利寶閣

員工態度差，咁吾想人食放題就咪鬼做啦！落左單45分題一樣點心都未上，根本無人想招呼我地。催左兩次，第一樣上來嘅蝦腸系涷嘅。搵阿姐嘈完，終於有野食，但已經一肚火。。。食物質素一般。一定吾會再幫襯😵…查看更多

星期六日放假最鍾意同屋企人飲茶 ，我知道上環有間環境吾錯的酒樓最近推出點心放題，😯$148便可任食超過50多款即叫即做的點心, 岩哂每樣都想食的我。這裏除了任點的點心，😺還每人附送原隻鮑魚酥及足料花膠灌湯餃，好滿足！ 佢個酥皮整得好好味 👩‍🍳香脆酥軟有牛油味，另一推介沙田雞粥同埋黯然銷飯， 🐥唔使去到沙田都可以食到好重薑絲味道嘅雞粥 ， 🍳而叉燒飯入面有好重嘅蜜汁燒得好脆 ，所有點心即叫即做的，不過放心唔會等好耐大約十分鐘已經有得食😋…查看更多

平日食中菜通常都是大碟頭，不過利寶閣推出2小時粵菜放題，就可以一次過試齊多款廣東小菜。店內走中菜館的傳統格局，面積寬敞。粵菜放題自助餐價錢為 $238-$258，總共有五十多款粵式菜式任食，菜式都是即叫即製，而且每碟份量只是一小碟，所以可以試盡更多款式，又不怕會浪費食物。茶錢每位 $17.6，另需按原價收取加一服務費 $48.8。每位獲送上湯焗大虎蝦及鮮味極上佛跳牆。佛跳牆真材實料，加入鮑魚、海參、魚肚等矜貴食材，湯頭清澈，滋補又暖身。大虎蝦大隻厚肉，不過天使麵就煮得太軟了，完全沒有Al Dente的口感。每隻片皮鴨都是新鮮熱辣剛剛烤好，逐件切好放在自助區任人自取。鴨皮燒至赤紅色，閃亮發光，難得外皮保持酥脆口感，內裡肉質鬆軟。餅皮軟綿煙韌，包著味濃肉嫩的鴨肉、青瓜、甜麵醬等配料，一口咬下唇齒留香。鐵板美國谷飼牛柳粒同樣都是放於自助區，煎得外層散發焦香。牛柳肉質鬆軟，配上黑椒汁尤其惹味。脆皮燒腩仔外皮鬆脆無比，肥瘦相間，滲出肉香。蜜汁豚肉叉燒肉質偏瘦，帶有少許燶邊，混合蜜汁香甜味道，味濃甘香。石岐燒乳鴿皮脆肉嫩，肉汁豐富，不會烤得過乾，香口味美。椒鹽蝦調味比較輕手，不會過鹹而搶過蝦鮮味。黃金蝦加入鹹蛋黃香氣撲鼻，濃鹹中帶出鮮味。薑蔥炒蟹比較少蟹肉，但就炒得夠鑊氣，鹹香入味。避風塘炒蟹同樣都是少肉，以蒜蓉、辣椒夾雜的香味滲透肉身，蒜香撲鼻。宮保蝦仁微辣惹味，蝦肉肉質新鮮爽彈。玻璃咕嚕肉酸中帶甜的醬汁，令人胃口大開。美味欖角骨表層炸到酥脆，粉漿不過厚，鹹甜之間互相調和。迷你軟殼蟹蓋炸得香口，芝士百花球一咬開就湧出流心芝士。迷你紫薯內裡軟綿，充滿粉糯蕃薯甜香。芝士年糕炸至外脆內軟，質感QQ軟糯，「芝」味無法抗拒。上湯淨雲吞麵皮透薄柔嫩，不過內餡就吃不出有蝦肉，應該是以豬肉餡為主。黑糖馬拉糕口感鬆軟香綿，散發淡淡的黑糖香氣。脆麻花雪糕十勝紅豆有質地香脆的脆麻花，伴雪糕吃，一冷一熱，呈現溫差的強烈對比。楊枝甘露配料豐富，吃起來充滿天然果香，入口清甜沁爽。棉花雲十勝紅豆冰略嫌紅豆煮得過軟，煉奶味亦沖得過淡。…查看更多

