北京老家

营业中

休息中

灣仔店比尖沙咀分店更闊落，坐得冇咁逼。店員服務唔錯，會同我地介紹菜色。老家心靈美 $78係紅心蘿蔔絲做嘅冷盤，醬汁酸甜，好開胃。北京填鴨 $218份量較少，鴨皮唔夠香脆，較為失色。午門面青 $118香脆淮山片炒豬頸肉，雖然偏油，但係好惹味，食到停唔到口。葫蘆香鴿 $218好咸好油，唔啱我口味。葫同刀削牛肉麵 $88牛肉份量好多，大大碗好抵食，刀削麵煮得偏腍，如果彈牙啲會更好。高力豆沙 $88啱啱炸起好鬆軟，豆沙可以多啲。

品嚐過灣仔的北京老家，覺得這裡的京菜不俗，而餐廳位處灣仔合和，其實與港鐵站有一段距離，不過也值得一去。門口佈置也有着老店鋪風味，出面還有一埕酒。沿途的裝潢也不少心思，先有花橋、再有俑兵，大概花了不少金錢於佈局上呢。上層就是用餐地方，枱枱椅椅，以至牆身都採用彷效古色古香的深木色，使設計感覺歸一。傳統菜式以北京填鴨聞名，故點了一客，逾二百元有半隻，也算扺食，填鴨表皮油潤，像塗了層光油般，皮夠脆，再加了部分油脂，入口夠油香。填鴨皮來到個度仲微熱，連蒜、青瓜一齊食更美味。午門面青用上淮山、豬頸肉而製，豬頸肉口感佳帶嚼勁爽彈，以甜豉油在表面上，甜而濃郁的味道，豐富得來使豬頸肉更見惹味，加上上面灑了芝麻，更有層次。胡同牛肉刀削面，麵粗身彈牙，非常煙韌，維持麵條的水準，而且湯底很美味可口，很有牛的味道 。兩人吃過後飽得捧着肚子，滿足地離開，大概一大班人一起來，可以吃得有更多選擇吧！

中國地大物博，每個地方都有自家的家鄉菜，今天就來到食北京地道菜的北京老家。北京菜原來跟在香港最常食到的上海菜很不同，用了很多油爆、醬爆的方法，今天食了的其中一樣叫為”老家燜子”，外觀似炸芋頭粒，但口感卻是QQ的、彈口的，上網一查才知原來燜子用紅薯澱粉做，真是又長知識了。老家心靈美，菜名很美麗，但又是上菜後只看外觀都猜不到是什麼食材，一絲絲的紅絲，末端有點點綠色，再淋上醬汁。原來是紅色的生蘿蔔刨成絲，醬汁是糖醋汁的味道。生蘿蔔有種獨特的味道，而且會偏辣。北京填鴨，可能是眾多菜式當中最為熟識的，鴨香，但這裡可吃出最為地道北京的味道。蕃茄蛋面，就是蕃茄炒蛋+面，不過面條會是比較粗身和硬，價錢是亮點，$78能在合和食到碗面，這個價位很OK用膳中途有師傅出來表演拉面條，都頗有趣。

穿過利東街來到北京老家，餐廳裝潢充滿祖國味道。老家心靈美是紅色的蘿蔔絲，生蘿蔔加了糖醋，口感爽脆，地道北京味道。半份北京填鴨，味道不重，外皮香脆。老家燜子是芋頭味，口感很軟。大娘燒肉餅，包很厚很飽肚，加了肉碎增加口感，提升味道。蕃茄蟹麵的湯很鮮甜，像家母煮的味道。麵的質地是硬，很有口感。高力豆沙跟其他店吃的不一樣，上面是砂糖。不喜歡吃太甜我我很喜歡這個甜點，豆沙很少不會很甜。餐廳的洗手間很特別，是金色的。

