古今二 (觀塘工業中心)

营业中

休息中

用料上乘的古今二😍今日來已經第二次了，因上次來吃已好ok，今日再來回味😁坐落就點咗一個三文魚鍋湯和糖，一份青龍卷，一個龍捲風，和煎豆腐，龍捲風和青龍卷一齊上，擺設得精美吸晴，😻😻青龍卷用上優質牛油果加上肥美鰻魚，是我最愛的卷物，龍卷風亦十分出色，👍我地吃到停不了口，煎豆腐好入味，外脆內軟，豆味十足，配上燒汁是絕配好味道！😍😍熱辣辣三文魚鍋來了，用上精美鐵鍋十分足料盛上，奶白色魚湯，配上三文魚顏色，雪白日本豆腐，非常吸晴，飲落更要赞贊，十分之鮮甜美味，魚味十足，一點兒腥味都沒有，娃娃菜冧甜無渣，豆腐用上日本豆腐，豆味特香、特滑👍和老公仔連飲兩碗，連三文魚頭都吃乾淨，非常滿足美味！😻😻

古今二喺香港都有好幾間分店，實力毋庸置疑，今次一試觀塘分店，果然名不虛傳！餐廳嘅用料上乘，招牌菜忘不了你同埋煙花更加係食到停唔到口！1️⃣忘不了你⭐️⭐️⭐️⭐️由芒果、炸牛肉同埋芝士製成嘅卷物，味道非常特別，甜嘅芒果襯住鹹嘅牛肉，口感豐富有好多層次，芝士非常香，食得多普通嘅反卷不妨一試！2️⃣煙花⭐️⭐️⭐️⭐️由辣味三文魚同埋吞拿魚組成,兩種新鮮嘅魚生,加上滿滿嘅蟹籽，鍾意刺身嘅你絕對不能錯過！3️⃣蟹柳沙律+燒雞腎⭐️⭐️⭐️⭐️沙律有好多蟹柳，啲菜都好Fresh~最正係燒雞腎，火候剛剛好，加上少少味粉調味，好香口惹味~~最後值得一讚係兩杯嘢飲，大大杯食晒成餐飯都未飲晒，下次嚟到都記得要試下熱情果芒果梳打，酸酸甜甜夠晒開胃醒神解渴😋

.工廈隱世小店，主打創意特色料理，有多款菜式，好食之餘又可以打卡😋.日式炒烏冬 $98上面鋪滿木魚絲，配料有名門卷、娃娃菜、紅椒等等，烏冬炒得好惹味，每條烏冬都沾上醬汁，甜甜地好正🤤金龍卷 $98擺盤好靚，打卡一流😆卷物上面鋪咗厚厚嘅三文魚🤤非常吸引😆而中間有芝士同炸蝦，炸蝦脆卜卜，好香口，但係又唔會好油😆推薦💛.櫻花蝦茄子燒 $68整條茄子開邊燒，好大條，而且燒得好香，吸晒d醬汁，好夠味，又唔會太鹹，配埋櫻花蝦，口感豐富🤤

觀塘工業區入邊有間古今二，呢間舖頭出名卷物，今日收工就同朋友就嚟咗呢度食。晚餐可能因為我哋早嚟唔使等位，直接入得，餐廳環境 casual睇咗一下餐牌，好似點心紙咁樣落單因為古今二出名食卷物啦，我哋就點咗煙花同埋超級龍捲風呢兩款卷物。煙花$79 & 超級龍捲風$88上就係一齊放喺同一個碟嗰度，超級龍捲風有脆炸嘅蝦同埋鰻魚加啲芝士做呢個卷物，煙花就係上面鋪滿咗吞拿魚魚蓉加蟹籽粒既卷物。黑豚豬頸肉串燒$28 & 鹽燒雞中翼串$28兩串串燒新鮮熱辣，鹽味夠，黑豚豬頸肉間肥間瘦，雞中翼拆開攤開燒，幾特別。炒野菜$75大白菜芽菜即炒，熱上，目魚絲在上面跳舞咁郁兩個人食咁多，係有啲唔夠，無計啦，唔夠💸💸叫多d😅