/利寶閣🇭🇰/#sa上環篇 #sa午餐篇 ➖➖➖計過都幾耐無去過茶樓飲茶屋企人最鍾意食點心🧆所以上星期就同左佢地去飲茶知道有個點心放題幾抵食🙈(如果食得多野) 任食兩個鐘平時日式、韓式放題就見得多點心係少見啲 除咗上環之外尖沙咀觀塘大角咀銅鑼灣都有分店▪️▪️▪️點心放題 $148/人 仲會送每人一碟鮑魚酥同灌湯餃😋有唔同種類嘅點心、煎炸焗點、甜品、腸粉、粉麵飯、大排檔小食同蔬菜 連黯然銷魂飯都有都試左幾多唔同嘅食物 介紹唔晒 所以就揀啲黎介紹🙈▪️▪️▪️1️⃣鮑魚酥+ 灌湯餃鮑魚酥嘅皮酥脆 唔會好油 但都有少少易碎🙉灌湯餃 皮薄爆餡如果肉餡可以更厚實就好➖➖➖分數: 7.5/10➖➖➖2️⃣點心有平時大家都會見到嘅蝦餃、燒賣、牛肉球等最鍾意就係鍾意食蝦餃 蝦肉結實 皮厚薄均勻 較為特別嘅荔蓉蜂巢帶子雖然帶子口感唔算好突出但鍾意食佢嘅芋泥 仲有面頭鬆化嘅「蜂巢」 ➖➖➖分數:7.8/10 ➖➖➖3️⃣煎炸焗點我地叫左沙律蝦春卷、腐皮卷、木魚釀茄子覺得呢幾款相對較油膩 沙律春卷幾惹味但蝦肉部分無蝦餃咁紮實 茄子魚肉較硬➖➖➖分數: 6.5/10 ➖➖➖4️⃣腸粉正常質素 腸粉皮軟滑但原來一條嘅意思係1/3🙉但可以每樣食啲 就可以試晒所有口味！個人覺得牛肉腸最好味 帶子口感可以更突出➖➖➖分數:7/10➖➖➖5️⃣大排檔小食食左豬腳薑同金錢肚 豬腳薑幾入味 但蛋就較為硬實金錢肚口感唔錯 蘿蔔鮮甜➖➖➖分數:7.2/10 ➖➖➖6️⃣甜品要左流沙包、抹茶包、雪糕脆麻花等流沙包係幾香蛋黃醬味 但圖文不符係expect 佢黑金色抹茶包又唔知點解變咗紅豆包芝麻卷味道可以更突出 略嫌有啲淡最有驚喜係雪糕脆麻花面頭似蛋散 初初以為雪糕係雀巢但食落朱古力味頗濃 有果仁碎➖➖➖分數:7.9/10 (係包嗰度扣分) ➖➖➖📍利寶閣上環德輔道中199號無限極廣場2樓|大角咀海庭道18號奧海城二期商場UG01號舖|尖沙咀彌敦道100號The ONE 17樓|觀塘開源道79號鱷魚恤中心9樓…查看更多

未試過去飲茶，飲到咁嬲！如果你想俾錢買難受，咁你就去上環嘅利寶閣飲茶啦！！侍應服務態度極差，落單後，要大半個鐘先至上點心，心平氣和叫待應跟進，佢只會表面應你，實質完全唔當一回事！佢甚至會同你講，爐就係得咁多㗎啦，人又得咁咁多，你等下啦。埋單仲嬲！叫買單，待應唔係當睇你唔到，就係應左你之後冇左件事。 叫個埋單， 10分鐘之後先至睇到張單，三催四請都算。跟埋佢去俾錢啦，竟然仲俾個收銀鬧，叫你唔好企喺佢前面阻住佢做嘢，叫你返番埋位慢慢等。其真我已經等左好耐，等到茶都凍埋，你查又唔加俾我，但係茶錢又識收，想點？如果一個集團，覺得前線嘅員工，咁樣同同事講嘢，咁樣嘅態度都係冇問題嘅話，咁我都冇咩好講…查看更多