一黎到餐廳門口已經俾哩間餐廳既裝修吸引住，見到有中國傳統婚禮上既木橋，大戲中既面具、紅木枱櫈哩d元素，好似去左北京既老飯店咁，哩度真係好特別。哩張係餐廳門口位，真係好有氣派。北京菜喺香港比較少食，所以打開餐牌覺得大部份菜式都好新鮮，連菜式名都好有趣，要睇番美文翻譯先大約知係咩黎。大娘燒肉餅 $108哩個燒餅做法係東北風味，中間肉粒用洋蔥爆得好香，個餅要趁熱食，凍左有d硬，夾左好多肉，好juicy,同平時飲茶食既包好唔同。老家心靈美 $78個名好靚，原來係一碟涼菜，係黑醋伴紅蘿白。店員告知哩種紅色蘿白係東北獨有，愈凍天氣會愈紅，好有趣。味道係酸酸甜甜，咬落好爽口。蕃茄雞蛋手擀麵 $72哩碗麵賣相似我地平時食開既蕃茄炒蛋，但原來係好鮮甜，好中意飲啖湯，好鮮唔多配味料，簡簡單單做出一道好菜。麵相信唔係機整，手打既，食到好彈牙，麵條有質感。午門面青 $118睇名又係估唔到咩黎，係鮮淮山炒豬頸肉。係濃味既一道菜，鮮淮山好爽好食，炒得好有鑊氣，下次再黎都會再點黎食。現場會有師傅表現整麵嫁，吸引所有食客既目光，睇完給予掌聲支持！

早幾日去左灣仔呢間京菜—北京老家〜無論裝潢同食物都幾高質, 仲有唔少影相打卡位。一入到鋪, 就有個花橋, 旁邊有幾張椅, 擺設幾靚, 可以影下相！仲有放住一大堆「聖旨」, details位都執得好正, 好似入左傳統古代店食飯甘。沿住樓梯直上2樓就係用餐地方。四人枱下面都有Decorations, 放左d小石塊, 而值得一提係呢度的茶幾好飲, 一問之下 , 原來係大麥茶, 入口甘甜, 仲可以有助促進血液循環, 健脾消膩添。第一次食四喜烤麩, 原來烤麩係麵筋的一種, 而四喜係乾香菇、金針乾、鮮筍、木耳。而烤麩綿密的口感, 食落彈性, 帶點甜地同時又帶點鹹, 幾特別。北京填鴨點了半隻, 賣相唔錯, 皮香肉嫩, 大部分都淡淡肉, 價錢唔貴, 而且水準幾高。呢碟午門面青超好味, 係用左淮山、豬頸肉加甜豉油及芝麻而製, 淮山極爽口, 仲好新鮮, 而豬頸肉有嚼勁，加上由於滲透甜豉油, 所以味道甜甜地加濃, 好惹味, 推介推介！胡同牛肉刀削面, 面底唔似出面食d刀削面一塊塊, 呢度係一大條甘, 面較粗身, 但質地好彈牙, 比起一般一塊塊的刀削面口感更好, 而湯底唔鹹仲好濃香。葫蘆香鴨, 上枱時已好香

今晚同幾個朋友都好想食片皮鴨 於是我二話不說就推介話去北京老家到食～因為我已經食過幾次 覺得呢間餐廳嘅裝修，食物同環境都好北京好地道，又非常正宗。值得一讚既係服務超級到位，餐廳四周都充滿住濃濃既北京味道！開始我地既美食之旅～首先我們點左杯豆漿豆嘅味道非常濃郁而且唔會好甜又健康朋友覺得非常開心可以係呢個地方飲到正宗地道嘅豆漿。然後我們點左素鵝，呢個可以話係開胃菜，這品質十分出色，外脆 裡面就多汁，好味。去食北京菜唔少得既一定要食北京填鴨，一套烤鴨會有兩套蘸料，皮有幾層，鴨肉帶皮，金黃誘人，肥瘦相間，皮香而不膩肉質緊實。下一道菜係水煮魚，辣味濃郁。我們都係一個魚肉愛好者，水煮魚裏面既芽菜、干辣椒花椒生姜雞蛋大蒜紅油豆瓣醬芝麻油胡椒粉料酒等等將魚煮得美味無窮，魚肉又唔腥又滑身。京蔥牛肉，牛肉非常嫰滑，京蔥更加不用多講，夠哂香 令到成碟菜既味道大大提升最後係高力豆沙，這個代表作既甜點都可以代表住老北京既食品同時亦都考驗廚師既手藝～豆沙香味十足，蛋白的淸香比個贊，為呢一餐飯劃上一個完美的句號。

