匯寶小廚

继续系西環揾食，今天午飯就去到堅尼地城尾站。1. 無味精餐湯 - 青紅蘿蔔豬骨湯：夏日炎炎夠清甜，又濃又香；隔離個位人仕直情帶埋個暖壺打包走。2. 豉油皇肉丝炒麵：好吃的不易煮呢。炒得太肥膩吾得，太乾身又難下嚥；依碟炒得刚好，炒出的麵带有豉味香甜，微甜的豉油（醬油）均勻沾上每條炒得乾身的麵條，簡單樸實。而肉丝夠滑吾柴，配上洋葱、芽菜，好有口感。點上辣椒醤，潻加了酸辣味，迎上芝麻香，胃口又给打開，大注吃下，酱香四溢，面条爽滑弹牙，好快就滿足了口福之慾！…查看更多

芥蘭炒生牛肉??此間小厨以前都經常來，最近少。今晚再食，服務及食物令人好失望。入座叫了兩個小炒，等了差不多30分鐘都未出菜，全店不足5張枱。問問幾時出，答案是"炒緊"。之後出嘅芥蘭炒牛肉，有四五件牛肉竟然是生的。埋單前叫店員睇睇呢幾件生牛肉。無任何反應。去柜面埋單，店員話: 已扣咗。一句唔好意思之類嘅客氣話都無？乜態度?老實講，如果我太太唔覺意吞咗落肚出事，點算?!感覺極之不爽!…查看更多

完成工作時間不多又去試下茶餐廳先之前中午行過 好多人都食得津津有味一於去馬依間有收加一 服務都幾好有熱茶飲 唔係度度會有依度小菜都賣精緻既不過就無得加錢轉套裝全部散叫金牌鹽焗雞(3.5/5)都幾滑既 同埋有薑蓉(少油 香滑)所以叫左個飯跟餸鴨脾煲仔飯(2.5/5)有成隻脾 又有飯焦算係咁啦不過油鴨脾就略嫌咸如果減淡小小就非常perfect 因為得2個人試唔多不過隔離枱食既粟米斑塊 薑汁炒芥蘭 同埋老闆推介既乳鴿 睇落都好yum yum我想繼續同你食好味味既就好似美食風球咁不斷jap jap jap…查看更多

唔知同歷史有無關，喺卑路乍、爹核士、吉席等等「英」魂庇蔭之下，西環尾特別多西洋美食，亦有唔少洋人鍾意喺呢頭hang out。今日行行吓堅彌地城，咁啱見到匯寶呢間港式小炒，價錢都算貼地，仲有室外座位！甚好，即刻坐低先。由於唔係太肚餓嘅關係，所以只叫咗兩樣嘢。先嚟肉碎蠔仔泡飯，勁大碗，應該夠四個人食。最好係大得嚟亦好足料，蠔仔唔會話得兩三粒，舀極都有，仲要圓卜卜好飽滿，讚！肉碎亦係長舀長有，湯加咗芹菜同冬菜，走潮州路線，正！入夜感覺凍凍哋，嚟個熱辣辣嘅乜乜煲就最啱。揀咗豬膶啫啫雞煲，豬膶係厚切嘅，啤夠水，煮得啱啱好，咬落幾爽脆。至於雞件就斬得碎咗啲，肉質較硬同埋食多幾件覺得鹹。有得街邊大排檔炒兩味就梗係好正啦，不過呢啲有得坐出面，有啲裝修嘅小炒店，其實都有另一番風味嘅！…查看更多

