凱逸餐室

营业中

休息中

元朗近年多咗好多好嘢食，中西意日法韓，大把選擇。尼日同朋友去左西菁街附近搵下午茶食，見到凱逸新開就走咗入去試。瑞士雞髀薯條 ($38)。尼個瑞士汁真係好好食！甜味剛好，不會太強烈。而且雞髀🍗拎到上枱面仲熱辣辣，好香！睇相其實都睇得出佢嘅瑞士汁都好厚身，雞皮上面都仲掛有濃濃嘅瑞士汁。薯條比較之下就無乜特別。佢係舊式嘅Z薯條，夠脆夠粗，都好食架。只不過隻雞髀真係太優秀😋花生醬西多士 ($36)。真係只要係新鮮熱辣出爐就真係好食。尼個西多首先完全唔油膩，相信師傅落左不少功夫。多士表面微焦，火喉岩岩好。內裡花生醬份量都剛好，唔會覺得膩。不禁食完一啖忍唔住又一啖