六本木日本料理

营业中

休息中

呢間係一間充滿日式裝潢嘅居酒屋, 而且店員好有耐性主動做介紹, 我同朋友兩個人, 叫咗四款菜式同兩款串燒, 已經好飽😁香芒軟殼蟹卷芒果一D都唔酸, 好清甜, 配埋香脆嘅新鮮軟殻蟹, 正👍🏻牛肉他他燒夠哂鮮味, 配撘特有的調味料, 愈食愈開胃😋六本木牛骨肉牛肉半生熟, 口感剛好, 完全唔會油膩😋牛舌及荔枝豚肉串燒得啱啱好, 煙銀彈牙👍🏻玉子明太子燒充滿蛋香而且好香滑, 明太子份量剛好, 唔會太鹹😋食到最後, 老闆好好客好nice咁問, 食物有冇需要改善嘅地方, 好難得喺香港食出人情味, 必定會介紹更多朋友過嚟😁

深水埗其實有好多好野食，呢間位於深水埗/長沙灣交界的日式居酒居，大大話話每月嚮附近經過不下50次，今日是首次光顧。北海道刺身盛內有8款刺身，全部都色澤光亮，鮮味十足。我最愛既海膽非常鮮甜，真正正到脾!明太子玉子燒中間的蟹子，加入了紫薑碎片，所以食落有嶶嶶辣味，係幾惹味架! 最後，order 了一份關東煮。獅子狗、雞蛋、鳴門卷...吸收了淺啡色既味噌，既好味又能暖胃。ps. 都幾多人幫襯，我們用餐時有8成半入坐率。

日本菜永遠都係my favourite，今次搵食嚟到深水埗，打開個Menu發現選擇非常非常多，壽司刺身卷物唔少得，另外仲有串燒炸物燒物一品料理等!! 芝士玉子燒($68) - 中間切開啲芝士流晒出嚟，睇到已經流晒口水，玉子燒做得非常出色，甜甜地又夠鬆軟好好味!! 枝豆($30) - 健康之選，分量多，最後我哋都食唔晒。串燒有雞皮($28), 荔枝豚肉串($30)同埋雞肝($32) - 雞皮燒得好脆，雞肝亦唔會話燒到乾晒，比起其他串燒店做得好!! 味淋雞泡魚干($68) - 出面比較少有雞泡魚干食，燒得好香容易咬開，全晚最鍾意呢個菜!! 最後嘅大蝦天婦羅($108)同鵝肝帶子卷(128)都做得同樣出色，能夠保持到每個菜都有高水準，真係唔簡單!!

今日同朋友嚟到深水埗買電腦 買完我地就週圍行下 朋友就話想食日本野 於是我地就跟住網評嚟到呢間居酒屋！一入嚟好有日本的感覺 燈光暗黃 周圍貼上吾少日式poster😊打開menu 食物款式眾多 我地就試左兩款串燒包括 京蔥雞肉串同雞軟骨串 雞肉嫩滑 配埋京蔥同醬汁 味道一流 雞軟骨十分爽脆 有咬口 燒靖魚 新鮮熱辣辣 加埋檸檬汁 大推！之後我地就叫左三文魚 帆立貝刺身 兩者都新鮮爽口 香芒軟殼蟹壽司同樣驚喜 甜酸的芒果可以中和軟殻蟹的油膩😍 板燒牛舌 好香牛油味 感覺偏油最後我地仲叫左個鰻魚玉子燒作結 鰻魚肉都幾多 玉子甜甜地 好好味 真係估吾到深水埗都有一間咁高質的居酒屋👍🏼👍🏼👍🏼