香港地，帶着小毛孩想搵一間餐廳食飯都係一件好困難嘅事，尤其係想食中菜，今日行過堅尼地城，見到有一間小菜館有戶外坐位，已經有兩、三枱客人帶著毛小孩來用餐🐶，天氣咁好坐outdoor好舒服。今天想食D濕濕地嘅野，叫咗個蠔仔泡飯熱騰騰，蠔仔每粒飽滿，湯飯加入香芹、冬菜及肉碎，提升咗湯的鮮味。出街食小菜點都要叫個煲仔菜，因為係屋企煮唔到呀嘛，叫咗豬潤啫啫雞煲，雖然豬潤夠厚肉彈牙，但D雞唔夠入味，有D硬，味道也偏咸。不過總括來講都算係幾OK,下次可以再試多D其他小菜。…查看更多

堅尼地城近電車總站一帶，位於香港島住宅區邊緣地帶，多年以來發展速度一直滯後於中上環，但也因為這個獨特地緣位置，堅尼地城一直得以保存寧靜和諧的老區風情；十多二十年前還有很多較擾民的公共設施，例如焚化爐、屠房等等。隨着地鐵港島線西延段於10年前左右通過規劃興建，這些厭惡性設施已分别關閉拆卸，以配合西環尾的重建發展。由士美菲路一直去到電車總站，沿途有不少四五十年樓齡以上的舊樓已經拆卸重建，並吸引很多外籍人士進駐，走在街頭，碰口碰面也是金髮碧眼，與兒時的堅尼地城已經是完全不同的一番景象；但也有不少單幢式舊樓，因為收購困難、重建價值低，仍然得以保留到現在。正因為這種新舊交融的獨特環境，西環尾尤其是厚和街、爹核士街及加多近街一帶逐漸轉變為類似上環蘇豪區的特色餐廳集中地。當中竟然有一間地道的港式小館「匯寶小廚」選擇在這一帶立足，雖然與四周的意法日餐廳有點格格不入，但卻可能殺出一條血路。標準港式茶餐廳或小館的裝修風格，室外露天位置擺放了兩三張摺枱以便招呼喜歡吸煙的客人。室內的四面牆壁又採用了一系列上世紀 1940、50年代的香港街頭黑白照片作為裝飾。始終附近有很多外籍居民，也是這間港式小館的客源，小店的環境也不能太過港式茶餐廳；刻意採用白色LED射燈、將燈光調較至昏暗及不平均，努力在港式茶餐廳中加入一些西式餐廳的環境原素。除了小菜，由於正值冬天，同時會供應煲仔飯及時令火鍋。以一間街坊小館來説，西芹炒龍躉球（$168）不算便宜，但份量非常之多，賣相也相當對辦，只不過廚師的烹調技巧，始終及不上大酒樓同時注重味道、外表及其他細微之處，碟底殘留大量食油，感覺非常肥膩、又唔健康。每件龍躉球的魚皮及魚脂去除得非常徹底，完全沒有任何魚腥味；但魚球炒得稍為過火，肉質有點粗糙。魚味也只是一般，不夠鮮甜。肉排滑雞煲仔飯（$88）貨真價實，真的採用明火及瓦煲、由生米煮成熟飯，足足等了接近30分鐘。見到煲飯之後，餐廳經理特別提醒還需要焗多三至五分鐘，餸料才能完全熟透。睇情況，「匯寶小廚」廚師煮煲仔飯應該有一手，不會用明火將餸菜煮到全熟，以免過火肉質變得粗糙。打開煲蓋，飯香四射。雖然明知不會用炭爐煲飯，少了一陣炭香；但明火煲飯所引致的飯焦，始終有一定的香氣，再混和排骨及滑雞的肉香，已經引人垂涎三尺。將廚師特別炮製的煲仔飯豉油，淋一半在飯面及餸料上面，然後夾起所有滑雞及排骨。以價錢來說，排骨及滑雞的份量實在是非常多，這個煲仔飯可以説是相當抵食。至於餸料的味道方面，無論是排骨或碎雞件，肉質同樣非常嫩滑。再將餘下的半碗豉油淋在飯面。拌勻所有豉油、煲仔飯及飯焦，顏色非常均勻，每顆飯粒表面泛起油光。飯粒分明、沒有互相黏結在一起；每一啖飯咬落口軟硬適中、味道鹹甜均衡。整體來說，是一個非常美味又可口的煲仔飯；需要改善之處就是太過油膩，煲飯時候加了過多的食油，煲仔飯豉油同樣落了過多的食油。蜆肉瑤柱蒸蛋白（$98）賣相只是一般，淋在蛋白表面的豉油、熟油份量太多；蒸蛋白的表面也見到有一個個的小氣泡，明顯是蒸蛋白的時間及溫度控制得不夠理想。材料非常豐富，每一匙蛋白都滿佈瑤柱絲及原隻蜆肉，味道又調較得相當適中。出乎意外地，雖然蛋白表面出現氣泡，但仍然想當嫩滑；水份及生蛋白的比例也調教得很恰當，沒有出現蛋白結成硬塊的情況。這味小菜唯一不足之處，就真的只是賣相而已。餐廳的服務及環境真的是非常一般，也是很正常的港式茶餐廳實況，一早已經有心理準備，不會有太高的要求。菜式味道方面卻比預期中理想，是一個可以考慮作為經常性開餐的飯堂之一。…查看更多

