佐賀山田 · 涮涮鍋 (已結業)

今日試咗一間新開冇幾耐嘅火鍋店呢間主打係日式火鍋！坐低咗之後，首先就係要揀湯底！呢度湯底有好多款選擇,有成九種湯底揀！有九州豬骨濃湯/壽喜燒/骨膠原美顏花膠雞湯等..我哋係揀咗日本櫻花蝦沙嗲濃湯同埋壽喜燒湯.呢個係一人一鍋形式既！叫完湯底，就要開始點主食，就係牛！😋😋我哋叫咗美牛三重奏放題，係主要食極級美國和牛同牛小排！呢度牛嘅選擇非常多！有精選美國牛五花/特選美國牛肩肉/特選美國CAB牛肩胛肉等！非常適合鐘意食牛嘅我哋！啲肉都唔會急凍到好鞋，都保持到肉質！另外，出面都有好多丸/配菜揀！嘢飲種類都有好多選擇！而且餐廳感覺到好乾淨，唔使怕好似其他啲火鍋餐廳感覺油冧冧！所以呢間餐廳都值得推介😋…查看更多

今日約咗朋友去太古，特登食呢間佐賀山田，佢主打一人一鍋任食高質日式邊爐。前排見佢做緊主題，澳洲黑安格斯 $249 ，有我至愛牛板鍵 同日式廣島蠔。所以就同朋友要咗每樣一款嚟試吓，佢以QR code落單咁方便唔會有漏單嘅情況，肉類方面有澳洲黑安格期牛板腱・特選美國CHOICE牛肩肉 ，特選美國CAB牛肩胛肉 •精選美國牛五花，美國豚肉，特選美國雞腿肉，美國豚五花肉。望到都非常吸引。每款肉質都好新鮮，仲可以見到清晰嘅紋路。啖啖蠔肉，肥美飽滿配上濃郁味噌湯底。另一個要咗櫻花蝦沙嗲湯底，有少少花生香味，唔會過鹹。外面有個自助吧，選擇都唔少有各款丸，仲有螺肉、八爪魚等嘅日本小食，從出面雪櫃仲有好多新鮮蔬菜，有白菜仔油麥菜仲有我至愛嘅羽衣甘藍估唔到呢款都會有，驚淨係食慾會太，仲可以食啲菜，夠晒有營養。而甜品雪糕都有唔少選擇有好多明治嘅紅豆雪條同藍莓乳酪雪條。…查看更多

呢間就唔建議 試完一次就夠 #可一不可再系列 記得個次叫咗日本佐賀霜降黑毛和牛 食90分鐘嘅係自行scan qr code落單 但係呢 最奇怪嘅係 佢上咗好多冇叫到嘅牛（好大碟白色長方形碟）之後問返佢係咩牛 對方話佢唔知🫨 但上菜正常會有單架麻🤔🤔 明明冇點過嘅平啲個啲牛（碟碟都好大碟）佢就係咁上 唔知佢係特登定係點 佢上到啲嘢錯晒同埋間嘢對於用餐時間都幾執著下 雖然我知比個客超時係人情 唔比係道理 但係間嘢冇咩人 都係咁催 講緊係遲咗10分鐘之內 催咗幾次整體嚟講 覺得呢個價錢食其他嘢仲抵 佢自助區啲嘢食選擇唔算多 仲要日本佐賀霜降黑毛和牛都幾肥下 會食到有滯嘅感覺 同埋好記得佢啲熟食 嗰陣連薯角都可以賣晒 花膠都係賣晒🙈我覺得已經叫咗個最貴嘅餐 食物質素 同服務質素都唔掂 好失望 原先諗住咁貴唔係咁架麻🥲…查看更多

