再來一煲 (好順景大廈1座)

营业中

休息中

花款好多，有雞煲 烤魚 羊腩煲食。特別推薦胡椒豬肚雞，廚房師傅行出來同我地講話湯底係煲左好耐既。好適合我地甘樣一家大細食。第一步要飲左湯先，真係好好飲。仲有超大杯既珍寶檸檬茶，超正。

雞煲邊爐平時食唔少，但都係死咸偏多，食完口渴到不得了，令我對雞煲好卻步。早兩日去雞地搵食，比我搵到依間係巷仔既小店，涼浸浸既天氣下見到鋪仔細細但幾多人吓，忍唔住試下佢咩料。試下店員推介個藥膳雞煲，一試就不得了。湯底愈煲愈濃，一人飲咗幾碗再加湯都好夠味！出面好少食到咁足料藥膳煲，同行女士話個湯底配花膠好正。份量又足，雞係好滑同好鮮，食件雞飲啖湯，個人即刻暖晒，最緊要係唔會口渴！冇味精，難得。呢餐食到好滿足，一定有下次。

一場入到元朗揾食，行經條巷仔，卻傳來陣陣芳香，原來有間新鋪~ 即刻叫左半份招牌雞煲(BB辣)，兩份牛肉，兩碟牛丸，一碟韮菜餃，一碟蜜椒牛柳粒，一碟即炸響鈴，一碟昆布鮑魚！用料新鮮，雞煲入味(d雞有鮮味)，牛肉牛丸都超有牛味。新張優惠，食咁多野，兩個人人均400幾蚊，CP值都唔錯，誠意推介，下次入元朗一定要再來一煲