元朗泗記

🥢今次帶大家去元朗，試吓評價唔錯嘅蒸飯喇。之不過，要注意我啲形容詞可能會搞到你地晚晚夢見呢啲美食！呢間餐廳，風格懷舊，好有本地食肆嘅feel，一坐低，環境就至啱傾計食飯。鳳爪排骨飯，鳳爪唔係塊面做嘢，質感中中，但啖啖肉嘅排骨就真係撈到手指頭👍，帶住滋味入口，無需多過嘅調味。同佢地嘅北菇滑雞飯比，個雞飯分量同樣係嚟者不拒，滑雞真係順滑得滑到出聲，北菇味足，匙一啜，心都暢快。至於個土魷蒸肉餅，我只能講，係精華所在。土魷同豬肉嘅風味唔單止得啖啖肉咁簡單，係有層次，有故事，交織成一段滋味旅程。每一啖米，每一口味，真係打咗一場美味嘅交響樂。飯後心情靚晒，忍唔住讚聲：原來元朗嘅食物都可以咁有格調！🍴…查看更多

探住係元朗嘅朋友，帶我嚟呢間元朗新記食蒸飯！見到個門面同入邊既舊式裝修 ，好友舊時到香港嘅感覺，而且香港真係好似越來越少見到。雖然感覺好舊式，但係估唔到入邊環境都幾乾淨～我哋就叫了一個招牌滑雞蒸飯和鳳爪排骨飯。-鳳爪排骨飯鳳爪普普通通，有d乾～排骨肉質ok ，醃得夠味，唔錯。飯入面有少少蒸肉汁同豉油。-北菇滑雞蒸飯啲雞都算滑到溜同埋有雞味，雞汁同北菇嘅香味融入飯中增添飯香。而家出邊度度都有蒸飯賣，食過呢間先至知蒸飯既飯粒係可以好好食😋～d飯粒粒分明，又彈有咬口，仲好有米香既味道，加埋個汁，好食～…查看更多

呢間蒸飯好出名，真係一點飯都唔會食剩！✔️老闆超重視蒸飯嘅米粒，每粒分明✔️米飯唔會太多水而變漿糊✔️米飯唔會太硬，香糯軟綿✔️少少蒸肉嘅汁，少少蒸飯豉油跌落飯粒，這意境是人間美味仙境✔️肉餅質感就是家常的好味，不會有鬆肉粉味✔️新鮮肉汁每口都配著啖啖清香梅菜，加埋香糯蒸飯，簡單肉餅配上靚飯，已感到人生的美好✔️加埋一枝玻璃樽裝可樂，這就是香港的味道…查看更多

之前成日經過，唔見太多人去食，以為唔好食。點知一試真係返唔到轉頭，佢哋用新鮮豬肉做每道菜，講真依家嘅舖頭用新鮮肉真係買少見少。食材新鮮就唔需要太多調味。今日又去買外賣，排骨飯排骨新鮮入味，豬肉難得冇蘇味，蒸飯粒粒分明，真係無味精！土魷肉餅飯好香，肉餅有彈性，好用心嘅良心小店。老火湯足料香濃，今日有淮山紅蘿蔔栗子椰皇豬肉湯，真係好好味，飲完好舒服，唔口乾，好有家嘅感覺。❤️❤️❤️原來仲有好多小食包括藥膳雞腳，牛肉球，下次一定要試。良心小店，值得支持！！…查看更多

