281
82
82
| 餐厅: | 南海一號 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
港铁尖沙咀/尖东站 H/ R 出口
继续阅读
电话号码
24873688
开饭介绍
曾两年连续入选米芝莲星级推荐的中菜馆，在餐厅内可眺望到维港海景。餐厅选材矜贵，做法复杂，菜肴的造型亦十分精致。
继续阅读
附加资料
午餐海景位置最低消费每位$300+10%，晚餐海景位置最低消费每位$600+10%。
营业时间
今日营业
11:30 - 15:00
18:00 - 22:30
星期一至日
11:30 - 15:00
18:00 - 22:30
以上资料只供参考，请与餐厅确认详情
有关奖赏计划
优惠
相关文章
多年以来环境及服务不变，仍然保持得很好，值得一赞。食物是有诚意的，但一向不算极致出众。多做优惠，相信仍能屹立不倒，当然如果连出品也认真去与时并进，估计能重获更多拥戴。
继续阅读
年年四、五月都有好多生日饭局，一家人一齐食饭唔少得。上个月已经嚟呢度食咗一餐生日饭，个个赞不绝口。今个周末又系两个家姐生日，我哋再嚟食返餐，今餐俾上次印象更深刻。今次我负责落单，入到餐厅首先揾返上次帮手打点一切风趣又尽责𠮶个副主任- 「波士」(我改嘅化名😂），我哋想食返上次𠮶只珊瑚蟹，但系原来单点超贵😛，「波士」建议将个套餐入面一啲菜式加大，咁我哋又食到好正嘅蟹又唔会唔够食。😋😋👍👍人未到齐但系又惊啲小朋友肚饿，我哋叫咗两款小食，有攞嘅时候要啲技巧嘅麦糖花生脆芋丝，同埋外脆内嫩嘅脆炸椒盐鱿鱼，当然仲有食到停唔口嘅木薯片。😋😋人齐哂我哋反传统先吹蜡烛食寿包，寿包细细只，我自己觉得反而好啲，因为唔使迫自己食晒一个大包。吹完蜡烛，就到今晚亮点之一，超级美味嘅冰镇饱鱼，上次挂住食唔记得影相，今次影到啦！😁 呢个鲍鱼一定要推介，虽然系冻食，但系味道同口感都超正，就连席上长者们都无惧冰镇！😂鲍鱼好腍，切开一条条，加埋个酸酸地嘅蒜蓉汁，靓靓咁放返入个壳度，仲有啲切到好幼嘅白萝卜丝伴碟，清爽鲜甜，既特别又好食，个个食到舔舔脷！我连萝卜丝都冇放过，将佢哋放入鲍鱼壳啲蒜蓉汁，当沙律食劲好味！😋😋😋😋鲍鱼之后系剁椒卤熏蹄，因为颜色比较深，所以望落有啲似牛展，仲以为剁椒会辣，其实一啲都唔辣，我一个人都食咗几块。🤣花雕蒸珊瑚蟹喺今餐嘅主角，全枱人都赞不绝口，连平日唔系好食海鲜嘅家姐都食咗好多件。虽然话系花雕酒蒸，酒味唔会好浓，仲要下面𠮶啲好似蒸蛋嘅嘢，又滑又好味。大人细路都冇停手，上次家姐「美人照镜」清碟，今次轮到细佬连蟹壳都刮到干干净净。😂👍👍👍😋😋😋我平时食中餐好少饮酒，今日见到呢樽古越龙山十年陈花雕酒，加上有正嘢食、有靓海景、仲有个包装好吸引(樽同个木盒都好靓)，酒味唔会太烈，加咗话梅，甜甜哋好易入口，破例饮咗一杯仔。