亞參雞飯 (德福廣場1期)

营业中

休息中

係九龍灣食野, 好多時都會就方便係德福食, 呢排開左間新野, 叫新過下啦,今年開既,食海南雞飯做主打。 今次2個人都食叫左海南雞飯,都係叫左杯凍咖啡, 另外55蚊優惠價揀左3個小食。海南雞飯, 連碗湯, 湯係熱既, 飯就暖暖地啦, 有味既,可惜就係飯既份量比較少, 雞就反而係合理既。無骨雞岩晒我, 如果指定要脾就加10蚊。我幾鍾意呢款口味既咖啡點左加央多士, 呢個好一般, 加左牛油, 但比較孤寒, 得一小片分4舊包,同埋無加央味呢個炸蝦卷, 成卷油, 食唔到蝦,淨係食到包住蝦個皮。又油魚餅, 又係油參晒入去, 好多香草味小食下次唔會要叫, 雞飯都會食既,但唔可以肚餓黎食

在德福行完街，想買外賣。在亞參門口看着電子餐牌，等着轉下一幅餐牌😂店員見到，隨即遞來餐牌，還介紹可打電話嚟落定單，之後一嚟到就可以攞得。如果要等都係等十令分鐘，態度好友善。我哋買咗新加坡喇沙米線和馬來咖喱雞撈麵外賣。外賣一點都唔馬虎，用兩層外賣盒將湯和米線分開，咖喱雞撈麵也一樣，將餸和麵隔開，回到家不用浸到淋晒。而且每樣餸都擺得好整齊，喇沙味道還可以，本人略嫌椰漿不夠香。家人個咖喱雞撈麵就越食越辣，也嫌咖喱味不夠。

排左一陣，都好快叫左個海南雞飯、蝦春卷、咖央多士、拉茶試下呢個99分海南雞飯有咩特別雞：正常無特別飯：幾好食喎，煙煙unun咁湯：幾好飲蝦春卷，好脆，雖然佢得一隻蝦，但係佢釀左啲蝦膠係內壁唔錯咖央多士，食第一舊既時候，好食再食第二舊，好漏襯熱好飲，凍左就嘛嘛地總括黎講 海南雞飯除左隻雞無咩特別外，飯湯係Ok，而佢係咪值99分呢，我又覺得未到

從小就對雞飯特別喜愛，那時還不知道有海南雞飯的名字。那時這道菜在親友的家通常都是在大日子或招待客人時才會出現。到長大了才注意到，原來許多雞飯店都沿用海南雞飯做招牌！吃雞飯時，雞之外，湯、飯、醬料都是缺一不可。最怕是去到雞飯店只是有雞飯，無湯水和無醬料。今年最期待的雞飯是人氣雞飯店亞參雞飯進駐香港！皇牌推介「亞參去骨海南雞飯」秉承傳統海南雞飯的精髓，上菜時雖然是套餐但絕不馬虎，份量以女士胃口來說算多。店家更費盡心思讓濃郁雞味發揮到淋漓盡致，雞肉以濃濃雞汁配以輕醬油襯底，雞肉做到齒頰留香、濃而不膩！餐牌上標明嚴選雞味特重和飼養期只有120日內肉質嫩滑的三黃雞，雞隻剛好熟透，均匀入味，雞肉入口軟滑又肉汁豐腴。香氣四溢的油飯也一絲不苟，香味濃郁，濃濃雞湯煨煮粒粒分明、煙韌軟糯盡吸雞湯精華；另外一碗小小的雞湯，無添加額外調味，單以湯論已經贏盡全港，調合出不同層次的清新味道。上碟的海南雞份量十足、口感嫩滑，雞香飯軟硬適中，雞湯清香撲鼻！另外亦下單小食拼盤，除豬手肉非常美味其他都乏善可陳。建議有機會可試豬手飯及叻沙。

星期日去德福行街，經過呢間店舖，外邊排隊非常多人，所以決定一是究竟有幾好味。叫了一碟海南雞飯，味道唔錯，幾好食好香，海南雞完全冇骨，啖啖肉，但係肥膏太多。可能因為咁樣，所以特別香。另外叫了一個豬手飯，味道我自己不太喜歡。另外追加兩個小食，38蚊2樣，揀咗蝦春卷（4小條）同埋加央多士。個春卷新鮮炸起，熱辣辣，脆卜卜，唔錯。加央多士非常美味，脆脆的，中間有一整塊牛油， 十分邪惡， 但十分好味。美中不足，食完之後非常口渴。

今次試下九龍灣德福廣場一期的亞參雞飯， 門口排長龍， 我大約等了十五分鐘才進去， 店內環境光猛但坐位比較狹窄。晚餐有海南雞飯跟清雞湯$88、 巴東牛肉飯$75、 追加小食兩款$38（ 香烤豬肉串＆亞參雞翼尖）、 馬來拉茶$10。海南雞飯跟清雞湯～ 等了很久才到的海南雞飯， 海南雞皮滑肉嫩， 雞油飯粒粒晶瑩通透， 最正就是清雞湯，清甜又香的味道。亞參雞翼尖～ 原先想點咖央多士， 可惜已經賣完了， 所以就試下雞翼尖， 味道偏淡， 口感都算滑溜。巴東牛肉飯～ 巴東牛肉微辣又惹味， 伴菜有青瓜粒、蕃茄粒和魚乾仔， 送飯一流。香烤豬肉串～ 豬肉串啖啖肉， 味道唔錯。馬來拉茶～ 香濃奶茶味， 口感滑溜，值得一試。整體來說亞參雞飯食物質素唔錯， 下次希望可以食到咖央多士。

