俺流塩らーめん (東港城)

营业中

休息中

每次經過這店都總是長長的人龍，今天就早一點吃晚餐，所以五點半就到來，不用等。（但人龍在5:50pm 就開始了🤪）我點了俺流柚子拉麵、俺流紫蘇梅子拉麵、大阪燒餃子。柚子拉麵很有清新的感覺，麵質較為軟了一點，但真的有日本拉麵的感覺。梅子拉麵則帶一點酸酸的味道，相比之下，我比較接受柚子的味道。大阪燒餃子就有一點驚喜，味道不錯，木魚碎就超多的鋪滿滿。另外，每枱亦提供冰水給自助添飲，相當貼心😍相信我會再到臨試試其他湯麵的😉

本人一向鐘情沾麵呢間無沾麵食加上由開張到依家都經常大排長龍所以都冇咩衝勁去食今日晏奏搵野食3點零竟然無咩人前面得2個人就排排佢la呢度坐得唔算好舒服, 都幾咁開揚,如果好食我又無咩所謂ge正如一開始講我鐘意沾麵呢度無,但又比我見到有個特製撈麵就試佢la!!男朋友就揀左芝士辛辣濃湯拉麵另外再嗌左個俺流餃子,提子梳打同蜜瓜梳打等左陣個俺流餃子黎到由於佢一枝枝唔知係醋定豉油 要試試佢 請無視左上果滴偏細粒ge 一口一粒但唔夠熱 仲好多油唔知係咪唔夠熱所以有d 益益地ge 味同埋佢好多皮 感覺似雲吞男朋友ge 芝士辛辣濃湯拉麵店員提示撈暈d 芝士湯底第1啖覺得唔錯但愈食愈膩仲愈食愈覺得咸佢咸到似沾麵個湯都係唔夠熱la 只可以叫做暖拉麵係要熱辣辣先好食我都係掛住間熱石拉麵不過執左喇😭返正題..特製撈麵都幾得意ge 味道不過都係偏濃味同埋都幾多蒜片總括而言自晌我係好重口味ge人都唔係好頂得住食完飲左3杯水仲係覺得好渴lol

去完海洋公園，就去左坑口一田行街買野。買完野仔仔見到拉麵又話要食下午茶拉麵好飽囉，邊係下午茶姐。不過仔仔想食，咪食囉。仔仔叫左一個乜都有D既拉麵，唔記得叫乜名囉，成90蚊一碗的。而我同婆婆因為根本唔肚餓，就叫左個柚子拉麵2份食啦。仔仔叫的，係幾大碗咁，有蛋，有叉燒，有炸雞咁。仔真係一個人食晒。佢話好好味喎，重問我同婆婆好唔好食。我同婆婆2份的柚子蛋拉麵，都幾香柚子味。蛋呢，個圖係有切開架，點知係原隻上。搞到我自己用筷子夾開佢有少少流晒D黃出黎講真，我同婆婆都唔覺得有乜咁特別，但之前黎過幾次，行過都有排長龍。重以為係出名好食？所以仔仔話試就試下啦。點知，完全冇特別。

上次經過呢間拉麵舖聞到好香今晚屋企無飯開，就諗起想食呢間係將軍澳食晚飯估唔到八點幾都仲要排隊條隊仲要廿幾三十人不過好好彩 排左一陣就入得叫左個人氣No 1既黑蒜熟成濃湯拉麵，另外仲叫左個俺流男盛拉麵黑蒜拉面個味好濃濃到覺得有啲咸另外個面有少少細份男士可能要加特盛佢枱面有啲醬料個黑蒜拉面加左黑蒜蓉反而好味左可能對我呢個蒜精嚟講蒜片都唔係好夠蒜俺流男盛拉面個湯底好味過黑蒜會飲到豬骨湯既甜味其實兩個拉面都好味不過如果下次食我會選擇食番男盛面個湯底另外有一樣值得讚賞既係佢個水樽雖然裝左冰水不過因為佢個水樽係雙層既設計唔會有啲倒汗水漏到張枱周圍都係

平時好少過黎而邊見今日行過又想食拉面就入左黎。。唔使排隊 可能今日平日 人流又不算太多！！因為超級肚餓既關係。。。都點左好多野食 hahaha首先拉面🍜 都唔錯架 個湯清清地不過面身質地有小小硬身！同埋佢地個麵無紫菜包埋！ 我自己就好鬼中意食個塊紫菜既 嘻嘻！叉燒個d都好味道架 唔會好乾爭爭既感覺重有重點既溫泉蛋。。因為自己本身都好中意食而d既Wow..好吸引我啊而d真係高質啊 真係整到岩岩好仲叫左d餃子 上面淋左d醬一齊👍🏻整體都唔錯 好食！

