二鍋頭 (福苑)

营业中

休息中

這家火鍋店位於旺角，南記樓上，新開張人不算太多二鍋頭惹味雞煲可選擇辛辣程度，由於我不太喜歡辛辣，所以只選了少少辣。 雞煲非常惹味，醬汁濃郁，雞肉嫩又多汁，我們吃了2個煲! 因為是全食的。吃畢雞煲便到打邊爐，滋保藥膳鍋。除了自選食物之外，還有自助bar, 腸仔， 餐肉，菜蔬等一應俱全，飲品選擇多。鮮牛真係好新鮮，輕輕一焯已經熟了，入口香滑。黑豚肉，帆立貝也很入味鮮蝦雲吞，花枝片很爽口墨魚滑很有墨魚味，彈牙又好味最後當然要吃雪糕甜品。

天氣涼涼，特別好想打邊爐食雞煲，同朋友收工相約係旺角食飯，見到新之城有一間打邊爐同雞煲，同朋友決定去食呀。上到2/F 有兩邊門口，右手邊一推開見到侍應生，好快安排我哋坐低，見到有鴨煲/雞煲，我哋都是選擇左雞煲 微辣，個雞煲黎到都好夠食，而蔬菜要自己出去蔬菜部自取，除咗蔬菜，有烏冬有公仔麵，有丸，有餃子，我哋食完個雞煲，之後選擇左豬骨湯做打邊爐湯底，打邊爐有肉類，海鮮類選擇，我們叫左牛肉，黑豚肉，墨魚滑、帶子，湯底好濃豬骨味，仲有幾舊粟米，仲有野飲都是自取，選擇都好多，有汽水，烏龍茶，竹蓆茅根。

臨近新年又係團年既時間最方便就係一齊烚烚下啦今次約2個FD去食雞煲地點好方便, 就係旺中既對面價錢都幾實惠的 百幾蚊, 仲有我喜歡既藥膳鍋添今次都係食番雞煲下次試下鴨的雞煲上果時會有職員即刻埋黎同你炒炒佢, 香氣四溢, 好肚餓!雞肉都好夠味呀, 應該話, 愈食愈惹味呢!今次就朋友叫左小小辣, 下次叫中辣應該仲正~食完雞煲可以出去自助吧夾野食都係有丸類菜類同埋午餐肉呀腸呀果D, 同埋有好幾款飲品, 仲有雪糕雪條呢不過我好食左2 ROUND 雞煲都飽左一大半XD 食唔到甜品了另外係點心紙都揀左D肉同海鮮鮮滑牛肉口感唔錯, 幾厚身黑豚肉都幾好食~!

市面上有唔少雞煲任食火鍋放題，但係好多時要用返雞煲嗰個煲底再加湯，感覺上會比較油膩，自己唔係太鍾意。但係我今日喺旺角食嘅一間火鍋店，喺旺角中心對面上2樓叫做二鍋頭。呢間提供雞煲同埋鴛鴦鴨煲再加任食火鍋，佢哋係會食完雞或鴨煲之後再俾你自選湯底，有成8款，有麻辣、沙爹、蕃茄薯仔同冬陰功等等。由於同行朋友本身唔食鴨，所以我地就要咗雞煲，雞煲滾起夠惹味，食落唔會太油，麻辣度剛好，好快食晒，店員詢問我地仲要唔要加雞煲，但由於想留肚食火鍋，以免眼寬肚窄，所以無再加。點咗蕃茄湯底，茄味都算幾濃郁。火鍋料都係任點任食肉類、魚類用order紙落單，蔬菜，丸類、菇菌同豆腐類就自己出去攞。我哋點咗滑牛肉，脆鯇魚腩，鮮魷同鵝腸等。另外攞咗小量丸、餃，㕑司腸，腐竹，篙筍同幾款疏菜鍾意佢呢度款式夠多，淨係菜都有六七款，好似我地咁，平時少食菜，樣樣都可以試少少。整體來講所有火鍋配料都好新鮮，響鈴同埋炸魚皮亦都夠晒香脆，百零蚊一位認真抵食。

