初見

营业中

休息中

今日尼到呢到..入面都算清潔...今日叫左石燒牛肉..佢仲有D配菜有南瓜有菇..大約10塊牛肉..呢個餐仲包一碗飯一支飲品...呢個都吸引我下次再尼食..呢到仲有壽司吃

去完愉景新城，想搵啲嘢食下，但係又全部都試過，出去行咗一陣間，見到附近有間叫初見嘅日本嘢，睇落幾有詩意咁，一於試吓啦！好，坐低睇吓有咩好食先！南瓜湯，南瓜湯都幾濃，聞落有南瓜嘅香味，飲落有微微嘅黑椒辣味，少少刺激，幾開胃。刺身，切得幾厚，咬落有口感，唔會好薄，有三文魚腩，劍魚腩，同我最鍾意嘅帶子，都幾新鮮。安格斯牛肉鍋，師傅唔吝嗇，有好多片牛肉，煮熟都冇縮水，食落充滿牛肉嘅香味，唔錯！野菜豆腐鍋，我個朋友就食齋嘅，平時出街食都會驚唔夠飽，而家有一大個鍋，有椰菜，都幾爽口，而且有好多菇菌，一定飽啦！花茶，飲之前要焗一焗，一打開就有一陣陣淡淡嘅花香撲面而來，飲落好舒服，睇嚟今晚有覺好瞓喇！

其實之前和朋友食過，覺得都幾好食，所以再去食多次🥰 「初見」這名字好有意境，食完即刻記得呢間⭐️雖然對搭鐵的朋友而言可能有點詭遠，不過屯門的朋友表示搭到愉景新城落車，過天橋就到，輕鬆😍😍.💛初見香草吉列牛燒肉🤩🤩🤩見到都覺得好開心😍先搽點豬油，再放香草吉列牛上去燒🔥聽聲音都覺得好治癒😭😭灑點鹽上去一啖放入口，中意食飯的人再塞多啖飯——天堂啊😭😭😭對於在正統日本餐廳食過燒肉的朋友而言，這裏的肉可能會差了一點，不過這個價位來說已經超乎想像地好食🤩🤩🥩可惜的是午市不能加套餐，不能加刺身🥲💛赤蝦三文魚刺身丼配味噌湯 其實午市set menu都有好多選擇，還有些西式食物，例如All Day Breakfast、各類意粉等等。不過一場來到好有日式料理Feel的餐廳，當然要食日本嘢（雖然好想食All Day💩）最後都是選擇了一個刺身丼飯🍚.相較之下個賣相好似相差得有點遠🤣看來不比燒肉好食⋯⋯不過不過，其實他們的刺身都好正🤩🤩大大塊三文魚，大大舊蝦都好新鮮😍蟹柳蟹子整散再加些醬油好送飯🤣🤎餐牌🥩初見香草吉列牛🦐赤蝦三文魚刺身丼配味噌湯 （赤蝦、三文魚、蟹籽、玉子，蟹柳）$68

黎開荃灣朋友介紹話呢間價錢親民又好食，真係冇令人失望🤤 一打開Menu見到雖然呢間係一間日本料理為主嘅餐廳，但係除咗正常嘅刺身，又有吉列牛，日式咖喱飯，仲有意大利粉🙃，真係好多元化😆🔎 初見香草吉列牛 $128吉列牛大大份，配埋香草🌿咁樣醃製更加美味，配埋糖心蛋大滿足😋 另外燒完可以點埋啲海鹽同埋燒肉汁，更加出到燒牛個味😌，$128 就食到，抵食🤨🔎 日式叉燒豚骨湯拉麵 🍜 $68佢個叉燒一啲都唔吝嗇，半肥瘦得黎又唔會切到好細塊，另外拉麵嘅份量都好足夠，配埋糖心蛋，最後飲完個湯都唔會好口渴😉🔎 跟餐可以配一個湯 + 野飲+ 刺身 $35餐湯就有兩款選擇分別係麵豉湯同埋西湯南瓜忌廉湯，佢個刺身份量以 $35 跟餐價錢黎講真係物超所值，食完已經勁飽大滿足😋-📍 初見 (荃灣)荃灣海壩街22號華達樓地下F號舖

吉列🐮荃灣有間好有特色嘅日本菜價錢非常親民食物質素超級高仲要有好多種款式 款款都好吸引所以排咗成個鐘先入到去食🙈先講咗呢個必食嘅吉列牛外面包住一層綠色嘅香茜🤭食落肉質好林 呢間日本餐廳大家仲可以叫唔同嘅小食 推介大家可以試吓鐵板餃子熱辣辣咁食好香好趣口如果想食壽司可以試下軟殼蟹壽司 佢哋嘅軟殼蟹都炸得好趣身今次亦都嗌左佢哋好出名嘅黃金薯條不過真係建議大家起碼有四個人一齊食先好叫因為真係超大份而且鹹蛋味嘅食物不嬲都係比較漏我見好多人都食唔晒😢

