六福菜館

营业中

休息中

去到西貢就選一間米芝蓮一星餐廳試一試。椒鹽奇脆豆腐,大廚手藝高超,豆腐外脆內軟,乾身得來又有豆腐的濕潤,味道很有豆香。白灼海中蝦,用上野生蝦,肉質彈牙,味道很鮮美,用白灼的方法最可達到簡約美味。椒鹽焗鮑魚,鮑魚尺碼很大隻,肉質很爽嫩,味道鹹鹹辣辣,要用刀叉來吃,切到一片片比較容易吃到。豉椒炒蟶子煎米粉,蟶子肉質很爽很Q彈,味道濃郁辣辣的使人很開胃,米粉索滿了蟶子的鮮味,而且煎得有焦香的味道。天婦羅桶蠔生菜包,生蠔肉質很綿滑,味道很鮮美,蠔汁滿滿,用生菜包了可解油膩感。芝士龍蝦伊面,龍蝦肉質很彈牙,除了食材優質外,最重要是火喉控制得宜,味道鮮甜到不得了,簡直停不了,還有是啖啖肉,龍蝦肉地厚實,伊面爽口。蜜糖欖角骨,這個是意想不到的出色,肉質嫩滑,欖角及蜜糖的味道完全跟肉骨融會在一起,味道甜甜的帶有欖角香味,還有點點的焦香。味道: 值得推介環境: 尚可衛生: 整潔服務: 尚可價錢: 食物質素跟價錢成正比

心血來朝拉閨密入西貢嘆海鮮，這間菜館真的不錯，仲要係米芝蓮推介😋 服務好👍🏻菜式味道也好😀「椒鹽奇脆豆腐」 店主稱招牌菜之一，長條形豆腐更易咬口，外脆內滑😋「薑蔥炒勝子皇」薑蔥炒出來好香，勝子熟到剛好，正呀❤️ 配料都俾我食哂「椒鹽焗鮑魚」 超大隻！😋 是酥炸出來的「天婦羅桶蠔生菜包」這隻蠔超 juicy 爆汁感覺，這款天婦羅配上生菜，有另一風味😎「芝士龍蝦炒飯底」 這款龍蝦肉爽脆，而且大隻 ，啖啖肉，今次我地配炒飯，閨密們食唔停口呀😊「鮮菠蘿生炒骨」 生炒骨最考功夫，正！👍🏻「米湯浸時蔬」 用的是米湯，不是上湯好特別😀「自家製甜品-椰汁大菜糕」店主表示泰國人自製，稱用上原隻椰青，所以好有椰子味😋備註：🔺店員好有禮貌，為我們講解每款菜式🔺食完海鮮行下海旁，舒服😌🔺廚師手藝有料到👍🏻

今日朋友帶我入西貢食海鮮，去咗間米芝蓮星級菜館。散叫之外，仲有二人或者四人海鮮餐。🔸椒鹽奇脆豆腐豆腐的外表炸至金黃色，皮薄脆口，內裏的豆腐軟滑。🔸白灼海中蝦蝦隻爽口有膏，點啲辣椒豉油提升鮮味🔸椒鹽焗鮑魚用刀叉剧鮑魚，大連鮑魚厚身，肉質軟腍適中，帶淡淡的椒鹽香。🔸蜜糖欖角骨如果去酒樓食飯有呢道菜，都係必點菜式。肉質腍滑入味，外邊微脆鹹甜。🔸豉油王炒麵炒麵口感爽腍，冇滴油又唔會太乾身，加埋炒過的芝麻好香，正！🔸米湯浸時蔬食海鮮之外，都要加番碟正菜，菜心滑身爽脆。跟着朋友食好西，實冇介紹錯。

這天非常有口福因為好友約我去西貢食好西！還要去到米芝蓮餐廳品嚐一頓豐富午餐真係好幸福啊。說到西貢的米芝蓮餐廳大家必定想到六福菜館！六福已連續15年蟬聯米芝蓮一星，它的「味」力絕對不能小覷。餐廳內的裝潢雅致乾淨企理絕不花巧感覺非常舒適。椒鹽奇脆豆腐$120！薄薄的金黃外皮非常香脆，內裏盡是嫩滑的雪白豆腐超唰嘴的前菜。西貢地道魚湯$248！番茄薯仔加上雜魚煲出來的魚湯濃郁鮮甜，真材實料感受到家的好味道。椒鹽焗大連鮮鮑魚$640！鮑魚弄得很酥香口感非常煙韌，味道鮮美配上炸蒜等超級惹味，絕對是我吃過最美味的椒鹽鮑魚。花雕蛋白蒸斑馬瀨尿蝦$320/隻！前臂般長的斑馬瀨尿蝦上檯後服務員會為我們即時展開蝦殼，讓我們吃得更加方便及暢快，瀨尿蝦肉質夠紮實味道鮮甜，墊底的花雕蒸蛋白充滿酒香口感非常細嫩超可口。天婦羅桶蠔生菜包$288！肥美飽滿的桶蠔好新鮮，用上天婦羅方式來炮製酥脆不油膩，放在清脆的生菜盞上一起享用可增添清爽口感。野生海斑龍吐珠$980！一魚兩吃炮製出碧綠炒斑球和鹽酥骨腩，霸氣十足的賣相這菜式絕對稱得上色香味俱全。厚厚的斑球炒得挺有鑊氣魚肉紮實之餘鮮味香濃，懂得吃魚當然要品嚐鹽酥骨腩，炸得香

