古今二 (觀塘工業中心)

营业中

休息中

今日同朋友黎古今二食lunch之前係觀塘返工都成日黎食叫左一個lunch set 係火山+金龍卷 仲有烏東另外加配個小食芝士年糕整體黎講 卷物味道唔錯 烏東都好味週末人唔多 坐得舒服啲

講起觀塘嘅單點日式餐廳，我第一時間一定諗起古今二，今日母親大人又冇煮到飯，我就帶埋佢黎食晚飯。依間餐廳比起一般大眾化嘅日式餐廳，佢賣點獨樹一格，主打係特色卷物，非常有性格。前菜我地要左個蟹桫沙律🥗，除咗好似座小山一樣禁多嘅蟹柳絲之外，我非常欣賞佢嘅調味，辣辣地非常過癮！裡面有蟹子、牛油果，健康人士嘅選擇！今日試左卷物「蜘妹」，其實佢係軟殼蟹卷物，露出兩隻腳係外面唔怪得叫蜘妹。 軟殼蟹仲係熱同脆，可見係即叫即包，非常美味！雜錦天婦羅裡面包括左炸蝦、秋葵、紫薯粒粒。除左都好味之外，秋葵居然係鑲左蝦滑係裡面，好有心思。櫻花蝦茄子燒調味甜辣甜辣咁好香口，櫻花蝦十分提鮮，燒得岩岩好，維持倒濕潤。必試！

行經觀塘站, 雖說是工業中心 但去左幫公司攞卡片後發現原來四期啲一樓系有咁好啲美食佢系古今二餐廳, 有不少分店, 今次我點左幾個菜食: 富士山 - 一道令人一聽就想去日本啲菜, 放碟放得很工整 (扮富士山的話我會說是扮得很像 100分!) 蟹柳和鰻魚帶著濃郁的海鮮味道，加上朱油果的奶香味，讓人垂涎欲滴。脆片的酥脆口感為整道菜餚增添了一份韌性，令人愛不釋手。每一口都充滿著美味和豐富的口感，讓人回味無窮。這道菜餚呈現出色彩繽紛，食材新鮮，營養豐富，令人驚喜。柚想蝦你沙律 -  聽個名都覺得好笑, 蔬菜和海草的清新口感與車厘茄和牛油果的滑順口感完美結合, 蘋果和柚子的微妙酸甜味道增添了菜餚的層次感, 而蟹子和甜蝦的鮮味更是令人回味。柚子汁的酸爽口感與菜餚的風味相得益彰，令人愉悅。整道菜肴呈現出色彩繽紛，口感豐富，營養豐富，值得一試！不得不提的是櫻花蝦茄子燒, 一大碟茄子好香咁燒左曬放滿了整隻碟, 同朋友一人一半大口大口咁你, 好滿足最後還點了個雜錦天婦羅吃, 整頓飯就有如去了一次日本一樣, 想日日都有想去轉日本啲感覺, 古今二觀塘分店應該系不二之選. 

古今二作為觀塘工廈餐廳來說，十分出名～古今二主打壽司卷物，用各種新鮮傳統及非傳統食材創作新式卷物。古今二主打工業風。龍卷風沙律 $78蔬菜、海藻、蟹柳、脆片沙律的份量很大，入面有各式各樣的材料：生菜、中華沙律、蟹柳、蟹籽，很豐富。沙律醬帶明太子，再加上燒汁，味道一流。彩虹卷 $116刺身、牛油果、青瓜、蟹柳一碟卷物可以滿足你三個願望，彩虹卷分別由吞拿魚卷、三文魚卷和劍魚卷組成，彩虹卷中間用紫菜包了青瓜和蟹柳，上面亦放上牛油果。值得一讚是卷物的飯還加入了黑芝麻，增加層次感。雜錦天婦羅 $88小朋友才做選擇，太多天婦羅想試的我們試了雜錦天婦羅，分別有海老、秋葵、迷你甜薯，每款均有三件。天婦羅剛剛炸好，上枱的時候還很熱，而且炸皮不厚。

