劉森記麵家 (褔榮街)

营业中

休息中

今晚我叫咗牛筋撈麵、淨水餃、腐乳通菜同埋可樂。牛筋非常入味，而且仲要好林，至於麵好彈牙，非常出色！其實我都有一段日子冇嚟食，所以都好掛住，不過今晚嘅水餃好似有少少差咗，我記得以前比較大隻同埋實淨，今晚每一粒水餃，幫我夾起嘅時候就已經散咗，同埋而家好似比較薄，感覺以前比較厚，但味道仍然係好食嘅。腐乳通菜亦都煮得好林，都啱我口味。最重要呢度係有酸蘿蔔無限添食，因為當每啖牛筋食完之後個口會黐立立，立即食一粒酸蘿蔔，就可以refresh口腔，正！

有冇人去過澳門食黃枝記嘅蝦子麵呢？小編上次食完就一試難忘🤩，但係因為而家冇得通關，冇得去食唯有搵啲相似嘅過一過口癮🤩呢間老店已經係深水埗屹立60幾年❗️更曾獲得曾經米芝蓮推介🛞🐷，而且是香港碩果僅存的老字號竹昇麵店👍🏻每張枱面都放咗酸蘿蔔，酸酸甜甜勁開胃👍🏻招牌淨雲吞（🌟92.33/100）💲36CP值勁高🆙🆙有八粒雲吞咁多，而且粒粒都係人手包👍🏻內有原隻蝦、豬肉，咬落去食到原隻蝦好彈牙，超鮮味🤤吾夠喉仲可以一打打咁買走，番屋企慢慢嘆😍薑蔥鵝腸牛肉撈麵（🌟96.89/100）💲48必點之一👍🏻👍🏻每次嚟到都心心眼😍大量嘅蝦子舖係面、鵝腸都有三份一，深水埗食嘢就係有咁嘅好處，好似吾洗錢咁，大件夾抵食，而且鵝腸吾係雪到死曬個啲，食落去勁脆口，滑lu lu，清得又乾淨；蝦子麵撈極都有，包補每一條麵都痴滿蝦子，食落口感好彈牙、爽，而且冇一種好怕鹼水味，果然名不虛傳搭配湯飲落去好香大地魚湯味，清清甜甜

今日睇完醫生之後想食點清淡一點嘅食物。所以就想食這間網上好多人都有唔同評價嘅麵食店。佢哋有幾間分店，有些人成日話間間分店都唔同味道。這個我就真係無咩其他意見。因為我一次都未試過。之前成日都覺得深水埗很多選擇，食雲吞麵根本唔值這個價錢。但今次真係好想食蝦子撈麵。那就光顧一下這間大師級麵店。和男朋友一起去試吓啦我哋兩個點選嘅東西如下：我睇店里嘅貼圖 以為只有撈麵 原來還有湯麵的所以點咗都有啲後悔唔講清楚 不過都無所謂第一次試其實係失敗嘅 因為那些黑柏葉已經無晒味那些薑蔥又唔夠香不過價錢唔貴份量都很足夠 希望店家會改善 這個是今次嘅主角 不過更失望 麵嘅份量很足夠但虾子真係比較少 根本無法可以撈到每個角落都有足夠嘅虾子 其實淨麵嚟講真係唔算平 已經有很多新開麵店開始超越佢哋因為前面兩個都唔算好 突然之間覺得這個非常好 我發覺這個淨雲吞非常多 比一般麵店多 好開心 下次都唔好食麵 只點這個都夠開心其實今日還點了兩支飲品 因為跟食物有優惠價 還有免費蘿蔔 不過見到那些蘿蔔都無咩色水 只有酸味 其實係失望嘅不過我睇返開飯網發覺有些分店已經執笠 都有啲唏噓

劉森記的麵爽口又彈牙，每次點蝦子撈麵店家都會舖天蓋地式放蝦子，愛死！！本人最愛厚肉冬菇，多肉又炆得香軟夠味!牛腩一樣炆得出色，唔軔唔柴皮每一件都咬得開，好味！最後一定係最愛嘅蝦子雲吞麵，兩個人點兩樣share吃經已好飽肚，美味又滿足！！

