亞答屋

营业中

休息中

[ Attap ]中環街市翻身後重開，越來越多美食，估唔到有另一番風味，food court 形式既自助點餐，可以食好多唔同種類嘅嘢。✿ 蕃茄蟹膏蟹肉蝦丸扎肉湯檬🍅🍅 $72包含蟹膏、蟹肉、蝦丸、扎肉，搭配蕃茄汁，湯汁鮮美，好濃烈，重口味既一定鐘意呢個檬粉🤤🤤。✿ 海南雞飯 配 蘇東魚丸雞湯 $72海南雞肉嫩多汁，油飯都好香口，配埋個蘇東魚丸雞湯色香味俱全，味道濃郁，圓圓既魚丸，口感Q彈多汁，不錯👍🏻。✿ 半熟蛋配 咖吔多士 $36蛋白半熟嫩潤，配埋咖吔既椰香味，厚厚既牛油，果然係夢幻美食組合😍😍。✿ 新加坡鹹蛋黃單骨雞翼 (8PCS) $56新加坡著名小食，色香味俱全，外脆內咸，炸得好酥脆，食落好邪惡呀！總結🫦中環街市裏面有唔同種類嘅美食，鍾意食星加坡菜嘅不妨一試，性價比高，點餐後可以同朋友慢慢食慢慢傾計😎。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Attap地址：中環皇后大道中93號中環街市地下G17號舖電話：✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

冇落filter, 個豬手真係咁既色😂啲肉好淋，同啲豬皮一夾就分開左。本身見menu寫住推薦，個心都帶少少期待，以為會好好味，果然有期待就會有失望其實係好普通既豬手，不過個飯都唔差。湯就比較似味精湯

喺中上環活動時encore了無限次的食店。水準穩定，坐得舒服。傍晚時鍾意坐喺已收工的水bar，非常romantic.白天坐近中庭享受日光和空氣也很寫意。海南雞不太肥，油飯可轉白飯，但因為少人食白飯所以唯一一次唔新鮮。附送的魚蛋湯較濃味，通常食咗魚蛋同章魚就算。週末的午飯人多，唔知有冇關，豬手都好似又肥又冇上次咁好食。不過仍然覺得係呢一區的好選擇。另外，最近會用手提電話程式叫埋其他餐廳嘅嘢食。一次過滿足晒所有願望～ 多人用餐之選

Got off work late today and was too lazy to go home and cook. So stopped by central market to grab a meal. Decided i wanted a rice dish and ended up opting for the trotter rice with sotong fish ball chicken soup which costed $80. The trotter was very soft and basically fell off the skin. The egg was also cooked to perfection. I also liked the sauce, but the highlight was definitely the rice which was soo flavourful! It had a nice oily aroma and I gobbled up the dish in no timr

Attap今晚去左中環街市搵野食😻原來夜晚去都唔太多人，幾好😆有戶外座位亦有戶內位置💁🏻‍♀️我地簡左Attap 💁🏻‍♀️同埋Pulau💁🏻‍♂️兩間餐廳🍴食我地嘅晚餐🤤……….🐷亞答慢煮豬手飯(配蘇東魚丸雞湯)($68)豬手好淋身，入口即溶😻😻我感覺到滿滿嘅膠原蛋白😂😂🇸🇬新加坡大蝦喇沙摻摻/米線($68)湯底唔辣，但係湯底味好濃郁，如果可以加點辣更加好🤤賣相好靚，有蝦有魚蛋，亦有蛋，好多配菜💁🏻‍♀️🥪半熟蛋配 咖吔多士($36)多士好脆身，咖吔甜甜地好好食🤭🐷參峇醬燒豬頸肉($82)豬頸肉燒得乾身，唔油膩🤤，食咗都唔怕肥🤭……….原來中環街市餐廳都好多選擇，同朋友去可以各自食唔同嘅餐廳🤤有多打卡位😌📸……….

今日黎到中環街市走走，因為節日嘅關係，場內有人表演，但係時間仲早，所以人流少。行咗咁多次，今日係第一次係度食嘢。街市入面餐廳選擇多，總有一間會岩你👍🏻選擇困難症嘅我，行咗幾個圈終於揀到餐廳😆用餐位置有分室內同室外，今日天氣唔錯，又有陽光，想坐室外，不過已經無位了，所以最後坐室內。亞答慢煮豬手飯 配蘇東魚丸雞湯 ($80)豬手份量一啲都唔孤寒，每件啖啖肉，而飯係配油飯😋跟餐會配蔥醬油汁，點豬手食唔錯，令豬手食落無咁膩，不過肉有點硬。除咗豬手，仲配半隻溏心蛋🥚食飽飯後，試一試個雞湯。湯好清，唔油膩。有兩粒魚蛋，好彩嘅話，會有一粒海鮮😂主食好濃味，相比下湯較淡味，可以用作解膩，不過始終味精湯，飲完好口渴。喺任何餐廳消費，憑單據當日都可以去《果言》買飲品有9折。街市內可以用手機點餐，一次過就可以睇哂全部餐廳嘅餐牌。先揾位坐低，再慢慢揀食物，點餐過程算方便。總結整個用餐，我個人唔太推薦哩間餐廳。食物唔係即叫即整，所以温度唔夠，温度微涼。下次有機會的話，會試埋其他餐廳🍴如果大家鍾意行小店，中環街市值得一行👍🏻又有裸買店👍🏻