今日去到深水埗呢邊同朋友慶祝，行左陣揾到呢間居酒屋。餐廳入面既裝潢都幾有日本既風格，牆身放滿左唔同既日本清酒同埋貼滿左一啲好有日本風味既poster。野食方面，我地自己叫左兩款壽司，兩款串燒，一個芝士酒盜，一個鰻魚飯同埋一個日式炒烏冬。另外，老闆娘亦都推介左我哋試下呢個餐廳招牌既燒呑拿魚下顎。個人其實幾期待芝士酒盜同埋燒吞拿魚下顎，因為小弟之前係未食過呢兩樣野的。首先嚟咗嘅係三文魚壽司同埋油甘魚壽司。壽司飯嘅軟硬控制得好好，帶微温。先食左味道相對較清既油甘魚，油甘魚壽司油脂豐富，入口清中帶油香。之後食咗三文魚，三文魚壽司都好肥美。串燒方面叫左一個豚腩串同一個雞軟骨串。豚腩串脂肪同肉層次分明，脂肪燒完好香，食落啖啖肉，好正！雞軟骨串燒得好脆好香口，配啤酒一流。餸酒小食我地叫左個芝士酒盜，芝士酒盜最底係餅乾，上面有cream cheese同埋bonito liver，配上碎葱同埋木魚乾，層次口感分明。一入口就品嚐到濃烈既cream cheese味，然後bonito liver既味道再開始深透其中。木魚乾、餅乾、同埋碎葱則為芝士酒盜增加左口感上嘅層次。呢種咸香既小吃配上啤酒係絕配。鰻魚飯方面

一搭入鋪頭就給人一種很地道嘅日式居酒屋風格，尢如置身日本的居酒屋牛肉他他燒，一想碟有個小蓋子，我準備好鏡頭的時候，店員就為我打開，白濛濛嘅煙飄出，像富士山一樣的感覺😂，牛肉他他肉質鮮甜，配上特調醬汁，值得一試味道非常地道嘅日式炒烏冬，烏冬口感好滑，有鰻魚同木魚仲有式洋蔥，椰菜，好惹味。鵝肝帶子卷帶子鮮甜大粒，鵝肝在口中溶化。想不到這裏的卷物也有意外驚喜串燒牛舌串燒燒得剛剛好，肉質爽脆，呢度嘅串燒好高質💓波子汽水

芒果軟殼蟹卷眾多款式的壽司卷中，軟殼蟹卷口感最為特別，因為暖暖的壽司飯包裏炸至香脆的軟殼蟹，一軟一脆的口感特別美味。唐揚雞軟骨外酥內脆的雞軟骨，口感豐富，加上椒鹽樸實簡單的調味，減輕了油膩感，是很棒的下酒菜。鰻魚玉子燒層層交錯口感鮮甜，蛋香、鰻魚香串流在齒縫中，皆令人難忘。蒲燒鰻魚飯魚肉有彈性，夠嫩滑肥美，有入口即溶的油脂感。我好愛吃鰻魚飯，鰻魚汁撈飯是人間美味呢。整體質素非常高，但價錢非常合理。值得 Encore !

深水埗多嘢食 一直都知， 呢間六本木居酒屋🍶， 開咗大概半年， 都食過幾次， 食物質素係一次比一次好， 因為個老闆精益求精😎， 又親切風趣。 最近知道佢換咗個 大廚， 就啱朋友同我慶祝生日🎂， 又再去幫襯 ，果然多咗好多特別嘅嘢食 ，味道同火候嘅層次， 亦都提升咗， 性價比真係高！😍今次先叫咗個我最鍾意嘅冰頭漬🐟， 係三文魚魚頭嘅軟骨漬物， 酸酸地 好開胃😙。 另外一個係水母刺身， 超級爽口配埋佢個酸汁， 又係另一個開胃小食！ 😜刺身唔使多講， 保持到佢一直嘅水準 ，好新鮮！！ 雖然我只係叫刺身拼盤， 但係唔會好似某Ｄ舖頭咁混入一啲唔新鮮嘅刺身， 但求去貨！串燒我叫咗 日本青椒仔 🍢🍡同埋 牛舌， 🔥火候啱啱好！ 炸物叫咗個牡丹蝦雲丹天婦羅， 🙉呢個非常特別亦都非常驚喜， 佢用一塊紫蘇葉包住牡丹蝦加海膽嚟到天婦羅， 加埋一齊個口感同埋味道， 真係好難形容， 所以一定要試！💪💪💪然後叫咗一個吞拿魚下巴🐟， 同串燒一樣🔥火候啱啱好， 外面燒到香香， 入面保持 肉質 鮮嫩🤤😍， 仲有好豐富嘅魚油， 唔係咁多地方有得食， 價錢一啲都唔貴！然後老闆推介一個六本木汁燒牛骨肉🐂 ，賣相已經相當唔錯，