咁啱咪有朋友推介就嚟咗荃灣呢間初見到試吓啦！大概七點幾到嘅時候已經有好多人等緊位，入到位終於明白點解會咁多人排隊！睇一睇菜單其實以日本菜黎講，價錢真係非常之公道，仲要一入到舖頭就聞到好香嘅龍蝦湯味！🥘季節海鮮鍋（龍蝦湯配白飯）（$88）🦞龍蝦湯非常之香，而且有好多海鮮，以$88來講真係好抵食。海鮮好新鮮，款式都多有蟶子、蝦、三文魚塊 ，但唯一比較美中不足係個湯比較淡但都清甜既，要點啲日本豉油先夠味啲！初見香草吉列牛（$128）🐄吉列牛就食得多但係綠色嘅吉列牛就第一次見，佢個樣超有趣，帶襯綠色嘅邊，但其實唔係好食得出香草味！牛肉非常嫩口，切得好薄所以燒起身好快熟！一啲都唔覺得韌！雖然都係睇細細碗，但係食落火鍋同吉列牛都非常之飽肚！餐廳菜單都有好多唔同嘅選擇，如果大家係住近荃灣嘅話都不妨你試啦！

✅初見相信大家都唔陌生 香草吉列牛係佢地既招牌菜基本上每枱必點既菜式🤣見到大家成日推介 終於同朋友去左試😋🔆初見香草吉列牛 $128吉列牛set係配左白飯同溏心蛋我地另外加左$35將套餐升級有埋刺身 餐湯同飲品刺身有三文魚同劍魚刺身好新鮮而且三文魚仲要厚切添☺️餐湯揀左南瓜湯 好creamy🥰吉列牛食落其實冇乜香草味大概只係得個賣相係呃得下人😂牛亦都唔算太大驚喜有食過其他吉列牛既對比之下 稍為有啲失色🤨溏心蛋有少少酒味 味道幾好的👍🏻味道: 3.3/5賣相: 3.2/5🔆煙三文魚明太子炒偏意粉 $88呢個真心有驚喜！同朋友一致認為呢個仲好食過吉列牛🥰佢個味道唔會太咸 明太子份量都好多每一條意粉都佈滿哂明太子😋加埋忌廉汁 成件事好creamy☺️意粉軟硬度適中👍🏻 掛汁一流！煙三文魚都有成3-4塊🍣味道: 3.6/5賣相: 3.4/5地址:荃灣海壩街22號華達樓地下F號舖

今日黎到荃灣既初見，初見係一間幾有名既日式餐廳，係荃灣都幾受歡迎架。照燒豬軟骨·豚骨湯拉麵 $68豬軟骨煮得好入味，拉麵煮得幾有咬口，個湯都幾濃郁。初見香草吉列牛 $128吉列牛牛肉味道好濃，可以自己燒牛肉都好特別。今次既晚餐可以自己燒牛肉，我覺得都幾得意。💕荃灣海壩街22號華達樓地下F號舖

🇭🇰日式平民烤肉x主菜小食系列—▫️餐廳：初見▫️地點：全香港只有1️⃣間分店📍 荃灣海壩街22號華達樓地下F號舖（港鐵荃灣站 A4 出口, 步行約9分鐘）▫️營業時間：星期一至日12:00 - 16:00 &18:00 - 22:00▫️價錢：～$70+—美味：💛💛💛💛環境：💛💛💛+0.6💛(最好book定位‼️）-限時1小時價錢：💰💰💰+0.6💰服務：👨🏻‍🍳👨🏻‍🍳👨🏻‍🍳+0.6👨🏻‍🍳—👧🏻 之前係台灣食過逸之牛之後鐘意咗吉列牛💕之前去咗「秘」果度食吉列牛，今次又再去咗💛🤓既餐廳🍴試吉列牛🤣—📍初見香草🌿吉列牛價錢：$128分數：🥩🥩🥩🥩份量都算幾多幾抵食🥩啲牛好香嫩☺️仲有脆邊，好jeng😆😆仲可以自己燒，燒燒吓好玩—📍南瓜🎃雜菌意大利飯價錢：$68分數：🎃🎃🎃🎃超級抵食😆😆好大碟之餘都幾足料🎃仲有芝士同幾多雜菌😆幾creamy—

因為很多原因，很久沒有寫食評了，但今次一定要寫，因為這次的午餐實在太好味了。昨晚才決定去荃灣食午餐，同事說搵到這間，大家都未去食過的。坐下時，看見鄰桌食緊這個特級蟹丼，樣子很好，我便叫了這個定食。蟹丼內的材料非常新鮮，蟹膏、帶子和海膽十分鮮甜；蟹肉好有蟹味，蟹膏撈飯很美味可口的，回家時，腦海中仍懷念這個丼。

