劉森記麵家 (褔榮街)

营业中

休息中

本身係想去深水埗長發麵家食佢嘅招牌魚蛋麵，點知佢假日冇開，於是乎行咗過去劉森記，見到冇乜人排隊，於是乎排咗兩張枱就到我哋。 其實我哋排隊見到佢煮麵嘅時候都心知不妙，覺得佢個麵黐埋一劈劈，唔爽口，但係始終都比咗呢次機會佢。 一坐低就夾咗佢哋啲醃蘿蔔，跟住嗌咗蝦子雲吞撈($54)，再叫咗一個雲吞麵($40)同埋腐乳通菜($22)，加一罐可樂($8)。 蝦子撈啲蝦子份量好足，但係啲麵就同我哋之前所講咁太淋，一啲都唔爽口，雲吞(三粒)冇味，啲蝦又唔爽，個湯底好淡。 雲吞麵比較之下仲更加慘烈，因為佢個麵係烚完再浸住嘅湯，完全係冇味╮(￣▽￣"")╭ 醃蘿蔔同腐乳通菜還可以。 一句講晒，唔值得再排隊嚟食！

今日就去到深水埗區搵食，決定食呢一間好出名嘅劉森記麵家，地址位於深水埗福榮街80號地下呢一間舖頭有60年歷史，係米芝蓮雲吞麵嘅老店 都唔使排好耐隊都入到去，大概5分鐘到由於一早已經睇定個餐牌嘅關係，我今日就叫咗牛腩牛筋鵝腸蝦子撈麵 決定咩都試吓幼麵食落口非常彈牙，配埋滿滿嘅蝦子，配搭簡直一流，蝦子鹹香而不漏！個面亦都唔會有嘅鹼水味，值得一讚牛腩同牛筋都炆得好入味，非常腍，醬汁嘅味道配搭上亦都做得好好 配埋蝦子麵食，非常match!鵝腸，我就覺得不過不失，冇乜太大驚喜

依間老店已經有好多人推介 喺深水埗有好多間傳統老店，佢係其中一間必食的。車仔麵檔咁樣自選唔同嘅配搭，佢比較出名係蝦子撈麵。有好多出邊食唔到嘅餸菜，例如鵝腸，蠔油冬菇， 黑柏葉等等。蠔油冬菇超入味，相信佢用心煲咗好耐成舊冬菇都好濃味。 份量都非常之足，蝦子好似唔駛錢咁樣，落左好多。 每一個餸都會比足夠嘅份量，如果女士們比較細食，建議同佢哋講要少麵。枱上面仲有免費嘅酸菜蘿蔔，酸酸甜甜好開胃，就算要俾錢我都覺得值得。 總結來講，平靚正

唔知係咪我要求太多, 水餃撈麵, 免剪, 唔要蠔油腩汁, 淨要熟油。 5分鐘後碟麵上檯(見圖好似幾好, 相機問題), 一睇啲麵已經較平時脹身, 咬落軟冧冧, 摷開仲見有幾條唔知係上幾多手响淥面水留低嘅粗麵, 似乎係無跟柯打, 搞錯再將啲麵翻淥, 徹底洗淨後撈渣上碟(唔怪得幼中有粗🙈), 不過阿姐話無搞錯, 我又見唔到痕跡, 結果係咁意食兩啖就放棄, 假若真係竹昇麵, 咁搞法, 不如丟咗那碌昇算了, 免得浪費功夫。同樣情況, 一個月前响中環某老牌粥麵專門店遇過, 不過由於無洗乾淨啲蠔油, 加上翻淥嘅麵必冧無疑, 反映之下阿姐二話不說重新淥過另一碟麵, 我覺得呢啲先係麵店應有嘅負責態度。

