南海一號

营业中

休息中

多年以來環境及服務不變，仍然保持得很好，值得一讚。食物是有誠意的，但一向不算極致出眾。多做優惠，相信仍能屹立不倒，當然如果連出品也認真去與時並進，估計能重穫更多擁戴。

年年四、五月都有好多生日飯局，一家人一齊食飯唔少得。上個月已經嚟呢度食咗一餐生日飯，個個讚不絕口。今個週末又係兩個家姐生日，我哋再嚟食返餐，今餐俾上次印象更深刻。今次我負責落單，入到餐廳首先搵返上次幫手打點一切風趣又盡責嗰個副主任- 「波士」(我改嘅化名😂），我哋想食返上次嗰隻珊瑚蟹，但係原來單點超貴😛，「波士」建議將個套餐入面一啲菜式加大，咁我哋又食到好正嘅蟹又唔會唔夠食。😋😋👍👍人未到齊但係又驚啲小朋友肚餓，我哋叫咗兩款小食，有攞嘅時候要啲技巧嘅麥糖花生脆芋絲，同埋外脆內嫩嘅脆炸椒鹽魷魚，當然仲有食到停唔口嘅木薯片。😋😋人齊哂我哋反傳統先吹蠟燭食壽包，壽包細細隻，我自己覺得反而好啲，因為唔使迫自己食晒一個大包。吹完蠟燭，就到今晚亮點之一，超級美味嘅冰鎮飽魚，上次掛住食唔記得影相，今次影到啦！😁 呢個鮑魚一定要推介，雖然係凍食，但係味道同口感都超正，就連席上長者們都無懼冰鎭！😂鮑魚好腍，切開一條條，加埋個酸酸地嘅蒜蓉汁，靚靚咁放返入個殼度，仲有啲切到好幼嘅白蘿蔔絲伴碟，清爽鮮甜，既特別又好食，個個食到舔舔脷！我連蘿蔔絲都冇放過，將佢哋放入鮑魚殼啲蒜蓉汁，當沙律食勁好味！😋😋😋😋鮑魚之

食物質素可以，但服務員態度一般，我地加叫餸菜，但原來一直都冇落到單，另外服務員想盡快收拾餐桌，好似趕住收工。整體環境略嫌昏暗，加上臨近酒吧，稍為嘈吵，人多大枱好難溝通。

試咗個套餐，如果依個價錢包咗咁多嘢食，食物質素幾好味，但有啲藍白間條恤衫職員，態度真係一般般，全程冇笑容，態度冷淡原本想掉去坐窗口位，又係香港餐廳慣常用招數，就係話有人book咗，我七點入場到走九點都唔見有人入，可能有人10點嚟食宵夜可能好多藍白間條嘅職員都係炒散，如果換多啲笑容，香港嘅旅遊業就可以振興，今時今日咁嘅服務態度，與佢本身米芝蓮餐廳咁高級嘅環境，完全不相襯希望香港嘅飲食業真係要急起直追，否則同大陸嘅競爭，只會俾人越拋越遠

今次特意來試買3送1的90分鐘點心放題,結果非常令人失望。除蒸籠點心以外其他食物完全不熱。尤其是煎炸食物及炒粉麵飯,根本不是即點即做而是預先煮好再上碟出來。廣東點心應該水滾茶靚,但食物根本不熱那當然連味道也大打折扣。用餐感覺是坐在米芝蓮餐廳內吃不温不熱的兩餸飯盒,連食物温度都控制不好,真是有負米芝蓮之名。埋單4位連茶芥及加一大約1千元,雖然不算昂貴但以此價錢倒不如去美心集團酒樓吃新鮮熱辣即叫即做的點心。南海一號如果想以點心放題作招來,今次的體驗是適得其反完全有趕客效果。

🥳約了數位好友吃平日午市任點任食👏🏼，用餐時間為90分鐘，我們選了13:00-14:30時段，最後下單時間為14:00雖然選擇不太多，但有齊基本的點心和炒粉麵飯。第一輪我們先叫點心：🔺蝦餃及帶子餃正常發揮🔺义燒腸的皮是有點煙韌那種，個人不太喜愛🔺肉碎狗仔粉不錯，料多🔺素春卷味道ok，只是有點油🔺海鮮蒸水蛋裏有香蔥蝦粒，蛋蒸得很滑溜第二輪叫了一些菜式：🔺鮑汁鳳爪ok🔺京蔥炒日本豚腩片不錯🔺欖菜肉末四季豆，鹹香惹味，也沒有草青味🔺滑蛋鮮蝦仁，蛋滑蝦爽，沒有欺場，是中蝦仁🔻鮮果咕嚕肉，外皮微脆肉嫩，酸度剛好，還有鮮菠蘿粒醒胃，在大家的讚賞下encore了3次🔻香妃雞很美味，數次order中吃到髀位、雞胸、雞背和翼位，當然髀位最嫩滑，雞胸就一般🔻黑糖馬拉糕鬆軟🔻蜜糖薑汁糕熱吃最好🙋🏻‍♂️星期一至五$218/每位$218 x 4位=$872$28 x 4位=$112(茗茶/熱水)總數：$984+$99(服務費)=$1083

