五匠六釜

营业中

休息中

餐廳資料:五匠六釜地址: 啟德協調道2號 Airside 6 樓 602 號一向喜歡逛新地方，朋友說啟德站開了一個新商場Airside，今晚一於跟媽媽去逛逛及開餐，就揀「五匠六釜」，中菜及上海菜一向最啱我哋胃口😁我們點了「鮮椒紫蘇田雞鍋」，這是店員推介的，我們很久也沒有品嚐這款菜式，果然有小驚喜，份量足兼惹味，很不錯！另外還點了韭菜豬肉餃，有八大隻，皮薄餡靚，豬肉感覺新鮮有嚼勁，亦非常足料！醉雞酒味香濃，而糖醋魚片甜酸甜酸的，很開胃醒神，份量多到食唔晒要打包宵夜🤣總的來說，這裏的食物質素佳，員工服務態度亦殷勤有禮，我倆吃得開心又滿足❤️

今次食咗AIRSIDE商場6樓依間新派京川滬「五匠六釜」，人氣程度都算數一數二，坐無虛席，而且有留枱訂座，可見人氣爆燈。.🥢 螞蟻上樹 $78粉絲平均地沾滿醬汁😋而且都炒得都算乾身，食落鹹辣夠味🌶️，加埋肉碎，惹味十足👍🏻.🥢 鮮椒柴蘇田雞鍋 $98田雞肉比較精緻🙊但配料十足豐富，而且唔會太辣，味道不錯。.🥢 京蔥羊肉餃子 $52羊肉塞滿成個餃子皮，食落爆汁之餘💦，羊肉味又唔會羶，甘香美味😍.🥢 清炒萵筍 $78（推薦）外表平平無奇，但向向最簡單也最困難，食落清脆爽口😱幼嫩無渣，食到尾段仲有少少清甜🥰，十分推薦‼️.🥤鴨屎香檸檬茶 $28近期大氣嘅鴨屎香檸檬茶，當然要試一試‼️飲落清香撲鼻🤤，而且檸檬香味突出過其他茶飲店，整體味道更加清新🍋，不比茶飲店遜色👍🏻.🥤百香鮮檸茶 $28 口感酸酸甜甜好好☺️飲，百香果、鮮酸嘅檸檬搭配下，十分解渴！.✨ 總結食物大多數都幾好食，但二人枱真係比較細😮‍💨，好在上菜速度唔算好快，應該即叫即煮，所以差唔多食完一道菜先上下一道菜。

根本冇服務，上錯咗菜三次🙄食物質素最多mediocre，唔會再幫襯❌The food is at best mediocre and the service is terrible. Not value for money. Will definitely not revisit❌

新開嘅啟德Airside最近好hit，好多人都過嚟朝聖，除咗位置方便，仲有超多餐廳同埋商場非常pet friendly，好多人一家大細帶埋寵物過嚟行吓Airside 頂樓除咗有空中花園，仲有兩間中餐廳，比較多人幫襯，竟然比旁邊嘅火鍋店多人好多，好多人都一家大細喺度食前菜： 涼拌土豆絲 & 老醋海蜇頭兩部前菜都係冷盤，酸酸地比較開胃，兩道前菜都比我想像中咁大碟，性價比唔錯草捆牛骨（推介）細份牛骨，睇落都已經好大碟，你個牛骨比較清淡，帶出新鮮牛香，肉質都好彈牙農家炒飯炒飯都好大碟，有好多料，有大蝦，木耳，蕃茄等等，炒飯乾身得來唔會油，係超乎預期嘅水準餐廳仲有推出好多特飲，我見其他人都有叫鴨屎香檸檬茶，但因為剛剛喺樓下飲完咖啡，下次會再嚟試吓

間餐廳都係Pet friendly見到幾隻好得意嘅狗仔🦮🐕‍🦺😍👨🏻‍🍳🤳🏻京燒羊肉 $138❤️‍🔥本身我地都幾鍾意食羊不過都係食煎羊排多 冇食過京式嘅樣所以今次見到幾吸引就嗌左😉我地兩個一致認為好好味 !!羊肉唔羶 入口表皮會有陣香料香味同薄脆感但入面嘅肉質又唔會老 好容易咬開 而且調味適中唔會太鹹 好好味 值得一試😋👨🏻‍🍳🤳🏻肉三鮮(餃子) $50❤️見到隔離檯嘅餃子隻隻都好飽滿所以我地都嗌左😂餃子入面勁多汁 !! 而且餡料好足料 食到蝦肉豬肉 口感好滿足調味都非常恰到好處😋好有北方餃子嘅風味👍🏻👍🏻👨🏻‍🍳 🤳🏻北京填鴨 半份 $168份片皮鴨嘅份量算好多 🫶🏻同部份淨係上鴨皮嘅餐廳唔同 呢份都有唔少塊係連肉一齊上😍 皮多嘅部位都比較酥脆，有部份連肉嘅肉質就會有少少「鞋」～份量同多肉取勝 !!配料方面都相對比較單調，有片皮鴨醬、青瓜同蔥絲☺️值得一提嘅係之前食開其他片皮鴨餐廳餅皮與皮之間係有一層薄紙隔開 拎起上嚟會比較方便呢間就冇呢層薄紙 所以要用手搵位撕開😂都有幾塊唔小心會撕爛左😂😂食嘅時候要小心啲整體而言！我地覺得個大廚應該都幾有料到🥰因為調味好味而且正宗，係個會想回頭食嘅中菜