天氣又凍，入到元朗好想食鳳爪排骨飯， 跟住去咗呢間， 入到去舊式裝修 ，好似80年代嘅香港， 諗住係一班後生仔去打理， 點不知只得一個婆婆🧑‍🦳， 我叫咗個鳳爪排骨飯加潤腸，之後同佢傾咗幾句， 佢同我話依家因為疫情關係， 好難畀人工所以自己去搞， 依家又好靜😰好小客人嚟食嘢，佢都唔知涯得幾耐？ 有機會租約期滿會唔做😔， 所以希望大家有機會去幫襯下婆婆💪我食咗半個鐘頭，不停都有人嚟買外賣， 佢一個人做踢曬腳😖鳳爪排骨飯加潤腸- 鳳爪唔係傑撻撻有芡汁嗰隻， 好食👍 排骨好淋，食得出係新鮮排骨 潤腸非常之有油香豉油加飯非常好味啲豉油調教得好適中😋…查看更多

是咁的，由於有好多朋友住係元朗，所以間唔中會去元朗食野，所以都知道果邊有唔少好野食。有時見客去到元朗，無理由食高檔好西，所以都要搵啲高質飽肚野食。一般食蒸飯都會食鳳爪排骨飯，呢間啲排骨醃得夠晒入味，肉質都滑，又有排骨位啲咬口，好好食。鳳爪就普通酒樓級數。至緊要啲飯入面有好香嘅排骨油香，好好食。土魷肉餅飯，土魷都夠香。小食方面呢，就有呢個牛肉球，好鬼大粒。肉質方面就比較爽口，同出面蒸牛肉球唔同。呢個皮蛋酸薑好好食，我次次食都會叫一碟。皮蛋入貨好靚，次次食都係流心皮蛋，陣皮蛋味仲好濃。佢有個食法推介，就係落沙糖同喼汁，酸酸甜甜同皮蛋陣味好夾。酸薑就普通野。次次都唔同，今次粉葛赤小豆煲鯪魚，好濃味。我見附近街坊會攞個熱水壺買湯，似乎真係有班fans。寫左咁多，其實係推介佢個飯。啲飯粒粒分明，好彈口，好有米香，唔係好多地方有佢地水準。而最驚喜係佢地個豉油，佢地自已溝出黎，食落甜甜地，果質地好似枇杷膏咁。就咁豉油撈飯都好好食。有樣野要提一提，就係間鋪好乾淨，估佢唔到。…查看更多

這間餐廳見過好多次、都沒有走入去試、他的裝修很懷舊很吸引我、但是常常都沒有人排隊、你知道香港人要有個氣勢先至會入去、而且門口有沒有餐牌、其實我都唔知道係食乜嘢、今日帶媽咪去元朗行一行食晚飯、就提議入去試試、原來佢係食傳統嘅蒸飯、同埋飲靚湯、餐牌很簡單、大約10款蒸飯、我哋就叫了一個招牌滑雞蒸飯和一個湯、始終佢係一間有歷史既傳統鋪頭、吃出佢哋多年來的經驗、飯是吃得出是歷史智慧的味道、米應該是特登揀過的、做得不錯、湯也有屋企的味道、算是做得不錯、如果我是住在附近、我應該會常常去吃、但是我是特登過去元朗找食、就想找一些比較平時小吃的東西、如果你想吃一個有家庭味道的飯、這點算是一個不錯的選擇。…查看更多

我同屋企人四個人食，上個飯個時佢帶住個洗碗黃色膠手套，隻手指公係插左落飯個到，都算！咁我就撥走個啲飯出嚟。然後三個飯有排骨嘅，两個有鳳爪，然後啲鳳爪同排骨都係唔熱嘅。咁我哋同個老闆娘講話係凍同唔熱。佢就凶翻我哋話佢係一邊蒸一邊賣，一直都係呢句。咁我哋都算，佢唔肯換我哋都冇計。但我哋食個時佢就同其他客一直講 講到佢冇錯 錯係我哋咁 所以我哋唔會再去所以我都話祝你生意興隆 因為就算我哋係舊客你都咁樣 講多都無謂…查看更多