〰️香草吉列牛 $128配白飯同埋溏心蛋～調味碟有燒汁同埋鹽仲有牛脂肪用嚟抹係個板仔上面吉列牛周圍都有，香草吉列牛真係一次見😛食落有淡淡香草味道，外層燒完仲會帶有些少脆脆嘅感覺，生熟度仲可以自己控制，好食又好玩🤩〰️北寄貝手切青瓜蟹子沙律 $68個人平時唔係好鍾意食生嘅青瓜，因為好怕嗰陣臭青味😖但依個沙律嘅青瓜一啲都無臭青味！加埋蟹子同北寄貝，口感好多層次～〰️凍柚子蜜 $24甜度剛剛好💗我見仲有好多唔同鍋物，價錢都好親民😚〰️〰️📍 初見 (荃灣)荃灣海壩街22號華達樓地下F號舖

入到餐廳裏面，整體環境都幾好，偏向文清藝術feel。望咗下餐牌，最吸引我目光嘅就係安格斯牛肉鍋同埋香草吉列牛，於是我就決定咗嗌呢兩樣嘢食，可以加$35升級做套餐，可以選擇要刺身定係沙律，在送埋個湯同埋嘢飲。當嘢食送到嘅時候其實非常之震撼，因為望落好似好大份咁。香草吉列牛一放落去燒，啲香味即刻標晒出嚟，味道都唔錯就，啲香草味啱啱好，唔會冚過牛肉啲香味，肉質都幾嫩，配埋佢比嘅白飯食，都夠飽。啲服務員嘅服務質素幾好，佢哋見到過火開始細嘅時候，有主動幫手換過燃料，咁細心值得稱讚。而男朋友食嗰個牛肉鍋，我個人就認為湯太過清，可以再濃多少少，牛肉份量好足，入面嘅配菜都唔錯，食完都非常飽肚，整體上食落都好滿足，而且買單二百幾蚊十分之抵！！

聽聞呢間都開左好一段時間，一直都無食過，星期一都幾多人，所以就食左喇。餐廳木系裝修，而且樓底又高，坐落好舒服。餐牌選擇都幾多，中西日韓都有，價錢又唔算貴。小食方面就叫左炸軟蟹反卷同北寄貝青瓜蟹籽沙律，前者炸粉唔厚，配沙律醬已經足夠，亦都好夾，唔會好油膩，好食！而北寄貝青瓜蟹籽沙律都好唔錯，一開始我以為比漏北寄貝，但原來切左絲，所以口感好豐富，三樣野相輔相成好夾，而且都幾大碗，唔洗北寄貝就平$10。主食方面叫左個煙工三文魚明太子扁意粉，作為明太子迷，基本上見到就必叫，入面仲有蟹籽同菇，好creamy,但覺得明太子味可以再濃d,d麵好掛汁，所以整體味道都幾好！另外，我加左$35轉套餐，就可以刺身沙律2簡1，然後有湯（南瓜湯/麵鼓湯），最後有飲品，性價比幾高！雖然刺身份量唔多，但呢個價錢又可以過下口癮，都好值吖，而南瓜湯好驚喜，好濃郁，又甜，好似成個南瓜蓉做湯。

今日經過荃灣見到呢間餐廳，門口好多人排隊，見到餐牌又幾吸引咁，所以就排隊等食。餐廳食物選擇都幾多，小食、前菜等應有盡有。2個人叫咗1個小食+2個主食。明太子釀雞翼，一客有3隻，每隻都好飽滿，啖啖肉，即叫即炸，熱辣辣，外脆內軟，不過略嫌咸咗少少。咖喱吉列豬扒飯，份量都幾多，吉列豬扒差唔多有成10件，香脆，炸漿唔算好厚，日式咖喱唔辣，配埋旁邊有芝麻醬嘅沙律菜，可以減低油膩感！香草吉列牛配白飯、溏心蛋，作為餐廳嘅招牌菜，差唔多每枱都必點！出面少啲見到有香草嘅吉列牛，成塊變咗綠色嘅外表，以為會好重草青味，原來食落香草味唔算特別濃，配醬汁一齊食味道更好！

距離荃灣地鐵站大約4分鐘左右，沿路走進民居，發現一間餐廳，外表不算十分起眼，卻有很多人在排隊，於是我們也上前一探究竟，嘗試一下這間大排長龍的餐廳。香草吉列牛 $128吉列牛配兩隻糖心蛋和一碗飯。首先將一塊小肉放在石上，讓油出來，這樣就不會癡底。吉列牛是沒有醃過的，所以基本上你不會嘗試到配料的味，只會有淡淡的香草和牛味，如果味道不夠可以加上鹽和汁，但煎的過程中要把鹽放均勻還是有點難，所以最好是煎之前就把鹽放平均塗在牛肉面上。香草味配搭牛肉是外觀好靚，一種清新的感覺。不過牛肉味道不夠，如果之前就醃好會比較好飯用珍珠米，口感👍🏻👍🏻安格斯牛肉豚骨湯拉麵 $68不得一讚的是牛肉份量極多，至少十塊，有不同的部份，包括肥牛，有些部分就比較瘦。我自己覺得係好食嘅。湯很好飲，而且沒有味精的感覺，不過我就覺得有一點似綠豆湯的味道，豚骨味小。但整體來說配搭是很好，值得試。