呢間餐廳係官塘工業中心1樓，地點都幾方便，就係地鐵隔離，我同朋友都覺得餐廳名幾特別，叫「古今二」，一於去試下😋座位好闊落，坐得幾舒服👍睇餐牌都幾多選擇，d食物相都好吸引😍我地最後揀咗以下幾款：龍卷風沙律($76)份量好足，好大盤，擺盤擺得好靚😍，材料有生菜，蟹柳，蟹籽，中華沙律，脆片，好豐富，沙律加埋少少辣既醬汁，食落好開胃👍👍雜錦天婦羅（$88）總共有3款，裡面有蝦，紫薯同秋葵，各有各特色，外皮好香脆可口，唔油膩，亦保留咗餡料既鮮甜味忘不了您（$98）個名好正😍賣相亦好靚，一條長長既卷物，卷物上面有芒果同芥未醬，蛋黃醬等，卷物中間包住炸牛肉，咬落去好脆，再混合埋芝士、芒果同埋芥末蛋黃等醬汁一齊食，味道好夾😍😍果然係一食難忘，同個名好襯😆食完真係「忘不了您」火山（$128）火山好岩打卡，侍應會點著兩邊既海鹽，好似比火龍包圍住甘😍😍賣相超靚佢主要係帶子，青瓜，牛油果，蟹柳，同埋蟹籽，食材好新鮮，好正，好好味👍整體我地都幾滿意呢間餐廳，食物好高質，侍應態度都好nice，好有禮貌，值得一讚👍

之前食過另外分店覺不錯，經開觀塘又想試吓，這裡坐得舒服空間感唔會覺迫，選擇依然不少，最後叫左2個小食和2個卷物不用$390/2人。雜錦天婦羅，份量不少而且不油身。蝦份量不少，仲有蔬菜秋葵不會炸得乾幾好，雜錦款式不少。埼玉網燒牛舌，口感有點燶脆口，幾滑身，厚度都可以。再食特色卷物價錢不用$100份量都不少。超級龍卷風 海老幾大條，配上芝士和青瓜都幾清新，卷面上加咗脆片就口感多了不少。忘不了你 芒果帶酸甜再加醬汁帶點辣，第一次食炸牛肉幾特別，芝士味都濃。

之前係荃灣已經食過一次古今二，今日老公拎開野去觀塘整，叫我收工去觀塘食飯。落雨濕濕又凍，我唔想濕到身，係地鐵站一出見到古今二既宣傳牌，諗都唔諗入去啦，凍冰冰唔想再四圍搵食，見到有間食過好食既就唔使諗其他。觀塘古今二係工廠大廈，店內都行工業風，同荃灣店好唔同。環境比較闊落，多卡位，坐得舒服。上次試左柚子沙律，今次試佢個招牌龍捲風沙律，佢d 蟹柳多到爆，仲有海藻，食落爽爽地，最特別係佢個沙律醬，辣辣地，老公唔食辣都食到，幾開胃再叫左個大阪自家製炸雞，熱辣辣即刻炸，咬開仲有肉汁彈出黎，本身又有醃左，好香口又好味卷物我認為係古今二既靈魂，上次試左蜘蛛，今次叫金龍卷，係吉列蝦+三文魚，吉列蝦係暖暖地，証明唔係一早整定我最後叫個甜品炸芝士年糕，芝士又係咇哂出黎，足哂料古今二永遠唔會令我失望！

觀塘工業中心一樓開咗幾間食肆，其中一間(古今二)吃日本菜式，午餐有定食、炸物、特色手卷……等。店舖裝潢很有工業風味又夾雜日本style，座位寬敞，店員都很有禮貌，在店舖環境熏陶下享用午餐。❣️葱牛卷~葱既香味有獨特辛辣味配上嫩滑軟腍肥牛，再醮上稀稠醬汁，令葱牛卷更加提升味道❣️金龍卷~ 面層點綴細細片芝士、再下一層三文魚，再嚟酥脆外層卷着甜美鮮蝦，配上廚師精湛手藝卷入香噴噴軟糯日本飯團❣️雜錦天婦羅~薄薄酥脆外層炸蝦淡淡油香味，更能品嚐鮮蝦鮮甜味。很多人不能接受秋葵的粘液，但天婦羅秋葵就能避免啦!而且更添上淡淡清香。天婦羅紫薯軟糯清甜❣️炒野菜~日式炒野菜蒜蓉濃香，清爽香口