.Airside開左咁耐，同朋友一齊過左黎行下，有好多新餐廳😆比我地發現左新餐廳「五匠六釜」……….五匠六釜主要食京川滬菜，仲有我近期好中意食嘅北京填鴨!!😆✨我地兩個人叫左北京填鴨（半隻）（$168)、紅油抄手（$46)、四川擔擔麵（$48)🙆🏻‍♀️……….北京填鴨（半隻）好小係香港食北京填鴨🦆，多數都係深圳食😻，但五匠六釜嘅北京填鴨🦆都唔錯!! 做到皮脆肉嫩🤤，二人食半隻剛剛好🤩摩摩皮皮薄，熱辣辣軟糯，點了半隻鴨，摩摩皮份量好充足，足夠我地完成食完鴨肉🤤，推薦大家食!!………紅油抄手$46有八隻🥟，好抵食!!因為 半隻烤鴨都好大份，我地就多點了一份小食，紅油抄手唔辣，但味道就好香，不錯👍🏻……….四川擔擔麵份量好足，微辣，湯底好香濃……….整體而言，餐廳嘅份量都比較大份，適合一家老小黎食，叫幾個小菜一齊食，當晚平日全場爆滿，一枱接一枱，係airside比較旺場嘅一間……….地址：五匠六釜 (九龍城)九龍城啟德協調道2號AIRSIDE 6樓L602號舖

1. 一開始坐二人位打對面坐職員話驚多人出入推車仔會撞到要坐出面個位調去坐旁邊個位係你地擺人地跟你咁坐又要人調位一啲安排都冇如果一個人千祈唔好嚟，要同個唔識嘅人面對面咁搭枱2. 坐係到傾緊計第一次係我旁邊張櫈要揭起拎野第二次要係我坐緊個張櫈揭起拎野 要我成個人起身坐開俾佢拎如果啲野係咁急用 點解唔擺個方便自己又唔麻煩人地嘅位呢? 要個客起身讓開俾你拎野 你好唔好意思呀?3. 埋單俾錢碌卡要過$300先得支付寶都要過$300先得八達通 無現金$1000唔收/冇得找 What The Fun?焗住要俾現金散紙野食係幾好食但係冇下次囉👋

睇名以為食日本菜原來係食川粵菜餐廳都幾大但太多人等位又滿座所以繁忙時間需要搭枱💁🏻‍♀️等入座還好等上菜就有點慢◂ ◂ ◂ ◂ ◂ ✐☡ ▸ ▸ ▸ ▸ ▸▸ 酸菜魚最低程度只有中辣但覺得只有少少辣份量因人而異 (呢度我一個食得晒🤫)超多爽脆酸菜少少咸同少許雲耳湯底酸酸甜甜幾清香味精唔多鱸魚嫩滑肉質結實可惜有少少泥味有彈牙薯粉墊底但略嫌有點小同碎▸ 四川擔擔麵辣度還好微微麻辣口感麵質軟硬剛好份量算多湯汁掛麵麻醬味又香濃🍜少少肉碎跟花生粒夠香口▸ 鴨屎香檸檬茶一向都係檸檬茶愛好者🍋用外賣杯上枱無得少甜少冰茶底微微甘香好濃郁香茅味青檸代替檸檬整杯酸甜又香💛見佢有款檸檬益力多都好吸引😍

砂煲雲吞雞 雲吞冇蝦嘅，都係第一次食到，入邊係一個豬肉球係好咸既仲要，娃娃菜得幾塊勁cheap成個湯係偏咸既，隻雞仲似醃過嚟嘅…..10分 我比-10分 其他食物正常，但係呢個雲吞雞難食到忍唔住……