第一次幫襯 唔使排隊 滿座 走嗰時仲有勁多人排隊 服務都好快 叫了最普通果隻 俺流熟成濃湯拉麵 加了菠菜及蛋 唔覺人哋講嘅鹼水味或者味精/咸 (可能每日師傅唔同 希望廚房多加留意煮麵的水)價錢方面今時今日一碗拉麵都要過百元 呢個價錢 係屋企附近 算係好抵食

面底咬口okay, 但湯底不算太突出，有點似有好多味精，食物外觀與餐牌不乎，明明該拉麵不包糖心蛋，但餐牌圖片中有蛋，相反去其他小店食拉麵價錢更公道所以今次試過就算了

今日想快食個lunch , 想起已經經過了好幾次嘅呢間拉麵，次次都多人到唔想等唔想食。。。今日一個人，又係見到長龍，但今日就係好想食，所以就排隊去了，過了一會兒，有店員走近人龍，問有無一位，呵呵，有🙋🏻‍♀️，跟住就比menu and order 紙比我，話一個人會快啲，等等叫我。咦，服務唔錯喔👍🏻。到我了，入去坐bar 抬。碗麵好快就到了，真係好快，可能係一入就比單關係。立即試下先，係咪我的要求。我剔左要硬麵，要蔥要荀。店內提供不同醬汁供客人自由選擇，而且亦提供建議說明。麵係細麵，個湯好有蒜味濃郁，隻溫泉蛋超好食。叉燒就不過不失，一塊有點少喔。下次試其他先。

呢間餐廳都新開左一排，每次黎到都見到好多人排緊隊，今次就早少少黎到吾駛等咁耐，排隊既時候，店員會派餐單同每人一張點餐紙，可因應自己食麵既軟硬度、、需吾需要走蔥、加吾加底、加配咩餸，係自己張紙點哂，吾駛驚漏左。俺流熟成濃湯拉麵：湯底一開始食嘅時候幾好味，但係越食越咸，叉燒肥瘦適中，面嘅硬度適中，都唔錯。鮮味蛤蜊濃湯拉麵（期間限定）：呢個湯底都係濃湯，但吾會好咸，配有鮮味既蛤蜊，而且蛤蜊份量都吾少架。而拉麵揀左「普通」既程度，硬度適中，岩我口味俺流餃子：普普通通無咩特別既餃子，但好細粒，一啖食哂海鮮野菜餅（期間限定）：呢個小食係期間限定，想試下，外貌普通，但食落都幾有驚喜，野菜食落有小小甜味，而且裡面仲有啲蝦肉，整得吾錯

因為呢邊開多左好多唔同既餐廳，搞到我成日都想試晒唔同既餐廳，今次就去食下呢間成日都有好多人排隊既拉麵。我排緊隊既時候就已經有店員將menu同落單紙比我，一邊排一邊諗食咩就慳返d時間。menu有哂唔同款拉麵湯底既介紹，有熟成同塩等等，真係要睇d介紹先知有咩分別。而且落單紙亦有得揀麵既軟硬程度、有無蔥同筍，完全係一碗個人化既拉麵。最後我就揀左俺流塩湯拉麵(全走) ，好期待。湯底味道唔算好濃，不過食得出係同平時食拉麵既湯底唔同，麵既口感就好煙韌，而叉燒完全係亮點，好腍好香，可惜好快就比我食左無得繼續享受。

最近東港城可熱鬧，商場裝修後引進了多間新餐館，香港人一貫趕著試試。因晚上想試試門前已有一條長龍，所以今午有空，1220時來試，前面己有十多人排隊，我跟著隊，等候時己有很大期望。餐館雖不大，但裝修不差。原來在港己有七間分店，有統一的主題，餐牌的設計也做得很好，集團對發展好像充滿野心。叫了俺流紫蘇梅子拉麵 ($73) 和唐揚炸雞 ($42), 十分鐘許己端來食物。 老實說，我不知道什麼是唐揚炸雞，但眼前的雞和一般炸雞一樣，配上沙律醬，有點怪配搭。 至於麵，湯面實在太油，麵質算好，但豬肉太硬。我有點糊塗了，集團放那麼資源裝修，建立品牌，店員也算很好服務，但最重要的食物卻未能好好的做，很可惜。 連鎖式日本拉麵應該不太難做，餐牌選擇不多，所有煮法都可以有詳細紀錄，出品應不會有差池，若再配合定時食客調查，不斷改良，效果更好。但今天吃的太沒誠意了，需知附近有一間麵店，價錢比這店平，品質維持很好水平。若想留客，需要努力些了。