深水埗呢一條街越來越多嘢食，淨係對面嘅車仔麵已經開咗幾間分店，相信競爭都好大，自己有時都會想食啲傳統嘅麵食，呢一間劉森記都係小叮間唔中都會返轉頭食嘅舖頭之一。蝦子薑蔥鵝腸撈麵鍾意佢哋滿滿嘅蝦子鋪喺面度，鵝腸幫都爽口彈牙，佢哋嘅面非常之有鴨旦香唔會有鹼水味。自己就非常棒有鹼水味嘅麵，撈麵會附送一碗清湯，咁樣就唔會太過乾身。佢哋嘅雲吞水餃我都絕對推介，皮薄得來餡料又非常飽滿。除咗堂食先可以仲可以外賣返去

48蚊價位既麵，個麵除左鹼水味乜味都冇，淨係靠面頭既蝦子吊味，食到下面要乾哽，餃入面又有蝦殼，唔怪得少左咁多客以前個撈麵唔單止唔會成陣鹼水味，仲有少少油香同調味，就算食到冇蝦子既部分都唔會好似白焯麵咁坐低20分鐘左右，未食完，呀姐就鬧我食得慢，仲叫出面等位既客人入來坐我個位，變相迫我未食完就要走呢間野幾個月就加一次價，但係質素就不斷下降，以前每台都有免費既醃蘿蔔，而家一係台上冇，一係就得個空瓶唔補，好明顯愈做愈冇心，純係想D客入去快快手食完就死返出去自問食面要半個鐘既就唔好入去，免得呀姐要用盡方法趕你走，俾錢買難受

出開黎深水步買野,上左黃金商場買記憶卡,搞掂就又去搵野食本身想食文記車仔麵,但係長期都排長龍,30幾度唔想排隊轉左去對面既雲吞麵鋪 ,今日一個人食,易搵食好多,叫左碟水餃雲吞撈麵雙拼$46,水餃夠脆,脆在那?因為佢有木耳絲食落唔係淨肉餡同蝦肉,口感更加豐富鮮味,個餃皮超薄雲吞夠香,調味有鮮肉同大蝦,咬開有肉汁,因為有少少肥豬肉,夠甘香又有蝦肉鮮甜爽口呢2樣真係每次食都令人好滿意,最正係佢個樽免費任食酸蘿蔔,開胃微辣,食返幾粒當小菜前菜撈麵過水過得乾爽,唔會成碟水,拌勻蠔油食味道已經好夠味老實講佢咁出名都唔算好貴,雲吞麵係$34真心抵食平均消費$50評分7/10

本身侍應姐姐唔算無禮貌，但問佢地攞兩杯水飲同洗洗筷子，就完全無回應/懶理。其實有同冇都講聲就得，咁樣懶理不理其實都幾無禮貌。蝦子墨丸河：墨丸要讚，但河粉完全唔掂，食食下好似食漿糊……店長推介得攪成咁其實都幾倒米…雲吞麵：雲吞ok，有爽蝦，有薄皮，有甜味。湯好飲，有甜味，唔好怕佢有幾多味精。蠔油芥蘭：呢個真係要鬧。硬到懷疑佢地有冇淥透。苦澀味唔怪得佢地，始終種菜塊田既水土可能冇咁靚。總結：禮貌要改善。

深水埗有好多歷史悠久既食店其中包括<劉森記> 佢都係屹立多年嘅食店..而且佢都係米芝蓮推介😌佢有兩間店 都係位於深水埗!! 店入面嘅環境光猛今次食既係牛柏葉蝦籽撈麵 , 一上台都見到有好多蝦籽😍 牛柏葉就要點醬汁食🥰男朋友叫左炸醬xx麵 個人認為佢個炸醬好食過我呢一個!!! 所以我下次都會叫炸醬嘅食物😂 不得不提係佢每台都有佢獨家醃製嘅蘿蔔😚佢啲蘿蔔好好食 食麵之前食啲蘿蔔可以清一清個味蕾!!所以都值得再去😄😄😄

好耐無食喇⋯⋯今日特登嚟食，但味道大不如前！叫咗個水餃黑栢葉撈粗，個麵唔爽&好少汁(撈勻之後，個麵仲係黃色)！黑栢葉份量少咗好多(切得好幼細)，水餃餡好鬆好淋，☹️個湯都無乜味(之前個湯底充滿兒時味道架⋯⋯)而家唯一不變就係>>>得番👍🏻酸蘿蔔！聽到同枱女士都話麵嘅質地唔同咗，隔離枱個街坊都係咁講！走嗰陣⋯⋯望入去，個師傅唔同咗⋯⋯可能就係咁⋯⋯味道變哂！唉⋯⋯應該無下次！

