凱逸餐室

营业中

休息中

今日同男朋友出咗元朗買野同食晏， 經過呢間餐廳見到裝修唔錯，連平時好少幫襯餐廳嘅我都忍唔住入去試下😅我叫咗個星洲炒米，男友叫咗乾炒牛河，五十幾蚊包埋飲品👍星洲炒米食到幾香咖哩味， 炒得好均勻，配料幾多，微微嘅辣，蝦仁好爽👏乾炒牛河嘅牛肉同河粉都好滑，唔油膩😋 以前喺出面啲茶餐廳食過干炒牛河超級油，見到都怕，所以對呢樣野有啲恐懼，估唔到今次呢度咁得！男友無叫錯😁😁我轉咗個特飲做蜂蜜柚子茶，男友轉咗個熱柑桔話梅蜜～佢嘅蜂蜜柚子茶令我幾impressive😱 估唔到茶餐廳飲呢款飲品都會飲得出真正嘅蜂蜜味👍👍👏👏下次如果想食茶餐廳嘅嘢但又唔想個環境好迫同係咁俾人催，應該都會即刻諗起呢度😀

20191210 @凱逸餐室冬天凍冰冰，見到凱逸餐室外有師父忙住製作煲仔飯，唔理要等幾耐，即時衝入餐廳落單，恰巧坐係可以望到師父製作煲仔飯既位置，見到蒸氣熱騰騰，流哂口水，非常期待。落單時侍應姐姐已經細心地提醒我，煲仔飯需時大約30鐘，見到爐大約有10個左右，好多張單排住等師父整，睇黎都係呢到既招牌了，估計我無咁快有得食，等就等吧！等待期間，侍應姐姐先送上每人一碗例湯，普遍茶記水準，不過等食期間有湯有肉落肚墊墊胃，無可挑剔。侍應姐姐時間預得準確，30分鐘內果然有飯食，等候途中亦點左腐乳通菜，邊食邊望住兩位師父製作煲仔飯，時間其實並唔難過。先講講蝦醬豬頸肉煲仔飯，一打開香氣撲鼻，令人食指大動！飯面舖有薑絲，頗能去除豬腥味；豬頸肉肥瘦適中，帶有香濃蝦醬香味，下飯一流。另有章魚肉餅飯，肉餅打得結實，口感不錯，調味唔會過咸，甚有有家的感覺。飯食到最後更可刮出焦香飯焦，脆卜卜十分香口，為今餐畫上滿足句號。1

週六早上在千色附近銀行辦完事後，便走到千色後面找午餐吃。由於打算簡簡單單吃個常餐，看見這間落地玻璃裝修的凱逸餐室，裏邊又有很多食客，便走進去一試。餐牌上的選擇頗多。除了全日套餐外，午市時間還有午市套餐和每日精選。餐牌是影都影不完。晚市還有小菜提供。思考了一會兒後，還是決定吃常餐。最重要的是，將麵底轉成蟹王麵！我自己是挺喜歡吃蟹王麵的，可惜不是很多地方有供應。之前有一間常去的餐廳有蟹王麵，可惜餐廳比較熱，而且座位狹窄。相反這間餐室，由於是落地玻璃裝修，所以光線充足，亦可以看街景。還有卡位可以選擇。麵底煮得爽口，不會太腍。配有兩隻雞翼，少吃多滋味。火腿奄列亦不錯，切開有相當份量的火腿條。

—一個個瓦煲放咗喺門口 藍藍嘅火焰正燃燒着 吸引到大家嘅注目豉汁白鱔煲仔飯($93)製作需時 有個例湯上枱飲住先望落都幾多湯料主角終於整好 店員提醒小心熱同焗一焗自己按喜好加豉油 飯粒分明較綿白鱔肥美 魚油滲埋入當中最後唔少得煲底金黃香脆嘅飯焦 脆卜卜唔會太燶全日套餐($45)蕃茄湯鮮牛通/火腿絲奄列/牛油多士Omelette仲有蛋汁流出牛油已經溶埋喺多士到———————————————凱逸餐室元朗西菁街9號富盛大廈地下3-4號舖

今晚咁凍, 所以就同主子去搵煲仔飯食 , 經過凱逸餐室,比佢出面既煲仔飯陣吸引左入黎, 睇見餐牌, 有好多煲仔系列, 我地叫在窩蛋免牛煲仔飯, 仲有臘腸排骨煲仔飯, 加多20蚊配碟腐乳通菜, 呢個餐平均70蚊左右, 送埋粟米蘿蔔湯, 冬天食暖笠笠。等左20分鐘, 兩煲香噴噴的煲仔飯就上枱, 在枱上焗多1分鐘左右, 我地就正式開餐, 先講下窩蛋牛飯, 免治牛肉唔會太硬, 可能焗得唔夠耐,飯就有少許濕, 不過由於蛋一早就落左, 開蓋時蛋已經差不多熟晒, 除非遲啲落蛋可能會好啲,精髓係個飯焦, 又香又脆, 烚到好處,到另一個飯, 因為焗既時間好夠, 所以飯比較乾身, 排骨肥瘦得宜, 配不太肥既臘腸, 我覺得好好味, 整體呢餐不錯, 係呢度食到煲仔飯 絕對是驚喜!

