二鍋頭 (福苑)

营业中

休息中

呢間餐廳都係同事介紹真係超高cp值 又有得食雞煲又有得火鍋火鍋食物可以喺紙上面選擇或者出面有個食物櫃 而且飲品同雪糕都任食真係超級超值而且佢個雞煲嘅質素都非常唔錯 有唔同辣度可以揀 雞夠嫩我哋加咗一次雞煲之後就開始食火鍋 火鍋有好多個湯底可以揀 雞煲都幾飽我哋就主要叫啲海鮮同埋少少肉類海鮮都好多選擇 魷魚 鯇魚 蝦 帆立貝 青口吊桶仔 樣樣都幾唔錯 我地今日3個人咩都叫試下 夠晒滿足另外肉類我哋就叫咗 豬肉 牛肉 唔會太肥 都有肉味 佢都仲有幾多其他選擇例如鴨腳雞子鵝腸重點係職員服務態度好好 位置闊落有卡位坐 地方夠光猛

旺角火鍋店多，今日黎到既應該會再去，因為都真係唔錯。雞煲、鴨煲，你揀邊樣。今日我就揀左雞本身其實都好想食鴨煲，但同行朋友話食雞。雞煲亦可以揀辣度，小小辣至大辣都得。我揀小小辣。店員會拎上雞煲係你面前炒， 炒到一段時間，等你完全感受到炒雞煲的香味，肉味。好香好香，香味十足。係會食上癮的辣。停不了!火鍋湯底好多選擇，冬陰公，豬骨湯等。蓄茄薯仔湯。最後揀了蓄茄薯仔。自助區有丸有，菜，有菇等等。仲有響鈴，魚皮，山根。其實都好多類，連最愛既腸仔都有好多款，還有比較特別既有韓色粉絲餃。應有盡有。配料肥牛，豚肉都係任叫任食，另外，墨魚仔、牛柏葉、土魷，仲有墨魚滑等等。而且上菜好快。真正即叫即起，而且第二次下單，都一樣快而準，唔會比少。好快就有得食。墨魚滑正!!!既彈牙，又有墨魚粒。牛柏葉爽口!最後仲有雪糕可以食添。。

在旺中過馬路時看到對面的火鍋店，決定上去一試。本身其實都好想食雞煲，店內有雞煲、鴨煲選擇。雞煲亦可以揀辣度，我不太食得辣，都可以揀小小辣。雞煲炒得好香好香，少少辣，香味十足。而且雞件香滑，越食越好味，食唔停口。到了火鍋環節，火鍋湯底好多選擇，冬陰公，豬骨等。我今日揀了蓄茄薯仔。清淡又好味。火鍋料方面，自助區要有既都有。各款丸、菜等等當然唔少得烏冬、金菇等等。配料肥牛當然唔少得啦，而且任叫任食。肥牛、豚肉。要特別推介鳳城水餃、鮮蝦雲吞。大大隻，而且配蓄茄湯，吸曬D鮮味。另外，墨魚仔、牛柏葉、土魷等等。而且上菜好快，海鮮方面，仲可以叫帆立貝，帆立貝好鮮味，焯一焯就可以食了。好快就有得食。飲品方面，汽水當然唔少得，但其他例如忌廉鮮奶、涼茶等等。都一樣有，最後仲可以整個雪糕。位置方面，卡位好闊落，完全唔會迫，而且私隱度高，乾淨企理。

近排出街都見到多人就好驚，覺得周街都係細菌，但係係屋企吽到好悶，今日終於的起心肝同朋友出去食餐飯諗左好耐食乜嘢最安全，最後決定咗去打邊爐，啲嘢新鮮滾熱辣咁煮熟實安全啦掛<雞煲+火爐放題$188>雞煲家火鍋放題任食2.5 小時加埋一$200真係抵到爛一開始俾你揀咗食雞煲定鴨煲先，小妹就揀咗食雞煲雞煲份量超級多，我哋兩個人食完個雞煲其實都已經七成飽，所以就冇叫到鴨煲試雞件醃得超級入味，加埋薑蔥一齊炒香噴噴食完雞煲，待應會全煲換做打邊爐的湯底簡左藥膳湯式，好補好清甜配料種類非常之多可以用紙點，都有自助形式嘅，非常方便價錢相宜，質素有保證，下次會再幫襯