京菜大部分都是味濃的菜式，而小弟也很喜歡食，所以今次就約了一班朋友一起去試這間北京老家，看看這老家是否有正宗京菜的風味。餐廳裝潢好花心思，底層有個花橋同幾個入牆甲俑，非常特別！枱下面也有石塊擺設，非常花心思。一說到京菜，就立即想起片皮鴨這道菜，小弟覺得如果餐廳是以京菜為賣點，並會以這菜為評分參考。鴨除了皮脆外，肉和皮的比例也恰到好處。小弟覺得太少肉吃起上來會好膩，太多的話就會欠缺油香，所以這片皮鴨我十分推薦。另外，我們點了四喜烤麩為前菜。這個菜吃起上來味道很豐富，又鹹又甜又有少少酸。那些烤麩應該是麵根搓成，配上冬菇木耳等，很有京菜特色。下面這個是牛肉刀削麵，麵吃上來好彈口，有點像上海麵。配上醬油牛肉，很濃郁。由於我們4個人吃一碗，實在是不夠喉，但因為點了其他菜，所以最後沒點第2碗。點了個五門面青，看菜名應該猜不到是什麼。這個其實是豬頸肉和椎山煮成，甜甜鹹鹹。小弟本來並不喜歡鮮椎山，怕那種像黏液一樣的感覺。但這道菜沒有那種口感，反而吃起上來少少爽脆，內裏又有少少冧，令我重新認識這食材。這個是葫蘆鴨，份量有2隻。鴨的表面被炸成酥皮，本來我不明白為何叫葫蘆鴨，但我想大家看完這圖應該就會明白。

姑姐同外籍姑丈難得返香港, 不過爸爸媽媽剛好去左旅行, 佢地交代我一定要好好替姑姐姑丈接風, 揀左好耐, 最後決定去係openrice評價唔錯嘅北京老家, 俾外籍姑丈感受一下傳統農家菜嘅風味。😁北京老家有別於其他香港食京菜嘅菜館, 唔係食北京宮廷菜, 反而以係香港好少見嘅北京農家菜作為賣點, 整間餐廳裝潢好古色古香, 木製屏風, 桌椅配合好典雅嘅壁畫同裝飾, 以至於餐具也是青花瓷製, 感覺仿如走進左北京老店入面用餐。😙我地3個人點左4款食物, 另外加左客甜品, 應該好夠食。😁四喜烤麩 $78四喜烤麩係一道北方菜常見嘅餐前冷盤小食, 入面有有烤麩, 雲耳同冬菇, 味道清甜帶有微酸, 係一款相當醒胃嘅素食。👍北京填鴨半隻 $218食北京菜當然唔少得北京填鴨, 呢款北京填鴨嘅鴨肉都唔少, 香脆嘅鴨皮以鬆軟餅底配以醬汁, 蔥條食, 味道層次豐富。😋五門面青 $118豬頸肉超爽口彈牙, 伴碟嘅准山條香脆惹味, 非常有驚喜。👍大娘燒肉餅(兩個) $108店員推介嘅呢款大娘燒肉餅可以揀羊肉或豬肉, 姑姐揀左羊肉, 燒肉餅口感鬆軟, 面層有少少脆, 羊肉唔太肥, 微微辣, 非常惹味。😍高力豆沙四件 $

