都算密。啫啫煲仲會「咋咋」聲衝到面前。人均$400食到酒店中菜，OpenRice仲可以訂位，如果散食仲有85折，性價比極高！…查看更多

帶內地朋友四人登上合和酒店20樓的合和軒，晚市入座寬敞包廂，私密度高，這裡菜式走經典粵菜路線。我們今晚點晚市四人套餐分享美食。🍵✨合和軒晚市套餐($1388/4位)，分量剛好，四人吃得滿足。92 合和黑豚肉叉燒：蜜香不膩，肉汁滿滿，每片厚厚的，品質在線。90 涼拌紅蜇頭：爽彈清脆，夏夜開胃🥗。88 麻辣手撕雞：辣度溫和，雞皮同雞肉不會太鞋，鹹香有辛辣味。93 是日燉湯：草本清甘，油花少，入口和順，溫泉窩心的味道。91 菜遠炒斑球：斑球外層微粉香，內裡嫩滑，菜遠脆綠，鑊氣足🐟。94 本地農場豆酥雞(半隻)：雞油香與蒜香貼合，皮薄肉嫩🍗。89 甜梅菜蒸肉餅：鹹甜平衡，梅菜香同肉餅混得好好，唔會有唔好的筋位，肉質又鬆軟，送飯一流。90 啫啫芥蘭煲：啫啫聲上檯，蒜香撲鼻，莖位爽甜，醬色不過重夠哂味。87 絲苗白飯、精選糖水及糕點：米香分明，甜品端得體面，收尾清雅。整體出品的品質穩定性讓人放心。同朋友黎如果有車就仲正，食夠HK$600就可阮3個鐘泊車;)…查看更多

中午同三位好姐妹上到合和酒店20樓嘅合和軒🍽️☕傾婚禮進度💍。餐廳寬敞舒適、無限時，服務親切🙂地方大又寬落，最啱傾計。今次揀合和軒午巿套餐($968/4人)：▶️合和黑毛豬叉燒 92分：外表微焦帶蜜香，肥瘦分明，肉質軟腍帶彈性，鹹甜拿捏得好，不覺膩。▶️蝶豆花野菌粿 88分：晶瑩藍調吸睛，粿皮煙靭，野菌清香突出，油分輕，口感有層次。▶️鮮蝦春卷 85分：皮夠脆，蝦肉爽彈，油控得宜，咬落清爽不滯。▶️是日燉湯 90分：湯色清澈，火候足，清甜帶幽香，入口溫潤舒服，暖胃一流。▶️本地農場炸子雞（半隻） 91分：皮薄脆響口，雞香撲鼻，腿位多汁、胸位仍保濕潤，鹹香勻稱。▶️南乳炆粗齋 86分：南乳香濃不過鹹，蔬菇豆品吸汁入味，軟糯中帶嚼感，齋菜都夠滿足。▶️豉椒排骨炒河 89分：鑊氣到位，河粉滑而不糊，豉椒香掛喉，排骨鬆化，油而不膩。▶️精選糖水及糕點 84分：甜度剛剛好唔太甜，口感清爽，作結尾剛剛好。整體滿足度高👍；地方夠大談婚事無壓力，最多可容納286人，之後擺酒都啱參考🍾。…查看更多

前幾日難得休假，專登去咗灣仔嘆個點心午餐✨。餐廳環境幾雅緻㗎，燈光柔和，幾舒服😌。空間闊落又唔會迫，呢度有個$268lunch set 好抵食，檯檯都叫，我都唔執輸～1. 前菜拼盤✨評分：8.5/10第一件先食嘅係紅油貴妃雞🍗，賣相精緻，雞肉嫩滑得嚟仲帶少少辣味🌶️，好開胃！跟住係蝦餃🦐，蝦肉爽口彈牙，筍尖清甜，皮薄得嚟唔會爛，好味！ 叉燒酥乾身唔油，正常發揮。2. 酸辣海皇羹✨評分：8.5/10酸辣味適中，海皇羹鮮味足，木耳絲爽口彈牙，好味！3. 菌皇醬野菌炆伊麵✨評分：8/10菌皇醬香濃，野菌炆得入味，伊麵煙韌得嚟唔會太腍，好味！係份量少左D，男士都真係唔多夠食4. 奶香合桃露湯✨評分：9/10奶香味香濃，合桃露湯圓煙韌得嚟唔會太甜！5. 懷舊芝麻卷✨評分：8/10芝麻卷煙韌得嚟唔會太硬，芝麻香濃，食落去好滿足！食物溫度同上菜速度都保持得唔錯👌。值得一試！😋📍餐廳資訊📍🏠 合和酒店20樓⏰ 午餐營業時間：12:00-14:00🔟 收加一服務費💳 支付方式：現金、信用卡🅿 免費泊車優惠：累積消費滿港幣$600或以上，即享3小時免費泊車優惠📌 重點優惠：Openrice訂位單點85折 + 包廂免低消 + 免開瓶費…查看更多