旺角有好多火鍋放題， 今晚就揀咗 二鍋頭放題 試一下。 好在book定位餐廳都好多人。雞煲有辣有唔辣，未炒之前個樣麻麻地，炒完之後個樣好得，食落去啲雞肉一啲都唔鞋。 辣到就剛剛好。 餐廳服務員都好好 成日走埋嚟睇下我哋個雞煲有冇黐底 食得安心又放心食完雞煲之後呢就可以揀湯底打邊爐，今晚就揀咗呢個豬骨湯底。 基本上放題要有嘅嘢食二鍋頭都有， 大蝦同蜆都比較新鮮，餐廳仲有一個自助食物區， 仲有一個自助飲品區。豬骨湯底自助食品區雪櫃放題任食

天氣開始冷，和朋友聚會最好當然是吃雞煲啦！今天我們來到旺角這一間雞煲放題火鍋店，他們的雞煲是任意添吃的（不過之後加了湯就不可以再添吃雞煲了）。雞煲的質素不錯，雞件比較細隻，但是不會太老，醬汁超級惹味，少少辣更開胃。莞西和洋蔥吸收了醬汁後太美味了，我們三個人總共吃了兩煲呢。火鍋湯底我們選了藥膳鍋，配料有淮山杞子等等看起來很滋補，很適合冬天。不過略嫌湯底的味道有點淡。免費的火鍋配料也不少，還有一些蔬菜腸仔之類在自助配料區。飲品也是自助的，基本汽水和罐裝茶等等也有。手切鮮牛肉是必吃推介，肉質很嫩滑，口感彈牙爽口。雖然是放題，但是海鮮質素真的不錯。我們點了帆立貝和顯蜆，10分的鮮甜美味，而且帆立貝還大大粒肉很厚。黑豚肉也是不錯的選擇，肉質鮮嫩。吃完火鍋最好就是吃些凍冰冰的甜品，餐廳也有雪糕雪條自助區，款式不少，任君選擇。

港人最喜歡圍着熱爐吃火鍋，趁著最近天氣更加寒冷，就約了好友們一起打邊爐了。不過打邊爐前，先來個雞煲，滿足一眾食肉獸的慾望，蠻多雞肉的，而且炒得香口。席上有人不能吃辣，所以點了鴛鴦鍋，一辣一不辣，那就可滿足各人喜好。麻辣那邊較為普通，不算特別麻辣；反而蕃茄薯仔湯底有驚喜，材料有蕃茄、甘筍、薯仔，慢慢熬，味道越出味，味道就像平日在家喝的蕃茄湯般， 忍不住喝了一大碗。湯料精華滲透在配料裡，尤其是當燙蔬菜及豆製品類時，特別吸味。新鮮的蔬菜放進鍋裡數分鐘滾一滾即可食用，味道鮮甜，尤其是浸在蕃茄湯那邊。還有鮮腐竹、響鈴卷及炸枝竹，這些都是我平日吃火鍋不可或缺的食物，勝在即滾即吃。丸類也有很多種，魚丸、牛丸、龍蝦丸、芝士丸、八爪魚丸等，不過有股雪藏味。肥牛、羊肉肉質粉紅。雞肉沒有脂肪，入口啖啖肉，而且肉質比雞胸肉滑。連燒賣也有。飲品有果汁及其他茶飲選擇。

最近天氣凍左好想打邊爐，行旺角咁岩經過見到呢間二鍋頭，見到價錢ok 二百零蚊一個人任飲任食仲有雞煲，二話不說即刻上樓！因為友人唔食得辣所以雞煲我地只係叫左小小辣，雞件多肉，舊舊都好嫩滑唔會overcook，我覺得叫中辣一定會更好食！邊爐湯底叫左懷舊沙嗲湯，一黎到已經聞到勁香濃既沙嗲味，絕對唔係溝水溝到勁淡果d cheap 雞湯底！出色！自助bar 有好多野俾你任食，包括各式各樣既丸，菇，菜，炸魚皮，響鈴，公仔麵等等，揀到你唔揀！不過入單叫果d 餸先係重點！強推：花枝片：勁滑勁爽口，高質！帆立貝：大大粒好滿足！墨魚仔：爽口彈牙！墨魚滑：勁足料！牛柏葉：精瑩通透好爽口！鮮鵝腸：勁爽口勁乾淨勁好食！！黑豚肉：新鮮，肉質一d 都唔鞋！野飲櫃基本上咩都有，啤酒都係任飲，好抵！！甜品櫃有雪糕同雪條，強推紅豆雪條同埋紫米露雪條，食極都仲想食！