基本上過完去電子特賣城，都會心思思過嚟食完蝦籽撈麵，你話佢係咪最好食，我諗都未必，但至少每一次見到個麵上面鋪滿曬蝦籽，個人都即刻心花怒放坐低見到menu就咩都好想食，好彩下午唔係好多人，唔洗等位，咁就叫個牛柏葉蝦籽撈麵，唔夠再食雲吞啦落單食幾粒酸蘿蔔開胃先，一如既往咁脆咁酸咁好食。兩三分鐘之後即刻有得食，一上枱依舊驚艷我，到底啲蝦籽係咪唔係錢？🤣牛柏葉唔會灼得太耐，麵爽口，略顯鹼水味多咗少少，食完牙仔感覺唔係咁好(唔知有冇人明果種感覺😂雲吞就唔落，唯有下次再嚟啦

想必在深水埗待過的人都會認識劉森記麵家，一家非常傳統的港式麵店，主打是蝦子撈麵，今天就讓辣椒紙🌶📝試一試。-___________🏖餐廳環境🏖___________今次於晚餐時段光顧，雖然門口很多人，但不用等位，直接就可以坐下了。店鋪坐位不多，基本上是圓枱，需要跟其他顧客一齊搭枱，疫情下會有透明板隔住，衛生情況尚算可以。-_____________🍽食物🍽_____________🍜蝦子雲吞薑蔥牛肉撈麵 $60推介指數 ■■□□□等了約五分鐘，食物便陸續上枱了，上枱時給滿滿的蝦子震懾了眼睛，薑蔥牛肉看似分量也不少，3粒雲吞另外用湯盛住。但吃了兩啖便徹底失望了，牛肉肉質非常韌，有一塊基本上是咬不開，牙齒與牙齒之間佈滿了肉碎，影響進食心情。雲吞質素正常，細細粒的，不算太大驚喜，雖然生麵是有著蝦子的香味，但在深水埗要價60元，沒想到是吃了一碗這樣普通的麵。-🥬白灼芥蘭(全走) $20推介指數 ■■■□□因為叫了全走的關係，芥蘭顏色黃黃暗暗是正常的，莖比較粗，要讚它的是連油份都走得很徹底！-___________🥂醬料🥂____________因為是次辣椒紙沒有叫任何飲品，而通常舊式粉麵舖都有

講開未食過傳統嘅港式雲吞同水餃 就黎深水埗呢度試下✨招牌淨雲吞 $36有八粒 皮好薄 好足料 有啲豬油味✨招牌淨水餃 $36水餃就有五粒 入面有好多料 有豬肉 蝦 荀 木耳 特別增加口感✨腐乳通菜 $20好夠腐乳汁 可以全部菜都沾到 好味👍✨冬菇蝦子撈麵 $52罕有仲有餐廳有嘅竹昇麵 麵條口感好好 夠彈牙😋😋 撈埋啲蝦子都幾香口嘅 不過最好食嘅係啲冬菇🤤 超厚然後個汁好好味🤤必食推介總括黎講性價比唔錯 舖頭仲有酸蘿蔔任食 好開胃又解膩😋 環境就老式餐廳 要搭枱 不過都唔會好逼味道❤️❤️❤️❤️抵食❤️❤️❤️💔服務❤️❤️❤️環境❤️❤️❤️💰午餐人均～$70

叫左蝦子雲呑麵 有5粒雲呑（一入門口見到有位員工熟手包緊) 麵幾好食 爽口但係個人認爲唔夠鹼水味 🤣😂🤣😂🤣酸蘿蔔係任食 食咗10粒 very good !!我見到隔籬枱嗰個人食咗半樽 😀腐乳同平時味道有啲分別 ! ok ge ! 

晚上途經🚶‍♂️深水埗福榮街，正諗緊買咩外賣俾阿仔阿囡🙎‍♂️🙎‍♀️食，行行下見到一直好想試的劉森記🍜，馬上打電回家，咁啱佢哋今日都話唔想食飯，想食粉麵，Good👍！就咁決定🤗。蝦子雲吞撈麵 $52打開盒子，大量的蝦籽🦐平均地撒在麵條上，毫不吝嗇👍，好像要確保每一啖都食到蝦籽味🦐，值得一讚嘅係，就算落左咁多蝦籽，鋺麵都唔會好咸😲；另外竹昇麵果然名不虛傳😍，煙韌又彈牙。至於雲吞真係好好味😋，每粒皮薄料足，裏面都有成隻蝦🦐，可惜咁好食嘅雲吞只係得3粒；隨撈麵附上的雲吞湯也鮮味十足。魚蛋魚片河 $38魚蛋魚片有魚味，粒粒爽口彈牙😋。另外河粉條條分明，唔係啲一夾就散嗰款👍。蝦子薑葱鵝腸河 $46仍然係有海量嘅蝦籽🦐撒在河粉上，鵝腸🦢新鮮爽口，鲜味嘅雲吞湯配上大量嘅蝦籽，完全將湯嘅鮮味和精華推上了另一個層次😍。總括而言，三款粉麵都係水準之作👍，特別係雲吞撈麵，超級推薦😍。