中午去中環買野，順便食埋個午飯至走。好欣賞翻新咗之後既中環街市，多打卡位之餘又行得舒服。行咗一圈決定東南亞菜，點咗手工扎肉雞絲撈檬（$72），再去埋隔離既姊妹店Pulau食胡椒豬肉串（$48）。前排涼咗但今日熱返，好啱食撈檬。檬粉清爽幼滑，配上扎肉同雞絲，既清新又健康；再加埋酸酸甜甜既撈檬汁，食落更醒胃。胡椒豬肉串即叫即整，食既時候仲熱騰騰香噴噴。初時擔心胡椒味太重，但食落又啱會wor, 加上咬落去好juicy。想食辣既仲可以點辣醬，味道唔錯，下次會再食~

星馬泰嘢最啱我口味😎中環街市真係好好hea~放工唔知食咩最鍾意嚟呢度打躉食物又平又有質素泰式豬手飯～早咗收工六點前嚟仲係下午茶價份量同晚市其實一樣啲豬手成碟滿晒炆到好入味好腍仲配上酸菜中和返啲油膩感香茅飯香得來又唔會好油 抵讚海南雞飯啲雞好滑有雞味仲有兩層夠晒份量飯類都配有魚蛋清湯個湯似係冬瓜湯再配兩粒魚蛋清清地幾好味呢度嘅王牌個人覺得係喇沙可以簡摻摻或者米粉我就鍾意地道嘅摻摻油面配米粉呢個組合口感最好喇沙個湯底好夠厚又有蝦嘅香味啲豆卜吸晒啲汁仲有魚蛋、魚片絲、雞蛋、鮮蝦、蘆筍、芽菜如果唔係怕肥我一定成碗連湯飲埋重點咗個胡椒豬肉串勁香胡椒味而且用粗竹串住個presentation 超美！

今日過咗嚟中環，朋友喺萬邦行返工，陪我食咗個快lunch💨揀咗喺中環街市呢間新加坡菜，呢度係自助形式嘅，自己先俾錢order ，然後自己拎，我哋揀咗坐outdoor 位置，幾舒服，可以對住好多植物食嘢😆兩個人揀咗👇🏻亞答慢煮豬手飯配蘇東魚丸雞湯$68亞答冰鎮鮑魚（4pcs)$128酸辣鳳爪$62豬手非常軟腍而且又入味👍🏻雞油飯粒粒分明好香，魚丸湯好鮮甜，好飲😋如果可以多幾粒魚丸就更加好啦😁呢個性價比高，好味得黎價錢又抵👍🏻冰鎮鮑魚非常爽口彈牙👍🏻朋友讚不絕口，酒香味唔算太重，唔鍾意酒味嘅朋友都食唔到酸辣鳳爪呢個又幾好食，酸同辣個比例啱啱好，而且個份量都唔少😋食咁多間酸辣鳳爪，呢間一定係三甲之內呢間啲嘢食真係唔差🤤但係就冇提供飲品，如果要飲嘢嘅朋友可能要喺附近買，或者喺cashier 前面可以拎水🙌🏻

中環街市食嘢 坐得舒服 而且時不時會有唔同嘅展覽晚餐 食海南雞飯嘅好選擇 ⭐️海南雞飯set 配蘇東魚丸雞湯油飯好香 軟硬度適中 🐥 雞肉好軟滑 而且唔會會好肥食埋雞皮都唔會有so味 ⭐️煙鴨胸飯 鴨胸份量好多 而且煎得好香 配上油飯非常好味 仲有青瓜 糖心蛋 炸魚仔配菜 份量都幾多 ⭐️串燒拼盤 蝦🦐 已經剝咗殼 燒得好香 🦑燒魷魚鬚 非常推薦 燒雞肉串 🐣 雞肉好香 非常抵食 傳銷嘅醬汁有香茅味 東南亞沙嗲好抵食嘅價錢喺中環食餐簡簡單單嘅晚飯 👍🏻

