影片
营业时间
今日营业
12:00 - 22:00
星期一至四
12:00 - 22:00
星期五至日
11:30 - 22:30
*星期一至四：12:00-22:00 (LO: 21:30)
星期五至日：11:30-22:30 (LO: 22:00)
以上资料只供参考，请与餐厅确认详情
是日又到咗「唔知食乜好」嘅世界级难题，喺街度行行吓，俾呢间叫「伝说のすた丼屋」嘅日式餐厅吸引住。见到佢门口啲餐牌相，口水都开始流🤤。虽然佢个名系食「すた丼」（牛肉饭），但系我今日就系想食炸鸡！于是就决定入去医肚！餐厅入面装修行日式简约风，木系为主，感觉好干净舒服。墙上面仲有超大嘅食物相，睇到都饿！座位之间都阔落，唔会好逼，一个人嚟食或者同朋友撑枱脚都冇问题。我今次叫咗个唐扬炸鸡定食（HKD68）。等咗一阵，先黎左热辣辣的miso soup, 其次个餐就热辣辣咁上枱啦！成个餐用个黑色盘上，卖相好整齐，好有日本定食feel！主角唐扬鸡，一份有成四大嚿，份量绝对唔孤寒！个炸浆睇落金黄色，粉量刚刚好，系新鲜炸起。一啖咬落去，「卜」一声，个皮超～～～级香脆！🤩 最惊喜嘅系，入面嘅鸡肉竟然仲锁住满满嘅肉汁，超级juicy！完全唔会干争争！鸡肉本身腌得好够味，但又唔会死咸，点埋旁边嘅沙律酱，成件事即刻升华咗！食肉兽表示极度满足！😈🍚 配菜个餐唔系得炸鸡㗎！个饭都好有诚意，唔系普通白饭，系珍珠米。炸鸡旁边仲有大量椰菜丝，啱晒用嚟解下炸鸡嘅油腻感。另外仲有两小碟前菜，一碟系爽口嘅菠菜，另一碟系有啲辣嘅泡菜，成个餐嘅配搭好均衡，食得出餐厅嘅心思。仲有碗热辣辣嘅面豉汤，足料唔会得个咸字，饮完成个人暖笠笠。😌以$68呢个价钱嚟讲，有齐主菜、饭、汤、两个前菜，CP值真系超高，绝对系「快靓正」嘅选择！💯
继续阅读
行过东港城谂住求其揾啲嘢食下，经过见到一间食丼饭，价钱望落又唔系太贵就入去试下。原本都唔系话好大期望，只系谂医食啲嘢医肚。叫咗个自选下午茶餐，个餐包括牛肉丼SS、唐扬炸鸡2件、汽水管加5蚊)，埋单一人53蚊。牛肉丼SS牛肉丼SS系指迷你版，事实上都唔算太细，牛肉鲜嫩多汁，而饭望落好似就咁白饭，但都有汁，只系比其他公司嘅牛肉饭淡味啲，如果要讲唔好嘅地方，就系个汁偏油。唐扬炸鸡2件唐扬炸鸡相信系我食过嘅日式炸鸡最好食嘅一间，佢一啲都唔肥，外皮够脆，鸡肉嘅肉质鲜嫩，冇因为高温炸过后变得好「柴」，同埋冇果阵臭雪味。炸饺子3件我哋叫咗两个set，其中一个set嘅小食叫咗炸饺子，上枱果下打咗个突，个外表真系有啲肉酸，心谂一定唔好食。虽然佢外表同内涵都系一般，但值得一赞嘅系，佢冇一般日式店嘅饺子果阵臭碗布味，外皮炸得亦够脆，只系唔知入面嘅系咩馅，总算合格。餐牌综合价钱、食物质素、店内环境我觉得都唔错，久唔久一餐都可以接受。
继续阅读
东港城周围餐厅都太多人，但又想食少少野，就去左呢间食下午茶，$48 一个饭+一款小食 冇+1一开始黎既系饺子，虽然菜同肉唔多，但饺子味道比好多日式餐厅既都好食，其他餐厅既好多时会有雪味….牛肉饭望落冇咩汁 但其实搞匀后好够味 湿度岩岩好 但觉得太油 味道唔错 👍炸鸡！ 必食！！ 呢度既炸鸡冇肥冇咩鸡皮咁 岩我钟意食瘦既人！ 可以话系咁多间日式餐厅最岩我食既一间 一定要试！总括来讲 食物好够热 食既时候小心 味道比想像中好🥰
继续阅读
喺外卖平台见到新餐厅谂住试吓，睇吓会唔会系同区众多食烧肉或者牛肉饭之中脱颖而出。份量都上叫做足够，但价钱绝对唔系平。食完发觉牛肉冇日本过嚟𠮶间咁好食，汁又唔系特别突出嘅味道。味道较淡，相信喜欢健康人士都可以系一个选择。但就绝对做唔到日本一半嘅质素。如果佢对手系同区其他牛饭，咁佢应该好快会被淘汰。如果同区有得选择都只会拣返日本过嚟𠮶间，暂时可能因为新开未熟手定点质素的确就麻麻，希望如果餐厅系有心做嘅话就改良下自己啲食材同埋配方，令到自己竞争力提高。
继续阅读
新开就行入去试下, 不过一次就够 食物 : 生姜豚肉定食 $80 - 定食包泡菜/前菜(菠菜)/饮品或汤, 另外加$12要咗一只温泉蛋, 碟豚肉来到时见到份量咁少, 立即叫职员问问, 她说是因为不够细碟, 用了大碟装才会觉得少, 其实是正常份量, 既然你说是正常, 我也没有办法只好继续食, 整体味道普通 和风牛肉乌冬 $58 ~ 等咗一轮, 终于见到牛肉乌冬, 原来用咗细碟感觉真的差很远, 但碟内有三分一是芋粉, 牛肉比较碎, 有D嚡, 乌冬比较淋, 唔弹牙, 整体味道普通 环境 : 新店装修干净舒服 服务 : 职员有态度, 但经理不断在闹人, 令人食得唔自在 费用 : $138 (无服务费)
继续阅读
您可能会有兴趣的...