保頓冰室

营业中

休息中

叉燒煎蛋豬油撈飯，上枱時聞到叉燒散發香氣，叉燒食落鬆軟又夠juicy，配搭豬油撈飯，yummy 😋 一碗飯份量剛剛好，豬油同埋豉油可自己調教份量。懷舊香蕉船，小時候好鍾意食香蕉船，蕉既香甜搭上雲尼嗱雪糕濃郁，融合的口感 so perfect，令我非常懷念。新鮮出爐蛋撻，鍾意食牛油皮蛋撻，鍾意用匙羹食晒啲蛋先再食過皮，一次過2件都唔過份。加入椰汁既紅豆冰，喝完馬上覺得舒服，甜度適中，椰味、奶味跟紅豆非常搭。 幼滑的冰粒配搭大大粒紅豆，啖啖香甜味道。

上次食過一次質素好唔錯，今晚同朋友係附近行到攰攰地要醫肚，就帶朋友去多次。華田脆脆西多士 $34西多士金黃香脆，外層酥脆得嚟唔會過硬，淋上煉奶，甜而不膩，配上華田脆粒，跟鬆軟嘅麵包質地形成對比，非常美味生炸雞髀煎雙蛋飯 蕃茄汁 $63雞髀超大隻，外皮炸得香脆，內裏肉質嫩滑多汁，完全冇乾柴感，煎蛋都好靚仔，少雀燶邊，蛋黃流心，撈埋飯食一流🐥 蕃茄汁酸甜開胃，正好中和咗炸雞嘅油膩感，好滿足叉燒燴意粉 （加煎蛋 ）茄汁 $54叉燒軟腍甜甜地，配搭燴意粉充滿童年回憶，加上酸酸甜甜嘅茄汁，令意粉更加惹味凍檸檬可樂 $26可樂加入檸檬片後多咗一份清新嘅酸香味，飲落清爽解渴凍檸檬紅茶 $21茶底幾濃郁，而且唔會過甜，係正宗香港檸茶嘅味道🍋📌保頓冰室 (尖沙咀)地址：尖沙咀亞士厘道20A號地舖🐵推介🍌🍌🍌🍌🍌（5🍌為滿分）

充滿懷舊風滿滿，入到去就好似穿越返去七八十年代咁，仲播緊懷舊金曲，好有feel。麻辣手撕雞豬油撈飯：一聽到豬油大家都會覺得好唔健康，但其實豬油仲健康過啲咩花生油、粟米油，而且真係超級香！手撕雞肉質嫩滑，麻辣味道剛剛好，唔會太辣但又夠刺激。豬油撈飯就更加係一絕，飯粒粒分明，每一口都充滿濃郁嘅豬油香。西泠牛扒配薯菜：㨂5成熟，鐵板上，大概變7成熟左右，肉汁相當豐富。將黑椒汁淋上去，香氣四溢。配菜嘅薯仔同蔬菜都煮得好入味，唔會搶走牛扒嘅風頭，但又可以平衡口感。餐湯-羅宋湯：湯底濃郁，入面仲有好多煮得軟腍牛肉同蔬菜，酸酸甜甜嘅味道好開胃，配埋餐包沾啲湯嚟食，一流。甜品-懷舊香蕉船：香蕉、朱古力醬、朱古力味格格脆同埋威化餅，加埋雲呢拿雪糕，係童年回憶呀！有冰凍嘅雪糕、甜甜嘅香蕉，以及脆卜卜嘅格格脆同威化餅，上面再淋啲朱古力，甜而不膩，食完勁開心！

平時我早餐時間最中意就係去茶仔都食🤣因為我覺得港式既早餐可以滿足哂我既願望🍳而今日呢度係我特登過嚟食嫁，因為上網話呢間既裝修係好懷舊，果然入到去真係好傳統，地磚同牆身仲有掛牆風扇，到到都係打卡位呀📸怪唔知得咁早都已經有幾枱外國人啦。🐒雪菜肉絲通粉💰$40👉🏻煎雙蛋👉🏻多士+$2👉🏻熱咖啡雪菜肉絲係我最愛😍而試過咁多間茶仔真係每間都有佢地既特色，而呢到既沙嗲牛肉原來都好出名架，同埋可惜我係早餐時間黎，如果唔係我一定會嗌佢地個炸髀雙蛋飯👅齋聽到個名都已經覺得好邪惡啦。另外店員都有同我推介佢地既蛋撻，因為係熱辣辣岩岩新鮮出爐，所以都好吸引🤩但自己一個真係食唔落，唯有下次再黎試下啦！又bookmark左一間茶餐廳🍴

