印度野

营业中

休息中

北角隱藏一間高質印度小店「印度野」，主打創意印度料理，裝潢美麗，打卡感十足！必試「燒牛舌」，炭火香氣襯托軟嫩厚切牛舌；「奶油咖哩吉列蠔」將廣島蠔炸至酥脆，裹上濃郁奶油咖哩，驚喜滿分。「奶油烤餅」，現點現烤帶焦香，撕開蘸咖哩一流！飲品「芒果印度乳酪」酸甜綿密。份量足且擺盤精緻，愛異國風味的吃貨別錯過！

好耐冇食過印度菜，上網見有人推介城市花園呢間新開「印度野」～餐廳由印港夫婦主理，主打正宗印度咖喱。室內佈置非常之有心思，設有巨型鳥籠風格座位，加上繡花咕𠱸擺設，girlish 得嚟又帶點異國情調。先來 2 款小食，燒牛舌賣相很吸引，厚切得嚟又夠晒大片，入口熟度剛好，一咬下去就有肉汁溢出，帶油香又不膩。咖喱角超巨型，外皮炸得非常鬆脆，入面包住滿滿嘅薯仔蓉、青豆、紅蘿蔔和粟米粒，入口辛香微辣，配薄荷醬或甜辣醬吃，風味十足！主食點咗奶油咖喱雞 同 香料咖喱吉列蝦，每個套餐均配白飯和罐裝飲品，+$15 可以轉蒜蓉烤餅或奶油烤餅等。雞肉很嫩滑，而且醃得好夠味，咖喱濃稠 creamy，入口辣度溫和，帶堅果甜香，無論配烤餅或米飯，都咁惹味開胃。蒜蓉烤餅即叫即製，上桌時仍熱辣辣，入口綿密煙韌，富蓬鬆空氣感，沾咖喱吃一流！吉列蝦非常鬆脆，外層炸漿厚薄適中，伴吃嘅咖喱味道亦唔錯，偏辣、帶濃郁香料氣息，嗜辣者必選。飲品點咗原味乳酪 同 芒果乳酪，兩杯都好好飲，真材實料，健康又清爽。

重點內容如下：1. 餐廳的裝修執二攤：重用上一手已執笠的Cakebearbear 店舖裝修，連奶茶杯都重用。詳情請參閱OpenRice 有關Cakebearbear (已結業)的相關照片；2. 食物質素九流：(A) Samosa 炸得太油太燶，又無咖喱味，難食；(B) Masala tea 茶底唔夠味，淡到奶水咁，個廚師想點呀？唔識煲正宗嘅印度拉茶就唔好整比客人飲啦！(C) Butter Chicken 味道唔正宗，蕃茄味唔夠、咖喱汁又水、香料又煮得唔夠入味，想點呀？3. 服務質素差劣：侍應都係家爺仔乸包辦，服務求求其其，對待客人秉持「你有你死，我有我返屋企」的原則。最後，拜託所有收左錢及/或為左食免費餐而寫食評嘅一班foodies，唔好再為左免費食一餐半餐而埋沒良心寫好評啦！真正好食嘅餐廳係唔需要呢啲假食評㗎！

❛ 菠菜烤雞咖喱 ($68)份量好足～ 菠菜蓉濃稠，雞肉嫩滑軟腍帶辛辣香，開胃惹味，搭配烤餅食簡直係完美咖喱都會跟白飯，亦可以 +$15 轉奶油/蒜蓉烤餅蒜蓉烤餅鬆軟得嚟有嚼頭，蒜香牛油香味濃郁有好多塊！好飽肚滿足～

位於北角的印度菜餐廳，在屋苑範圍的一間街坊小店，門口位置帶有異國色彩的彩色布簾、吊燈，裡面的佈置帶少女風，很有心思，而且有別於傳統的格局，比較休閒舒適風格。整體食物份量大份，街坊價錢，又沒有加一，性價比甚高。特色小食：印度烤雞三大塊巨型雞件，以各種印度香料預先醃製過，再香烤，外層微脆焦香，內裡沒有骨頭，肉質結實。略嫌乾身的話，可以蘸點醬汁，味道更加提鮮。香料咖喱套餐：香料咖喱魚柳大條魚柳，鋪在咖喱上，咖喱濃稠，辣度不高，容易入口。主食可以選擇烤餅、薄餅或白飯。這份配搭了蒜蓉烤餅。一大盤印度烤薄餅，上枱時已散發出牛油蒜香的味道，令人垂涎欲滴！烤餅蘸著咖喱汁吃，非常開胃且惹味。飲品：原味乳酪吃印度菜最適合配上一杯冰凍的乳酪，甜中帶點酸，解渴又解膩。