用料上乘的古今二😍今日來已經第二次了，因上次來吃已好ok，今日再來回味😁坐落就點咗一個三文魚鍋湯和糖，一份青龍卷，一個龍捲風，和煎豆腐，龍捲風和青龍卷一齊上，擺設得精美吸晴，😻😻青龍卷用上優質牛油果加上肥美鰻魚，是我最愛的卷物，龍卷風亦十分出色，👍我地吃到停不了口，煎豆腐好入味，外脆內軟，豆味十足，配上燒汁是絕配好味道！😍😍熱辣辣三文魚鍋來了，用上精美鐵鍋十分足料盛上，奶白色魚湯，配上三文魚顏色，雪白日本豆腐，非常吸晴，飲落更要赞贊，十分之鮮甜美味，魚味十足，一點兒腥味都沒有，娃娃菜冧甜無渣，豆腐用上日本豆腐，豆味特香、特滑👍和老公仔連飲兩碗，連三文魚頭都吃乾淨，非常滿足美味！😻😻

古今二喺香港都有好幾間分店，實力毋庸置疑，今次一試觀塘分店，果然名不虛傳！餐廳嘅用料上乘，招牌菜忘不了你同埋煙花更加係食到停唔到口！1️⃣忘不了你⭐️⭐️⭐️⭐️由芒果、炸牛肉同埋芝士製成嘅卷物，味道非常特別，甜嘅芒果襯住鹹嘅牛肉，口感豐富有好多層次，芝士非常香，食得多普通嘅反卷不妨一試！2️⃣煙花⭐️⭐️⭐️⭐️由辣味三文魚同埋吞拿魚組成,兩種新鮮嘅魚生,加上滿滿嘅蟹籽，鍾意刺身嘅你絕對不能錯過！3️⃣蟹柳沙律+燒雞腎⭐️⭐️⭐️⭐️沙律有好多蟹柳，啲菜都好Fresh~最正係燒雞腎，火候剛剛好，加上少少味粉調味，好香口惹味~~最後值得一讚係兩杯嘢飲，大大杯食晒成餐飯都未飲晒，下次嚟到都記得要試下熱情果芒果梳打，酸酸甜甜夠晒開胃醒神解渴😋

.工廈隱世小店，主打創意特色料理，有多款菜式，好食之餘又可以打卡😋.日式炒烏冬 $98上面鋪滿木魚絲，配料有名門卷、娃娃菜、紅椒等等，烏冬炒得好惹味，每條烏冬都沾上醬汁，甜甜地好正🤤金龍卷 $98擺盤好靚，打卡一流😆卷物上面鋪咗厚厚嘅三文魚🤤非常吸引😆而中間有芝士同炸蝦，炸蝦脆卜卜，好香口，但係又唔會好油😆推薦💛.櫻花蝦茄子燒 $68整條茄子開邊燒，好大條，而且燒得好香，吸晒d醬汁，好夠味，又唔會太鹹，配埋櫻花蝦，口感豐富🤤

觀塘工業區入邊有間古今二，呢間舖頭出名卷物，今日收工就同朋友就嚟咗呢度食。晚餐可能因為我哋早嚟唔使等位，直接入得，餐廳環境 casual睇咗一下餐牌，好似點心紙咁樣落單因為古今二出名食卷物啦，我哋就點咗煙花同埋超級龍捲風呢兩款卷物。煙花$79 & 超級龍捲風$88上就係一齊放喺同一個碟嗰度，超級龍捲風有脆炸嘅蝦同埋鰻魚加啲芝士做呢個卷物，煙花就係上面鋪滿咗吞拿魚魚蓉加蟹籽粒既卷物。黑豚豬頸肉串燒$28 & 鹽燒雞中翼串$28兩串串燒新鮮熱辣，鹽味夠，黑豚豬頸肉間肥間瘦，雞中翼拆開攤開燒，幾特別。炒野菜$75大白菜芽菜即炒，熱上，目魚絲在上面跳舞咁郁兩個人食咁多，係有啲唔夠，無計啦，唔夠💸💸叫多d😅