位於尖沙咀亞士厘道❣︎保頓冰室❣︎係一間以香港七八十年代設計為主題嘅懷舊冰室，冰室特色四人座卡位，舊海報舊電視📺等裝飾，兒時回憶返晒來😆呢到上菜快，又好味，價錢適中👍🏻超推薦比大家🫶🏻❣︎生炸雞髀飯❣︎(午餐）$63醬汁有四款比你揀，我揀左蒜蓉汁，隻成手噤大嘅炸雞髀🍗😋，雞皮脆卜卜，雞髀肉嫩滑多汁，再加兩隻流心煎蛋，超好味又飽肚🤤❣︎黑椒乾炒公司意粉❣︎$60⭐️必食推薦😋意粉炒得乾爽彈牙，味道超好，配料有豬柳漢堡扒，腸仔，火腿同煎蛋，超豐富。❣︎雪糕菠蘿包❣︎$38⭐️必食推薦😋菠蘿包香脆鬆軟👍🏻夾住2大球雲呢拿雪糕，入口冷熱交融，口感非常好。❣︎紅豆冰❣︎（跟餐)+$8紅豆🫘煲得夠淋😋👍🏻甜度適中。

在香港，冰室就係一個充滿懷舊氣息的地方，我好鍾意呢間冰室嘅環境同氣氛，特別係一邊用餐嘅時候，餐廳會一邊播放80年代嘅歌曲。生炸雞髀煎雙蛋飯雞髀外皮金黃酥脆，肉質鮮嫩多汁，搭配上煎得恰到好處的雙蛋，蛋黃紅卜卜，而且仲要流心，飯粒吸收了蒜蓉汁，真係好正！常餐點了雪菜肉絲米跟多士和火腿、餐肉。雪菜充滿鹹香，好開胃，米粉熱辣辣，呢個上餐簡直係兒時回憶。法蘭西多士去冰室梗係要食啲香港地道嘅西多！西多即叫即制，熱辣辣搭配上牛油、楓糖漿，讓人忍不住一口接一口。紅豆冰最後，怎能錯過冰室的招牌冷飲呢？紅豆冰清爽可口，有椰香又多紅豆。阿華田又一童年的味道😋！

✳️今日放工後約阿女去尖沙咀的保頓冰室，真係個好地方！環境輕鬆，氣氛唔錯。🌟我點了**香煎羊扒鐵板扒餐**~$158，醬汁選了蒜蓉汁，味道超香，羊扒煎得剛好，肉質嫩滑，咬下去肉汁四溢，搭配的意粉吸收了醬汁，食起來特別過癮。🌟餐前的羅宋湯酸酸的，正好開胃，牛油餐包更係必備，抹上牛油後熱辣辣的，真係唔想停口。💫阿女同樣選了**香煎羊扒鐵板扒餐**，但她選了薯菜作為配菜，薯條脆卜卜。她選加$3餐飲~凍柯華田，甜甜的味道好受歡迎，特別適合小朋友。🌟最開心係阿女對蛋撻情有獨鍾，點了四件牛油蛋撻，每件$8，外皮酥脆，內餡滑溜，吃得她笑得合不攏嘴。✳️最後，我們還分享了一個懷舊雪糕香蕉船🍨~$42，冰淇淋搭配香蕉，簡直係童年回憶，味道懷舊又好味。

充滿懷舊風嘅冰室係香港愈來愈少見，而位於尖沙咀嘅保頓冰室不但地理位置方便，而且極具懷舊氣氛，整體環境好舒服，服務又親切，令人感覺好有家庭式溫暖西冷牛扒配意粉呢個鐵板牛扒真係好正！牛扒鬆軟入味，搭配埋黑椒醬個味道更加出色。熱辣辣上枱，倒埋汁落去聽住油脂滋滋作響。餐湯係超級足料嘅羅宋湯，完全見到餐廳嘅豪氣。而意粉好貼心咁分開上，而且絕對唔係求其交貨，每一啖意粉都有好香嘅蒜香味，個人非常推介，食完令人意猶未盡麻辣手撕雞豬油撈飯麻辣手撕雞豬油撈飯真係好邪惡好好味！雞肉鮮嫩入味，麻辣醬香辣適中，豬油拌飯更添香氣，啲豬油同豉油都係可以自己落，上落幾多就落幾多，想幾邪惡就幾邪惡，每一啖都令人好陶醉，真係食到冇停手雪糕菠蘿包最後食完咁多正嘢，當然要試下雪糕菠蘿包。個菠蘿包外皮香脆，內裡嘅雪糕滑到不得了，兩者結合得恰到好處，食落一口就令人心情大好，食咗咁多肉再食呢個甜品真係超級爽！整體來講，保頓冰室嘅食物質素一流，無論係牛扒、撈飯定係甜品，都令人印象深刻。下次一定要再返嚟，試下其他美食！