任食火鍋$188咋！好耐冇食過放題啦～不是今次唔係食刺身，係食打邊爐，$200都唔使！係旺中附近既樓上舖，3/F 行死妹妹了！一鍋二食，原來可以先食雞煲再打邊爐，而且係換過一鍋比你打邊爐，唔會重用雞煲油膩湯底半隻雞既份量超大！食完都差不多飽了！雞肉量好多！不過唔係太夠辣。好不容易食完雞煲就馬上換成藥膳雞煲！清清地都唔錯。我哋一開始就發現冇菜既選擇，原來菜品要過對面領取！除左菜品仲有大量丸同荀類食物，菜心 大白菜 生菜 白菜都有！貪心地拿左一大盤、大都含有幾豐富既水份！仲有稻庭烏冬，呢個真係煙韌牙冇得輸！龍蝦丸同流心芝士丸，韓式泡菜餃/粉絲餃必試！辣中帶點酸好有韓式風味！最後別忘了拿取響鈴跟炸魚皮、浸進湯中就可以吃了

二鍋頭旺角西洋菜南街138號福苑2樓呢排咁凍既天氣最適合就係約埋朋友，圍住一齊打邊爐，有朋友黎過呢間餐廳試過，知道呢到除左打邊爐之外仲可以食埋雞煲，而且位置超級方便，係正旺角中心既對面，食飽落返地鐵站只須1分鐘路程，真係好適合約埋三五知己係到聚會餐廳既座位好闊落，食任食最怕就係位置 好迫夾，出入囉嘢食成日會撞到人，搞到好尷尬，呢到就絕對無呢個問題9:30 前入座每位$1889:30 後入座每位$1682.5小時任飲任食，夠晒時間慢慢嘆我地首先揀左個小辣既雞煲，唔講唔知呢到仲有鴨煲可以揀架當雞煲食到7788, 職員就會問我地揀咩嘢火鍋湯底，幫我地準備定，好細心雞煲好吸引，份量都唔少架，未囉到黎已經聞到好香，餐廳職員會幫手炒㷫左之後就可以開餐啦，我地唔係太食得辣，所以就揀左小辣，我就覺得岩岩好，雞煲既醬汁好惹味，食落啖啖肉，好正雞煲完左之後當然就到火鍋啦，因為雞煲太正食左好多，其實已經有5成飽，但我地當然唔會蝕底啦，揀左個四川麻辣湯底***出面好多餐廳係食完雞煲直接係用一個煲加上湯for打邊爐，咁樣會好肥好油膩，但呢間餐廳係會換個新煲，而且仲有8款唔同既湯底選擇，出面好少見，值得一讚***

在全民抗疫中為了撲口罩，約了好友去旺角中心對面的大型連鎖藥房踫運氣，路經見地面有間二鍋頭食店的投射招牌很搶眼，上二樓開張只有幾個月的二鍋頭火鍋店試試。餐廳天花掛上懷舊花燈充滿古典風味，地方新淨簡潔。除了有多款火鍋配料外、飮品、韓國雪條和雪糕是任食任飲，驚喜的是鴨和鷄煲也是。雞煲配合秘製醬油加芫茜葱,一端上檯面香氣四溢，肉質鮮嫩，味道濃郁😋👍。吃完雞煲後又有鴨煲吃👏🏻，兩者之間我比較喜歡雞煲多些。吃完鴨煲後跟住又有火鍋吃。湯底有滋補藥膳鍋、泰皇冬陰功鍋、清湯豆腐鍋、正宗豬骨湯鍋、香茜皮蛋鍋、蕃茄薯仔濃湯鍋、懷舊沙爹鍋和川椒麻辣鍋等，可以一次過滿足三種口味。如6位以上還可選兩種湯底。代疫情消失後約埋班friends 嚟聚會。

