亞參雞飯 (德福廣場1期)

营业中

休息中

九龍灣出色班蘭咖央多士亞參雞飯📍九龍灣偉業街33號德福廣場一期G102號舖 「你叫我最渴望，卻也叫我猜不中，誰可以這樣折衷」難得今日同媽咪都放假，行開德福廣場，就見到依間亞參雞飯，主打星馬食物，難得天氣開始轉凍，一心諗住試一試佢嘅肉骨茶暖一暖個身。入座果陣啱啱係下午茶時間，餐廳都接近8成滿座。-雞絲湯河 $48 3.9/5⭐️下午茶優惠依款雞絲湯河，湯粉份量多配料雞絲都多，雞湯濃郁，仲跟餐送一杯飲品，性價比幾高。-肉骨茶 $92 3.6/5⭐️依份肉骨茶比較令人失望，偏新加坡肉骨茶做法，湯色較淺而且帶有淡淡胡椒味，肉骨茶雖然夠熱可以暖身，配料只有兩條豬骨同幾舊豆卜，味道不過不失，性價比非常低。-馬拉盞炒通菜 $33 4.1/5⭐️媽咪鐘意食菜，所以都叫多一份馬拉盞炒通菜，份量有驚喜，通菜配埋馬拉盞都幾惹味，性價比推薦。 -跟餐追加優惠小食3款 $55班蘭咖央多士 4.1/5⭐️咖央多士有烘脆，每件都有一份牛油同滿哂咖央醬，好邪惡，食落都有斑蘭味，小食嚟講依個推薦。鳳尾蝦春卷(4件) 3.9/5⭐️4件蝦春卷份量都多，炸到金黃香脆，食落不俗，正常發揮。香烤豬肉串(3串) 3.7/5⭐️豬肉串係以豬肉

經過幾次德福亞參，今日去試一試。作為一間以海南雞作招牌的食店，呢個價錢定位，真心不合格。店員服務幾好，反應快，有禮。廚房出餐迅速。1.海南雞飯油飯好食，夠熱夠軟，唔會一舊舊。主角海南雞，肉質差，軟爛，無口感。 好似雪藏雞咁，無乜肉味。 另外雞偏肥，平時應該好薄的某部分雞皮位，都好厚脂肪。2. 肉骨茶味道還好，接近90蚊的定價，得兩條手指長的排骨。 一碗白飯。3.咖央多士見出餐好快，但成份都喺室溫，烘底唔見有上到色，好似風乾一樣。 不推薦4. 香茅薄荷冰篤好耐支香茅，都無乜味，薄荷葉好多已經變爛。不新鮮，可以參考圖片。5.馬拉盞通菜雖然菜式無寫 炒 呢個字。 但上到來，通菜係無味，應該用水油燙/撈熟，一勺馬拉盞擺側邊。 通菜幾新鮮。6. 豬肉腸 ，椰青，唯一滿意

椰香咖央南洋包值得一試👍 馬來拉茶完全唔得，飲起身好似加左好多糖嘅港式奶茶🙅 肉骨茶藥膳味唔重，但係都ok🙆 下午茶時段去加餐，冇諗到都係要排隊 冇乜服務，但係都冇+1

食左咖喱牛腩撈面，豬手飯同加兩個小食食物黎講係好高質，我覺得暫時係香港食過既星馬菜最好食最岩我胃口牛腩多 面掛汁 味口亦好對我口味價錢稍貴但亦可以接受豬手食得出花招八角醃過 好入味但啲服務有啲趕客 問都唔問就收你啲野人地都未食飽 好似趕客走咁希望唔好為左做多枱客搞到咁囉

頭先去買外賣，買咗兩個海南雞飯，買完之後個收銀完全冇指示我去另外一邊攞，因為我係第一次喺呢間分店買，所以我完全唔知唔係喺度攞，因為通常都係喺返呢度等，於是我就一直企喺落單嗰個位出面等，等咗10分鐘左右個收銀先同我講原來要去另一邊攞嘅，不過佢都算好人㗎喇起碼會提一提我。之後我去到拎外賣嗰個位，有一個短頭髮冇戴眼鏡少少肥嘅中年女店員一直喺度掛住執餐具同埋送堂食嘅餐，扮見我唔到！我肯定佢見到我+見到我拎住張收據，但佢都完全冇理過我，直至到有另一個店員出現過黎問我幾多號飛，我先至有機會拎到個外賣個飯仲要原來一早整好咗因為之前喺其他分店食過覺得幾好食，所以先會特登過嚟買，不過幾好食都冇用啦！啲服務咁差個飯仲要唔係平