请勿叫海鲜，虾又细又少又贵又老，扇贝又细又唔新鲜又贵，吊片勝瓜更不知所謂, 得果幾少片吊片，要揾出黎先食到。食材差, 煮得差, 服務差, 唯一好處冇乜人，可以坐耐少少。…查看更多

跟店員投訴炸菜肉絲是酸的。店員表示。因為用醋炒所以酸。叫我食唔可以換。再跟2號店員表示酸的。比個碗我夾起。話係罐頭。所以冇炒。到第3個店員見我食完先問我，係唔係變壞。我當然夾起晒d炸菜。我同佢講我呢幾日入醫院就比埋食環署。…查看更多

餐廳環境清淨，我地6:30食，人客較少，員工親切有禮。這餐廳特別之處是有紅酒及白酒供應，且價格便宜我地點左3款小菜脆皮牛腩，xo醬炒豬頸肉配翠玉瓜及海鮮雜菜煲及一煲湯羮。脆皮牛腩的肉質鮮嫩，好juicy，塊皮脆卜卜，但略有油膩，配以啤酒進食，效果良好。xo醬炒豬頸肉配翠玉瓜樣貌吸引，濃味的xo醬辣度適中，頗適合不能吃辣的人，翠玉瓜煮得軟熟，配以肉質嫩滑的豬頸肉，味道宜人，配上白飯一流海鮮雜菜煲則有點兒失望，煲中只有2-3款蔬菜及幾塊豆腐，味道過淡，有待改善西湖牛肉羹的味道可口。吃第1碗時略感清淡，但當加上胡椒粉則味道變得十分可口。牛肉軟嫩，豆腐滑溜溜，非常欣賞這羹…查看更多

通常叫外賣就試得多，很久也沒有於這店堂食了，星期六晩唔想走太遠，近近地便在此用膳。 店子日間走茶餐廳路線，晚飯時段走家常小炒路線。豉椒炒聖子皇:聖子夠新鮮大隻炒得夠火喉，肉質鮮甜爽脆，不會炒得過火，對於一間不是專門吃海鮮的食肆來說，算合格有餘了。豉汁蒸鱔:鱔尚算肥美但肉地較為不夠爽，幸好汁料惹味撘夠，配飯一流，小炒皇小炒皇材料用上了韭菜花、銀魚乾、腰果、菜甫及炸香了的魷魚鬚，吵得非常乾身而且又夠鑊氣，韭菜花上枱時相當翠綠，與其他材料一起吃十分脆口而且口感豐富，打造出大排檔的風味美餚，不過似乎重手了少少感覺偏鹹。黑松露雜菌伊麵黑松露味不重但還是感覺到的，伊麵炒得比較濕及軟身，沒有嚼頭，個人不太喜歡。…查看更多