人地3點3就嚟個下午茶，Kiwi我就嚟個拉麵店食個熱辣辣嘅拉麵。今日嘗試嘅就係呢間新開嘅拉麵店，個名係日文所以唔識讀XD 位於東港城一田出面，相當開揚，平時見佢排曬長龍，所以決定係下午茶冇乜人嘅時間嚟試食。先嚟一個俺流熟成濃湯拉麵，嘩嘩嘩，湯底真係超級濃，飲落去有漿住嘅感覺，鍾意濃味嘅人實啱食。你以為咁濃嘅湯底要好費?!只需59蚊就食到啦，好抵食呀!!仲要啲拉麵軟硬剛好，哦衣絲=P而Kiwi友人就叫咗俺流鹽湯拉麵同大阪燒餃子。根據友人嘅描述，個拉麵湯底雖叫鹽湯，其實唔係好咸，清清地仲有啲雞湯味，適合啲鍾意清淡既人食用。至於個餃子呢就不過不失，略嫌個醬咸咗啲。食飽飽埋單!總括而言，呢個價錢竟然食到咁好食嘅拉麵真係性價極高呀!

自從裝修過後東港城2樓的所有鋪頭都煥然一新真的沒想到竟然開了拉麵店還記得新開張頭幾天呢間拉麵店真係多人到唔想排隊直至到而家雖然大家對食拉麵的潮流未變每一晚都仍然有好多食客排隊新開張的拉麵店都係東港城的一個新選擇我和男朋友兩個我就叫了黑蒜油熟成濃湯拉麵當中的黑蒜油熟成拉麵是非常有名氣在鋪頭內都是很多顧客會點選的拉麵拉麵入面當然不少得有一隻半熟半生的雞蛋整體來說整個拉麵的湯底的醬汁非常可口吃落去的時候不會覺得整口油反而更加為我的味覺增添更多刺激這個香醇口感令我一定會再翻兜！你地都不妨試吓

近來東港城新開了「一田百貨」，吸引了很多人在那裏逛街，我當然也是其中一員了。走過「一田」門口的的「俺流塩らーめん」餐廳，立刻便被長長的人龍吸引了：怎會這麼多人等候的呢？難道這裏的拉麫真的如此味美？二話不說，便和朋友加入「排隊大軍」。一坐下來，看到價錢立刻便感到詫異：一碗拉麫只要六十多元，比其他拉麫店便宜多了！因為比自己心目中的價錢便宜，便索性點了價錢略貴的「俺流男盛拉麫」，嚐嚐這裏的叉燒和唐揚雞。拉麫送到，卻是比我想像中細碗，不過叉燒和唐揚雞的份量倒是足夠。先嚐了一口湯，我立刻拿起杯喝茶：湯太咸了！再吃叉燒，味道也是偏咸，而且肉質太瘦（個人偏好半肥半瘦），不但咬下去乾巴巴的，還沒有甚麼肉香。至於唐揚雞，倒是炸得不錯，咬下去「咔」的一聲，而且內裏肉汁豐富，吃下去齒頰留香。可惜不知是否湯太咸了，蓋過了炸雞的味道。想不到，雖然這家拉麫店門前車水馬龍，人人都為求一席之位而耐心等候，但食物的質素也不太令人滿意，令我感到那十多分鐘是白等了。

上個月一個人叫了碗熟成拉面，後悔到今日，因為真的不好食，而且肥油有1cm 咁厚，實在接受唔到。今晚兩個人去，6pm 到完全不用排隊。決定點一碗最大碗的面（名稱類似“男盛”），湯底終比較清的辣湯。有舊炸雞，兩塊叉燒，一隻糖心蛋。（一開始唔記得影相，食左幾分鐘先諗起）日本的拉面最重要係湯底，所以日本人的湯匙係用來飲湯，而唔係食面嘅。上次俺流的豬骨湯底除左脂肪比人多，其實無乜特別的地方，味道也不覺特別出色。今次的鹽湯都一樣，除了味道偏咸和辣，其實也沒有元素能刺激到我的味覺。最吸引到我的，竟然係佢地嘅叉燒！肥瘦適中之餘，佢地用過火去燒叉燒的邊邊，所以有一陣特別的香味。（上次碗熟成拉面得一塊叉燒，所以根本食唔出味道）叉燒飯，比拉麵便宜，但份量絕對不少。當中有一堆類似豆瓣醬的香料在中間，拌飯叉燒和飯一齊食真係襯到不得了！雖然都是好油，但絕對比拉麵好味！！不過，$4x 一碗飯再加一，抵唔抵就見人見至啦整體而言，雖說俺流是來自日本東京，但拉麵的質素和服務其實與MK 一般拉麵店無異。可惜！