德福全部連鎖店中比較平民的一間，但也只是下午茶平民而已，單點仍是中上價位，這就是開在去大商場需要承受的。叫了一個：馬來咖喱牛腩撈麵：$81麵底是油麵，咖喱偏甜，牛腩炆得非常腍，薯仔有烤過，配有參巴醬。雞絲湯河（下午茶）: $48湯底雖有味但味道較淡，有雞絲，通菜，乾蒜。椰香咖央南洋包: 加了牛油加央，椰絲，麵包第時黑糖麵包，增加甜度。鳳尾蝦春卷: 內裏是非常幼小的甜蝦，炸得香脆配以泰式辣醬。香烤豬肉串: 豬肉串肥肉較多，沒什麼香料味，不配參巴醬基本沒什麼味道。三款小食$57南洋拉茶: 下午茶包的，不用加錢，普通的凍奶茶。香茅薄荷特飲: +$10，有原支香茅，及薄荷葉，味道清甜。

排得好快就入到去, 因為D 侍應都好勤力收野其實佢MENU 都唔少野食, 但我一心想食海南雞, 都唔洗點諗落完單, 好似唔洗一兩分鐘就有盤SET 放左落黎, 極有效率, 哈哈!擺盤都幾整體, 而且色彩繽紛, 都算開胃****一黎要讚下個湯先, 好香個湯超熱, 呢樣好重要, 熱湯係基本而且重要的個湯有好淡淡既胡椒香味, 個湯好清甜亦都有少少既冬瓜粒加小菇粒呢個湯得呀重點海南雞以量黎講, 對得起個價錢, 佢都有兩行肉, 都有10舊8舊個飯食到尾都仲有雞配飯味道呢我覺得OK 吧佢唔鞋, 但又唔算滑我覺得D 肉有D 「實」但其實味道還不錯的而且3個汁都得加$10 叫左杯冬檸茶, 好大杯****呢碟雞$90, 飲品加$10, total $100 UM, 味道算OK, 量是不少的, 個湯好飲而且係商場坐位其實都算迫, 不過有樣好就係我一個人, 對面唔洗搭位整體黎講, 呢個價錢覺得還可以接受

豬手太淋，冇口感，似食肥肉，仲差深水埗某大排檔，侍應在食客身旁傳菜，容易淋在食客身上，若食客是小朋友的話，易生危險，連這些基本服務態度都沒有，難怪別的食店門庭若市，而它則門堪羅雀。

同朋友行九龍塘(又一城）,行了個零鐘頭覺得有少少攰、同口渴,便上food court睇下有什麼好食,見到(亞參雞飯）,有下午茶餐38元有個雞絲河、同嘢飲,便打算入去食,見店內不是太多人, 企了五至八分鐘都冇人理我們,有其他座位,終於見到有一台卡位走,我們便自己坐入去,見到職員周圍走嚟走去都冇人理我們,坐了五分鐘,終於要大聲揮手叫她們,她們才過來！！38蚊下午茶非常抵食、味道也不差、分量也可以、薄荷香茅飲品一般！

星加坡，馬來西亞菜式，喺香港冇日本菜咁普遍，不過其實佢哋佔喺香港人口味一個好重要既地位，今次就揀咗嚟呢度，食好舒服嘅星馬菜呢度環境好，乾淨企理，而且完全係用自己手提電話落單，減少好多同職員嘅接觸，仲可以慢慢喺手機度睇，真係又舒服又好味由於周圍都有海南雞飯食，又啱啱食完雞，所以今次嚟呢度反而唔係食海南雞飯，而係揀去其他特色嘅嘢食，而今次特別想推介今次嘅食過嘅豬手飯，真係肉質好嫩滑！直情係想再食！！！可以睇吓我啲圖，希望吸引到你哋

