北京水餃店

💬睇完套有關灣仔碼頭臧姑娘嘅電影《#水餃皇后 》立即好想食番碗典型嘅北京式水餃🥟，行行下去到尖沙咀柯士甸路，呢間開業多年嘅水餃店 。.💬小店經營都係得老闆同老闆娘主力負責日常運作，賣嘅都係大家熟悉嘅舊模樣，嗰種即叫即包即淥即上枱嘅方式，同樣大家一定食過嘅嗰種味道唔會陌生 。環境係比較簡陋，而服務態度又不要強求太多 。.———————————————————————————.🥢豬扒水餃麵🍜💬單點咗一碗雙拼麵，豬扒係剛炸起，切好另上，唔會浸腍；北京水餃皮係比較厚實，一碗有4粒，餡料係飽滿，有菜有肉；上覆加咗雪菜，讓湯麵食起上嚟無咁淡同單調；別說這種做法沒有與時並進，墨守成規，其實因為這才是「原味道」 。…查看更多

口痕痕好想食嘢添，行到柯士甸道有咩好食。 今次搵到一間手工餃子鋪，真係餃店啦。 d水餃大大隻，加多杯新鮮豆漿，無得頂。 平時食既都係雪藏餃子多，宜家可以食到人手包既美味餃子，正呀！呢間店雖然細小，但環境乾淨同上餐快，唔洗等。食物方面都以餃子同麵食為主。份量足夠，而且味道香濃。 喜歡屋企食火鍋既朋友可以外賣生餃子，反到屋企烚下烚下先。…查看更多

今次係柯士甸道附近發現左一間小店。 有好好食既自家製既餃子呢。 一隻隻大大隻，份量足。 啊喜歡既可以配個麵，天氣凍凍地，食反碗，幾正。 另外仲有豆漿同小食添。 豆沙鍋餅、牛肉卷餅、上海粗麵、家鄉炒飯都好。 款式多多，見到餐牌都忍唔住啦。 如果想烚下烚下，係屋企火鍋，可以係到買生餃子反去煮。 真係好好食。 你都去食反碗啦…查看更多

【油尖旺區】【北京水餃】聖誕節嗰晚同大學同學耀哥喺尖沙咀三角公廁附近食飯，食完飯之後喺附近行吓，見到呢間餐廳，就有啲興趣。呢晚發現自己一個又係喺呢頭，就膽粗粗走入去食。入到去發現環境都幾污糟，諗住係特色嘢就冇所謂，照食，先叫碗 $50 嘅「正宗北京水餃」。佢講明有韭菜嘅，味道可以，冇驚喜。咁食得嘢就梗係叫杯嘢飲吓，就叫咗 $8 嘅「凍豆漿」，係唔好飲嘅，差過平時成日講嗰啲一般料。再叫咗兩樣小食，首先係 $23 嘅「羊肉大蔥餡餅」。食北方嘢都幾期待佢哋嘅羊肉產品，但係好可惜呢碟幾令我失望。跟住係 $17 嘅「豆沙鍋餅」，諗住呢個夠穩陣，點知發現佢個皮同羊肉餡餅好似一樣，味道亦都麻麻。埋單係 $98，我畀錢嘅時候，排我前面有個大陸人。佢用微信支付，成功畀錢。到我畀錢嗰陣，我就一定要畀現金，唔准畀微信，我完全唔明係咩操作。。。（地址：尖沙咀柯士甸路17號豐樂大廈地下1號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #紅磡 #1am紅館 #北京水餃 #北京水餃店 #正宗北京水餃 #韭菜 #凍豆漿 #羊肉大蔥餡餅 #豆沙鍋餅 #1am1667 #1ambackup…查看更多

食物一般，服務態度超差，自己間店細，人地坐好，又不停洗食客掉位，出入要隔籬嗰位起身讓位置出離，呢個類似事頭婆嘅物體，係咁話個客企起身阻住佢喎，跟住人哋點菜，佢又話啲客睇清楚，呢間店真係好巴閉咁款喎。話完呢個客就話第二個客真係好得閒囉。…查看更多

人生第一篇食評。睇到以往的評論都知呢度衛生麻麻，諗住過咗咁多年，可能員工唔同會有改善，點知真係諗多咗。坐底一刻，枱面係完全無抹過，充滿湯漬。食物嚟到，飲咗兩啖湯更加驚嚇！隻羮+湯碗係用到甩漆的！食完一定好「健康」！連門面招呼客人嘅餐具都咁，完全想像唔到廚房用具會點！服務態度亦極劣，老闆員工完全唔志在，食飯過程中有兩個客被鬧，一個係聽唔到員工上菜問係邊枱叫，一個係唔識喺地下雜物堆中拎餐具。一路食一路後悔點解要貪平入嚟。…查看更多