這夜和中環友去「利寶閣」食兩小時高級粵菜放題，晚市由晚上6時至10時，入座起計兩小時內任點任食，成人平日只需 $238，星期五六日及假日則 $258，每位還奉送極上佛跳牆及上湯焗虎蝦天使麵一份，每一盅佛跳牆內都有花膠、海參、鮑魚仔及瑤柱等，落足料又鮮甜好飲，真係幾抵食！餐廳還會有即製洋蔥煎牛柳及北京片皮鴨出爐，可以自取及添食，煎牛柳要趁熱食，口感嫩滑相當不錯。而任點任食菜單中五十多款南北小菜、燒味涼菜、粉麵點心及甜品，都是即叫即做，並按指定人數出菜，我們選了椒鹽蝦、椒鹽茄子、蘿蔔金錢肚、五香牛展、蜜汁豚肉叉燒、玻璃咕嚕肉、蒜拍小黃瓜及白灼時菜，加埋佛跳牆和虎蝦天使麵，真係好飽肚！甜品我們二人點了蛋白杏仁茶、楊枝甘露、黑糖馬拉榚及山西棗皇榚，當中以溫熱的棗皇榚最出色，香口又煙韌。加一及茶芥後埋單每人$305，雖然小菜沒有太大驚喜，但呢個價錢食到粵菜放題兼佛跳牆真係邊度搵？…查看更多

從來不知無限極廣埸二樓及三樓有食肆，原來在龍島餅店側有另一條扶手電梯，見利寶閣評分不差，元旦日便去試試，除夕夜通常都夜睡，一到酒樓，職員便提醒我們等多幾分鐘便可享受下午茶的優惠！我們只散叫，沒有試點心放题。我們叫了不少點心，味道中規中矩，腸粉比較差，有點餬口。要算最差的便是星洲炒米，料少還不止，米粉還有水味！另外，很多次侍應經過看見要添茶也直行直過，我們最後也自助冲水，甚至拿醬汁，在上環這樣的服務真少見！…查看更多

佛跳牆裏面非常之多餡料 , 有 鮑魚花膠海參, 非常足料, 飲呢個湯頭, 非常之清甜, 真係真材實料最正嘅就係有任食嘅片皮鴨, 片皮鴨係即切嘅, 加咗薄薄嘅餅皮, 加啲蜜瓜, 加京蔥, 再加青瓜,口感非常之豐富 , 片皮鴨切到薄身 脂香濃郁石岐乳鴿, 炸到非常啲脆, 肉質鮮嫩又多汁蘿蔔金錢肚, 辣辣地, 用咗五香再加八角, 個蘿蔔吸收曬醬汁, 非常之正清酒浸海蝦, 海蝦嘅肉質都非常之實淨, 又彈牙, 有淡淡的酒香, 豐富味道上湯淨雲吞, 雲吞細細粒, 份量啱啱好, 可以照顧我, 食多啲其他唔同種類嘅食物鮑汁鳳爪, 再加沙薑鳳爪, 兩者都好正, 有 豐富骨膠原嘅鳳爪, 真係非常吸引, 而沙薑小微辛, 十分之惹味…查看更多

利寶閣除左點心放題出色，晚市仲有高級粵菜放題及大閘蟹放題，每位200幾或400多元不等，逢星期三仲分別會有八折及八五折，好抵食呢是日晚上就試咗佢地嘅晚市粵菜放題，每位$258，另收加一。放題紙嘅選擇都幾豐富，煎炒煮炸炆燉焗樣樣齊，分門別類非常清晰！每位都會獲贈極上佛跳牆+上湯焗大虎蝦1隻必食推介方面，北京片皮鴨及堂煎鐵板美國谷飼牛柳都係自助任取的，無限量不停供應，即場有店員即切及即煎～美國谷飼牛柳好濃郁牛肉味，入口香軟腍滑北京片皮鴨熱辣辣，肉質鬆軟又肥美，滿有鴨肉脂香極上佛跳牆由鮑魚、海參、花膠、瑤柱等等矜貴材料熬製而成，好足料，湯底味濃鮮香上湯焗大虎蝦配天使麵天使麵加入左蒜蓉碎炒香，香口滋味，啖啖蒜蓉香。虎蝦大大隻，肥美厚肉，爽口彈牙黃金蝦新鮮蝦加入鹹蛋黃一齊炒香，鹹蛋黃變成沙粒狀，充分包裹著每隻鮮蝦，鹹香味美玻璃咕嚕肉半肥瘦豬肉切丁粒後炸香，加入青紅椒、菠蘿等等，酸酸甜甜好開胃宮保蝦仁蝦仁頗大隻，鮮甜爽彈，配上香脆鬆化的腰果，醬汁唔會好辣，正芝士百花球蝦肉打成蝦膠，裡面釀入左芝士，芝香四溢，好香口黯然叉燒煎蛋飯利寶閣嘅蜜汁豚肉叉燒好出名，所以我地點左呢個叉燒煎蛋飯～半肥瘦叉燒香軟腍滑，蜜汁甜甜的，濃而不膩，送白飯食就啱哂黑糖馬拉糕黃糖做嘅馬拉糕就食得多，黑糖比較少食，香甜可口，口感鬆軟，作為甜點就最好不過…查看更多