今晚个餐有白切狮头鹅，就咁睇仲以为系普通卤水鹅，鹅肉口感滑，唔会太咸，好食过某啲潮州卤水鹅店𠮶啲。👍我觉得食牛腩好麻烦，如果啲牛腩煮得唔够腍就会「黐牙」，呢个清汤牛坑腩上枱打开盖𠮶阵，牛腩嘅香味跟住啲蒸气涌出来，既然咁香，黐牙都要试吓。🤣🤣一啖咬落去，牛腩出乎意料嘅腍，牛味十足。除非你唔食牛，如果唔系都几难抗拒！呢煲姜葱煀东星斑打开盖𠮶阵时，啲蒸气搅到张相蒙哂，证明够晒热。😂厚切嘅鱼肉味鲜肉滑，唔会过熟，仲有煲入面𠮶啲姜葱同配菜入哂味，我同家姐两个夹哂啲葱段嚟食，结果成煲清晒。😋😋食咗咁多肉，最好就系有碟靓菜，呢个浓汤野菌时蔬啱晒口味，连小朋友都钟意食，又系食到一条都冇剩。😋😂最后呢个龙虾汤泡贵妃饭都几特别，唔系普通汤饭，因为龙𧎚汤入面除咗普通白饭，仲有啲脆脆哋嘅饭粒，口感好特别，可以用「够料、美味、有特色」嚟形容。饭后甜品有呢个桃胶西米露，唔太甜仲有好多桃胶，「波士」好识氹小朋友，送完橙汁又送芒果布甸。今餐喺美味甜品后划上句号。今日天公做美可以喺餐厅露台清晰睇到「幻彩咏香江」，呢度嘢食固然好，特别系冰镇鲍鱼同埋花雕蒸珊瑚蟹，服务态度都系非常好，副主任固然系抵讃，其他员工都亲切慇勤。虽然人均消费要$620，但系预咗食高级嘢就预埋人均消费会高啲。😊讲真，其实好多酒店嘅「全包宴」人均消费都差唔多啦。😂P.S. 由于相片限上载12张，有啲相冇「哂」出嚟，其实佢哋个西湖海鲜羹好饮，不过睇相同龙虾汤泡贵妃饭好似。装橙汁个两层玻璃杯同埋花雕酒个木盒都好特别。仲有佢哋酒吧𠮶边有幅好震撼嘅酒柜墙，特高嘅楼底突显咗呢个巨型酒柜有几壮观。😊
继续阅读
食物质素可以，但服务员态度一般，我地加叫𩠌菜，但原来一直都冇落到单，另外服务员想尽快收拾餐桌，好似赶住收工。整体环境略嫌昏暗，加上临近酒吧，稍为嘈吵，人多大枱好难沟通。
继续阅读
试咗个套餐，如果依个价钱包咗咁多嘢食，食物质素几好味，但有啲蓝白间条恤衫职员，态度真系一般般，全程冇笑容，态度冷淡原本想掉去坐窗口位，又系香港餐厅惯常用招数，就系话有人book咗，我七点入场到走九点都唔见有人入，可能有人10点嚟食宵夜可能好多蓝白间条嘅职员都系炒散，如果换多啲笑容，香港嘅旅游业就可以振兴，今时今日咁嘅服务态度，与佢本身米芝莲餐厅咁高级嘅环境，完全不相衬希望香港嘅饮食业真系要急起直追，否则同大陆嘅竞争，只会俾人越抛越远
继续阅读
今次特意来试买3送1的90分钟点心放题,结果非常令人失望。除蒸笼点心以外其他食物完全不热。尤其是煎炸食物及炒粉面饭,根本不是即点即做而是预先煮好再上碟出来。广东点心应该水滚茶靓,但食物根本不热那当然连味道也大打折扣。用餐感觉是坐在米芝莲餐厅内吃不温不热的两𩠌饭盒,连食物温度都控制不好,真是有负米芝莲之名。埋单4位连茶芥及加一大约1千元,虽然不算昂贵但以此价钱倒不如去美心集团酒楼吃新鲜热辣即叫即做的点心。南海一号如果想以点心放题作招来,今次的体验是适得其反完全有赶客效果。
继续阅读