午市時段同同事蛇去灣仔chill個lunch。兩人選了$268/人的午市套餐～紅油貴妃雞 (7/10)雞肉嫩滑不柴，紅油香麻卻不嗆喉，可惜醬汁稍少。筍尖鮮蝦餃 (9/10) 🌟 🌟 🌟 🌟薄透外皮下爆出彈牙鮮蝦，筍丁脆爽提鮮，真啖啖鮮味！蜜汁叉燒酥 (8.5/10)  🌟 🌟 🌟微焦酥皮+半肥瘦肉丁，咸香間又有蜜甜味，鹹甜平衡💯 但放涼後油膩感浮現⋯⋯建議上桌3分鐘內消滅！奶香合桃露湯圓 (7/10)溫熱濃稠，好足料。懷舊芝麻卷 (7/10)芝麻香偏淡，雖然有傳統的Q彈煙韌但風味普通。是日燉湯：椰子螺頭燉雞 (8/10) 🥥清澈湯頭有陣陣椰香溫柔包覆老雞鮮味，螺肉嫩中帶脆，飲完暖笠笠！榨菜火鴨絲炆鴛鴦米 (9/10) 🌟 🌟 🌟 🌟全場MVP！米粉香氣十足，鴨絲量夠大方，如果配XO醬更是一流✨💡 總結：🍜  $268套餐CP值在種類足！12:30入座到14:00離場，出菜間隔約15-20分鐘，節奏岩岩好👌 呢度沒開瓶費可以帶酒放鬆ℹ️ 實用資訊> ｜人均：$268套餐+$30茶位+10% (約$330)> ｜泊車：消費滿$600享3小時免費> ｜訂位：OpenRice/官網> ｜彩蛋：私密包廂免低消！…查看更多

午間開會空檔衝上合和酒店20樓，坐進寬敞舒適的中式雅緻空間，舒服之餘人員服務都非常親切🙂。店內氛圍穩定不喧嘩加上單點選擇超多🍵🥢，怪不得中午都幾多人。整體是充滿儀式感的味覺體驗，出品節奏與趁熱率表現理想。合和黑毛豬叉燒 4.5/5，肥瘦分明唔係好甜，又唔會好細舊；鮮肉小籠包 4/5，皮薄多湯，有肉味同湯清甜味；香蔥牛肉胡椒餅 4/5，外皮酥脆，黑胡椒辛香托出牛甜，熱咬最過癮。酸辣海皇羹 4.5/5，酸度清爽、胡椒微暖，勾芡輕身不糊口。古早醬油牛鬆炒飯 4/5，米粒分明帶鑊氣，醬油香把牛鬆連起來，收口不會重鹹。奶香合桃露湯圓 4/5，堅果香濃滑；懷舊芝麻卷 3.5/5，軟糯清香但層次略單薄。合和軒午市套餐$268/位(1人)，茶位$30，份量還好唔會食到飽飽滯滯，方便之後開會唔會太睡意滿滿。…查看更多

今晚趁全趕好左個公司大project，想靜靜哋享受一餐嘅我就去左呢間酒店中菜。今次坐大廳，一坐低，侍應遞上熱辣辣嘅普洱 ☕，慢慢飲口茶即刻沖走咗幾個月嘅疲憊。今次就簡單叫份1人套餐加份炭燒腩肉椒鹽鮑魚仔 (8/10)細細粒但彈牙到爆！椒鹽香夠惹味，外皮微脆，咬落咸香得黎又有少少鮮味，係有少少油。陳醋青瓜紅蜇頭 (7.5/10)青瓜爽脆，蜇頭咬落「索索」聲，陳醋汁酸得嚟帶絲絲甜，開胃首選。可惜蜇頭份量偏少，食兩啖就清碟 🥒。炭燒金磚腩肉 (9/10) 追加必試！肥瘦層次分明，皮脆到「咔嚓」一聲，肉質鬆化得嚟唔黐牙，油香十足🐷🔥。韭黃滑蛋炒蝦球 (8.5/10)*蝦球大隻爽甜，滑蛋火候啱啱好，韭黃香氣突出，整體鑊氣足又唔會太油，送飯一流 🍤🍳。陳皮蓮子紅豆沙 (7/10)傳統糖水穩陣之作，陳皮香含蓄，紅豆煲到起沙🥣。服務編排夠貼心，上菜節奏好，快慢得宜，頭盤、湯、主菜逐道嚟，唔會堆到成枱都係。經典菜式功夫扎實，燉湯清甜無味精，時蔬炒得翠綠，睇得出廚師手勢穩定 👨🍳。一個人都可以盡，食到飽飽又好滿足 💆‍♂️✨！呢度嘅環境同食物質素對得住價錢，下次想靜靜哋食中菜一定會再嚟。#合和軒 #獨食記 #炭燒腩肉邪惡之選 #粵菜功夫 #靜靜雞慶功…查看更多