今晚和朋友在中環街市地下Attap吃晚餐，朋友話她午飯時常來，因合口味又性價比高。我吃完都非常滿意，多謝她的推介，下次來中環又多一個吃飯的好地方。朋友話Attap的海南雞和豬手飯都好正。因我今日午餐已吃雞，便選了:阿答慢煮豬手飯配蘇東魚丸雞湯($80);檳城蝦麵($78); 和香辣大蝦串燒($68)。豬手很美味，豬皮香滑充滿骨膠原，豬手肉鹵得入味，夠淋有肉香，趁熱吃好正。醬汁酸甜辣惹味。魚丸彈牙，雞湯不錯。檳城蝦麵也很有水準，湯底甜，蝦美味，麵有質感，配料足。香辣大蝦串燒惹味，蝦肉甜，一份五串，抵食。食物份量足，兩個人都吃得又飽又滿足，人均消費$110左右，不用加一，在中環算好抵。店員很有禮貌，樂意向顧客介紹食物和落單程序。下次再試海南雞。

亞答慢煮豬手飯 $80慢煮豬手煮得好軟腍，肥度適中～滷汁鹹中帶少少甜，豬手好入味，惹味‼️另外伴碟有大量酸菜，可以解膩～配油飯，飯粒粒飽滿有彈性 正💕海南雞飯 $82海南雞已經去咗骨，啖啖肉夠晒滿足😝雞肉嫩滑，完全唔會有雪味～味道亦都啱啱好，就算唔點汁都得😋兩個餐跟配一碗蘇東魚丸雞湯，入面有有2粒魚蛋，另外仲加咗章魚粒😋清新雞胸肉沙律 $68慢煮雞胸肉超嫩～沙律菜好新鮮～爽口‼️再配上車厘茄、藍莓～refreshing 💕中環街市翻新之後，整體環境舒服咗~多咗餐廳進駐，選擇多之餘同事提供大量座位👍🏻Attap (中環)中環皇后大道中93號中環街市地下G17號舖

近呢一兩年中環街市翻新咗之後我同朋友都好鍾意去。環境好chill又有氣氛，佢唔係好似fine dining咁樣食奢華，free style 得來好好feel。呢個場最正就係飲返兩杯，淨飲唔食嘢唔得點，食過咁多間，呢間亞塔算係我嘅首選。海南雞嘅肉質好滑，雞皮脆口，連皮食一啲都唔油膩，起咗骨啖啖肉，點埋啲醬汁，送酒一流。慢煮豬手肥瘦適中，豬手嘅皮充滿骨膠原，肥肉部份好香，瘦肉部份有質感有豬肉味，調味香料用得好好，最正就係配埋少少雪菜一齊食，可以帶出豬嘅風味，又開胃啲，真係可以飲多兩杯。

原來中環街市哩度，都有一間幾唔錯嘅東南亞餐廳！🐷607亞答慢煮豬手(原隻) 低溫慢煮 $148，原隻豬手，真係好吸引，🥢而且炆得夠軟腍，點埋泰式嘅秘製醬汁，更加入味。🦆904 娘惹茶燻鴨 配：雞油香飯及蘇東魚丸雞湯 $82，套餐已經包埋飯同埋湯，🍚所以性價比幾高。鴨肉食起身帶有少少煙熏味，非常誘人。⭐Attap Trotter (Whole) ⭐Nyonya Smoked Duck Breast w/ Rice in Chicken Oil & Sotong Fish Ball Chicken Soup

Attap 亞答屋阿塔慢煮豬手飯+蘇東魚丸雞湯 (推介指數：🐾🐾🐾）呢個就唔係虎媽嗌嘅😮‍💨, 不過都有食咗啲豬手。虎媽覺得煮得幾淋😍同埋好入味, 同外表就有啲唔同🤣。如果你鍾意食豬手嘅話, 都可以一試👍🏻~~烤豬頸肉撈檬 $76(推介指數：🐾🐾🐾🐾🐾）虎媽覺得天氣真係太熱🥵, 所以就食檬粉。豬頸肉賣相就唔錯🤩啦, 虎媽就嫌味道鹹咗少少。而檬粉醬汁都好好味, 酸酸甜甜, 非常之開胃而且好清爽。呢啲天氣真係要食檬粉呀😏~~~~總括嚟講，虎媽會推薦呢度嘅慢煮豬手飯，豬手真係非常夠淋, 好好味道😋。而店員嘅服務態度亦都好好, 例如:見到虎媽食檬粉, 就會提醒如果需要多啲檬粉醬汁, 可以再過去拎。*以上食評為個人食後感*五隻腳印為滿分