唔知點解香港人咁鍾意打邊爐。可能因為唸唔到食乜，就去打邊爐，就可以到時再選擇食乜。今次我地說擇唔食肉，只食出面任食打邊爐料。丸類加腸仔，瓜類相對多，仲有南瓜比較吸引，但呢類都似街巿貨式，唔知日式從何來。而整體選擇，一眼見晒。唯一日式就係有嘅拉麵，好日系。菜類都有幾款嘅。有玉子豆腐。平時一人一鍋，今次因位置問題，安排左鴛鴦鍋，都有佢好處，因為個豬骨湯無乜味，好在個蕃茄湯底夠味，禾甜，用黎煮出面拉麵加個湯底，有一般日式拉麵嘅風味。飲品選擇尚算多，汽水紙包飲品都有齊。甜品方面，都係出面攞貨嘢，不過不失，蛋糕有3隻味。仲有雪條，有雪糕，雪糕味道我試左咖啡都幾香，不過唔夠濃，但打邊爐配送，已好吸引。因為係本地自家制，唔係大公司，比我預期中好味。總結，唔食肉嘅我地，齋食菜就覺得選擇小左D，而最重要係打正好似日式嘅旗號，其實只係一般港式打邊爐，不過一個價任食，有前菜有主食，有甜品，都可以啦！…查看更多

環境差，食物質素差，芋絲都冇，普通豆腐都冇，只係得最基本六種丸，龍蝦丸、白魚蛋、公園、蟹籽丸、頹版芝士竹輪、牛筋丸，菜種類亦不多，只得油麥菜、唐生菜及娃娃菜，啲菜仲要唔新鮮、係黃嘅。最差係服務質素，落單時前面一直簡唔到餐，叫我簡先，個經理唔比落餐先，死都要前面落完單先比我。落單前問個店員係咪第二位半價，個店員話有 我先入去食。結果埋單嘅時候先同我講呢個餐冇，又唔比我upgrade個餐，撳住我搶。唔推介 blacklist，個抵食 逼我比分，如果唔係我一定比負分…查看更多

今日同朋友去左太古行街，誤打誤撞就見到呢間佐賀山田涮涮鍋，同朋友又行到有點累，就入去試一試啦我同朋友簡左美國極品黑毛豚肉放題，可以大飽口福了肉類海鮮都係用QR code 落單，而其他配菜就係自己出去攞飲品選擇都十分多，令人會選擇困難當然吾少得甜品同雪糕啦我地簡左壽喜燒同蕃茄湯底，壽喜燒仲會配埋一隻雞蛋肉類好快就上了，一睇色澤就知好鮮嫩可口，而且油花分佈均勻，而且同個湯底好夾不得不提呢個美國極品黑毛豚肉，油脂分布好均勺，食落一啲都吾會韌，自己平時打邊爐比較少食豚肉，但呢間既豚肉真係值得一試兩隻湯底都超濃郁， 尤其是蕃茄湯，食物索晒湯汁後更加美味海鮮方面，最鐘意係蝦同帆立貝，兩隻都係好有鮮味，蝦肉彈牙呢個炸帶子都係好有驚喜，食落係熱辣辣，而且帶子係十分juicy , 食到停吾到口最後同朋友食得太飽關係，只係食左杯雪糕，我就食左奶茶味。雪糕吾會太甜，口感香滑，好適合作為飯後甜品值得一讚係店員既服務，十分主動加湯，令我同朋友享受到滿意既一餐…查看更多

一直想係太古搵平價邊爐，喺openrice見到佐賀山田好評都多，一於去試下！我地叫左美國極品黑毛豬豚肉放題$295，食盡唔同部位嘅肉🤩湯底就叫左九州風味豬骨濃湯、完熟蕃茄湯👍🏻美國極品黑毛豚肉極品黑毛豚肉非肉質嫩同鮮美，配埋豬骨濃湯湯底更加會帶出到甜味，好食！特選美國choice牛肩肉+CAB牛胛肩肉牛味出👍🏻油脂分布均勻，咬落一啲都唔韌😍配蕃茄湯底一流精選美國牛五花肉比較多脂肪啱晒中意食油脂感重嘅食肉獸😎而餐廳丸、菜類、飲品選擇都好多，有娃娃菜、油麥菜、生菜等，都係火鍋必點！同埋又有蒜味螺肉等餐前涼菜😍食幾多碟都得🤩整體餐廳食物質素唔錯之餘又有好多選擇，價錢又唔貴👍🏻性價比好高🥰食肉獸一定要過嚟試下！…查看更多