天氣忽然變凍🤔 就火鍋癮起..見到有CP值高既任食火鍋 心郁郁一試員工好有禮貌咁解釋：一）揀雞 or 鴨煲，食完可再加，食夠就打邊爐；二）揀邊爐湯底同食材，仲有得出去夾。轉左邊爐之後，就唔可以食返雞/鴨架啦。註：雞煲同邊爐係分開兩個煲🍲註：野飲櫃係非常之大方，仲有啤酒任拎🥂我地要左雞煲🐥 少少辣 再加藥膳湯邊爐員工一開始會幫手炒一炒啲雞煲🦦 到最後臨食完 仲會好熱心咁問我地要唔要加雞 服務好到可以做樹懶🤪*雞肉好嫩滑🥰*少少辣係真. 少少辣 食唔到辣既人係食得到😛 藥膳煲好養身😂 好足料 一次過叫九種配料☺-美國肥牛🐂 CP值高哦，食落去係有牛味🤔 而且油脂分布都ok🤔-鮮滑牛肉🐂 都好嫰滑😀-鮮鴨件🦆 好有咬口，而且鮮-鮮鵝腸 （😫無食）-生猛海蝦🦐 大大隻🥳-帆立貝： 量多😂-鮮吊桶仔🐙：鮮甜💕 -活海蜆：鮮甜，無沙，又大隻-墨魚滑：勁彈牙🥰註：全部都好新鮮🤤

好耐無去過旺角打邊爐了。難得同同事都早放工，於是就岀左旺角打個邊爐😻見到二鍋頭食評都唔差喎，好啦就上去試下！平時任食邊爐通常都係得2小時，呢間唔止任食2.5小時，仲包埋任飲👍👍👍如果好海鮮嘅話，可以揀呢個放題套餐我地就揀左雞煲，自選火鍋湯底就揀左滋補藥膳鍋食物總類嘅選擇都幾多㗎！雞煲都幾靚仔喎！仲好香！仲有專人幫我地炒雞🤟🏻因為同事唔係好食得辣，於是我地揀左小小辣。啲雞好入味喎，火喉仲控制得好好，肉質好嫩滑👍👍👍食到有少少口渴，仲可以岀去拎啤酒飲！食完雞煲，湯底就可以上了！藥膳湯真係好香🥰除左點心紙上嘅食物可以揀，岀面選擇都唔少㗎！有好多菜同丸揀呀，好正！牛同豬都好好食呀，encore左幾次😌😌😌鵝腸同蝦都幾新鮮㗎！2.5小時放題時間幾充足！又食得飽又吹到水。食完已經想再約幾時再食😂😂

呢間乜都有得食嘅二鍋頭火鍋，一開始嚟個雞煲先。睇個煲已經覺得有誠意。店家即時係你面前炒炒炒，香氣撲鼻食完雞煲，如果係你食得落，仲可以食埋鴨煲，不過我哋就食唔落嘞，直接打邊爐。揀咗豬骨湯底，入面有蕃茄薯仔添。火鍋拍擋肥牛，幾靚，唔肥。羊肉2片真係啱哂我一個人食水餃有驚喜，好新鮮，食完重要再叫海鮮方面有蝦同沙白自助區都有好多嘢食，菜類都好多選擇，有我喜愛嘅南瓜，淮山同蓮藕。粟米炸筋炸魚皮好食，胞卜卜，仲有響鈴。飲品仲有鴻福堂揀。呢度招呼都好好，滿意的一餐

我日約左2個舊同學出黎聚一聚，第一時間我就諗起打邊爐，旺角有好多間選擇，但我地揀咗間雞煲任食火鍋。我地9:30 後入坐$168 任食，一開始等左10分鐘左右就有雞食，雞煲份量都有大半隻雞，點左小辣都好好味，加上有大葱，洋蔥一齊炒得好香口，我地唔洗一陣就食晒，再點多次。食完雞煲就開始打邊爐，我地揀咗麻辣湯底小辣，麻味十足好惹味。菜單上好超過20 多種食物。重點推介：臘鴨髀，白鱔片，豬頸肉臘鴨髀算係我第一次聽可以打邊爐，但食落去都幾好味，肉唔算好鹹仲好嫩滑，之前處理得好好，冇任何油味，值得一試👍🏻👍🏻👍🏻👍🏻白鱔片好夠新鮮，魚肉鮮甜美味。必選之一。豬頸肉爽口彈牙，油脂好平均，配上辣辣地湯底都唔洗用豉油已經好好味。響鈴，大部份丸類同菜都是自助形式去拎。最後食埋甜品雪糕，2個半鐘可以食都飽，又唔錯貴，不防試一試👍🏻👍🏻👍🏻👍🏻