我呢日就係食LUNCH 嘅，因為BOOK左位，所以唔駛等就可以入座喇。佢環境好，裝修好，牆上面的晝都好有特色，而且台與台之間又唔會太近，坐得舒服，所以價錢都偏貴。佢LUNCH基本有兩款SET，麵SET OR 客飯麵SET就係一碗麵，配一個小食而我地今日就叫客飯，因為全女班，唔大食，所以5個人叫左4個餐客飯有湯、小菜、飯同糖水分別係紅燒茄子、醬爆雞丁、糖醋排骨同糖醋魚當中我推介紅燒茄子同醬爆雞丁份量大╴味道好

今日下晝攞左假陪表妹係灣仔搵設計公司裝修佢間新屋, 由1點一直到6點先傾成仲簽埋約, 因為lunch都未食, 超級肚餓, 表妹帶左我去合和中心呢間京菜店醫埋肚先返屋企。😋表妹介紹呢間北京老家主打農家菜, 原本以為裝修會比較簡單, 一入到餐廳非常驚喜, 餐廳裝修以古典中國風為主題, 配以既有特色又雅致嘅擺設, 非常有格調。我地到餐廳時未到6點半, 客人仲未多, 我地趁機係餐廳周圍影相打卡, 超開心。😍餐牌都係以中式風格設計, 菜式選擇非常多, 我地點左烤麩, 燒肉餅, 刀削麵同高力豆沙, 雖然有好多野想叫, 不過兩個人唔敢點太多, 怕食唔哂。😌四喜烤麩 78烤麩雖然係前菜, 不過份量非常多, 上枱時仲好熱, 酸酸甜甜, 口感軟腍, 加上爽口菇菌, 味道唔錯。👍大娘燒肉餅 108以羊肉做嘅大娘燒肉餅外軟內嫩, 羊肉帶有微辣, 味道濃郁。😋胡同牛肉刀削麵 88刀削麵好滑, 湯底味道香濃, 牛肉肉質富有彈性, 配搭唔錯。高力豆沙 88一份高力豆沙原來有4件, 我地每人食左兩件, 飽到要捧住個肚走。😊

到底香港邊到有正宗嘅北京填鴨同北京菜食？上網搵咗啲資料，北京老家係非常出名食北京菜，而且環境係超級有中國風味，所以就約咗朋友去食個晚餐。門口真係好特別 好有博物館嘅感覺，充滿濃濃嘅中國風味。枱下係有養住金魚嘅盤仔，好吸睛之外仲要好有古代風格，未食就大飽眼福打卡一流啦。麻辣土豆絲嘅土豆絲非常脆口，啖啖入口都充滿麻辣嘅醬汁，又麻又辣嘅感覺惹味又過癮作為一個前菜非常開胃。大娘燒肉餅好多餡料好厚身，外面嘅包質感似饅頭比較乾身，但餡料夠多同夠肉汁，而且味道好濃岩曬我重口味人士，完全解決咗面包乾身依個問題，好食。北京炸醬麵好濃味香口，麵身質感軟硬適中仲帶點煙un。午門面青姐係淮山炒豬頸肉，醬汁嘅味道係帶啲甜味，豬頸肉好入味同埋份量好夠多，好岩用嚟送白飯或者送酒。最尾我地哪叫咗北京填鴨，有得揀嗌全隻或半隻。皮、鴨肉、京蔥再加大匙醬料，再一啖送入口，鴨肉嘅油脂好香唔會太肥或太瘦，皮又夠薄 京蔥又可以解到膩，食多十幾塊都唔係問題。高力豆沙好甜好好味，外脆內鬆軟嘅外皮，加上入面又綿密又香嘅紅豆餡，作為一個美好嘅ending。