佐賀山田（太古）今日係AEON星期三特價，相約同事去呢間太古佔地應該有過千尺的Aeon掃貨，買完野行行下就見到打邊爐 見到啲食物好吸引，就即刻撳飛，幸好不用排隊就即時安排入座職員好細心地為我哋介紹餐牌，客人可以因應返自己要求去選擇。我地就揀咗美牛三重奏，由於唰唰鍋係一人一鍋 我和朋友就各自揀了一個湯底。我就揀咗美顏玫瑰花膠雞白湯，個煲一上檯就見到有個玫瑰形狀嘅冰係湯底裏面，之後加熱就會融入湯底裏面。再加上有白蘿蔔，成個湯飲落去好鮮甜朋友就係揀了華味鳥雞白湯，湯底裏面有幾雞，朋友大贊湯底雞件嫩滑店舖係QR code落單，我地order了幾款肉，分別是：美國SRF和牛肉質鮮嫩唔會鞋，最緊要係個牛味好食美國CAB牛坑爪個人認為肉質不錯，只是坊間打邊爐店好少有，加上店員極力推薦必試的item，果然有驚喜美國牛小排肉質未去到好驚喜，但我認為都可以值得一試，因為每個人對於肉質的要求不同牛舌個人認為牛舌打邊爐必定有的，因為不用碌太耐，大概15秒就可以夾起，就會食到牛味的爽口唰唰鍋亦有自助區域供顧客拿起，分別有丸類、菜、飯、飲品、蛋糕及明治雪條…查看更多

住喺太古城嘅朋友邀請我嚟到康怡廣場北座嘅佐賀山田來個涮涮鍋，一人一鍋嗰隻，知我習慣嘅人知道我係鍾意咁樣嘅，因為比較衛生。7點前嘅極級 美國和牛/牛小排放題 每人327蚊，可任食90分鐘，由於佢哋出嘢快，所以時間係足够嘅。可揀嘅湯底好多，有日本樱花蝦沙嗲湯、 九州風味豬骨濃湯、華味鳥雞白湯、昆布鰹魚清湯、完熟番茄湯、壽喜燒風味湯底、麻辣鴨血湯、 蟲草花胡椒豬肚湯、骨膠原美顏玫瑰花膠雞白湯.....我哋倆個人就揀咗九州豬骨濃湯和蟲草花胡椒豬肚湯，而呢個餐名為“美牛三重奏“，一定唔少得嘅係美國SRF和牛 、極品美國牛小排和美國CAB牛坑，SRF和牛有好靚油花分布，食落 軟腍多汁；牛小排肉質結實有咬口；至於CAB牛坑爪就有濃郁的牛味，各有特色唔輸蝕。呢度以肉類為主，但都有海鮮食，日本廣島蠔、北海道帆立貝、海虎蝦、墨魚仔和紐西蘭青口都嗌咗幾轉，除此之外，豚肉，牛五花，各種蔬菜亦都哋嘅選擇，唔錯唔錯。…查看更多