服务态度垃圾中的战斗机，上错了菜还理直气壮，好像很得意的样子，牛逼哄哄，家人们真的别去！坚决抵制不良商家真的劝退，还想多收钱，真的呕吐🤮，坚决抵制不良商家的人身侵害，真的服了，我超…………………………………………………………………………………查看更多

所有嘢都正正常常🤣無特別出色，只可以話以尖沙咀地理位置嚟講係make sense價格🤣老闆好似轉過手，而加嘅老闆娘講得一口流利北京腔普通話🤣豬扒擔擔麵$56個擔擔麵正常嘅，味道都夠香濃，湯底帶住好少嘅花生麻醬味，個麵係好食嘅！不過豬扒唔知發生咩事，有啲酸wo，不過朋友覺得無嘢🥹白菜豬肉水餃$54好大隻，係屋企包餃子嘅感覺🤣啲皮都好厚，入面多湯汁，啲汁夠味夠咸…豆沙鍋餅$16唔係好搞得掂🤣好油，個餅入面有白色類似麻薯嘅東東，但硬硬哋，好似煮過龍咁款🤣完全唔知咩嚟🤣總括嚟講，可能我唔好彩，真係好餓好餓無嘢食先好入去🤣唯一賣點，啲嘢食平又勉強放得入口🤣唔會推介。PS題外話：個老闆娘好笑，有個客落單叫住1個麵/定唔知餡餅先，個老闆娘暗地裏話「嚟呢度淨係食個麵/餅」好真性情🤣…查看更多

係金巴利道有間獨一無二嘅餐廳 同周圍嘅韓國餐廳唔同 老細係純正北京人 唔單止賣北京水餃 都仲有D其他北方餡餅 門口貼滿左老細同明星嘅合照 應該都係間明星小店😎可以同老細講廣東話 但係聽到佢地自己講嘅北京腔再聽佢地講廣東話都覺得好勁！🥟白菜豬肉水餃（酸辣湯底）💰54+6呢度水餃都有好多種選擇 要試一間餃子好冇食 咁就要睇下最基礎嘅白菜豬肉好唔好食！一般有8隻 但係轉湯底就少返隻 我地轉左酸辣湯底 只係+$6但係料多到太驚喜😭酸辣湯入面有牛肚 木耳絲 豆腐 雞蛋同豬紅 酸酸地都好開胃 辣度係可以接受的😎講返正題 餃子皮厚！係純正嘅北方水餃皮！仲捏成一個三角樣 好似糖三角咁 咬開餡都唔認輸 超大一舊嘅豬肉連著白菜同蔥口感好正 肥肉存在感唔高 但係就都係略鹹左D😞整體好好！🌯北京餡餅💰17呢個係人氣推薦！牛肉餡餅新鮮炸起熱騰騰 仲好貼心咁cut開四塊 碟上面都見到新鮮滾熱辣流出來嘅油汁 餅皮焦脆都幾厚 餅身就比較軟D 都幾厚實 雖然咬開個陣有油水滲出來但係唔會覺得過油同埋熱氣！牛肉同香蔥嘅搭配增添左餡餅嘅香味 香蔥被煎得出汁減少左牛肉嘅鹹味😗真係必食！個人覺得如果食開九龍城個間牛肉餅都可以試下呢間！（當然清真牛肉餅世一！）🌯羊肉大蔥餡餅💰22呢個同招牌北京餡餅嘅唔同就係內餡變左羊肉 羊肉同大蔥嘅顏色都冇牛肉個款咁重 好彩羊肉味道都唔膻 不過就係炸左一陣暖暖地 如果熱辣辣應該會仲多汁！🥠蕃薯豆沙💰25仲以為呢個係高力豆沙 但係原來係deep fried嘅糯米球🤣同炸湯圓都幾似 入面糯米粉比例較高 所以口感都幾粉幾厚 入面豆沙好順滑唔甜膩 未試過都可以試下！呢度仲有好多口味嘅水餃 可以買生嘅一打打返去自己煮 都有好多人過來專登買餡餅 鍾意皮厚嘅真係要試下北方口味！📌 北京水餃店 (尖沙咀)尖沙咀柯士甸路17號豐樂大廈地下1號舖…查看更多