This is one of the few chinese restaurants in Ktown with al fresco dining.  It's dog friendly as seating is available outside for over 10+ people.  The problem with the limited outside seating is the requirement for courtest.  You will have smokers sitting beside you so sit upwind so the smoke does not get onto your food.  A requirement to eat outside during breakfast hours is a companion in man's best friend.Lunch service starts at 1130.  Order the fresh fish for $45.  It will come with either a bowl of soup or a drink.  You will not have an option to chose the fish but they will serve you one of the two pictured herein.  It's the best option out of the lunch menu. or Breakfast options range in price $20-$30.  Each bowl of soup noodles will come with a side of fried egg and toast.  Tomato soup base is the best canned soup base ever.  It does not taste like the jar variety.This is basic breakfast and lunch food catering to the neighborhood.  A good many chain restaurants are starting to sprout up in the area so it's best to support local while it is still possible.  The breakfast is simple.  Lunch is the real hit.  Dogs are abound during breakfast hours.  Wui Bo is also open for dinner but I have yet to sample.  …查看更多

今次第三次來食晚餐，以小廚來講真係唔錯，今晚試下叫個砂鍋雞煲翅，$468一鍋，有4碗翅加6碗湯，答案係物超所值。個翅既湯好鮮甜, 有半隻雞。另外新試南乳脆豬手，脆得來唔硬, 都係唔錯既小菜。我最鍾意既都係咸魚煎肉餅, 無咩肥豬肉, 有咸魚香, 真係好好味呢到將會成為我同屋企人既家常食堂。…查看更多

之前係到食過早餐，見晚飯餐牌同牆身黑板寫左啲都幾吸引既小菜，於是星期日懶懶地同屋企人來食。為左穩陣起見打去訂定位（好彩，如果唔係星期日7點後原來門口已經排晒隊)訂左個冬季盅，味道好似某啲老字號，味道清，冬瓜肉厚。跟住金沙大虎蝦，好重咸蛋味。椒鹽九肚魚炸粉唔厚，幾好。豉椒炒聖子皇就唔算太特別，但聖子好爽口。最精彩係煎咸魚土鱿肉餅，又大又熱又香咸魚味，正👍…查看更多

這天和女兒的同學一起到了匯寶小廚食午飯，這兒的套餐超抵食，但我還是鈡情常餐。常餐一般是一碗湯粉、一件多士/炒蛋、再加一杯食品，這裡也是例外。湯粉我選了午餐肉羅絲粉，午餐肉切成方型，大粒，很慷慨；湯底是番茄，很重番茄香料味，讚！羅絲粉不會太軟身，很有口感。多士，太乾，而且牛油下得太少，有點失望。沒有上鏡的炒蛋則炒得很有水準，量多，又不會炒得大爛太乾身。食品是熱檸檬茶，一般，茶味有點苦。…查看更多

週五晚於西環用膳，隨意選擇了匯寶小廚中菜。雖是晚膳時間，但只有一兩枱食客，當真能歸本維持生意？！店內裝潢比一般茶餐廳好一點點，衛生情況OK喇！一碟小炒由六七十元到上百多元皆有，免茶芥加一，取價合理。一碟生炒排骨，份量偏少，賣相一般。酸汁味平庸，排骨口感鞋，食味令人失望。粟米石斑塊相比上評分高很多，粟米汁配滑蛋，「石斑」用上青衣柳，肉質滑中帶實，表層炸漿薄脆，幾好味。天氣清涼，煲仔飯是合時菜式。一煲臘腸排骨煲仔飯，加$5追加至愛臘腸一條，出品熱辣香氣撲鼻，餸料多，賣相不俗。臘腸偏瘦，但仍含少量肥肉以保香口腍身。排骨都算腍，比生炒排骨的排骨好多了。飯底稍濕身，焗多一點時間應更理想。整體來說都算好吃。…查看更多