元朗對新界人是一個美食天堂。應有盡有。數不盡的各國佳餚。但對我這些本土香港仔。必定茶餐廳行先。今晚行過茜菁街搵食。見到間外面有煲仔飯檔。因此吸引了我。鳳爪排骨煲仔飯。普通茶樓食的鳳爪排骨飯細細的。但煲仔飯最要訣的必要是飯焦。這𥚃的排骨肉汁浸透入飯後更添肉香。令飯味更複雜無窮。飯焦亦香而脆口。枝竹魚腩煲。除了煲仔飯出色外。原來它們的香港地道小炒亦非常出色。叫了個枝竹魚腩煲。魚腩的數量之多充滿著成個煲。 枝竹亦是入味而沾不上太多油。魚腩雖沾上粉炸。但都不失魚肉的鮮甜。

呢排凍冰冰又大風最啱就係食煲仔飯😍放工入咗元朗搵煲仔飯食，唔知係咪因為天氣涼咗大家都想食煲仔飯，7點左右就開始有人排隊，到我地走既時候更加多人。睇完餐單我地點咗乾炒牛河（＄66）加熱好立克，同埋北菇滑雞煲仔飯（＄65）配例湯。碟乾炒牛河上枱仲冒緊煙，我地趁熱食，牛肉份量唔算少，而且唔會太多油，唔錯。至於煲仔飯就係即叫即整，所以需要少少時間等待。一上嚟當然熱辣辣香噴噴，D雞嫩滑又入味，加埋臘腸好惹味🤤而且亦好欣賞佢既飯焦，可以成塊咁食，食完煲仔飯成個人暖笠笠，滿足！

元朗近年多咗好多好嘢食，中西意日法韓，大把選擇。尼日同朋友去左西菁街附近搵下午茶食，見到凱逸新開就走咗入去試。瑞士雞髀薯條 ($38)。尼個瑞士汁真係好好食！甜味剛好，不會太強烈。而且雞髀🍗拎到上枱面仲熱辣辣，好香！睇相其實都睇得出佢嘅瑞士汁都好厚身，雞皮上面都仲掛有濃濃嘅瑞士汁。薯條比較之下就無乜特別。佢係舊式嘅Z薯條，夠脆夠粗，都好食架。只不過隻雞髀真係太優秀😋花生醬西多士 ($36)。真係只要係新鮮熱辣出爐就真係好食。尼個西多首先完全唔油膩，相信師傅落左不少功夫。多士表面微焦，火喉岩岩好。內裡花生醬份量都剛好，唔會覺得膩。不禁食完一啖忍唔住又一啖

天氣開始寒冷，又係時候食返啲熱辣辣嘅煲仔菜啦軟淋淋的牛柳肉質鮮嫩無比，牛肉味香濃，再配上有點像咕嚕酦酸甜甜味道的醬汁，不經不覺就把牛肉全部吃光西蘭花如果煮得過硬或唔入味，當然不好吃。但是這道西蘭花炒班片實在是恰到好處。班片也煮得剛剛熟，魚肉非常嫩滑。海味雜菜粉絲煲比較清淡，所以我們加了6元，就變成了海味雜菜粉絲煲，加上海味同煮後，味道即時變得豐富惹味。大馬站煲又名豆腐火腩煲，秋冬時候吃非常受歡迎，入面材料有蝦醬、燒腩、豆腐、韭菜

與友人路經這裏，好像是新開的餐廳。首先要讚的是員工的服務質素很好，態度很好。我點了乾炒牛河及銀芽肉絲炒麵一杯好立克紅豆冰及四隻雞翼。乾炒牛河感覺不太油，肉量算多。個人原本原太喜歡吃河粉但這間做得不錯。銀芽肉絲炒面很有小時侯吃的感覺，甜甜的醬汁配上炸得金黃香脆的面，真的很好吃。雞翼雖然比較細小，但咬下去仍然保留著小小肉汁，用作小食配主食十分不錯。表現比較好的是奶茶紅豆冰，紅豆煮到很軟身，又一次想起小時候的味道。