劉森記蝦子雲吞牛筋撈麵啲麵嘅份量好足夠，而且好爽口同埋彈牙而且蝦子平均散佈喺每條面上。另外，不得不讚吓牛筋炆到好淋，而且個汁撈麵都好夾！雲吞大大粒又足料。南乳豬手河南乳味超級濃郁，而且豬手蚊到好林，而且河粉份量都唔少。炸魚皮超級脆，浸落啲湯度又有另外一番風味，兩種食法都鍾意。腐乳通菜通菜份量適中，腐乳味好香，而且一個菜亦都煮得好淋。

馳名蝦子撈麵叫左雲吞同牛丸,雲吞味道都OK,但好小又細粒. 牛丸就普通,味道唔重,份量都好小,得3粒. 蝦子麵就較乾,同埋好鹹,同預期中都大出入. 餐廳已有多年歷史,排隊人數都多,環境較迫,污糟.價錢又唔係話平,真係試下就算💰HKD$48

出開深水埗又想食蝦子麵，去左長期都好多人幫襯既劉森記😆入面既位唔算多，基本上大家都唔介意搭枱一齊食入到去落完單食住枱面既醃蘿蔔邊食邊等，每枱都有一樽，任食唔嬲酸酸地夠晒開胃。首先叫左碗必食蝦子雲吞撈麵 ($48)超多蝦子勁香，成碟麵都係，每啖都食到蝦子既香，而用竹竿䟴成既竹昇麵夠彈牙，絕對唔會令你失望！連雲吞都好好食另外我地仲叫左碗牛腩鵝腸麵 ($48)鵝腸夠爽口，牛腩都好入味，麵質更加唔使講難怪一直深受歡迎

蝦子雲吞撈麵蝦子薑蔥黑柏葉撈麵南乳豬手、薑蔥鵝腸雙併淨食撈麵真喺有驚喜，彈牙，有咬口，又有大量蝦子，好夠味。雖然牛柏葉同鵝腸好食又脆口，豬手又爽口😂😂但分量真喺有d小，下次都喺食返牛腩同雲吞呢d抵食好多。呢道提供玻璃樽汽水，價錢唔會好似出面咁十幾蚊枝。性價比真喺幾高，唔怪得長期咁多人食👍👍。

1. 地點得，環境得，坐得舒服！2. 入到去，食我至愛的薑蔥黑柏葉拼京都炸醬撈麵！等緊嘅時候，最好就食幾粒酸蘿蔔，開胃醒神，最得意嘅係搭枱嘅阿伯竟然將酸蘿蔔加辣椒醬一齊食，會唔會係另一種風味呢😅！3. 撈麵同湯嘅上枱，香味四散，由淡味開始食先，先食黑柏葉，鮮味爽脆，跟住就到薑蔥撈麵，竹昇麵嘅蛋香加上薑蔥，配合得天衣無縫，最後到京都炸醬，香甜少辣，配合得啱啱好，所以薑蔥黑柏葉拼京都炸醬撈麵，絕對係一碟撈麵三個享受！尾聲韭黃雲吞上湯，鮮甜甘香，你就會覺得一碗真係太少啦😅

又係最愛的中午餐之選超推介蝦籽雲吞麵超足份量既蝦籽，個湯底又入味雲吞都有5至6粒，又唔係細粒既好味，重點個麵唔會有x水味好難得先搵到間好食既雲吞麵呢間真心要大大力推薦！