🔎 上環德輔道中199號無限極廣場2樓*📍 利寶閣.點心放題($148)即叫即做點心🥧,夠哂新鮮!仲可以任食放題的確吸引😻有哂50多款精緻點心小菜👍🏻總有一款啱你口味😽每位贈送原隻鮑魚酥同足料花膠灌湯餃🥰自己好鍾意食豬腳薑🥰二話不說點咗兩個🤣真係好足料好好味!而且豬腳唔會有毛耷耷😍食落好滑溜!鳳爪好入味!碟碟都係熱上,一定要趁熱食!雲耳亦大分爽口,多吃有益😛還有好多唔同款式點心,除咗上環分店下,其他分店都有得食點心放題!萬勿錯過😋…查看更多

黎到上環接老婆收工，係唔知食咩好下。見星期三佢有優惠價食放題！所以就去試下啦。見個場都多人食放題，片皮鴨要出去檯到拎，初初阿姐都整唔切！同埋冇鴨⋯⋯哈哈 仲有個牛即煎，都係麻麻地！ 個鴨勝在夠熱，冇咩鴨肉味⋯佢送天使麵大蝦⋯⋯不食也罷⋯⋯因爲又冇味個蝦又霉⋯⋯⋯個佛跳牆就唔錯。至少飲落都清清地。其他野⋯⋯⋯真係冇咩好食⋯⋯⋯有得揀可能食點心放題會更加好！同埋上菜唔太快，有好多寫完 好耐冇黎臨走先送黎⋯⋯如果有得揀⋯ 食其他會更加好。可能去茶餐廳食會更好食！…查看更多

點心放題，好耐以前都食過，近期團購見到有，就心旭旭想食，book左11點，結果十一點半先到，幸好他們個場好大，有好多枱，所以遲左少少都有位，坐低後，不停都有客人入座，有幾代同堂，有老夫老妻，有散叫，有小部分跟我一樣食放題，一開始當然咩都想食啦，咁就叫左一枱都係食物。不過整體既食物味道感覺好一般，可能散叫的會比較好。一開始每人都送了花膠灌湯餃（好食），原隻鮑魚酥（偏喊）各一客，任食任叫的點了鮮蝦餃（ok)，時菜牛肉球（偏「淋」），百花燒賣皇（ok,有別於一般酒樓燒賣），蒜香雞中翼（幾香口），上素腐皮卷及香煎韭菜魚餅（偏油），豬腳薑（豬腳入味，肉夠「淋」），還有鮑汁雞腳（夠「淋」）等等...…查看更多

之前返工經過見到呢度有中式放題已經覺得幾有新鮮感，一早就經已想同家中既女皇同大帝黎試下~~呢日我同大帝都正正係呢頭返工，不過女皇就約左朋友攻打四方城，所以就決定同大帝黎撐下檯腳，率先trytry，之後先埋女皇黎啦xppp裝修格局同一般既酒家酒樓中菜館相約，場地空間不少，座位亦為寬闊，坐得舒適~呢度既收費不分時段，平日既星期一至星期四，每位成人收HKd$238+10%，小童減半，另收茶介，由入座起任食120分鐘~~任食既菜式選擇都有唔少，大概有50多款，蒸炆煮炸焗既多種食物都可以試到！呢度既燒味都唔錯，尤其係個燒腩仔，皮脆肉嫩，正！！而且有d都幾有新意，就好似蝦餃咁，平日都係食開蒸蝦餃，但呢度就提供炸既蝦餃，我同大帝都係第一次食炸蝦餃，而呢度既蝦餃都內餡飽滿，味道唔差啵！而牛柳同片皮鴨都係任食架，但就要出去排隊自取=]]]除左有各種不同既涼菜、小菜同點心飯麵等等可以任食之外，每位成人仲會每人有一份極尚佛跳牆同上湯焗大虎蝦天使麵~~當中既佛跳牆味道鮮甜，好夠火喉！而個大虎蝦都好新鮮，肉質爽彈：）如果有得encore既話一定會order多兩三round xppp甜品既選擇都唔算少，而且質素都好ok！！！！就好似呢碗蛋白杏仁茶咁，感覺滋潤又養顏：）加上呢度上菜都幾快，所以兩個鐘慢慢食都食得好飽足~~~…查看更多