今天是特別的日子，和另一半來個小小的慶祝。餐廳的燈光是暖暖的鵝黃色，讓人感覺很放鬆。空間很大，座位間隔也很寬敞，私密性很好。雖然沒有窗外的景色，但整個氛圍很棒，是個適合安靜享受美食的地方。服務人員態度感覺很親切。🥰 期待著接下來的美食之旅。🥂➡️合和黑豚肉叉燒、涼拌紅蜇頭、麻辣手撕雞拼盤：🤍🤍🤍🤍 這道開胃菜拼盤，叉燒肥瘦適中，蜜汁均勻，入口即化。紅蜇頭口感爽脆，酸酸甜甜的很開胃。麻辣手撕雞麻辣鮮香，雞肉很嫩，三種味道層次分明👍。➡️菜遠炒斑球：🤍🤍🤍🤍🤍 斑球非常新鮮，肉質好厚肉夠彈牙，最正係無骨嘐嘛，搭配清爽的菜遠，口感豐富。火候掌握得恰到好處，既保留了斑球的鮮味，又讓蔬菜保持了爽脆，清淡不油膩，很棒！➡️韭黃滑蛋炒蝦球：🤍🤍🤍 這道菜比較普通，蝦球新鮮飽滿，但韭黃的味道有點蓋過蝦的鮮味，滑蛋的口感也稍嫌油膩。➡️羊肚菌淮山螺頭燉雞湯：🤍🤍🤍🤍🤍 這盅湯絕對是精華！湯頭清澈，味道濃郁，羊肚菌的獨特香味和螺頭的鮮甜完美融合，雞肉燉得軟爛入味，淮山也增加了湯的營養價值，暖心暖胃。🥰➡️上湯浸菜苗：🤍🤍🤍🤍 簡單卻不失美味的一道菜，菜苗翠綠鮮嫩，上湯清淡，更能凸顯菜苗本身的清甜，吃完濃郁的菜式，來一口清淡的，非常舒服。➡️芥末和牛粒：🤍🤍🤍🤍 和牛粒肉味香濃，肉汁豐富，芥末的味道恰到好處，淡口的但卻能提升和牛的鮮味，又不會過於刺激，口感豐富，份量又多。🥰這次的用餐體驗非常棒！🥰 菜品的味道都很不錯，係酒店環境食到咁多經典菜式。環境很舒適，服務也很周到。🥂 約會氛圍感測評：燈光柔和、環境安靜、私密性高。下次有機會一定會再來試試其他的菜品。💕#合和軒 #粵菜 #生日餐 #情侶約會 #美食日記…查看更多

七週年嘆晚餐，我哋兩公婆上到合和酒店中菜廳慶祝，店內空間闊落，人員服務又好親切。🍵🎉💍椒鹽鮑魚仔 😋😋😋😋：鮑魚仔細細舊咬落彈口。陳醋青瓜紅蜇頭 😋😋😋😋😋：陳醋酸度俐落，青瓜蜇頭爽脆，開胃首選。皮蛋酸薑 😋😋😋😋：皮蛋綿滑，酸薑脆酸，比例舒服。是日燉湯 😋😋😋😋😋：湯色清亮、火喉足，暖胃好味。合和軒小炒王 😋😋😋😋：韭菜花爽甜，蝦乾、乾魷魚、銀魚仔同腰果炒到香脆，蝦仁肉絲添鮮味。咖哩薯仔牛筋腩煲 😋😋😋😋：咖哩味濃郁而牛筋腩稔滑不膩，趁熱撈飯食最好。清炒時蔬 😋😋😋😋：翠綠爽甜。陳皮蓮子紅豆沙 😋😋😋😋😋：砂感幼滑，陳皮幽香壓得住甜度，蓮子腍而不粉。總結：兩位晚餐氣氛穩妥，野食平穩，最重要服務夠體貼，絕對係固定慶祝好地方！…查看更多