西貢，可以說是小妹的第二個家！閨蜜住在附近的村屋，周末，小妹最愛到此渡假。這天，則相約數位密友，到六福菜館，品鮮聚舊。就座於二樓一側，先來一窩以數款海魚烹調的西貢地道魚湯 。一言以概之，鮮。魚湯，簡單地伴以蕃茄同煮，鮮味滿嘴。椒鹽奇脆豆腐 ，看似平平無奇，咬一口，外脆內嫩且滑，教人一吃上癮！六福新推的蒸元貝，繞富創意地，以米湯低溫慢煮元貝，讓元貝的味道更為鮮美，質感更為嫩滑。接著，有酥脆無比，蠔鮮滿瀉的天婦羅桶蠔生菜包。把炸至金黃酥脆的肥美炸蠔，包著鮮爽脆的生菜，再加入適量的沙律醬同吃，口感層次極為豐富多變，且絲毫沒有油膩之感。碩大的招牌椒鹽大連鮮鮑魚壓軸上場！用刀輕輕一切，放入口中細味品嚐，椒鹽惹味，鮑魚肉質十分軟腍且易嚼。薑蔥炒蟶子皇配煎米粉底，個人而言，精髓乃混入蟶子鮮味和薑蔥獨有香氣的米粉，惹味非常。重口味的友人對以蝦乾、魷魚粒、魚仔乾、臘腸和薑蔥等入饌的西貢艇仔蒸飯讚不絕口，小妹則不太喜歡。相反，小妹對豉油王炒麵情有獨鍾，不斷地添食。炒麵的麵條非常幼身，炒至色澤均勻，且條條沾滿了芝麻。入口，完全沒有半點油膩感，足見廚師炒功深厚。廚藝達人V，為了讓大家一飽口福，連夜趕工，製作了

說真的，非常少到西貢，除了N年前的行山及釣墨魚；原來這邊也有蠻多喝咖啡的地方呢﹗等下次有時間再放慢腳步遊玩一下﹗ 這天跟好友來到連續15年取得米芝蓮一星榮譽的六福菜館，實力非凡﹗ 我們點了幾款招牌菜式，先來西貢地道魚湯 $248一窩，完全有家的味道，好像我媽煲的蕃茄薯仔紅蘿蔔魚湯 (我媽是煮餸能手)，每口都是濃郁鮮甜的味道，記得要趁熱飲啊﹗椒鹽奇脆豆腐 $120，外層脆皮已均勻地沾上椒鹽，基本上都不需再蘸喼汁，一口咬下，那熱騰騰又滑溜的豆腐，叫人回味。椒鹽焗大連鮮鮑魚 $320/3隻，鮑魚有手掌般厚，口感細嫩，既惹味又不會搶去鮑魚自帶的淡淡鮮味，就連鄰座的客人也推介的一道菜式。 米湯低溫慢煮元貝 $530/5隻，元貝肉質緊緻，以營養豐富的鹹鮮米湯一併食用，味道甚麼鮮美。天婦羅桶蠔生菜包(例牌4隻) $288，美國桶蠔夠肥美，炸得鬆脆香口，搭配沙律醬及以生菜包著吃，大大提升美味程度。薑蔥炒蟶子皇配煎米粉底 $535(4隻)，爽甜蟶子以薑蔥爆炒已經勁好味，配煎米粉底吸汁並以煲仔形式上菜，好惹味。西貢艇仔蒸飯 $288，這個真的私心推介，用上魷魚乾、蝦乾、銀魚仔等加上蝦醬同蒸，每粒飯粒都充滿