很少機會食到北京菜，難得一家人晚飯，是晚選址灣仔北京老家，聽聞這裡的北京菜夠特別、夠正宗，而且份量大，多人吃款式自然可以點多些來品嚐。 餐牌菜式種類繁多 環境怖置古色古香，有著北京歷史特色 灣仔商業區，本以為平日夜晚人流少，但來到一看，很熱鬧。 老家心靈美，聽個名字都不知什麼東東，即管點來試試，原來是炸過的蘿蔔絲，再調味醋汁製成，粉紅顏色很吸引，味道酸酸甜甜幾有趣，炸過香口爽脆，先打開我的味蕾。 胡同刀削牛肉麵，湯底濃郁，刀削麵條厚薄適中，有咬口，很香濃的牛肉味，湯底清甜不會很油膩，牛肉淋身嫩滑，牛肉的份量都多，湯底味道不錯。 老家燜子，甜甜地，都幾好食，口感像薺物，每一件都滲滿汁液。 五門面青，又是聽個菜名都不知是什麼，在詢問職員下原來是營養價值豐富的淮山及豬頸肉，這款菜很適合配個白飯來吃，比較濃味，但淮山這樣的製法還是第一次吃到，挺特別的，味道甜甜地，幾開胃。 北京填鴨，吃北京菜怎能不吃填鴨，外皮燒至好香好脆，皮薄鴨肉汁多，油份剛剛好，我有時都會整片吃，不包蔥、醬，哈哈! 大娘燒肉餅，滿滿的肉碎幾乎瀉，餅底鬆脆，肉粹味道濃郁，調味偏向中東口味，我自己就吃不慣

好耐無食過片皮鴨所以今日搵到間北京老家就諗住帶埋男朋友同媽咪一齊試下,一黎到已經感受到個種古色古香既味道..店內裝修全部充滿古代既建築同擺設，令人好似置身于北京老店既感覺。上至枱椅下至茶壺都經過精心選擇,完全中國風味。另外一提既係餐廳連女厠既設計都做到好精致,非常特別~洗手盆係金色,連鏡都好有中國風格。我們點左一份招牌菜素鵝，吃落去有濃濃既豆香味,口感酥脆可口,唔會油膩。水煮魚夠哂麻香味,辣度適中，可見落足料去整成！魚片非常嫰滑,辣椒帶出黎既味道令到成盤水煮魚都非常香 加上巧妙既煮法增加左唔少食慾。牛肉刀削麵,選擇好材料非常關鍵！新鮮牛肉加上濃濃既湯底,令到成碗麵非常入味,食起上黎好有口感。，加上用新鮮既刀削麵都修煮牛肉麵既精髓。片皮鴨係食北京菜不可不點既菜色之一，鴨香脆唔油膩,係咀裏溶化左既鴨油夾住清新既青瓜同蔥,有種解油感，而且皮唔會好厚。京蔥炒牛肉,用左新鮮既葱 味道好香口 牛肉本身好新鮮嫰滑加上芝麻既香口非常美味。甜品一定簡高力豆沙.加上適中既糖同香口既紅豆沙,味道很好，再加上一杯鮮豆漿黎個總結，下次都會再黎幫襯！！

因為想去喜帖街看玉兔，就約了朋友在合和中心晚飯，於約晚上8:30來到還有很多食客。這裡的裝修加入了很多中國古代的元素，而餸菜的名字也很特別。老虎菜：單看中文真的不知這是甚麼，但看英文會略知一二，再問了店員，其實是一碟有青紅椒、青瓜、豆皮，全部切絲，加了麻油、莞茜、洋蔥和芝麻等的一碟涼拌菜，很有北方風味。大娘燒肉餅：一客兩件，我們笑説是中式的迷你漢堡。很香，肉味濃的羊肉，用了北方的調味手法，很惹味，只是嫌太細個！而因為羊肉太好味，我們就加點了一個羊肉串，最少要點兩串，剛好我們一人一串。用了大量孜然粉，好味！另外點了紅油炒手。看似普通的紅油，辣味是有後勁那種，初食時不覺太辣，但越食越辣，但辣得來很好味。更要讚的是店員介紹的這碟五門面青，應該是豬頸肉，甜甜的醬汁，加了大量的炸淮山。佐飯一流。雖然已很飽，但還是點了炸芝麻湯丸。炸了的湯丸，其實有點似煎堆，Q彈有咬口，是美好的一餐中式晚餐。