這間新開的印度餐廳位於北角的城市花園商場，鄰近炮台山站，主打正宗地道的印度料理，價錢定位經濟且大眾化，食物的份量非常充足。店內環境寬敞舒適，牆身以五彩繽紛為主，掛上民族裝飾充滿異國風情，適合多人聚會。香料咖哩牛腩 – $68濃稠的咖哩有著多種香濃的印度香料味，帶有微微辛辣，多塊牛腩炆得軟腍細膩，牛味濃郁富有膠質。奶油咖哩魚柳 - $68香濃的印度咖哩有忌廉的順滑感，完全不辛辣，大大塊雪白肉厚的魚柳嫩滑多汁不腥。印度烤雞 - $48三塊肥美飽滿的無骨雞件嫩滑多汁而不乾柴，印度酸奶醃製令口感更加蓬鬆柔軟，塗滿特色風味的印度香料，再蘸上兩款醬汁，風味十足。燒牛舌 - $48一片片厚切的牛舌燒得外焦內嫩，咬開軟腍多汁富牛肉味，有豐腴的牛脂甘香。奶油烤餅 +$15印度家庭常見的麵餅，厚度較薄、口感也較紮實。蒜蓉烤餅 +$15膨脹得像薄餅般，有著鬆軟蓬鬆的口感，帶有陣陣蒜蓉香氣。印度香料奶茶 +$15跟配基本罐裝飲料，可升級其他飲品。那股濃郁辛香的茶味令人難忘，奶味相當明顯，有著濃濃的肉桂、丁香、茴香、荳蔻、胡椒等滋味。

嚟開呢頭探朋友，佢介紹話附近新開咗呢間印度野，一於一齊去試吓😆舖頭裝修都好有心思，仲有一隻大啤啤熊俾食客打卡😆前菜我哋先叫咗一碟燒牛舌，平時食燒牛舌都係喺日本餐廳，冇諗過原來配咖喱都唔錯喎。牛舌燒得好腍，生熟程度亦啱啱好👍🏻主菜則分別點了butter chicken with garlic naan同lamb biryani。前者香濃惹味，份量亦相當大。後者羊肉十分腍，飯炒得乾身香口。最後以一杯Chai tea 作結☕️

今天中午，我和朋友到北角電氣道，去咗一間名叫「印度野」嘅餐廳食午餐。餐廳環境唔錯，氣氛輕鬆，仲有好香嘅咖喱味飄出嚟。我哋叫咗幾樣菜，首先係香烤蒜蓉包，外脆內軟，搭配咖喱真係一流。之後就嚟咗巨型咖喱角，餡料豐富，味道正。燒牛舌就更加唔使講，肉質鮮嫩，令人食完仲想再叫多一份。最特別嘅係奶油咖喱軟殼蟹，蟹身包裹住濃郁嘅奶油咖喱，真係好味到爆！而奶油咖喱吉列蠔亦都係一絕，口感滑順，配上香料熱奶茶，仲有清新嘅芒果乳酪，真係一餐好滿足。總的嚟講，「印度野」絕對值得一試，無論係食物定係環境，都令人感到開心。

在公司附近開了這間印度野，係因為食日式餐廳而經過，經過三次，終於鼓起勇氣入去一試，第一次試它的香料咖喱，帶酸味，軟殼蟹一整小隻唔錯，所以再試第二次，今次試奶油咖喱炸蝦加小食咖喱角。咖喱角厚皮大大隻，入面有咖喱薯仔和豆，夾得味道很好，真係一試難忘。奶油咖喱帶甜，用來送飯很是美味，炸蝦是超市預製的炸蝦，可以。正宗印度食物，真係好好味，會繼續支持這類小店。

新開將試新嘢，印度菜幾特別，有兩款咖喱香料咖哩羊幾好食配咗一杯芒果乳酪成件事都好夾牛舌都好好，價錢合理薄餅係自己整有誠意嘅支持小店下次可以再試Yeahhhhhh!

印度野😘😘😘美味地道印度菜北角城市花園、地道印度人主理、廚師善用香料、融入菜餚、滋味濃郁、好惹味！特色印度馬賽克吊燈、彩圖、更顯印度色彩🤩✨奶油咖喱軟殼蟹$78有驚喜🤩、脆炸香口軟殼蟹、原隻上、攀爬在農夫包上、賣相吸睛、濃郁的香料咖喱、香氣四溢、帶有微辣的風味、與椰漿的甘甜相得益彰、搭配鬆軟、外脆內軟農夫包、麵包吸收咖喱的醇厚，口感層次豐富、美味可口、回味無窮😋😋+$30農夫包、烤烘金黃、外脆內軟綿綿、入口溶化！+$15芒果奶酪色澤金黃、滑順細膩、creamy與果香交融、帶來清新愉悅的口感享受😎✨菠菜牛腩咖喱$68菠菜蓉濃郁creamy、香氣撲鼻、菠菜的清香與牛腩的濃郁肉味交融、辛香料為菜餚增添層次、口感滑順、齒頰留香、回味無窮！+$15奶油薄餅薄餅柔軟帶質感、奶油香濃滑順、微鹹香的口感與香料相輝映、讓人心滿意足、飽肚滿足😌✨蒜香牛油雞翼$48雞翼外皮酥脆、內嫩多汁、蒜香濃郁、牛油香滑、微辣的調味令人垂涎、是完美印度的美味小吃😁✨印度烤雞$48色澤紅亮、外皮香脆、印度香料腌製、融合了香菜、辣椒和檸檬的風味，味道層次分明、咬一口、濃厚的香氣、充塞口腔、蘸點醬汁、更滋味又惹味😃✨巨型咖喱角