天氣轉涼，馬上燃起行山那團火。本來是一個跟友人行山後「尋星星」之西貢日，可惜被突如其來的三號颱風影響，為安全起見，行山告吹，遂改為中午「尋星星」！雖然西貢是郊區，但中午哪會有星星？對不起，其實我是指米芝蓮星星，一時間誤導了大家！西貢以海鮮馳名，不過連續十五年獲得米芝蓮一星名銜的海鮮餐廳，相信就只有「六福」。從 2010年起奪星，在現場逐一追尋十五年來的星星，追/觀星過程令人有點頸膊僵硬，可見星星之路殊不簡單！還是享口福之樂最簡單直接，不行山、倒可以開餐。有別於一般餐廳的海鮮湯，「六福」的西貢地道魚湯 HK＄248 以蕃茄薯仔配搭濃郁魚湯底，除甚有往家風味之外，湯頭魚骨殘留、乾淨利落，小朋友或怕骨的大朋友都會給 Like！椒鹽奇脆豆腐 $60/6件是「六福」的必吃，這天可以重溫外層特別酥脆、調味豐香，而內層則嫩滑無比的炸豆腐了。不愧為「六福」的招牌出品，五個人要來兩客才夠止癮！米湯低溫慢煮元貝 HK$530/5隻 是新菜式。先試一口乳白的米湯，質感厚滑流暢、米香摻合海水與元貝的鮮味，既柔和、也鮮香，味道不俗。可能是低溫慢煮的關係，元貝入口不僅嫩彈、還保留了堅挺的新鮮口感。最美的要算是元貝

放假最鍾意就係同啲朋友去西貢遊車河🚗低密度嘅區域，特別心曠神怡‼️嚟到西貢，大家一致話去食海鮮🦞去咗間朋友極力推薦嘅「六福菜館」個套餐有齊想食嘅海鮮，就唔多諗喇，就叫四人套戲～～「椒鹽奇脆豆腐」層炸衣好夠乾身，唔會一夾就甩皮甩骨❤️一咬開，炸衣仍然好完整咁包裹住滑捋捋嘅豆腐「椒鹽焗鮑魚」隻鮑魚相當大隻，酥脆嘅外層帶有椒鹽香，鮑魚口感夠軟彈，整體嘅口感&味道都拿捏得好好食得椒鹽鮑魚，就唔好奢求會有鮑魚嘅鮮味，因為入口已經充滿濃濃嘅椒鹽香「薑蔥炒蟶子王」呢個炒蟶子真係必食，連啲薑蔥都炒得勁好食蟶子炒嘅時間好好，非常爽嫩，一啲都唔韌「天婦羅桶蠔生菜包」第一次用生菜包住同蠔一齊食，別有一番風味‼️桶蠔勁大隻，天婦羅炸得夠乾脆，入口完全感受到外脆內juicy嘅感覺，桶蠔仍然保持到中間飽滿多汁「芝士龍蝦頭爪拆肉炒飯」好多時芝士龍蝦一定會配伊麵⋯⋯今次有新野原來可以配炒飯～～經理強烈推介之下，我哋就決定要炒飯果然無揀錯❤️ 個炒飯勁好食，會食到金沙嘅口感，重點係龍蝦肉係啖啖肉，即時覺得值回票價‼️芝士嘅出現出奇地唔會覺得會膩喎，反而芝士嘅咸香令炒飯更上一層樓甜品 — 椰汁糕更加花心機，由泰國人每日新鮮製造，好

連續15年米之蓮一星餐廳餐廳位置係內街，樓高3層價錢上真係偏貴，唔抵食因為出面海邊$498 已經有4人套餐😂所以黎食一定唔係因為價錢最好食係奇脆豆腐，外脆內嫩，椒鹽瀨尿蝦唔夠脆身，黎一次當打卡米之蓮餐廳就好唯一配得上米之蓮一星嘅係服務，態度好好，好醒目，見你點醬即刻拎個匙羹仔俾你，上瀨尿蝦見你想抹手又即刻拎濕紙巾被你，我見有客人係門口食煙，待應已經即刻轉頭拎個煙灰盅出去被客，有禁醒嘅員工，即刻幫加餐廳加分好多椒鹽奇脆豆腐 半份6件 $60蜜糖骨 半份4件 $108蒜蓉炒白菜苗 $168海鮮價錢：瀨尿蝦3隻（16兩） $768 另加$120油料海鮮價錢：清蒸紅瓜子斑（17兩） $816 另加$120油料4人總數連服務費 $2522

