劉森記麵家 (褔榮街)

营业中

休息中

今日途經深水埗唸住食文記車仔麵，但係太多人嘅關係，所以幫襯咗對面米芝蓮推介既餐廳 “劉森記麵家”。黎得劉森記梗係要叫佢既招牌菜 “蝦籽撈麵”，加上自己又想食雲吞，所以叫咗蝦籽雲吞撈麵。😋蝦籽雲吞撈麵 ($46) : 湯底幾鮮甜，每粒雲吞裏面都係半肥瘦豬肉同有成隻蝦喺裏面，食落爽口彈牙，可惜得三粒唔夠喉 😝 撈麵就有勁多蝦籽係上面 🤤 蝦籽鮮味濃郁，一啲都唔腥，配埋煙韌爽滑既竹昇麵，米芝蓮果然無介紹錯。👍🏻

深水埗真係好多好嘢食，每次嚟到想食麵嘅話不二之選一定係佢👉👉👉劉森記🥰🥰我每次必叫嘅至愛”薑蔥栢葉鵝腸撈”啲鵝腸同柏葉好足料，唔會碎濕濕，爽脆👍👍👍 就咁點辣椒豉油食已經好好味😋😋 不過...佢地只係配角🤔🤔🤔登登登登✨✨主角出場啦😍😍WOW~好好好食嘅竹昇麵👅👅👅 佢嘅麵油潤得來唔會笠口👍 爽口得來又唔韌👍 配埋佢嘅撈麵汁，真係好撈麵會配上一碗湯，個湯飲得出有🦐蝦子同🐟大地魚嘅鮮味🥰🥰👆水餃墨丸蝦籽撈，水餃都幾好食👅 但係墨丸就普普通通啦👀👇佢嘅蝦子撈麵不得了🤩🤩🤩 超多蝦籽🤣🤣🤣 鍾意食蝦子撈麵嘅你必食💯最後想讚下佢每碟撈麵都會配上2丶3條粗碌碌嘅菜芯/芥蘭😃 滿足

平常很喜歡到這裡點淨水餃食正餐不用吃飯那麼可是早前疫情嚴重比較少來這裡。剛巧今天下班經過這裡，於是外賣點了一份淨水餃，味道仍然保持水準。期待下次疫情過後可以在這裡堂食。

雖然劉森記蝦子麵聞名已久，我還是第一次幫襯！ 蝦子雲吞撈麵啲蝦子多到遮住哂啲麵，而且一啲腥味都沒有，值得稱讚！ 👍🏻👍🏻👍🏻 鮮蝦雲吞麵也絶不欺場，雲吞皮薄餡靚，蝦肉爽口！ 麵條是竹昇打成，真係非常彈牙，舊式製麵技術果然非同凡響！ 🤩🤩🤩 同行另一位朋友則食了招牌水餃麵，也認為味道不俗！ 見有我至愛的通菜，自然要來一碟吃過痛快喇！值得一提的是每枱放有酸蘿蔔一瓶，酸酸甜甜的，挺開胃，等上菜時記得不要錯過呀！ 🥕🥕🥕總括來說，這店果然貨真價實，毫不欺客！ 😋😋😋

呢間老店一直幾有名，因為蔡瀾曾經講過個到係佢嘅飯堂，嗰日經過深水埗，決定來試一試佢。知道呢度出名竹升麵，蝦子都聽聞係招牌菜，貪心嘅我於是叫咗一個牛腩雲吞蝦子撈麵。餐廳的而且確好大風俾咗好多蝦子，但我自己覺得麻麻地，有一陣so味。另外個麵質都好普通，比較乾。牛腩同埋雲吞都係中等水平，整體來講名過於實，咁嘅價錢係出面雲吞麵鋪可以食到多好多餸。成餐嘅亮點係呢個酸蘿蔔，特別係夏天食好開胃，因為佢係擺喺度任你食，算係補償左相對地比較貴嘅價錢。