呢間餐廳係官塘工業中心1樓，地點都幾方便，就係地鐵隔離，我同朋友都覺得餐廳名幾特別，叫「古今二」，一於去試下😋座位好闊落，坐得幾舒服👍睇餐牌都幾多選擇，d食物相都好吸引😍我地最後揀咗以下幾款：龍卷風沙律($76)份量好足，好大盤，擺盤擺得好靚😍，材料有生菜，蟹柳，蟹籽，中華沙律，脆片，好豐富，沙律加埋少少辣既醬汁，食落好開胃👍👍雜錦天婦羅（$88）總共有3款，裡面有蝦，紫薯同秋葵，各有各特色，外皮好香脆可口，唔油膩，亦保留咗餡料既鮮甜味忘不了您（$98）個名好正😍賣相亦好靚，一條長長既卷物，卷物上面有芒果同芥未醬，蛋黃醬等，卷物中間包住炸牛肉，咬落去好脆，再混合埋芝士、芒果同埋芥末蛋黃等醬汁一齊食，味道好夾😍😍果然係一食難忘，同個名好襯😆食完真係「忘不了您」火山（$128）火山好岩打卡，侍應會點著兩邊既海鹽，好似比火龍包圍住甘😍😍賣相超靚佢主要係帶子，青瓜，牛油果，蟹柳，同埋蟹籽，食材好新鮮，好正，好好味👍整體我地都幾滿意呢間餐廳，食物好高質，侍應態度都好nice，好有禮貌，值得一讚👍

之前食過另外分店覺不錯，經開觀塘又想試吓，這裡坐得舒服空間感唔會覺迫，選擇依然不少，最後叫左2個小食和2個卷物不用$390/2人。雜錦天婦羅，份量不少而且不油身。蝦份量不少，仲有蔬菜秋葵不會炸得乾幾好，雜錦款式不少。埼玉網燒牛舌，口感有點燶脆口，幾滑身，厚度都可以。再食特色卷物價錢不用$100份量都不少。超級龍卷風 海老幾大條，配上芝士和青瓜都幾清新，卷面上加咗脆片就口感多了不少。忘不了你 芒果帶酸甜再加醬汁帶點辣，第一次食炸牛肉幾特別，芝士味都濃。

之前係荃灣已經食過一次古今二，今日老公拎開野去觀塘整，叫我收工去觀塘食飯。落雨濕濕又凍，我唔想濕到身，係地鐵站一出見到古今二既宣傳牌，諗都唔諗入去啦，凍冰冰唔想再四圍搵食，見到有間食過好食既就唔使諗其他。觀塘古今二係工廠大廈，店內都行工業風，同荃灣店好唔同。環境比較闊落，多卡位，坐得舒服。上次試左柚子沙律，今次試佢個招牌龍捲風沙律，佢d 蟹柳多到爆，仲有海藻，食落爽爽地，最特別係佢個沙律醬，辣辣地，老公唔食辣都食到，幾開胃再叫左個大阪自家製炸雞，熱辣辣即刻炸，咬開仲有肉汁彈出黎，本身又有醃左，好香口又好味卷物我認為係古今二既靈魂，上次試左蜘蛛，今次叫金龍卷，係吉列蝦+三文魚，吉列蝦係暖暖地，証明唔係一早整定我最後叫個甜品炸芝士年糕，芝士又係咇哂出黎，足哂料古今二永遠唔會令我失望！

觀塘工業中心一樓開咗幾間食肆，其中一間(古今二)吃日本菜式，午餐有定食、炸物、特色手卷……等。店舖裝潢很有工業風味又夾雜日本style，座位寬敞，店員都很有禮貌，在店舖環境熏陶下享用午餐。❣️葱牛卷~葱既香味有獨特辛辣味配上嫩滑軟腍肥牛，再醮上稀稠醬汁，令葱牛卷更加提升味道❣️金龍卷~ 面層點綴細細片芝士、再下一層三文魚，再嚟酥脆外層卷着甜美鮮蝦，配上廚師精湛手藝卷入香噴噴軟糯日本飯團❣️雜錦天婦羅~薄薄酥脆外層炸蝦淡淡油香味，更能品嚐鮮蝦鮮甜味。很多人不能接受秋葵的粘液，但天婦羅秋葵就能避免啦!而且更添上淡淡清香。天婦羅紫薯軟糯清甜❣️炒野菜~日式炒野菜蒜蓉濃香，清爽香口