<病人恩物-我的泗記😷>_泗記-土魷肉餅配白粥$28/Set _熊人又同醫生叔叔見個面交一交保護費🤦🏻‍♀️，開左個8餸1湯俾我😷，踏出診所個刻我就慢慢行去泗記，叫番個土魷肉餅拼白粥，安撫一下被強行打劫既荷包☹️，土魷肉餅病左食絕對一流，因為咸咸地而且入面有少少土魷粒、馬碲粒同冬菇粒，口感唔錯一啖粥一啖肉餅，而粥方面亦帶有少少腐竹味亦夠綿，病左食確實係一個唔錯既選擇😷_🎈Rating :8.5/10 …查看更多

聽聞泗記係老字號，自家製無味精，蒸飯選擇不多，我叫了肉餅飯，有點奇怪肉餅同飯係分開蒸的，所以飯係完全無肉的味道，加了醬油就好好多。例湯就飲得出係無味精，因為味道好淡。原來初了蒸飯還有熟薑紅棗糕可以買，冬天飲的確唔錯，好適合女士飲，我已經買過幾次了。😋…查看更多

泗記排骨飯情意結吃了三十多年三代人一直都會食小時候媽媽帶我食長大便帶老公去食兩間我都喜歡若是夏天我多去有冷氣這間但走路過來不太方便對我來說較遠一直都是「排骨飯+咸魚」我的口味跟媽媽一樣從來沒有改變過從來沒有點其他飯類只會點排骨飯有人說邊度排骨飯好食對！會有其他好味的但這個排骨飯對我來說有很大情意結我們整族人都愛吃我喜歡飯不太淋加上排骨汁及豉油真的是心頭好以前只有冬菇亭那間晚上沒能吃到這小店便能滿足我呢其實兩間我都喜歡只是冬菇亭那間夏天太熱及好怕有老與老鼠😂😂😂😂各有千就各有各味道希望有生之年都會食到這個排骨飯食一世都唔會厭的排骨飯這些美好回憶讓我每一次邊食邊想念我偉大的婆婆…查看更多

Decent price and has an authentic old flavour that is difficult to find these days in Hong Kong ! Really miss that old 肉片加豉油飯未.以前元朗某大排檔都有。 …查看更多

土魷肉餅飯，我信無味精，因為係無味，即使有鼓油，味道仍然好淡，土魷比例唔高，似純肉餅飯多啲。鳯爪排骨飯味道一般，不算難食，但也不是出色，很普通。店內職員態度頗差，好似客人都係佢下屬咁，送錯食物，仲反話我們叫錯，雖然最後肯換，但感覺很差。…查看更多

肉片, 個個都話好, 但係啲肉片一路係咁蒸住蒸住, 又點會好呢, 至於個例湯, 湯就係湯囉, 而啲人講嘅牛肉球, 其實佢同我地一般嘅蒸牛肉球好大分別, 直接啲講, 佢係一粒牛丸可能更加符合, 個人認為最好食嘅係佢嘅白飯同埋佢嘅豉油, 嚟到叫個鳳爪排骨飯啦, 冇錯家嘞。…查看更多

有晚放工又去咗元朗搵食，行到去建業街，見泗記冇乜人，就入咗去食。之前佢做臘味，標榜係自製，已經好想去試，但成個冬天過埋都去唔成，呢晚去到，sor，已經冇臘味喇，咁咪死死地氣求其嗌個咸魚肉片飯算。上檯時店員話餸喺碗底，咁咪食住面頭塊咸魚先。咸魚我一向鍾意實肉，呢度雖然係梅香嘅，但食落唔死咸唔腥，都OK，撈飯嘅豉油相比起黎就完全唔夠咸，可能食緊咸魚，直頭覺得啲豉油冇味添，不過啲飯蒸得幾好，顆粒分明。食到底啲肉片幾有鮮味，不過一樣略嫌淡口，我又唔記得影相，罪過罪過。店員似乎幾hardsell啲湯，但我就冇乜興趣，飲兩杯依家越黎越少有嘅清茶好過，久違嘅茶記味道，35蚊就埋咗單。…查看更多