下雨天約了朋友在這裏食飯食過咁多間吃水餃的店舖，這一間算是最麻麻哋的一間，首先我叫了雲吞，他給了我水餃，但他也願意給我換歌我拒絕了，費事啲食物俾人加料，啲餡好似唔係好新鮮，唯一賺的就是收費合理。…查看更多

周不時好想吃餃。今次揀老店，大大粒水餃內裏是芫荽加肉碎，芫荽味濃郁，啖啖清香！配上足料酸辣湯底，有筍、豬紅、肉絲、豆腐……夠誠意！除咗水餃之外，還有一些小食。今次阿女選擇牛肉餅，有五香未到，牛肉口感如牛𦟌有嚼勁。不過環境有些老舊，一看就看得出有一定年份的歷史。客源方面，有不少是尖沙咀的街坊， 是老顧客呢！還有，不少日本遊客，應該在日本旅遊書曾經被推介吧！由於酸辣湯相當足料，阿女10分喜歡，相信不久後會再到店品嚐。…查看更多

水餃是小絲最愛美食之一。尤其是一些特別的味道更另她愛不釋手。這間水餃店已經開了好久，在同一條街搬過一次舖，新舖整潔些，坐位多些。以前我只吃原味的水餃，即是韭菜豬肉餃，認識了小絲後就開始接觸不同味道的水餃。這裡會有一些特別的味道，因為特別味道存貨不會很多，有時仲會現場即包餃子，超級新鮮。今次點了茴香豬肉水餃+轉酸辣湯底$62。茴香餃當然好重茴香味，小絲就是很歡食怪+重的味。坊間常追求水餃的皮要薄，其實都沒有好與不好，好吃自然就有捧場客。而這店的出品，水餃皮是厚身的，好處不易煮穿，漏餡出來。另一個是好處是有Q彈的口感。酸辣湯都好足料，辣度不高，酸酸的很開胃。這個價錢這個質素實在收貨有餘。重點是如果小絲來她一定食得開心，而我又成功慳了一餐錢，不用去呃錢cafe。…查看更多

香港又平又正又好食既正宗北京水餃店! 皮厚餡多，個人而言喜歡厚皮，是家庭的風味，一碗有六粒，粒粒大得像拳頭，伴著清湯，女仔食完一碗加杯熱豆漿夠哂飽，男仔通常都會加麵底。它屬於小店，在 PAGE 148酒店的斜對面，位罝不多，只有六至七張小枱，不過自動自覺的食客們通常吃完就走，有時繁忙時間，都會讓座或快速吃完，騰空位置，兩次去都是高高大大的男店長和女店員坐鎮，有禮貌好記性勤快，難怪食客一枱接一枱，無論什麼時間，店內店外都擠滿人。店內也可以外賣生水餃，平日在家滾個湯麵拌餃子也是不錯。…查看更多

1. 羊肉大蔥餡餅（$22/個）餡餅外層真係脆卜卜，內餡既調味都好惹味，好香孜然同大蔥味道，但係個羊肉食起上黎唔係太新鮮既感覺2. 北京煎餃（$24/4隻）舖頭既人話所有餃都可以煎，就叫左個韮菜煎餃，餃子既外皮煎得夠脆，同埋北京餃子外皮比較厚少少，所以食到皮脆既同時可以食到餃子既韌勁。煎餃一咬就爆汁，非常juicy，個韮菜內餡調味都好食，菜肉比例適中，亦食到足夠韮菜味，比起羊肉餅既餡，個人更鍾意呢個韮菜豬肉餡整體兩款煎炸小食味道都令人滿意，每件都煎得好好，水準穩定…查看更多

由舊鋪到搬咗呢間新鋪都好多年，新鋪搬咗食過1次算不過不失，今日再食覺得素菜餃好油！今次揀咗酸辣湯底，豬絲好鞋好老，酸辣湯嘅味道一般，唔夠酸唔夠辣！$54蚊嚟講係比佐敦道某間餃子店好既！呢間素菜餃話係白菜木耳，但係佢即咗個椰菜俾我！一咬成口油！好失望！冇白菜又唔講！見佢家庭式經營到而家都係，同埋今日都非常之多人，爆棚！就由佢！豆沙鍋餅 $16 不過不失！由於而家唔食豬肉，下次會試吓個羊肉餃係點樣樣！到時再睇吓個素菜餃係咪仲咁先至再決定俾唔俾伏食！…查看更多