初三唔知食咩好又想食D熱嘢,行完一輪就見到佢 ,因為朋友唔食雞同牛所以要佢啱食就可以啦,事關我乜都食㗎入到起去咩都想食,我又好鍾意食雞又想食喇沙,見凍凍地食碗辣辣地嘅喇沙米線喇沙湯底非常濃郁,唔覺意飲咗都幾多個喇沙係好食嘅,不過可惜冇得轉麵,我地再加咗兩個小食,我朋友就叫咗蝦麵,有麵同埋粉絲,佢話唔錯,咁加10蚊就可以加飲品,我要飲回魂啡,試下佢嘅南洋咖啡,可惜唔啱我飲,因為佢係甜㗎,唔係我杯茶,仲有想講下,佢有個下午茶餐係雞絲湯河48蚊包飲品,我囡叫咗嚟食,河粉同雞絲好滑,雞湯唔咸,仲要超大碗,同我個喇沙一樣size,抵食到呢整體都叫好食,可能啱我口味啦

開年飯唔想煮咁多，所以買左一隻海南雞同一隻豬手加餸。第一次食，個豬手都不錯，夠淋而且好入味。食得出花左好時間去煮。值得加分。但海南雞就覺得好失望，一啖食落去，除左雪味就食唔到其他味。雞冇雞味而且肉質都不滑! 諗住點果三個醬汁食都會OK 啦。可惜佢啲醬汁都奇怪地十分淡味，連薑蓉都冇味真係好神奇。所以點左醬都救唔到冇味嘅雞。對於一間專賣海南雞嘅餐廳，海南雞係咁嘅水準，都真係失望。唔知係唔係因為新年，平日個廚師放左假？！但如果要再去呢間餐廳，應該只因為想食佢個豬手。

亞參豬手飯（$78）之前晚餐食過一次亞參，覺得個豬手飯好好食😍今次晏晝再黎食多次!😋平時既豬手飯我都麻麻地，唔係唔夠林，就係唔夠入味但呢個亞參豬手飯就完全唔會，啲豬手超林超入味💯份量岩岩好餸晒啲飯，而且食完唔會覺得漏👍要黎送飯一流！仲可以外賣返屋企加餸添😝馬來拉茶又係好好飲，佢用練奶黎沖，所以夠滑又夠香😍十分推介！👍👍🤭/📌亞參雞飯九龍灣偉業街33號德福廣場一期G102號舖/😋食物質素：8/10🍽️用餐環境：7.5/10💰性價比：7.5/10👣回頭率：8/10

2021.12.20 Monday lunch終於試咗，成日唔明點解行過呢間一定有條隊。望入去又覺得好迫咁，所以都唔係我倆嘅午餐選擇。呢一日居然得一個人等緊，好！就試吓你話99分嘅海南雞飯，好好彩有個好位，食都食得舒服啲😁左睇右睇，佢個海南雞飯要成$90都真係幾貴，一場嚟到，點都要試吓。 女友就揀咗馬來咖哩豬扒飯，加十蚊要杯熱薏米水。99分嘅海南雞飯到，望落幾好，夠份量啲，試吓先⋯⋯個湯，可以，但我倆都鐘意再清啲嘅湯，個飯正常，油飯嚟講唔算香，我同女友都覺得個醬汁特別唔得，比較失敗！因為海南雞飯嘅醬汁都係精髓之一，至於雞，都滑滑又有雞味，但都幾肥。總括嚟講，唔好意思，我哋唔覺得係咁高分⋯⋯好彩雞嘅份量幾多，如果唔係，$90都幾過份🧐反而杯薏米水唔錯，唔會水還水，薏米還薏米feel👍🏼 但可以大杯少少會開心啲🤪至於個咖哩飯，得啲汁同薯仔ok，豬扒雖然夠淋，但冇咩味⋯⋯麻麻地。總括嚟講，食物唔係特別好好味，又唔係平，我倆應該唔會再嚟🤭

咁啱行開德福 睇到呢間餐廳就想試下係門口排左陣 但其實一望就知入面有雙人位係門口既員工用一種極差既態度叫掃安心出行或者填紙仔 好坐低之後佢都係用返個種既態度同我地講掃code落單。我地係餐牌揀左 馬來咖喱雞飯，去骨海南雞飯，特色秘製炸魚餅，鳳尾蝦春卷。到落單個陣先知冇咖喱系列同所有小食 後黎揀左去骨海南雞飯，亞參豬手飯，馬拉盞通菜同野飲。嘢飲好一般 個海南雞飯都好一般。馬拉盞通菜得一舊馬拉盞 個通菜應該係白烚。最正常係豬手飯人均消費$100可以有更好既選擇 唔會有下次