入素

7-10-2025（Tue）中秋节翌日公众假期晏昼，老公分别约咗人喺美孚同葵地铁站交收，由于嘥咗好多时间，而我又有肚饿，原定去荃新天地二期试“一轮”都放弃lu，因为天气又太热同要行餐懵，咁喺葵兴呢个饮食沙漠揾嘢食都有啲难度，但都search吓先，search到公众假期仍开嘅呢间，由于呢两个礼拜食得太多肉同甜嘢，要清减返喇，唔系身体就会响警号，要还，而我又记得喺沙田食过佢嘅素乳猪（食评系2024年6月19日提交嘅呢篇：https://www.openrice.com/zh/hongkong/review/yeah-%E5%94%AF%E4%B8%80%E5%98%85%E7%B4%A0%E9%A3%9F%E5%BA%97-e5525181），老公未食过呢间，于是走嚟。我哋嚟到时都有4组客，坐低睇完menu用QR code落单，但老公未追加晒嘢同有只饮品喺menu冇嘅，就奇加咗入购物车，于是我哋唯有叫店员人手落单，佢都好乐意。我哋落完单，店员自动俾咗一碗冇油素汤嚟，呢个味道主要系唔太咸冬菇味，有粟米粒同冬菇片。3分2. 餐中饮品热柠檬百香果呢个暖暖地，味道唔太甜，饮到最后就饮到柠檬嘅酸。3分1. $88.00嘅烧汁海鲜炒面配娃娃菜，要素蚝油一食炒面，味道唔错，素虾同素鱿鱼口感弹牙，味道都有分别，老公大赞。而娃娃菜烚得正常冇问题。5分3. 叫餐加$22.00要桂花叉烧（小）呢个我都唔记得第一次喺沙田店有食过（食评系2022年3月5日提交嘅呢篇：https://www.openrice.com/zh/hongkong/review/%E7%AC%AC3388%E7%AF%87%E9%A3%9F%E8%A9%95-yeah-%E9%A3%9F%E5%80%8B%E7%B4%A0%E5%85%88-e4335596），系睇返menu至知，但𠮶时食好似麻麻，今次嚟到见唔到有素乳猪，于是叫老公未食过嘅呢样。嚟到睇，摆得唔整齐，食落，外面好脆，内里松松地，似真实嘅半肥瘦叉烧咁，桂花味唔太浓，比上次我食时好，老公又大赞。5分5. $24.00嘅冻茉莉绿茶味道偏甘苦，茶嘅口感系嚡。2分4. $16.00嘅烧饭团呢个好耐至到，我cut开一半后食，热腾腾嘅，内里有紫菜，咸度适中，饭粒又唔干同够软糯。5分环境：风格唔似沙田𠮶间咁老土，而系cafe，阔落，冷气又舒适。题外话：我哋去食时，张单印有凭发票14日内，15：00后惠顾，无论堂食或外卖，可享85折优惠（初一同十五除外）；唔知呢个优惠做到几时。而沙田𠮶间原来执咗。…查看更多

我friend介绍我试下葵涌人气既素食餐厅「入素」，原来葵兴地铁站B出口一出就到KCC，经冷气天桥行完全唔使行地面，唔惊日晒雨淋真系几方便🥰下昼黎揾食，点咗几款招牌同特色菜式，感觉好新鲜又饱到颠🍅关东煮+素三文鱼+捞面关东煮汤底唔会死甜，素狮子狗、素肉丸同埋鱼卷等等爽弹有鲜味，三文鱼刺身用蒟蒻整成，点埋芥末同豉油，口感软熟有「鲜味」，入口真系几可乱真，你话系斋我都唔信🤣再配上海拌面配麻酱（仲有口水汁选择），超满足～🍅四喜烤麸依道就算普通上海菜馆都未必好食，但「入素」整得好有惊喜，调味啱啱好，仲一啲都唔甜，入面有素烤麸、冬菇、胡萝卜等，烤麸食落软硬适中，索晒汁好𩠌饭，最岩重口味既人🍅葡式乳猪饭上枱就见到金黄色甘黄饭，素「乳猪」口感真有惊喜，「皮」超脆！又唔油腻之余，层次感又够，完全唔觉系用腐皮整食🍅炸春卷入面包咗牛蒡、沙葛丝，好特别～细细件、炸到金黄脆口，唔油腻，好正🍅药膳牛肉姜汤面（配担担面酱）热辣辣一大碗，汤头清香药材味，色浓但唔会抢喉，令我谂起马来西亚嘅肉骨茶或者台湾嘅十全大补汤，配菜有素肉、冬菇、娃娃菜等，啱晒秋冬饮暖胃❄️ 担担面酱微辣惹味，拌面一流🍅话梅凉瓜印象深刻！本身唔食苦瓜，最怕既苦涩味竟然消失晒；加埋清爽嘅话梅酸甜度适中，调味好精准，解腻refresh，夏天食简直一流，令我对苦瓜印象全改观😲🍅麻酱秋葵清爽秋葵加浓香芝麻酱，简单又惹味🍅餐汤、饮品 🌽素餐汤暖笠笠又有甜味，冬菇配粟米自然鲜甜，斋汤都好有心思🌽热茉香绿茶（无糖）超浓郁！茉莉花味好清香，食完炸物饮一啖，舒服又去油腻🌽百香果绿茶（涷）又系冲得好浓郁，果香十足，冰凉又爽口，夏天饮一流「入素」唔只做斋餐咁简单，每款菜都好fusion又有新意，味道好而且层次丰富，份量有诚意，超饱！…查看更多