嗨！今晚我和朋友去了太古康怡的“佐賀山田”餐廳，我必須說這是一個非常難忘的餐飲體驗！我們點了90分鐘任食涮涮鍋，C餐，裡面有靚牛肉，抵食架。首先，讓我說一下這個餐廳的裝飾。進入餐廳時，我們立刻被它的氛圍所吸引。餐廳的設計非常簡潔，但同時也很時尚。不僅如此，餐廳的燈光也很舒適，讓人感到非常放鬆。當我們點了任食涮涮鍋時，店員很快就給我們送來了食材。我們選擇了靚牛肉，這真的是我吃過最好吃的牛肉之一！肉質非常嫩，口感也非常好，我們幾乎吃光了所有的牛肉。此外，又有海鮮，啲配料也很豐富，有各種蔬菜和醬料，讓我們的涮涮鍋更加美味。還有一點需要特別提到的是，服務員非常友善和專業。他們熱情地介紹了餐廳的菜品，還幫我們調節了涮涮鍋的火力。這讓我們的用餐體驗更加完美。總的來說，“佐賀山田”餐廳是一個非常值得一試的地方。食物和服務都非常好，而且價格也相當合理。如果你喜歡涮涮鍋，或者只是想嘗試一下不同的料理，我強烈建議你去這家餐廳一試。我保證你不會失望！…查看更多

太古康怡廣場高層這裡，發現到一間名字叫做佐賀山田的日式火鍋料理🥘，店舖坐位舒適，環境整潔，燈光明亮，有著不同的明確分類的區域，當中有蔬菜區、醬汁區、甜品區、飲品區等等，很大的雪櫃儲存着不同食材由君選擇，食物數量十分之多。我與家人點了「美顏玫塊花膠骨膠原雞白湯底」及「蟲草花胡椒豬肚湯」，最讚嘆的是花膠湯內呈上一朵湯汁拼砌成的白色玫瑰花🌹，打卡一流！而蟲草花胡椒豬肚湯亦呈香濃幼滑的質感，胡椒的香辣美味令人開胃。店舖是以手機點單，食物送上的速度快捷，食材新鮮，我們點的極級美國和牛牛肉花紋呈現雪花狀❄️，咬下肉質嫩口，配上自選湯底更帶出牛肉的鮮甜味。最後，我們試了三款口味的雪糕🍦，分別是菠蘿椰子、奶茶及海鹽口味，都非常滿意。菠蘿椰子🥥有像雪到冰凍又香濃的椰汁，配上菠蘿的酸甜，很適合飯後甜品清新一下。奶茶味不會很甜，有茶香的回甘苦澀味。而海鹽味很有驚喜地是藍色的，吃下在口內鹽甜鹽甜十分有趣。…查看更多

耐唔耐就好想食打邊爐，今日放工咁啱要去AEON買嘢，所以就去咗康怡廣場嘅「佐賀山田」食牛牛放題✌🏻我哋揀咗「美牛三重奏」放題，湯底一共有9款選擇，我哋揀咗玫瑰花膠雞白湯同櫻花蝦沙嗲濃湯，雞白湯入邊有幾舊花膠，口感Q彈煙靭，充滿骨膠原，全部比我食晒😆肉類同小食用手機掃QR code點餐，丸類同蔬菜就可以自己出去拎。丸類嘅種類有好多，有黑椒牛丸、豬肉丸、芝士魚蛋、貢丸、麻辣牛丸、蟹籽包心丸、墨魚丸、墨汁墨魚丸同芝士腸，推介黑椒牛丸，濃濃嘅黑椒味一啖咬落去爆汁👍🏻蔬菜方面，有苦瓜、豆卜、木耳、蕃茄、翠玉瓜、粟米、薯仔、芋絲、椰菜花等等，食咁多肉一定要食返啲蔬菜清清個腸胃😆我地點咗美國SRF和牛、極品美國牛小排、美國CAB牛坑爪，三款牛肉都各具特色美國SRF和牛油脂分布均勻，入口肉味香濃，肉質軟滑稔身，推介👍🏻極品美國牛小排肉質結實而有咬口，油脂較少，越係咀嚼越能帶出肉味美國CAB牛坑爪牛坑爪即係牛肋條，肉質稔滑肉爽，油份適中值得一讚係所有追加嘅牛肉都冇漏單嘅情況，嗌幾多就上幾多💯小食方面試咗枝豆、章魚燒、炸帶子、明太子唐掦炸雞，推介明太子唐掦炸雞，剛炸起熱辣辣，雞肉依然保持juicy嫩滑，配上明太子醬非常好食👍🏻📍佐賀山田 · 涮涮鍋 (太古)太古康山道1-2號康怡廣場北座3樓T2號舖人均消費：$350食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️…查看更多