💫放工約老婆到尖沙咀茶記晚飯，我點了**牛柳大蝦鐵板扒餐**，價錢$168，搭配黑椒醬汁，牛柳五成熟，肉質軟嫩，味道濃郁，大蝦亦煎得剛好，鮮甜可口。用蒜蓉炒過的意粉🍝同樣是用心好味，意粉彈牙口感一流。餐前的羅宋湯熱辣辣，酸酸的味道正好開胃，再加上香脆的牛油餐包，真係食到心頭好。老婆則選了**香煎羊扒鐵板扒餐**，價錢$158，蒜蓉汁味道香濃，羊扒的肉質亦非常鮮嫩，咬下去肉汁四溢，搭配的薯菜亦清新，平衡了整餐的口味。她選餐飲的熱檸檬茶☕亦是完美配搭。🌟最後，我們再加訂了兩件牛油蛋撻，每件$8，外皮酥脆，內餡滑溜，真係食得停唔落口。

出尖沙咀睇完戲之後搵餐廳食飯😚揀咗呢間保頓冰室，同新式茶餐廳唔同😌呢度真係好有懷舊冰室嘅感覺😉仲keep住播90年代嘅金曲🤗叫咗個鐵板餐先嚟餐湯同牛油餐包😌已經feel到勁有誠意啦😍羅宋湯好足料勁多牛肉，熱辣辣嘅餐包已經搽咗牛油🤓招牌牛柳大蝦五成熟嘅牛柳嚟到真係五成熟架☺️牛柳肉質非常軟腍，牛肉味又夠晒香濃😋醬汁方面揀咗蒜蓉汁，同底下嘅蒜蓉同粟米勁夾😎驚喜薯菜竟然另上，咁就唔會整到啲薯條腍晒👍叉燒煎旦豬油撈飯懷舊冰室有呢個豬油撈飯！豬油同豉油都會另外比嘅，可以自己鍾意落幾多就落幾多💖裏面仲有啲豬油渣、炸蒜同埋蔥粒😉撈埋隻太陽蛋落去個飯真係勁好食呀！至於啲叉燒就正正常常啦✨雪糕菠蘿包雖然菠蘿包無菠蘿🤪但呢度嘅菠蘿包有雪糕🤩冰火感覺真係幾好食🥰熱阿華田叫熱飲有隻黑白淡奶嘅杯真係好靚🙌另外仲叫咗一杯嚟到茶記必飲嘅凍檸茶少甜少冰🍵

今日又去尖沙咀覓食，去了一間懷舊冰室。裝修光猛，怖置懷舊，仲播放金曲音樂🎼，好有氣氛。我們叫了招牌雪糕菠蘿包、生炸雞髀煎雙蛋飯配上蒜蓉汁🍗🍳、常餐主食沙嗲牛肉麵餐、懷舊香蕉船及紅豆冰。雪糕菠蘿包想不到味道原來都夾，菠蘿包入面包住兩球香滑嘅雪糕球，外脆內軟，口感不錯！打卡一流🌟生炸雞髀煎雙蛋飯配上蒜蓉汁雞髀炸得金黃酥脆，肉質鮮嫩滑！再加上流心煎雙蛋，好開胃。仲有蒜蓉汁再要添加🍗🍳！懷舊香蕉船🍨🍌充滿童年回憶，平時都好少見可以食到。今日好開心，可以一邊食懷舊食物，一邊欣賞懷舊裝飾。