驰名海南鸡饭的素食餐厅，现在只剩葵涌一间分店，记得多多支持。由葵涌地铁站行天桥直达KCC，食素唔惊日晒雨淋，套餐价钱仲非常抵食。之前每次都叫海南鸡饭，今次特登食下其他。新新地的葡式乳猪饭，个乳猪其实同海南鸡一样系腐皮卷，但系炸咗更香口。小食推介话梅苦瓜和桂花叉烧。这家适合带初尝试素食，或者想回味下港式风味的朋友。葵涌KCC商场其实都几多餐厅选择，想吃素的话首选8楼这间入素。我通常入商场搭升降机直接上8楼，一出就见到，都几方便。素食餐厅以柔和绿色做主调，装修都几优雅，约朋友食饭都坐得几舒服。靠窗位置就有一排睇风景自闭位，景观都几开扬。午市和下午茶都有套餐，价钱大众化都几抵食。桂花叉烧 HK$22 / 话梅凉瓜 HK$22每次来这间我都会叫桂花叉烧，有淡淡桂花香，外脆内软超好食。敢食苦瓜就要食埋话梅苦瓜，酸甜甘香好开胃。葡式乳猪饭 HK$82 平时成日食海南鸡饭，今次特登转口味试下乳猪饭，乳猪其实都系用腐皮做，件件都炸得香脆，配埋个乳猪酱食就刚刚好。姜黄饭都够惹味，整体有惊喜。喇沙牛肉汤面配素蚝油娃娃菜 HK$82 香港唔多地方有素喇沙食，呢个汤底都几香，但唔会过咸，牛肉份量超多，好似食极都食唔完咁。无论食素唔食素，食多啲菜都系好事，间中试试新意思，约朋友食餐素体验下啦。…查看更多

带住柠茶去葵兴Life@KCC 做评估，做完经过outlet买鞋，最后当然揾地方医肚。我地去左8楼既「入素」，系一间以纯素料理为主打既餐厅。我地嗌左两个晚餐再外加拼盘及小食。🌈四喜烤麸配烧饭团及素丸汤四喜烤麸内里软糯，吸收了浓郁的酱汁，烧饭团外焦内软，柠茶一个人已经食晒两个，素丸汤清而不淡，汤底以蔬菜熬制，带出自然的鲜甜，搭配Q弹的素丸。🌈手工海南鸡饭配黄姜饭、香菇素汤（纯素）呢款纯素版既海南鸡饭，「鸡肉」系用腐皮整，真系几可乱真。🌈素三文鱼刺身（三片）外观同真三文鱼刺身真系几似，虽然味道同真鱼略有不同，但其创意与用心令人赞赏，适合喜爱新奇体验既食客。🌈入素拼盘（纯素）入素拼盘可以一次过品尝多款小食既绝佳选择。炸春卷外皮酥脆，内馅以新鲜蔬菜为主。素乐鸡外层香脆，内里多汁。牛肉串烧与鸡肉串烧利用植物蛋白模仿肉类既质感同埋味道，令人难以相信系纯素料理。📌入素 (葵涌)📍香港葵涌葵昌路72-76号Life@KCC 8楼804号舖#素食 #香港素食 #香港素食餐厅 #vegetarianhk #香港美食 #葵兴探店 #香港旅游攻略 #香港 #香港生活 #小红书爆款美食 #我的美食日记 #美食日常 #美食探店 #香港打卡#探店 #打卡 #香港美食推荐  #kol #亲子日常  #萌娃 #亲子 #全职妈妈 #育儿日记 #宝宝日记 #成长记录 #冻柠茶…查看更多

【葵青区】【入素】喺葵兴揾嘢食，见到呢间素食餐厅好似几特别，就上去 Life@KCC 嘅八楼会一会佢。去到坐低之后都冇人理我，不过见佢得一个侍应就体谅吓。得到餐牌同 QR Code 之后就叫嘢食。叫咗几样嘢，首先系主食 $88 嘅「手工海南鸡配黄姜饭」要「少少饭」。啲鸡系素鸡，整埋个皮，系几得意嘅。个饭就普普通通，好彩要得少。仲有海南鸡饭啲酱配合，都似模似样。不过我反而最中意跟饭嘅𠮶碗「香菇素汤」，好香菇味。嘢饮我就加 $14 饮「西柚乌龙茶」，系冻嘅，我觉得都几正，乌龙茶苦涩啲但西柚味又好香甜。叫咗 $12 嘅「沙爹羊串」，沙嗲味几浓厚，里面就类似面筋咁，系纯素嚟添。其实我仲叫咗 $22 嘅「雪花椰汁糕」两件，不过我忘记咗，佢又冇上，就冇咗件事。如果好似 1am1809 𠮶间越南嘢咁就好，不过佢哋收得起加一，呢 $150 我都系唔介意畀嘅。。。（地址：葵兴葵昌路72-76号Life@KCC 8楼804号舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青区 #葵兴 #入素 #手工海南鸡配黄姜饭 #香菇素汤 #西柚乌龙茶 #沙爹羊串 #雪花椰汁糕 #1am1821 #1ambackup…查看更多