每次接男人收工，回程總會經過這間六本木日本料理，都會說找天要去，說了N次之後，這天終於來了。餐廳的裝潢設計都是一般日本料理的格局，座位也算寬敞舒適。龍蝦沙律 $45小龍蝦肉的份量不少，混了明太子醬更美味，沙律菜也算新鮮。炸豆腐 $58炸粉很薄身，口感香脆，內裡的豆腐豆味濃，加上混了蘿蔔蓉和薑蓉的醬汁，味道更豐富。香芒軟殻蟹卷 $98捲得夠紮實，夾的時候不會輕易散開，上面的芒果很香甜，中間的軟殼蟹口感鬆脆，不會太油。鰻魚玉子燒 $78吃得到很薄一層層的感覺，口感鬆軟，又夠蛋香，中間的鰻魚，醬汁不會太多，口感軟稔，入口即化。慢煮大根牛舌 $68牛舌煮得夠入味，口感軟稔中帶爽彈，蘿蔔煮得夠稔，又吸收了帶甜味的汁，好吃。海膽軍艦 $98海膽片片分明且堆得滿滿的，味道濃郁，入口先有微甜後帶微澀，但不致有苦味亦不會覺得腥。整體環境、服務也不錯，個人覺得小食很出色呢。

之前已約定要來六夲目食生日飯,未進門前就已被外觀裝潢看起來很有日本居酒屋既設計吸引著,忍不住在不停影相，牆上報滿介紹食物和飲品的單張,非常精彩。每天都有海鮮直送，職員會問我們試不試，目到板上內容都吸引，下次可試點來食。我們兩人都點了六款多食物先來熱食酒煮蜆，很新鮮又大隻，味道很好冇沙，鮮味也很出。龍蝦沙律，是有細粒蝦仔再配伴菜，很清新又不溜口。饅魚蛋卷係我頭號要點的，熱乎乎的仲是厚厚的蛋，很好食又大件。還特別點了兩款串燒，牛舌加蔥燒雞，朋友不食牛但看到都覺好味，因為夠厚切不得不提，這裡的豉油配芥末超好味、比出面的更勝一籌，不知是用什麼牌子呢刺身盤內有藍光，很特別地出場，赤貝加三文魚很生鮮美味的。仲有磯燒鮑魚仔，軟硬適中，仲有職員用火燒起其實此份量都夠飽了，不過我們尚有最後芒果軟殼蟹卷。卷內有菜可中和番，同件數都很多的，適合再多點人一齊食。

100分嘅一餐😋 裝修有feel又企理，老闆同員工玩得又好nice，最緊要食物好味道😍佢哋每日都有新鮮嘅飛機刺身，我哋一班朋友係外行人，就問店員意見。店員問我哋鐘唔鐘意食魚味重同硬身嘅魚，最後就幫我哋揀咗😋但我唔記得佢嗰名食刺魚最緊要就係新鮮😍我好嘴刁，成日覺得魚有腥味，呢條一啲都無，無介紹錯！第一次食雞泡魚乾，本身以為一定好乾好硬，但點知超級驚喜😍😍😍好鬆化，勁好味！個人覺得唔點醬仲好味❤️一人一串豚肉荔枝串，驚喜到不得了😍豚肉好嫩再包住荔枝，一啖咬落去微微嘅甜勁夾！秘製牛骨肉果然名不虛傳👍🏻嫩滑鯛魚烏冬，一上枱嘅時候石鍋湯仲係滾。一放烏冬落去十秒就要撈起✔️第一次食咁嫩滑嘅烏冬😍魚湯好鮮美！每枱都必點😋鰻魚玉子燒，好味🍳👍🏻鰻魚飯就相對嚟失望少少，唔夠熱。