今日同朋友食飯，喺觀塘工業中心約咗一間個名好特別，叫古今二嘅餐廳，位置好近地鐵站，出地鐵站之後行一陣就到嚟到餐廳門口，發現佢嘅裝修都好有特色，喺外邊睇充滿懷舊日本風味見到門口嘅水牌，發現佢哋原來手卷好有特色，除咗個名夠晒特別之外，入邊嘅餡料都好吸引餐牌見到佢除咗手卷之外，原來仲有唔少嘅日本魚生飯食首先我哋前菜叫咗個龍捲風沙律，睇圖片以為細細碗，點知嚟到簡直超級大碗入邊除咗蟹籽蟹柳仲有中華沙律，而且佢嘅沙律菜仲好好味我哋期待咗好耐嘅金龍卷終於嚟到，估唔到咁長咁大條，入邊係炸蝦，再加埋少少醬料，非常好味，入口脆卜卜呢款蔥牛卷都非常有特色，好有日本居酒屋嘅味道，而且入口香噴噴熱辣辣，好想再叫多一碟主食方面我哋叫咗個日式炒烏冬，烏冬嚟到嘅時候熱辣辣，上邊嘅木魚仲喺度郁嚟郁去，非常吸睛呢度嘅食物好，樣樣都大大碟，唔驚食唔飽，我哋兩個人買單都係每人百零蚊，非常抵食

呢間位於官塘工業中心一樓的日本餐廳是朋友帶我來的，餐廳外表有少少似鐵皮屋的感覺但內部裝修卻不一樣，環境闊落不擠迫，全是方形枱，牆身兩邊有壁畫和酒樽作裝飾。古今二日本料理以多款卷物🍣做食材，點餐紙的菜名勁爆，很有創意。有「龍捲風沙律🥗」，「超級龍捲風卷」，「蕉魔」，「忍者双辣」，仲有「火山」，「煙花」，「東京爆脆」等卷物，menu好多選擇除了特色卷物🍣，有刺生，手握壽司🍣，沙律🥗等......有趣的菜名「柚想蝦你沙律」$98，有甜柚子粒、脆口生菜🥬、鮮甜蝦仁🦐、牛油果粒🥑、海草、蟹子、蘋果粒🍏和車厘茄，加入柚子汁酸酸甜甜很開胃！🫶鹿兒島荔枝串燒🍡$32，係有豚肉片🥓包住粒荔枝，完全食到荔枝味，但又唔會有水果燒過頭過甜的情況，可中和豚肉🥓的肥膩感。👍海老天婦羅🍤$88，即叫即炸脆漿夠曬薄身，食入口鬆脆之餘唔會蓋過海老🍤的味道，海老🍤大大隻啖啖肉！😋富士山$88入面是鰻魚牛油果🥑壽司，上面鋪滿好多蟹柳，蟹柳成座山咁高！😍總括來說是一間有特色嘅日本料理餐廳。👍

地址在工廈，但比想象中易去，就係地鐵站旁，上一層樓梯就到左，而且門外裝飾得好有格調😊- ⭐️推介⭐️ 雜錦天婦羅🍤 💲88一碟有齊三樣野（蝦、紫薯、仲有一款記唔起😆），每款兩件，兩個人食好fit👍🏻- ⭐️推介⭐️ 金龍卷🐲 💲98睇食評見好出名，就叫來試試，三文魚、炸蝦、芝士既配搭真係冇得輸😍仲要有整埋隻龍頭同龍尾，for埋你打卡😆- 炸雞芝士卷🐥 💲58兩款都芝士之下，呢款就有少少比下去，食落比較似雞肉卷，不過不失。- 柚想蝦你沙律🥗 💲98的確係超多水果係入面，蘋果、柚子、牛油果、車厘茄⋯⋯⋯⋯而且無敵大盤，我估4個人先食得晒😆係清新好味既👍🏻- 日式冷麵🍜 💲92都係超級大碗，相信如果食晒佢，就唔會再食到其他野😅 麵幾彈牙爽口，不過不失。係工廈入面係一個幾舒服既角落，食物都算幾美味，係叫既時候點得太多卷物、沙律同麵，好快已經好濟，試唔到太多特色及值得推介既野～整體都係幾精緻好味既一餐！