Emmm.. 海南雞飯88蚊呢個價位係抗疫時期都企得幾硬下。如果88蚊性價比黎講，個飯有啲貴。雖然餐廳有少少南洋風裝修。餐廳除左海南雞飯外都有啲喇沙嘅選擇，但叫完海南雞會即上（因為可以整定），但見隔離枱海南雞飯食完喇沙都未到就有啲老尷。好！海南雞飯！驚起嘅係個冬瓜雞汁湯飲落去係熱到辣口嘅雞就去骨三黄雞，油脂充足（減肥中既朋友就去皮叫白飯唔好點汁啊），雞肉唔會鞋同唔乾，正常發揮。我就比較好奇佢海南雞飯醬係咩環境，薑蓉溝左啲沙薑；辣汁有食辣生蝦感覺；豉油醬我不嬲麻麻，只食到甜味，無咩點過～到個雞油飯，其實有啲失望，一黎唔夠熱又鬆散，可以我孤陋寡聞，佢夠水份嘅，唔爛嘅，但如果可以團結到少少就好了～（定南洋啲米都係咁，而我唔識）飯量黎講，男仔就未必夠喉，所以⋯我忍唔住叫左小食。本身都只係想叫咖央多士，22蚊。 但做緊優惠，38蚊兩款小食，好喇，叫埋個豬肉串。咖央多士 邪惡嘅選擇個多士夠脆嘅，如果有啲熱力就好嚕🥺🥺🥺牛油就好細塊置中，所以切完見到啲又見唔到啲，咖央醬正常發揮。下午茶可以點呢個！豬肉串（感覺似油炸的）偏甜，點沙茶醬更油更漏⋯好彩有青瓜清爽一下。完。

真心好難食，碟海南雞下面全部血水，成碟水注汪，雞完全無味，絕對唔會再食，價錢連埋飲品都$100，如碟碟都係血水雞，要好好改善一下，小食同炒菜都好一般，無咩特別😩😩

平日夜晚去到都要排隊，排左大概三個字左右就入得去啦！梗係得呢度梗係食海南雞飯啦，咁就同男朋友每人叫咗一個雞飯同埋兩個小食（因為佢加$38就可以叫兩款小食）😋咁小食嘅話我哋叫咗鳳尾蝦春卷同埋咖央多士，個多士就好好食嘅，應該啱啱整出嚟又脆，中間啲牛油仲要勁多成塊食落去係超爽🤤🤤但個春卷就唔知咩事囉，得出邊嗰層係熱嘅入面係超凍🙄我O晒嘴，我同男朋友每人食咗一條就冇再食啦⋯⋯個油飯好重雞油味，個湯都好清甜！海南雞嘅份量都好多，當然會有雞胸啦但都唔算好鞋嘅！我一個女仔都食唔晒，所以份量正常啦！呢個價錢比呢個質素都唔錯嘅😊

新開嘅亞參雞飯諗住嚟試下佢嘅喇沙同海南雞飯，嚟到唔使排隊十一點三，叫咗個喇沙想轉參參，冇得轉原來係米線，叫左海南雞飯加一杯奶茶同咖啡，覺得杯奶茶好似cappuccino咁又甜又冇茶味仲係得半杯半杯係泡沫，雞飯一般， 喇沙味道一般，我寧願買即食嗰隻喇沙自己煮好味過去好多，所以用咁嘅價錢會值得嚟呢度食！

第三波之疫情稍為緩和，相約皇太后出外走走；原本打算去酒樓飲茶。最後看見這間新開的餐廳，被它那一句＂尋覓99分海南雞飯＂而吸引了我的眼球；便開始排隊等位了 - 亞參雞飯 此時，電話突然響起，便沒有影了整份餐牌整體這份海南雞飯買相尚可；用上了木製托盤作擺設。雞肉 - 肉質軟而香滑，帶濃郁雞味（根據餐單上寫描述-嚴選雞味特別濃郁的三黃雞，以獨門秘法細意分多次反覆浸煮至僅熟的成果）雞香飯 - 口感煙韌似糯米，而每啖吃到米飯粒粒分明，除了有雞香味還帶著淡淡香茅及斑蘭葉味道冬瓜清雞湯 - 湯較淡味，竟然找不到一粒冬瓜（餐單圖片只供參考吧）配上三款秘製醬料 - 好一般！皇太后話：豬手煮到肉質好鮮嫩而味香濃，不錯皇太后最愛加小食；最後她竟然挑選三款（凡惠顧主菜或飯麵可追加優惠小食 - 兩款 $38 / 三款 $55）豬肉串烤到剛剛好；外層焦香內裡肉汁被鎖住配上醬汁有些特別，似豆豉味道！網狀外層酥脆；蝦味突出麵包烤到香脆；牛油咖央甜味適中而不膩另外 忘記了影 柑桔特飲（主菜另加$10 ）酸酸的味道；可以加快消化吧我倆最後食到非常飽！亞參 總結：值得一試！

德福新開嘅馬來西亞餐廳，試咗佢哋嘅午餐😋馬來咖喱牛腩飯 $78媽媽平時都好食得辣，但媽媽今次都覺得馬來咖喱有少少痺口。飯嘅份量多，咖喱味好香，牛腩好林👍😋亞參去骨海南雞飯 $88店用咗特別有雞味嘅三黃雞，肉質好嫩滑，雞皮爽得黎又好似啫喱☺️三款秘製醬汁都各有各嘅特別之處，佢哋嘅共同點就係好開胃。佢個飯粒粒分明，好有雞味，我食晒成碗。個湯比一般嘅海南雞飯店特別，雞湯好濃郁，入邊仲有蘑菇同冬瓜。加$38 有兩款小食，份量冇縮水，好抵👍炸蝦好味，好脆冇油膩既感覺。巴東魚餅食落有少少乾身同痺口。