今次我地去左大西北既元朗呢邊食一間朋友介紹既雞煲火鍋小店，呢間餐廳雖然個地點唔起眼，但係好多人食，唔book位基本上好難等位，因為佢地本身唔算多位，所以我地都有book定先去食😌招牌魔鬼雞煲（半隻）（$198）佢地既雞煲係以印度魔鬼椒去整，最勁既變態辣要睇免責聲明先好試，而佢地既辣度比一般既雞煲店辣，平時食開中辣就建議小辣都夠，我地就叫左bb辣，唔算好勁，上雞煲時佢個辣椒味真係好香，有小小攻鼻，但食落冇相像中咁辣，可能因為有個心理準備，同埋雞煲汁帶有少少甜，中和番個辣度，雞件好入味，食完可以加湯打邊爐🐥🌶️椒鹽粟米（$58）我地叫左個小食椒鹽粟米，佢個蒜好香，又夠咸，跟住條粟米本身又超甜，好好食🌽本地手切牛（例牌）（$ 198）佢手切牛既紋理幾靚，個口感唔錯，唔會太肥，牛味相對都重🐮爆汁牛筋丸（一份）（$68）個牛丸真係爆曬汁係入面有少少肥膏咁，半份$48得4粒，一份抵食好多，同埋都真係好食，好彩叫左一份😋手工韮菜餃（$42）手工餃食得出係自己包既，個皮偏簿，個餡既肉鮮味多汁🥟珍寶凍檸茶（$38）呢度既檸檬茶超大杯，夠2個人飲🍹呢間小店都真係幾好食，佢個辣係過癮得黎又特別，火鍋配料質素都好好，同埋個椒鹽粟米都好食，黎到唔止打邊爐，熟食都值得叫，特登過黎食都冇令我地失望🥰…查看更多
我們當晚叫了1隻的招牌魔鬼雞煲加魚標加雞雜， 百花炸蝦滑， 椒鹽粟米， 田園雜菜籃，牛小排， 胡椒豬肚丸。原本想試羊腩煲同蠔，明明當日無客，1早黎到，但都已經無貨。其實打邊爐配料選擇少，唔多吸引，雞蛋都10蚊隻！！？而且無註明可以生食同產地。👄主角，招牌雞煲加魚標加雞雜，叫了手抱bb辣，等同坊間嘅bb辣。 1隻雞，分量黎講算少，都唔係一煲，係一個深平底鑊咁，味道唔麻，係泰式嘅甜辣，有檸檬葉調味， 鍾意 泰式甜辣嘅人應該會鍾意， 但香料層次唔算好出，都係麻辣好食d。 廚師加埋魚標落去炒，魚標好厚身，彈牙，好食。雞雜就 雞潤雞腎另加半粒雞心？分量唔多，無雞腸，正常質素。👄小菜百花炸蝦滑 （6粒）， 其實就係類似長洲嘅魚肉釀豆卜，以前一串五顆魚肉釀豆卜($15)，鮮味無窮。 現店舖改為蝦滑，味道都唔夠鮮， 配以雞醬，味道可以，但炸得太乾身 。炸栗米就失色，栗米老身， 顆粒唔飽滿（唔知係咪炸太耐，唔甜，只有鹹香既蒜粒味，味道單調。加上放左一陣先食，唔脆。👄配料當晚菜種類都唔齊全，問了店員，然後他表示雜菜籃都係嗰啲菜啦，然後 隨便講了幾個菜名，但發現明明當中某d菜單顯示無貨, 店員都唔係好熟自己餐廳既供應咁。基於 鹹魚白菜各有所好，決定叫個雜菜。 有油麥菜娃娃菜生菜，都係d平價菜，分量一樣唔多，每人一小夾就食晒左。菜中間既心位都係成舊上，並不是圖片顯示切開。例牌安格斯牛小排，分量好少，每人約3小塊完左， 而且當中有啲肉係有d啡色，唔太新鮮。平時凍肉檔一塊嘅牛小排， 開咗四咁上下。肉味淡，肉質就正常質素，淋既 ，唔淋就唔係牛小排。半份堅胡椒豬肚丸，得4粒（但圖片有5粒），得3粒食到豬肚碎，少少胡椒味，粉感重，粒丸好軟爛。 期後發現1份同半份張圖都係5粒
總結原本沒有諗住寫食評，所以沒有影低太多食物嘅相，加上食到後面都冇乜心情，但基於去性價比同質量太差， 為免有更多人中伏，同希望店加改善一下，先決定開post。雖然話， 元朗係總店屯門係分店， 但係食物種類原來屯門多好多， 另外七點半前走八點半後入座有優惠， 去到先知。有d食評話店員會幫手撇油，其實食客自己黎都得，同埋根本唔會太多油，因為吸引唔到你叫好多野繼續食落去。加湯時用個小膠牌擋（真係好小， 湯殼都大過佢 ， 唔知擋到啲乜 😂。同埋店員見你食完就拿拿林清枱，趕客咁，執枱果時，餐紙上的食物碎屑彈起曬，整到衫都係，都無表示抱歉。問關於餐單既資訊，又唔熟，我睇唔出有咩服務可言。最後，4個人食左好少野，共付1074HKD。分量唔多，用料中下，菜單圖片又失實，地點偏遠，無咩特別好既服務，呢個價錢完全唔值。 之後去附近糖水舖再食填肚。其實，元朗有好多好食有誠意既本地小店， 唔靠廣告，保持住質量好， 靠口碑， 靠人情味，將來依然會繼續元朗探店。👄但呢間就唔會再有下次。推薦指數：0/5
醬芥（$14/位）有蔥粒、芫荽碎、炸蒜、生蒜🧄、XO醬、辣椒🌶️
另外點了：
消費滿$1200，作為社交平台打卡，餐廳會贈送一份安格斯封門柳（喺book枱嘅時候，可以問店員仲有冇呢個優惠）餐廳另一個特色就係，有好大杯嘅珍寶凍🍋檸檬茶（$38）/檸水或檸樂，超級適合打邊爐，咁大杯一定飲得晒，但☕️紅茶底唔夠濃，如果濃啲會好飲好多～ 少冰、走冰、少甜、走甜，都可以按個人喜好選擇。餐廳需要加一服務，店員服務都好好