優點:1, 幫襯過劉森記3~4次, 今次蠔油介蘭最甜最冧, 竟然重好味過主菜蝦子牛筋撈. 讚讚讚!2, 就算帶咗口罩, 一踏入劉森記, 香濃嘅蝦子味撲鼻而來, 每次點蝦子撈, 蝦子份量一D都唔巿儈, 每次食完都留底好多蝦子係碟上, 好鬼想搵個無咩人嘅角落偷偷瀨乾淨隻碟!3, 牛筋又軟又冧又入味, 滿意.4, 湯底清甜, 一飲就知落咗唔少心機同材料.5, 另外點咗碗水餃冬菇河, 其中冬菇炆得冧同入味, 而且大大隻, 特別出色.缺點:1, 我中意食蔥, 劉森記用韭黃, 如果用蔥更夾自己口味.2, 大大話話成年無食豬手, 今次最主要係想試試劉森記豬手, 雖然夠冧而且份量足夠, 但味道過重, 好彩食撈麵有碗清湯付送, 豬手過一過清湯, 味道啱啱好.

以前經過劉森記, 十次有九次門口排哂龍, 近期兩次去幫襯, 兩次都唔洗排隊之餘, 舖內都有唔少吉位添, 唉..... 無語.....上次幫襯, 蝦子放湯, 蝦子味當然淡哂, 所以今次點蝦子撈面, 叫咗個蝦子牛腩撈, 淨水餃.上次幫襯, 芥蘭灼得唔夠冧, 今次講明芥蘭要灼得冧D.蝦子鋪係麵上嘅份量, 可以用誇張嚟形容, 澳門果間出名蝦子麵店即刻比下去!好怕食麵有鹼水味, 今次捞麵鹼水味唔重, 入口充滿蝦子香, 滿意!另外牛腩夠軟夠冧夠入味, 併埋碟蝦子撈麵, 滿足鳥....今次芥蘭灼得夠冧, 有改善.食完行出麵店, 俾我最強烈嘅感覺係足料! 毫無偷工減料感覺.唔記得問佢地, 有無蝦子出售. 下次問問先, 買完自己整蝦子即食麵...

蝦子雲吞撈雲吞同麵分開上，湯比雲吞麵嘅湯較濃，可能因為煮麵有水沖淡啲，雲吞比一般嘅細粒，兩粒先等於其他舖嘅一粒咁大。講味道係一般，冇嘜特別嘅材料。原粒蝦放落去，冇加入蝦膠之類。我再買一打生雲吞外賣，食真啲。再食都係發覺一般。蝦子，我好有expectation。原來都係不外如是。好少香味，冇嘜特別。中伏。整體份量十足，但係好食先得㗎，唔好食多多都冇用。同枱阿叔叫牛腩麵，有機會再試。撈麵$46。友人食雲吞百葉麵，百葉un到冇朋友，完全唔掂。

上次經過劉森記, 人龍N咁長, 重要熱辣辣排餐死, 幫襯？咪玩我啦!今次經過劉森記發現無人排隊又有大把位, 即管幫襯試試, 睇吓係咪咁正先!蝦子湯河註明本店推介, 於是叫咗個蝦子牛筋腩湯河, 冬菇雲吞河多蔥食汁, 蠔油介蘭.蝦子牛筋腩湯河 : 湯河一上枱, 即時聞到濃濃蝦子味, 腦海記憶系統馬上進入找尋模式, 搵出另一間馳名蝦子麵名店澳門祥記, 再進入 RE-PLAY 模式作比較!結果 : 澳門祥記份量少又毫無蝦子味又貴.下一步 : 請將祥記路線圖取消.1%..... 15%..... 100%取消完成! 唔洗再去幫襯！另外, 望埋去實一實嘅一舊舊牛腩, 記憶系統根據經驗分析, 得出 99.99% 又係D硬同無咩味嘅牛腩, 但入口竟然係鬆軟而且入味, 完全另一回事! 牛腩絕對有驚喜!冬菇雲吞河多蔥食汁 : 首先劉森記用嘅係韭黃唔係蔥, 冬菇炆到冧而且入味, 河粉用上自己喜歡嘅幼身品種, 滿意.蠔油介蘭 : 唯一失分地方, 因為灼得唔夠耐, 唔夠冧.劉森記要排隊一定有原因，果然係一間有水準麵店，推介！食完之後得出兩個結論 :1, 下次幫襯旁邊新聯豐之前, 應該去劉森記望望先.2, 蝦子放