今日同朋友食飯，喺觀塘工業中心約咗一間個名好特別，叫古今二嘅餐廳，位置好近地鐵站，出地鐵站之後行一陣就到嚟到餐廳門口，發現佢嘅裝修都好有特色，喺外邊睇充滿懷舊日本風味見到門口嘅水牌，發現佢哋原來手卷好有特色，除咗個名夠晒特別之外，入邊嘅餡料都好吸引餐牌見到佢除咗手卷之外，原來仲有唔少嘅日本魚生飯食首先我哋前菜叫咗個龍捲風沙律，睇圖片以為細細碗，點知嚟到簡直超級大碗入邊除咗蟹籽蟹柳仲有中華沙律，而且佢嘅沙律菜仲好好味我哋期待咗好耐嘅金龍卷終於嚟到，估唔到咁長咁大條，入邊係炸蝦，再加埋少少醬料，非常好味，入口脆卜卜呢款蔥牛卷都非常有特色，好有日本居酒屋嘅味道，而且入口香噴噴熱辣辣，好想再叫多一碟主食方面我哋叫咗個日式炒烏冬，烏冬嚟到嘅時候熱辣辣，上邊嘅木魚仲喺度郁嚟郁去，非常吸睛呢度嘅食物好，樣樣都大大碟，唔驚食唔飽，我哋兩個人買單都係每人百零蚊，非常抵食

呢間位於官塘工業中心一樓的日本餐廳是朋友帶我來的，餐廳外表有少少似鐵皮屋的感覺但內部裝修卻不一樣，環境闊落不擠迫，全是方形枱，牆身兩邊有壁畫和酒樽作裝飾。古今二日本料理以多款卷物🍣做食材，點餐紙的菜名勁爆，很有創意。有「龍捲風沙律🥗」，「超級龍捲風卷」，「蕉魔」，「忍者双辣」，仲有「火山」，「煙花」，「東京爆脆」等卷物，menu好多選擇除了特色卷物🍣，有刺生，手握壽司🍣，沙律🥗等......有趣的菜名「柚想蝦你沙律」$98，有甜柚子粒、脆口生菜🥬、鮮甜蝦仁🦐、牛油果粒🥑、海草、蟹子、蘋果粒🍏和車厘茄，加入柚子汁酸酸甜甜很開胃！🫶鹿兒島荔枝串燒🍡$32，係有豚肉片🥓包住粒荔枝，完全食到荔枝味，但又唔會有水果燒過頭過甜的情況，可中和豚肉🥓的肥膩感。👍海老天婦羅🍤$88，即叫即炸脆漿夠曬薄身，食入口鬆脆之餘唔會蓋過海老🍤的味道，海老🍤大大隻啖啖肉！😋富士山$88入面是鰻魚牛油果🥑壽司，上面鋪滿好多蟹柳，蟹柳成座山咁高！😍總括來說是一間有特色嘅日本料理餐廳。👍

地址在工廈，但比想象中易去，就係地鐵站旁，上一層樓梯就到左，而且門外裝飾得好有格調😊- ⭐️推介⭐️ 雜錦天婦羅🍤 💲88一碟有齊三樣野（蝦、紫薯、仲有一款記唔起😆），每款兩件，兩個人食好fit👍🏻- ⭐️推介⭐️ 金龍卷🐲 💲98睇食評見好出名，就叫來試試，三文魚、炸蝦、芝士既配搭真係冇得輸😍仲要有整埋隻龍頭同龍尾，for埋你打卡😆- 炸雞芝士卷🐥 💲58兩款都芝士之下，呢款就有少少比下去，食落比較似雞肉卷，不過不失。- 柚想蝦你沙律🥗 💲98的確係超多水果係入面，蘋果、柚子、牛油果、車厘茄⋯⋯⋯⋯而且無敵大盤，我估4個人先食得晒😆係清新好味既👍🏻- 日式冷麵🍜 💲92都係超級大碗，相信如果食晒佢，就唔會再食到其他野😅 麵幾彈牙爽口，不過不失。係工廈入面係一個幾舒服既角落，食物都算幾美味，係叫既時候點得太多卷物、沙律同麵，好快已經好濟，試唔到太多特色及值得推介既野～整體都係幾精緻好味既一餐！