之前見食評和官網介紹，以為係fine dining，但覺菜式味道和擺盤、服務、環境都一般般。蒜泥白肉太辣，完全蓋過蒜香，失去這道菜應有的特色和層次感。雞軟骨和海蜇頭都無乜味道，豪大大雞扒和樂天皇朝可能收這裏的零頭價錢，但做這些菜式就好好多。煎雞件魚頭和石班煲好滑，但欠焦香惹味。我們被安排到𥚃面的位置，海景無份，但以為可以靜靜談心，原來滿座後，嘈過美心皇宮，所以絕對絕對絕對不要款待重要客人，我被坑了😡服務也一般般，大部份員工似part time, 都不下單，也沒有表情。我也一直都想不通為何要給我booking number, 我有名有姓，我不是機械人。後來有人話我知，唔好隨便散叫，生日套餐先至好食，可能大家要等生日先好去。

之前南海一號價錢唔平, 反而搬咗過嚟呢度之後價錢變得親密仲可以叫做抵食, 望住海景坐得舒服, 一個set lunch 298 見得人 服務都好態度好. 值得推介.講緊就算 有四個大人 飲茶人飲又食一鬼免費價錢亦好抵玩, 228蚊一個人 四個人一個免費. 點心任食呢個價錢ok啦有呢個環境.去到最頂層 個景可以望曬 中環呀海浪濱公園呀 望到對面山頂呀太空館呀 等等.四人卡位亦坐得非常舒服 舊寬敞ok啦 呢個價錢有咁嘅環境 絕對可以接受啦.

同事生日，老闆請食飯一行5個人，叫咗生日套餐，每位$5804個人就可以有一位免費•睇個menu覺得野食份量都正常，點知食到每個人都勁飽！•冰鎮鮑魚已經切好1條條，配咗個蒜蓉醬幾夾•陳皮話梅萵筍萵筍食落幾爽口，不過其他味唔算好突出•避風塘肉蟹都幾大隻wor，5個人每日起碼有2件食落都有d辣，個好野味•金榜醬煮大蝦大蝦已經開介開咗，食既時候都比較方便個汁好好食，配咗個炸饅頭點醬食👍🏼•片皮鴨兩食5個人食成隻鴨真係好多！好可惜佢個皮唔脆，令到成件事失色咗🙈•冶味鴨崧生菜盞加咗d菇同有d菜炒得好香好好食•龍蝦湯泡貴妃飯呢個好食，仲有d蝦肉定龍蝦肉，增加咗口感•香芒布甸好大碗，好香好多芒果！•同事生日仲有壽包食，細細粒，好可愛☺️•佢個bar位都好靚好多人上黎飲野，都幾chill

今個月都嚟左呢間餐廳食左兩次晚餐，第一次散叫，第二次就預訂左生日套餐每位$580，除左因為餐廳可以望到海景之外，室內環境都好舒服，再加上職員都好熱情同埋服務好貼心，淨係幫手影相都非常專業，當然唔少得食物嘅質素都高水準，所以先會二訪。 冰鎮鮑魚 - 每人一客，已經切條，方便食用，最怕鮑魚會太韌，但佢完全係爽口，配上佢嘅蒜辣汁更加好食。陳皮話梅萵筍 - 呢個筍嘅感覺都爽口，但個味道個人認為一般。川芎天麻燉魚皇 - 個湯係幾濃郁，睇得出好足料嘅感覺。避風塘肉蟹 - 成碟蟹好少肉，不過炒得好香。金榜醬煮大蝦 - 醬汁有少少似喇沙辣辣地，完全係成晚最印象深刻嘅味道，再配以小饅頭食估唔到係咁出色，而大蝦亦都鮮味十足。片皮鴨<兩食> - 皮脆而且唔會太油膩，要留意10個人以上先會有兩隻鴨，另外一食係鴨崧生菜盞，鴨崧加左冬菇材料落去炒，好野味。龍蝦湯泡貴妃飯 - 個龍蝦湯好香濃，作為主食，完全係驚豔，神來之筆係再加左啲脆脆落泡飯到，食落成件事嘅感覺再昇華左。香芒布甸 - 個人認為冇得加煉奶嘅布甸係失色左啲。最後職員再加送左壽桃包比我地慶祝生日。 值得一提如果早食飯，仲可以欣賞到日落時份