平常都會相約家人或朋友一齊食點心, 友人介紹上環酒樓「利寶閣」最近推出點心放題可以任食超過50多款即叫即做的點心和中菜。除了任點的點心，還每人附送原隻鮑魚花菇同埋爆膏奄仔蟹。 每位有花膠響螺雞湯，湯味道濃郁而且好多料。 另外有原隻鮑魚花菇，鮑魚花菇都好腍身而且好入味。 仲有時令奄仔蟹一隻，可以揀清蒸、花雕蒸同油鹽焗。揀了花雕蒸，食落陣陣清香花雕味，蟹肉鮮甜而且好多膏 (但唔記得影相)。 花雕醉蝦-花雕味好香，蝦肉好爽口同彈牙流心醉蛋-略嫌個蛋唔夠流心，不過尚算入味鹹菜豬肚- 份量多，好香白胡椒，食完成個人都好溫暖仲有好多野食...不能盡錄🙃…查看更多

放工約左朋友仔一齊食飯.點知落雨,就在附近搵下餐廳記起公司樓下間酒樓利寶閣有晚市放題可以即叫即做高級粵菜晚市放題.其實自己多數食日式放題好少食中式同朋友仔商量後,最後大家抱著方便心態試下其味道甫入店內, 一般中式酒家設計職員熱情款待今日有高級粵菜晚市放題每位額外送爆膏野生時令奄仔蟹(清蒸/雞油花雕蒸/油鹽焗)、花膠響螺雞湯 及 原隻鮑魚花菇 (每位1份，小童除外)。所以職員先教我們如何安排落單次序因為奄仔蟹需時,之後落其他單,超過五十多款即叫即做﹑任點任食的中菜﹐見到好多人點西班牙黑毛豬叉燒, ,花雕醉蝦等﹐當然試下好不好吃放上枱上, 已經有好香的叉燒,味道,熱度剛好, 叉燒,以梅頭為主,肉軟滑之餘, 肉香之後主菜到就奄仔蟹,同朋友仔一人選一款蒸, 一款清蒸及雞油花雕蒸油鹽焗會浪費新鮮奄仔蟹的鮮味,先來奄仔蟹雞油花雕蒸奄仔蟹外型一般都比較細,但優點是膏多, 油份足,雖然蟹肉不多, 但勝在蟹肉味夠濃, 再以配上雞油, 兩者味道混合都有不錯表現另一款是清蒸奄仔蟹,同樣膏多, 油份足,但沒有雞油花雕蒸出色.原隻鮑魚花菇雖然不是好大隻鮑魚但都好厚身花菇味比較濃.花膠響螺雞湯材料足, 大塊厚身花膠配上老火原味雞湯不錯。之後, 其他多款即叫即做美食豬腳薑好入味,薑嫩不辣,花雕醉蝦及香辣蒜香蝦,兩款蝦, 比較愛醉蝦, 如果醉蝦的味道如果再濃些會更好要一些香口炸物有沙律海鮮卷皮較厚,蒸蝦餃食得多,脆皮炸蝦餃第一次食.八味茄子.用薄粉加少許准鹽,令淡口的茄子多了一份味道.五香牛展,玻璃咕嚕肉, 金菇牛柳卷亦是不錯的小菜, 碟頭細細, 可以慢慢食.太多肉, 叫了一個咸菜胡椒豬肚湯,味道可以, 咸菜較淡口.放在最後是濃味及辣味超勁的水煮魚及牛肉,看見已經擔心吃不了因為好多辣椒,吃了一口,辣味好濃, 幸好魚同牛肉較嫩,怕辣朋友免食.前後叫了不少食物,因為太辣, 所以要甜品,都有不少甜品選擇選了兩款十勝紅豆脆麻花雪榚,山西棗皇糕好少在中式酒樓食甜品,多數食紅豆沙今次有些像日式甜品加一些中式甜品效果很意外,山西棗皇糕同一般紅棗糕差不多味道沒有想像中甜,最好要熱食,冷凍後,會好實身, 一點都不軟滑。短短兩小時任食,上菜時間不會太久,令食物都可以保持溫度,加上食物量不會太少,多數以件數為準,所以下單時要留意。…查看更多