今日行開觀塘 所以就黎左依間工廈食個簡單嘅晚餐餐廳地點都易搵需然係工廈，但入面個環境都ok, 乾淨企理，日系風menu 好厚，好多選擇。可惜我今日冇打算食太多，簡簡單單試下味先xd沙律嘅菜都幾新鮮，而且佢嘅菜的種類比較多，仲有d 蟹柳絲，令個味道層次豐富左蔥牛卷好正，蔥同埋牛都好入味，份量又多。牛都軟唔韌，值得一試炸蝦卷嘅份量一樣好足。蝦肉彈牙，包住蝦嘅個層粉都好輕簿酥脆。個人覺得如果醬料嘅份量少d 就更加perfect最尾依個菜式：火山。就打卡感十足，飯上面嘅都係蟹柳（冇辦法，個朋友近排迷上左🙈）不過好彩佢e 間野嘅蟹柳味道都唔錯～但當然如果我下次自己黎/同其他人黎食絕對會証下間店嘅其他菜式，畢竟人地個menu 咁厚。。。

大半年前同朋友嚟食過，兩個人埋單$1500，叫咗沙律、刺身、鍋物兩份、串燒等等，水準中等，除咗海膽真係好唔新鮮之外，最後食唔晒打包咗好多返屋企。今次再嚟食，見有啲價錢好似加咗價，但食物質素真係令我同朋友都好好好失望。首先係吞拿魚壽司，嚿吞拿魚勁乾身又腥，一啲都對不上$36@1嘅水準，跟碟嘅薑都乾晒，冇乜水份，好似擺咗勁耐咁。羊架大家可以睇相，可能我見識少，真係第一次見咁樣散版式上碟嘅羊架。其他菜式例如壽喜燒、沙律就不過不失，但就一定去唔到大家讚好好食嘅程度，而刺身真係差過之前好多，勁唔新鮮，咁嘅價錢真係可以有更好選擇。呢間唔會再三刷，除非朋友突然想高價食劣食啦。

今日落咗觀塘逛逛，順便去食好西。呢間係朋友食過話唔錯，介紹我地去嘅。佢有好多唔同款式嘅創作壽司，喺觀塘工業大廈，位置好方便，一落地鐵站一上樓梯就會見到。跟住指示行入去轉個彎就見到。鐵皮屋加吊燈，好有特式。Menu入邊有唔同signature嘅卷物，好多都好吸引。估唔到壽司都整到好似甜品蛋糕咁，有咁多造型設計。無聊嘅我係度唸，自製一個high tea set，擺滿晒三層唔同款嘅卷物，望到應該都幾開心。😆😆一打開點餐紙，嘩卷物有成46款‼️總有一款會啱你👏🏻👏🏻👏🏻👏🏻火山$128 （帶子，青瓜，蟹柳，牛油果）登登登登，火山終於上場，見到店員放低就用火槍點起熊熊火光，用黎打卡確實一流😍😍當啲火熄咗之後，就唸，究竟點樣食呢個火山嘅呢？😆😆😆我初初以為係一舊大飯團上邊放咗啲蟹柳係面，仲唸住將佢分開一半，點知筷子一撥開，原來個底層係排咗兩排嘅壽司卷😍😍😍個設計咁有心思，將食物加添咁多元素，加分加分🤩面層嘅帶子蟹柳蟹籽都好多，夾極都有，食落原來都幾飽肚。柚想蝦你沙律$98 呢個係喺三款沙律中最多唔同配料，包括有車厘茄，蘋果，中華沙律，牛油果，柚子，蟹子，蝦，生菜～😆😆份量都多😍😍用咗柚子汁，比較清新

呢間想食好耐，今次終於有機會食到，平日都滿座，多謝好友訂到位🥹今次四個女仔黎食生日飯😍見到menu樣樣都想食，好吸引，尤其係超多款嘅卷物😳款款都想食，又叫左串燒，小食，食食下都好飽三款卷物🍣超級龍卷風🍣黑龍卷🍣龍蝦卷三款都好好食，份量好大好足料，因為有朋友唔食生野，所以叫嘅都係炸蝦、鰻魚材料😁小食類🍲清酒煮蜆🍢蔥牛卷🍆櫻花蝦茄子燒🍢鹿兒島荔枝巻串焼🍘宮崎黃金炸豆腐🍗炸明太子雞亦全部都好食，尤其係蜆、茄子燒、炸豆腐，串燒都唔錯，總結係性價比高，食物質素幾好，服務好快手，上菜都快，雖然話限時90分鐘，但都冇叫我哋走😬