我呢個日本控真係好鍾意食日本菜，今日帶埋媽咪嚟咗呢一間係長沙灣嘅日本居酒屋，餐廳嘅裝修同氣氛都好有特色，就好似去咗日本咁！打開餐牌見到有好多精緻嘅餸菜，已經覺得好開心。我先叫咗一個螢光魷魚，唔係度度都有得食。然後叫咗個刺身，啲赤貝刺身好鮮甜好新鮮，諗起都流口水。跟住食咗個海膽黑松露茶碗蒸係必食推介，勁鮮甜好味。然後個鯛魚湯烏冬又係必食推介，真係好味到令我哋兩個食唔停口！最後食嘅燒魚鮫，啲魚肉勁滑，又係必食之選！配埋清酒真係人生一大樂事！建議大家帶多啲朋友一齊去食，咁就可以叫多幾款食物啦。

估唔到係深水埗都有一間精緻嘅水準日本餐！
加州卷嘅壽司飯底好標準，調味調得好。
食日本餐唔少得嗌魚生，帶子刺身大大塊得黎仲好鮮甜，而且上碟嘅配置好獨特，好睇又好食！
炒野菜炒得夠哂香之餘亦唔油。磯煮和風鮑魚嘅煮法好特別，上碟後仲會點火再燒香佢，有鮑魚嘅鮮味外，亦有好濃烈嘅燒醬汁味，而且一啲都唔貴，份量又多，推介！
燒飯團燒得夠晒香脆，係名符其實嘅外脆內軟！個名香到好似食緊飯焦咁。
另外嗌左係日本居酒屋必食嘅雞泡魚干，濃濃嘅醬汁味，加上煙煙韌韌嘅魚干，正！鐘意濃味的話，一定要嗌西京燒銀雪魚！真心燒得夠晒香，魚肉又夠晒厚！

是日與好友食日式美食，環境不錯，由於當晚餐時外面傾盆大雨，我和好友便慢慢地享受晚餐~~~ 帆立貝刺身 $60和油甘魚刺身$78，沒想到刺身用的細碗都會發光特別~~~鯛魚濃湯石頭鍋稻庭烏冬 $138，超滾上，要小心辣口，食落好有魚味~~~鰻魚飯 $148，雖然看上去感覺有點平凡，但味道不錯~~~ 磯煮和風鮑魚 $68，上碟時可以看著火慢慢地燒，鮑魚夠彈口，值得一試~~~板燒牛舌 $108，味道不錯，但我個人始終喜歡無添加的燒牛舌北海道炸赤蝦BB $68 （價錢係季節性），由於呢個係空運即日到港海鮮，所以每次的價錢不一，個人覺得味道不錯，好友竟然連蝦頭都吃= ="串燒牛舌 $46，上面灑了黑椒，肉質夠彈牙~~~雖然這間店食物的價錢係比較進取，不過如果想靜下來慢慢品嚐食物的閒聊，這裡算不錯的選擇

約左朋友食飯，朋友介紹試哩間居酒居，話唔錯，一於試試😬😬海老雲丹天婦羅 $128新鮮紫蘇葉包住彈牙蝦膠同海膽，炸粉好薄，食到海膽既鮮甜而且帶紫蘇葉優香👍🏻玉子燒明太子 $88明太子多到爆哂出尼😱味道帶點辣。蛋捲滑身，帶牛油香😋六本木秘制牛骨肉$128一咬落去有驚喜！超多肉汁，好軟淋而且好有牛肉味😋😋😍絕對值得一試呀👍🏻荔枝豚肉串$30豬肉夾住荔枝肉燒外脆內軟，一咬落去荔枝肉爆汁😂牛舌$46牛舌夠哂厚，燒得幾好，帶微微焦濃又保持到內裡肉汁👍🏻好淋而且好香牛肉味😍油甘魚壽司$68肥美帶有甘香油脂👍🏻👍🏻食物質素每樣都不錯，雖然價錢有點貴，不過食物好食，新鮮都值得貴少少🙂