去海鮮街都離不開呢幾個地方，分別有油塘鯉魚門屯門三聖同西貢碼頭，當然各有各出色嘅海鮮街參觀之餘，仲可以食到鮮味十足海鮮，至於今次去咗西貢係碼頭沿途一帶雖然已有多間海鮮酒家不過今次我哋嘅目標係西貢米芝蓮食肆，就係喺海鮮街牌坊行入市場街嘅六福菜館，喺門面已睇到佢連續多年獲得米芝蓮一星榮譽，已經證明廚藝出眾，我哋都急不及待入去享用，餐牌除咗有各款美食菜式仲有2人同4人套餐提供，我哋都散點了幾款特色招牌菜可以食多幾款口味，而且上菜都係順住次序先來有呢款蕃茄薯仔地道魚湯係一窩上都係$248 ，份量都有返咁上下，入口已飲到香濃鮮味魚湯，鮮甜十足仲可以飲多一碗滋潤美食開始陸續嚟，有推介小菜椒鹽奇脆豆腐12件$120，表面皮脆可口入面滑溜香軟口感食落好惹味再來係天婦羅桶蠔生菜包，賣相夠吸引大大件，粉漿炸得好鬆脆，輕輕已食到飽滿嘅蠔肉滿口啖啖肉汁之後有椒鹽焗南非鮑魚（3隻）$480連加工費$120，南非鮑魚果然肉身豐厚之餘，我估應該係三頭鮑所以先至咁大隻，灑滿粒粒蒜香，切開已見軟滑肉質口感十足鮮味除咗食海鮮又可以品嚐一下呢款客家鹹菜木耳炆腩仔，睇落去好似好肥好多脂肪，但食一啖包你上癮，入口即溶化，色香味

在香港想食海鮮，好自然會想起西貢，西貢海邊有很多x記，作為遊客，望住個海食的確別有風味，但若然講究廚藝及質素，連續15年獲得米芝蓮一星的六福菜館，才是真正的理想選擇。並不講求花巧及賣相，心思放食材及烹調技巧上，秋高氣爽的這個週末，我們一行三人專誠去朝聖，點了多款招牌，吃得滿意滿足。西貢地道魚湯 $248是以番茄薯仔配合的濃魚湯，以十幾款魚久熬而成的奶白湯頭，真材實料，味道醇厚，配合蕃茄薯仔的酸香，更誘人食慾！先飲湯，真是個好主意。建議3人以上點一窩，此湯一碗售$80，一窩 $248 可分6碗更抵飲。椒鹽奇脆豆腐 $60 （半客6件）做得的確好，外脆內嫩，豆腐本身非常滑，椒鹽份量恰到好處，唔會過鹹，香口惹味。椒鹽焗鮑魚 $320一客3隻，大連鮑魚，都好大隻，相比來貨需$200/隻的南非鮑魚不輸蝕，味道及大小相若。六福的招牌菜，果然水準之上，焗得出色，鮑魚柔軟富彈性而不靭，椒鹽成功提味。天婦羅桶蠔生菜包（4隻）$288炸漿剛好完全包圍着桶蠔，外酥脆，內嫩爆汁，完美的口感。建議先淨食，享受酥脆原味，第二只以生菜包着吃，奇妙的效果，生菜的脆爽平衡了炸物之膩感，吃多兩件亦不飽滯。花雕蛋白蒸斑馬瀨

早排睇電視，見到有明星介紹去西貢食米芝蓮海鮮，趁週末風和日麗，約朋友來品嚐星星級數的南非鮑魚。聽聞他是第一家創作美味的 椒鹽焗鮑魚。返工辛苦咗成個月，出糧一於食好啲，吃美味海鮮就最開心！六福 喺西貢市場街，沿着西貢碼頭慢慢行，吹吓海風睇吓海景，就喺海鮮街旁邊。主打新鮮海鮮，烹調方法五花八門，風味一流，價錢合理，看似簡單一碗魚湯都勁足料好吸引！椒鹽焗鮑魚椒鹽焗鮑魚係我最愛，好鍾意椒鹽的惹味，食鮑魚軟彈的口感。次次食海鮮都叫鮑魚，南非3頭鮑，果然大隻啲，今次味道同質感都係水準之上，必食大大隻鮮鮑魚，滋補養顏，撈一撈椒鹽原來仲提升鮮味，基本上係勁鮮甜。要用刀叉食才有儀式感，質地非常彈牙 Q彈，帶有適度的咬勁，與一般鮑魚不同，因為它擁有更加緊實的口感。西貢地道魚湯有幾個朋友來的話，一窩價錢抵啲，好坦白咁講，魚湯好睇個人口味，製作過程對我嚟講複雜，出街飲魚湯性價比最高。最深得我心嘅一定係每日鮮魚供應不同，今次品嚐極上鮮味，感受越嚟越少見的地道魚湯，魚鮮嘅極致鮮味。天婦羅桶蠔生菜包金黃色的天婦羅桶蠔外脆內嫩，大大粒口感細膩柔滑，蠔味濃郁，肉質非常鮮嫩軟嫩，入口即化，佈滿鮮味。薑蔥炒蟶子皇配煎米粉底