新開嘅商場Airside，由於屋企住附近，完全當左呢度係食堂，＂五匠六釜＂算係去嘅次數密啲，只因價格合理、環境舒服，出品都合適一家大細食用，每次去食必嗌北京填鴨（皮脆肉嫩）。不合理嘅係座位安排，試過一次自己上去食嘢，被安排坐細枱，心諗一個人坐細枱都正常，過分嘅係坐落2分鐘不到，高級職員竟然喺冇問過我意見嘅情況之下安排一個陌生人拼枱。員工素質有待改善，一口鄉音嘅高級職員定經理係咁追住個職員訓，幫襯咗6次，有5次係見到佢喺度訓人，好似要喺人哋面前盡顯自己嘅權力咁，值得欣賞嘅係啱啱被訓完嘅職員仲可以好有禮貌咁招呼客人。

朋友相約到啟德新商場逛逛，順便一起吃個晚飯。我們就由港鐵啟德站C出口直入這個開張只有一個月的AIRSIDE商場，從地庫一樓逛到商場頂層六樓，全個商場都是食店。逛至口乾及肚餓，我們就被六樓這間有特飲的中式餐廳五匠六釜所吸引。由於他們的特飲鴨屎香檸檬茶已經售罄，我們就點了檸檬益力多特飲和百香鮮檸檬特飲，大家試飲後都感覺很有新意，味道很香。再來我們叫了北京填鴨半隻，摩摩皮薄配瓜絲和醬料，味道可口，二人份量剛剛好。最後叫個欖菜肉鬆炒飯（加飯），結果來了大大碟，足夠二人飽足回家。飯香味道正，朋友和我下次會再來。

今天和朋友行新商场airside, 由地铁b1層，一直行上六楼，行到上去很累了，於是找一间有茶饮的店，就到了這間在六樓的五匠六釜，叫了兩杯特饮。百香鮮檸茶很香，檸檬益力多夠甜，很好味道。

放假去左新商場行下，順便睇下有咩好食~ AIRSIDE開左唔少食肆，今次試下食京川菜。  🌟北京填鴨 (半隻) 🔹️摩摩皮 🌟一如平時既片皮鴨🦆，除左有鴨肉同包皮，仲會配埋京蔥、青瓜條同甜麵醬！ 片皮鴨唔算肥，鴨肉都嫩口~  🌟京燒羊肉 🌟出面好少食到 😌羊肉有香羶味，外皮亦炸得有層次。 味道微辣，幾香口，唔錯啊 ❗ ➡️2個人食唔到幾多，淨係叫左2款菜式。 片皮鴨仲要打包番屋企 📝有機會再黎試下其他菜式 

重點想食北京扁皮鴨，點知隻鴨係凍，啲肉乾爭爭，唔知係唔係今朝煮定到夜晚叮返熱。其他食物味道一般，但服務態度好差，訂咗10個位，其他人未黎齊，啲侍應搬走你張床同啲櫈，話等你啲人黎先，一夠鍾就趕你走、但我哋啲甜品都未黎，叫我取消或者打包走，以為唔會再幫襯。

.‼️❤️ 記得CLICK我PROFILE關注我呀 ❤️‼️.😋 𝐒𝐜𝐫𝐮𝐦𝐩𝐭𝐢𝐨𝐮𝐬 𝐓𝐫𝐚𝐝𝐢𝐭𝐢𝐨𝐧𝐬 𝐨𝐧 𝐭𝐡𝐞 𝐏𝐥𝐚𝐭𝐞 @ 🌟 五匠六釜《👽食神大媽食中菜》.💁‍♀️ 圖片展示美食為：Sweet & Sour Fish HKD 178Spicy Shrimp HKD 188Beef Ribs in Beijing Style HKD 128Tofu with Shallots HKD 58Stir Fry Cellophane Noodles HKD 78Sago Coconut Milk Filling Balls HKD 32.👽 大媽同朋友仔嚟新商場行下，見呢間新開嘅餐廳裝修好簡潔明亮，主打京川滬菜式，餐牌都幾多選擇，所以決定試下。.🐟 呢味「松鼠魚」絕對係一道必試嘅招牌菜！全條魚上碟，魚肉炸得超香脆，外脆內嫩，配上醬汁酸甜可口，讚！.🦐 為咗食辣，決定試吓「香辣蝦」。大蝦粗身又彈牙，味道非常香辣，真係辣到爽！每一啖都有辣椒嘅香辣味道爆發！配上香蔥同蒜蓉，更加提味！.🐂 仲有一款叫做「草捆牛骨」，牛肋骨真係鮮嫩到不得了，外層少許炭燒香味，內裡多汁，調味好特別，大滿足。.🧅