今天去深水埗買點東西，時間有點晚，還是食麵好了！可以快點食完回家。但我亦不會隨便找家來食，讓自己的胃受罪。所以還是選擇去有質素的「劉森記」。由於食客多，需要在門口等ㄧ下。在等候時見到一大盤炆得香香的牛腩在前面， 飄來的香味，令到口水猛流。好彩不用等多久便可入座。我看過餐牌很快便選好自己想食的。下單後，當然向前方的ㄧ大樽先下手，事關這裡提供免費的酸蘿蔔，入君品嚐！酸蘿蔔醃製得剛好，酸酸甜甜又 爽脆，作為開胃菜ㄧ流。點的麵食亦隨隨送上。牛腩牛筋撈粗麵牛腩和牛筋份量好多，蓋滿了整碟麵，我拿起筷子夾起牛筋放入口中，不會太淋又不會大硬，炆得剛剛好。接下來牛腩好入味，肉質好細緻。再咬ㄧ口粗麵，爽口彈牙又沒有鹼水味。碟底還有幾棵菜心，平衡ㄧ下。撈麵還附上一碗清湯，亦是一個佳品。再來一瓶可樂，解ㄧ下油膩感，妙極!這店是我到深水埗的必食之選

I am disappointed by its so-called bamboo rod noodles as many including some food commentators claimed to be good. I found them all the same and in times worse! Because what they charged is generally higher than ordinary and yet the products they offered are not very much different. I tried in two stores just in the neighbourhood areas lest the earlier store I went was fake. The shrimp paste noodles with won ton soup was quiet ordinary and the noodles were tasteless.

深水埗區小有正宗雲吞麵店，佢哋嘅雲吞真係大小剛好，湯頭係傳統大地魚味道，自家足陞麵就真係冇得講啦，只係E份執着以經冇說話好講啦，種有自家酸蘿蔔任你食希望能夠一直保持下去！

話說一個人去黄金買野，買完後周圍找好野食，見到劉森記門口有好多明星合照相，便入去試下。本來想叫雲吞麵，但蝦籽撈麵咁出名緊係整個雲吞蝦籽撈麵，不到10分鐘，撈麵已到，一碟簡單的麵，充滿驚喜，充足蝦籽口感，彈牙嘅生麵，都十分好味，更沒有好重鹼水味，至於雲吞湯，先講湯底，超鮮甜及濃味，應該大地魚淆湯淆好耐，至於雲吞爽口彈牙，蝦肉新鮮，正。同場見到有伙計包緊雲吞，嘩果隻蝦大到。總之一句講晒，到深水埗，一定要試。

放工到堔水埗買電腦產品後，本想到對面的文記車仔麵，但人龍已直到馬路旁。剛好看到劉森記，便口讒想吃蝦子撈麵。劉森記馳名的有豬手及柱候牛根腩蝦子撈麵；濃郁的柱侯醬配上爽滑的牛根確是一絕；另外，鮮蝦雲吞亦是鎮店之寶，實在是回味無窮。

呢間小店已經扎根係深水埗好長時間，由於平時真係食厭哂其他餐廳，所以今天過黎食番啲舊嘢🤷🏻‍♂️ 我都好幾年無食，但係依然覺得服務無改善過，而且乾淨程度都係劣劣地🤦🏻‍♂️個問題係服務員抹枱抹得好求其，啲烏蠅又周圍飛⋯⋯蝦子京都炸醬撈麵 - $46👉🏾蝦子係呢度嘅特色，其實味道都算唔錯，只係有點偏鹼，而炸醫肉則有啲偏酸蝦子雲吞撈麵 - $46👉🏾雲吞只有三隻，而且好細粒👉🏾鮮蝦味無乜，要靠蝦子味搭救總括來講，雖然呢間小店扎根喺深水埗已經好耐，但係無論係食物質素，服務質素，仲有乾淨程度一直以來都冇提升，我真係以後都唔會再嚟食🤮