首先嚴正聲明，我哋冇任何試食活動或款待優惠！我哋係真金白錢俾錢去食。唔知點解會俾人話我呢篇食評係有問題，叫我修改終於等到佢地裝修完，立即再去試下。今次有朋友移民，臨走前想再食多次南海一號。因為我哋要求坐海景位，所以有每位600嘅最低消費。不過其實好易就會達標。今晚我地叫左14樣嘢，每樣都非常好味，冇令我哋失望。當然服務亦非常好。而我就最鍾意佢地嘅蜜鱔同倉魚，非常鮮甜。最推介係荔芋扣肉煲。非常香芋頭味，真正扣肉唔係瘦肉。仲有燒雞好脆好滑。泡飯個龍蝦湯非常鮮，令泡飯吸晒龍蝦味道。乳豬例牌都有10片，仲要脆爆，價錢亦非常經濟。去到甜品，我哋叫左煎堆，大過我拳頭。今晚非常滿意。唯一缺點真係搭𨋢問題，等足15分鐘先落得返地下。

很久沒來南海一號了，門前的模型船像真度極高，彷彿是告訴大家源於南洋的菜色。餐廳設計緊扣船舶的感覺，高位的“眼睛”原來是DJ房，可作私人宴會之用。娘惹秋葵Sauteed Okra with Shallots and Shrimps Paste平日食秋葵很怕中間滑潺潺的質感，但今次加入了乾蔥及蝦醬，不單有南洋風味，反而幾惹味，令人觀感大改，我鍾意。話梅石榴Guava in Plum Flavour以話梅水泡浸過的石榴酸酸甜甜又爽脆，很啱炎熱天氣下胃口一般的日子。滋補燉響螺湯Double-boiled Conch and Red Date Broth家中絕少會燉湯，但那陣醇香生津的感覺真好，尤其是雞腳燉至軟稔，入口即化的感覺真好。金榜醬煮大蝦(配饅頭)King prawn served in bang sauce (with fried mantou)店方的名物，帶叻沙氛圍的金榜醬尤其出色，配以炸饅頭更是神來之筆，每口蘸上了醬汁辣辣地又甜美，令人欲罷不能，有時候覺得大蝦都給比下去了。阿參醬星斑腩Braised grouper brisket in Asam sauce以阿參醬去煮班腩及茄子，

今年的第一餐慶生飯，選了在這裝修不久，重新開業的「南海一號」用餐。而這次和太太一起吃的，是這裡最新推出的「午餐 食豪D」餐（原價$588/位，大割引價$298/位，兩位起）。用餐前，侍應先送上回甘味重，解渴生津的「人參烏龍」，是我一向喜歡的茶，好喝！前菜三款，包括「醋漬蘿蔔」、「蜜汁叉燒」和「麻香海蜇頭」。三款前菜中，「蜜汁叉燒」是最好的，肉質軟腍，蜜味香甜，而且肥瘦比例適中。「醋漬蘿蔔」多酸少辣，挺開胃的，我也喜歡。相比起叉燒與蘿蔔，「麻香海蜇頭」口感較硬，麻香味也不太突出，就只是普通而已。「海鮮燕窩羹」真材實料，但味道稍淡，如能調味重一點會更好。兩道主菜，分別是「蠔皇原隻鮮鮑魚」和「薑蔥花雕煀斑頭腩」。「蠔皇原隻鮮鮑魚」是這套餐中最令人期待的菜式，個頭不大不小的鮮鮑，以蠔皇炆煮後，口感軟腍中帶點兒煙韌，以刀叉切開放進嘴巴慢嚼輕嚥，絕對是味覺的極佳享受。「薑蔥花雕煀斑頭腩」原煲送上，斑頭腩皮肉都甚有彈力，帶有少許花雕酒味，香噴噴的，不但味道濃郁，而且十分夠熱，即使配角的蔥也惹味可口。對這道主菜，我也相當滿意。「燒汁元貝皇拌鳥冬」雖然份量不多，但煎得恰到好處的元貝皇確實大隻，本來無甚味

▶️室内環境一流，窗外是維多利亞海景，冇得輸▶️點心放題，食物精緻，有水準，請客都唔會失禮，必吃鮑汁鳳爪 （鳳爪入口即化，味道濃郁，正）▶️服務細心，主動留意客戶情況，抵讚

鹿兒島和牛魚翅餐娘惹羊角豆：不會太咸，幾好味，但對本人嚟講就辣咗少少！冰鎮鮑魚：鮑魚好腍好入味恰到好處！😋生拆蟹肉乾撈翅：呢個湯應該都熬製咗好耐，完全唔肥膩，湯撈入翅裏面非常美味，齒頰留香😋😋😋鹿兒島和牛：呢個真心勁推介，唔會太熟，恰到好處，簡直係覺得入口即溶，好香牛味😋😋金榜醬開邊龍蝦：呢個汁真係不得了！無諗過龍蝦灰埋呢個汁，完全係完美嘅組合！花膠條泡時蔬：花膠條唔係好食到係花膠，不過不失！蒜香鮑魚雞粒蟹：鮑魚細咗啲，唔係好食到鮑魚味，但啲雞好嫩滑，配咗呢個飯都唔錯！燕窩杏仁茶：本人從來都唔飲杏仁茶嘅，但係呢個堅好好味，仲要個賣相都好吸引！呢個本人覺得都係推介之一😋