📍佐賀山田 • 涮涮鍋之前係隔離飲茶，就留意到呢間新開嘅火鍋放題。本身係太古附近打邊爐就已經無咩選擇，見價錢都合理，放工就過左黎試下。我本身仲以為平日無咩人會黎打邊爐，點知7點3都仲叫緊位，果然大家都鐘意試新野😆今次就叫左D 美牛三重奏，見前面啲人全部都叫D就跟住一齊試D🤣 一開始就叫左佢美牛三重奏個三種牛先左邊係 美國CAB 牛坑爪中間係 美國SRF和牛右邊係極品美國牛小排佢牛嘅肉質同紋路一睇就知同平時唔同嘅，性價比高。我最鐘意係牛小排😚食落口感鮮嫩多肉汁啲🥰湯底有好多種，不過咁呢排就想食清淡啲同試下啲特色湯底😍左面:日本博多華味烏雞白湯 +$15(比較推薦)右面:蟲草花胡椒豬肚湯+$10🤣除左牛，D餐都包埋海鮮有蝦、帆立貝、蠔、魷魚仔、同我無叫到嘅青口除左呢啲甜品，仲有個雪糕櫃。雪糕櫃啲雪糕係香港製造，同啲味都係之前好小係其他地方見到，有奶茶、海鹽、菠蘿椰子🥥。我試左海鹽味，都幾新奇同之前係沖繩食嘅差唔多。出面就都係同其他放題一樣，有菜有丸類揀。飲品就同平時放題1樣，都算多選擇。我同朋友都係去到門口先知星期一，二，三有全日第二位半價！即刻覺得賺左🤣…查看更多

夜晚同屋企人黎呢到食shabu shabu。呢到座位好寬闊，坐得好舒適。餐牌上有唔同既放題套餐選擇，我地就揀左美牛三重奏😋一人一鍋十分方便衛生，仲可以掃QR code隨時追加配料。另外自助吧亦有好多選擇：蔬菜、丸類、飲品、雪糕…仲可以調配自己想要既醬汁。湯底方面，我揀左骨膠原美顏玫瑰花膠雞白湯，而屋企人就揀左蟲草花胡椒豬肚湯。掃一掃QR code就可以揀想追加既食物，點左和牛同牛小排，另外仲有黑毛豚肉，全部味道都夠哂濃郁。仲叫左廣島蠔、墨魚仔、海虎蝦同帶子，都好新鮮。除左呢啲掃code落單既高級配料，自助吧既配料都好正，尤其豬皮😆好爽口，而且處理得好好。飲品亦有好多選擇，仲有烏冬同白飯可以任添，但其實食完啲肉類已經非常飽！😋…查看更多

今日同朋友去太古，食左呢間喺地鐵站附近，位於康怡廣場嘅火鍋店—佐賀山田•涮涮鍋。餐廳入面裝潢簡潔，好光猛又闊落。我哋坐喺沙發位，唔會話好近隔離D食客，食得舒服。鋪頭好大空間，多左人嚟食都唔會好嘈。我地試左小食，包括唐揚炸雞、章魚燒、炸帶子同咖喱飯，可以一件件叫貪心試多d野。我地係食美牛三重奏—晚市極級美國和牛&牛小排放題，90分鐘有成七款肉類俾我哋任食，正呀！美國SRF和牛薄切有好香嘅牛味，吸左壽喜燒風味湯底同埋完熟蕃茄湯底D味，好惹味呀！除咗可以QR code落單之外，出邊仲有凍飲、蔬菜、雪條同埋甜品櫃，全部任食超抵！同埋最抵讚係佢有樽裝水攞，好少見。最後食咗條明治雪條，打邊爐即刻食凍嘢，正呀！…查看更多