基本上每年都總會去一次劉森記，每次都係會叫同樣嘅兩款麵，嘉欣都充滿着童年嘅回憶。不過唔知道，係自己越大把口越叼，定係個水準真係比以前下降左，硬係覺得冇以前細個食嗰種味道。都好食嘅，不過就冇以前咁好食。冬菇蝦子撈麵冬菇嘅味道同以前一樣，又香又甜，而且都係好炆得都好夠火候。蝦子嘅感覺冇以前咁香，同埋好似淡味左。麵底就好明顯冇以前咁好食，或者係師傅煮麵手勢問題，比較偏淋身冇咁爽口彈牙。個湯底都仲係好清甜嘅雲吞麵雲吞依然出色，鮮味十足，咬落去好多汁，蝦同豬肉粒粒分明，令人回味。麵底嘅感覺，都同冬菇蝦子撈麵一樣，好似煮耐左，偏淋身。兒時嘅味道同回憶中嘅質素，希望下次嚟可以食得返。

今日去咗深水埗經過好出名既劉森記，而且有啲肚餓，於是同友人一齊去試吓。由於入去係下午茶時間，所以人流唔算多，入到去就有位坐啦。係每個枱上都放左樽蘿蔔，夾左少少黎食，味道酸酸地，十分開胃。黎到呢個梗係要食蝦子面，於是同友人分別叫左餃子及雲吞蝦子撈面。撈子方面，蝦子十分多，好似唔洗錢咁🤣🤣食到底仲有幾條菜🤣🤣而雲吞方面，一共有三粒，蝦肉新鮮彈牙🤣呢啲傳統美食已經買少見少，難得呢到可以keep到水準😋😋下次有機會要再黎食。

「劉森記」竹昇麵的麵家竹昇麵由中學開始食,次次一定食蝦籽雲吞撈麵,除撈麵外還有一碗上湯雲吞,蝦子撈麵蝦子鋪灑得滿滿,好正!泡菜都好味，水分有收又無生青味，咬感特別清脆爽口，酸度跟辣度都好開胃，尤其是蘿蔔來搭配撈麵特別正!幾十蚊算係咁!!!

自從前排食完雲吞蝦籽撈麵之後，心郁郁想試埋其他蝦籽撈麵 😝 所以今日再次黎到劉森記麵家，行梗入去搵位途中，熟悉嘅蝦籽香味已經係我身邊飄過，實在太邪惡喇。🤤上次食雲吞蝦籽撈麵時，對面既食客叫咗蝦籽黑柏葉撈麵，我見佢食得好滋味，所以今日就叫咗呢個嚟食。😝蝦籽撈麵未嚟時，枱上有免費醃蘿蔔比食客過下口癮。蝦籽黑柏葉撈麵 ($46) : 撈麵上鋪滿蝦籽，而隔離就係鮮嫩爽脆既蔥絲同薑絲，蔥絲下面就有黑柏葉同菜心，自己食蝦籽撈唔太鐘意配任何醬汁，只會配跟撈麵既清湯，因為唔想比醬汁既味道蓋過香濃既蝦籽味 😌 而黑柏葉就可以配搭蔥絲同薑絲，再沾上辣椒油一齊食，黑柏葉爽脆彈牙之剩外，亦感覺到清香鮮味既薑蔥味，而且還帶一點辣意，口感層次豐富。

這天正巧有事路過，順道在此吃個久未吃到的雲吞撈麵。看看餐牌，喜見雲吞撈麵還可以有薑蔥牛肉的配搭，即來一客。麵未到之時，小人試了枱上瓶裝的醃蘿蔔，不會太硬酸酸的很開胃。麵來了，原來雲吞和撈麵是分開上的。雲吞皮滑不特止，肉感很強。撈麵的牛肉又厚又大片，薑蔥超香。至於麵條上撒有海量的蝦籽，竹昇麵條極其爽彈，鹹淡度掌握得剛剛好，每一啖皆甚為可口，雖然量大，不過轉眼之間小人已盡收胃中，可想而知美味程度極高！定有回頭日！