尖咀性價比高嘅香港經典冰室茶餐廳：保頓冰室，Bolton Cafe。復甦六十年代茶餐廳嘅精髓。主菜：招牌牛柳大蝦: 牛柳叫咗五成熟。鐵板熱度十足。牛柳超級軟熟，容易咬碎。牛肉味同肉汁均好。冇根（不過我照食）。蝦頭已經切好，冇蝦爪，容易剝開，好容易食囉。波紋薯條勁經典。外面唔膩，裡面就有油同薯仔味。公司撈丁 ：芝士份量好；撈匀之後對比率剛好。一丁麵唔鹹且有奶油咁。有火腿，腸仔，豬柳扒，煎蛋，芝士同一丁。開心食品是也。甜品：華田脆脆西多士 ：香噴噴，熱辣辣，俾佢吸入咗。就連華田都變成一塊脆脆。外便仲有煉奶，朱古力格同糖漿。西多入便有花生醬 。西多味冇被覆蓋。整體味道均勻。唔會太甜。懷舊香蕉船：懷舊車厘子。香蕉都算熟。鋪滿忌廉食到後期先食到容容地一球咁多嘅雲妮拿雪糕。的確懷舊嘅材料。本應想試下佢哋嘅菠蘿包，不過賣晒。飲品：雪糕梳打 ：梳打水同雲妮拿雪糕。鮮明對比。羅宋湯：小辣，入便嘅牛柳尚有湯味滲入。總括：餐廳入便嘅裝飾用嘅顏色到階磚款都喺60年代香港茶餐廳feel嘅。佢哋播放嘅都係香港情懷經典金曲，非常觸動。客人都由整家人到遊客都有。價錢都喺做街坊生意，唔係唯利是圖；為帶出經典香港餐廳文化

呢間茶餐廳無論門面設計、地下街磚定座位都好有懷舊嘅感覺。🐑鐵板扒餐：香煎羊扒呢個鐵板扒餐非常豐富，個餐包埋餐湯、牛油餐包、餐飲配飯/意粉/薯菜。餐湯羅宋湯好足料，我地揀咗羊扒配薯菜，羊扒夠嫩夠淋，配上自選醬汁：黑椒/洋蔥/蒜蓉汁。特別鍾意佢嘅薯菜薯條係另上，唔怕淋，保持脆口質感~ 🥧牛油蛋撻 蛋撻大大隻，甜度啱啱好，入面仲有花奶嘅味道，口感嫩滑，個曲奇皮夠脆，入口仲暖暖地。🍗瑞士汁雞翼 兩隻大大隻嘅雞翼，醃製得入味，肉質鮮嫩。🍍 雪糕菠蘿包 呢個甜品好特別，菠蘿包入面有雪糕，一定要點嚟食！菠蘿包入面包住兩球大大嚿香滑嘅雪糕球，外脆內軟，甜而不膩，完美嘅搭配~

喺尖沙咀收工諗起呢間就過嚟試吓，嗌咗沙爹牛西多同埋紅豆冰，啲沙爹牛肉好好味，紅豆冰味道唔錯，但可惜太過少紅豆🫘下次唔會再嗌紅豆冰，值得一提就係服務態度真係好好👍

在尖沙咀的懷舊茶記——**保頓冰室**！這裡的美食不僅好吃，還超容易拍照打卡，讓你的IG瞬間升級！📸✨香港人生活節奏快，找一個經濟又方便的地方吃飯，茶餐廳絕對是最佳選擇！這間冰室的裝潢和食物都充滿了懷舊的味道，讓人一走進去就有種回到過去的感覺！🥰我們先來一份**美式雜扒鐵板扒餐**，上來就有熱辣辣的湯和牛油餐包，暖心又香滑！牛扒煎得剛剛好，七分熟，咬下去肉質嫩滑，多汁又有牛味，搭配黑椒汁超美味！雞扒脆香厚滑，還有爽脆的香腸，配菜多到讓你滿足，西蘭花、粟米和意粉，太豐富了！🍖🍝接下來是**生炸雞扒髀雙蛋飯**，雞扒炸得金黃酥脆，肉質保持鮮嫩，超多肉汁！再加上流心煎雙蛋，滑順的蛋黃和脆脆的雞扒簡直絕配！飯粒拌上惹味的蒜蓉汁，口感層次分明，真的好過癮！🍳🍚還有他們的**雪糕菠蘿包**，外脆內軟，夾著冰凍的雪糕球，甜蜜到不行！😍 **法蘭西多士**也是必試，外脆內軟，配上牛油和糖漿，甜蜜可口，充滿蛋香和奶香，簡直是完美的早餐選擇！🍞🍯最後，別忘了試試雪沙和牛油蛋撻等包點，吃完真的是超滿足！快來保頓冰室打卡吧，這裡絕對會讓你拍出超多好片！📷❤️**保頓冰室**尖沙咀亞士厘道20A號地舖快來享受美食