估唔到凱逸餐室咁快就換上新嘅餐牌，新餐牌比起舊嘅更加容易睇價錢亦唔覺有太大改動小菜亦一樣係加$12 可以轉為套餐例湯一貫足料，入面材料有雞腳，豬骨同埋蓮藕中式牛柳味濃肉嫩，深啡色濃稠狀嘅汁味道甜甜酸酸，十分開胃，美中不足嘅係份量唔算太多廣州大站煲入面有豆腐同燒肉，燒肉份量嘅勁多，而且每一舊都肥瘦適中，秋冬食呢個煲非常暖胃呢西蘭花配斑片/蝦球係我最愛當然要點啦，班片同西蘭花份量都唔少白飯份量大大碗，正海味雜菜粉絲煲，呢個煲入面每一條粉絲都吸盡精華，所以粉絲絕對係呢個小菜嘅精華

過了去元朗茶餐廳食飯，現時元朗似小市鎮，人多車多餐廳都很多，尤其午市時間，每間都爆場。這間凱逸餐室全部都以套餐為主，有炒粉麵飯及常餐，全部都是四十幾蚊起。干炒豬扒出前一丁好夠鑊氣，出前一丁煙韌，豬扒亦都算厚身，肉質夠腍，而且都幾大碟。另外常餐可以免費轉番茄湯，蟹王麵其實都係公仔麵，麵質較較煙韌，雞翼醃得好入味又唔會炸到太乾，奄列炒至剛熟很滑，最正係跟牛油脆豬，鬆脆好味。最後飲返杯鹹柑桔話梅蜜潤下喉。

呢間冰室好似係新開既，入面見到好多食客，出面都唔少人排隊。見到出面有煲仔飯食，我男友第一時間話想食款式選擇都好多 最後揀左5號餐 另加臘腸同時菜掙扎左好耐食常餐定係秘製蔥油套餐因為自己好鍾意食火腿奄列不過覺得夜晚都係食返正餐好啲就選擇咗秘製蔥油雞扒太陽蛋撈一丁餐飲方面 選擇都好多而且大部份都可以跟餐半價煲仔飯會配個湯 係冬瓜雞腳粟米湯 鮮甜清涼 岩我要下火呢個秘製蔥油真係無得輸 最緊要多乾蔥 甜甜地好香口 同個撈丁好夾 平時我係食蔥油雞髀飯多 第一次係撈麵食雞扒好厚 充滿油香味 肉質都夠嫩滑個太陽蛋無煎到好實 仲係流心嘅一開始我問男朋友點解見唔到蝦膏嘅佢話不嬲都係攞嚟炒左豬頸肉蝦膏味真係好濃 豬頸肉又冧記得加煲仔飯豉油 加$15有個小棠菜 晚餐我最緊要有菜食其實呢兩杯嘢飲都好有特色一杯係奶茶紅豆冰濃郁嘅奶茶味配搭紅豆冰真係第一次試但又唔會話好相撞個味道而鹹柑桔梅蜜成杯嘢飲都係鹹鹹地 都幾好飲

元朗西菁街一直係美食街最近行過見到有開餐廳光鮮的招牌寫住「凱逸餐室」好吧就試下.我好鐘意餐廳設計分好類早餐時段、午餐、下午菜、晚餐、全日餐，不會眼花撩亂.午餐分好豬、牛、雞、炒粉麵類我朋友點了「時菜牛肉炒河」份量超多，很多牛肉片食完好飽，時菜也有「鑊氣」.星期一到日都有不同的「廚師推介」我點了「蟲草花蒸滑雞」雞同飯分開上，可想而知雞件份量有不少.每個餐送熱飲，特飲只加$5椰香胚芽奶露-多胚芽，健康之選椰香杏仁奶露-香杏仁發椰奶味，balance 得好好.雜果冰- 紅色的，下面有雜果

喺元朗朋友屋企打完通宵牌之後落去食少少嘢先簡單啲入咗呢間食嘢，食物種類似普通茶記最特別見到係兒童鴛鴦版嘅紅豆冰！呢個crossover系列已經引到我去試好立克紅豆冰（左）／阿華田紅豆冰（右） $30/杯（跟餐半價）基本上只係將傳統紅豆冰由淡奶換咗做好立克同阿華田好立克味比較甜，阿華田味就比較香Crossover落紅豆冰的確係驚喜啜入口啖啖紅豆有咬口兒童鴛鴦呢家嘢，鍾意邊款真係好睇個人咖哩薯仔牛肉飯 $65本來想食牛腩，但無晒-0-咖哩汁都夠咖哩味，夠香，少少辣但可接受咖哩料同白飯好細心分開上，自己撈會比較好牛肉質感算軟嫩，似沙嗲牛通嗰種牛加上紅椒青椒點綴，賣相唔錯薯仔軟淋淋，咖哩牛入面我平時反而都係最鍾意食舊薯仔唔夠淋嗰啲真係會扣分秘製蔥油豬扒太陽蛋撈一丁 $48基本茶記菜式加上佢啲惹油醬汁醬汁撈麵幾香口，味道唔太鹹豬扒比牛肉無咁軟腍，不過煎完都香口建議太陽蛋汁撈落麵度隻蛋幾靚，蛋汁好香，黏落麵條度好好味