最近旺角有間新嘅火鍋店，百幾蚊就有火鍋雞煲任食，如果唔鍾意食雞仲可以揀鴨煲，都幾有特色，就約埋朋友過嚟一齊試吓。上到黎之後發現座位都幾寬敞，好舒適，無論係二人定係多人都一樣坐得舒服，飲品選擇多多，有自助火鍋配料區，部份嘢食就可以自行落單。餐牌所有資料都好清晰。我哋首先就揀咗雞煲先，小小辣，上面有超入味嘅洋蔥同埋芫荽，有少少麻辣香味都好吸引！雞煲可以任食，不過我哋本身比較細食，所以都叫佢份量盡量少啲，留返個肚打邊爐。打邊爐方面就係豬骨湯底，會見到有大大嚿百骨 x 2，湯底味道都幾清甜，可以直接飲吓，又幾好飲～如果想食海鮮盤，可以另外加錢，不過我哋本身食嘅份量唔大，食返一般任食嘅就可以了，一開始佢就首先上咗幾款唔同嘅食物俾我哋，如果有唔食嘅最好同佢講返啦，費事曬咗。基本上基本海鮮都可以任點：海蝦，帆立貝，蜆，魚等，都幾新鮮！鍾意食肉嘅點少得豬牛羊，一樣都可以係咁叫！ 出去揀嘅配料一般都係素菜為主，或者係一啲腸仔或丸類，建議唔好攞太多，因為食食吓都真係幾飽⋯最好就係食到兩個半鐘，完全唔使急，食飽飽再攞多條雪條，任食價錢算係非常抵，同埋咁近地鐵站真心方便！

二鍋頭行過旺角中心，見到對面開咗間新野，仲要係$188/人 任飲任食雞煲同邊爐，即刻上去試一試佢。首先嚟咗個鴨煲，喺出面好少食到鴨煲，呢次係第一次聽到有鴨煲，佢個鴨都係由油鴨同鮮鴨件混合埋一齊， 好嘢味，配買碗白飯就岩岩好，有得揀唔同嘅辣度，仲有得無限refill，食到夠為止先開始打邊爐🤤🤤🤤 打邊爐最緊要咩？最緊要唔好食到成身油煙味返屋企！好彩呢間鋪頭樓底高、座位闊落同埋空氣夠流通！返番正題，今次揀咗個藥膳火鍋湯底，可以補補身，有唔同嘅海鮮，包括蝦、帶子、青口、蜆，除咗海鮮仲有羊肉、豬肉、牛肉唔同嘅部位都可以揀，實有一款啱你嘅仲有個凍櫃，入面有唔同嘅丸可以揀，仲有啲蔬菜同埋瓜類，當然仲有響鈴同脆魚皮😍😍食完邊路爐辣辣，可以喺雪櫃拎嘢飲、雪糕同雪條，呢個價錢都算係咁。地址：二鍋頭 (旺角)旺角西洋菜南街138號福苑2樓

麻辣雞煲非常好味，還可以添食。換火鍋湯頭很濃郁，豬骨湯有大桶骨。火鍋食材新鮮，羊肉比較羶。菜、丸選擇多。最差是雪糕，雀巢雪糕差勁，只有兩種味芒果和雲哩拿，芒果沒有芒果味，沒有朱古力味。如果換别的品牌雪糕更好。這裡座位闊落，樓底高，很好坐，沒有壓迫的感覺。燈光柔和，適合朋友間聊天相聚。服務員態度優良，有笑容，亦客氣，招呼良好。我們有不良於行的長者，離開時還主動帶我們去搭升降機。這大廈的商店設計很差，沒升降機，要爬樓梯上落。兩個半小時任食買單－位才＄203，非常抵食，會再去幫襯。

「二鍋頭」嘅2.5小時任食包晒雞煲/鴨煲➕打邊爐🙌🏻⚠️真係超抵⚠️性價比十分高‼️👉🏻有別於一般嘅食雞煲、打邊爐👈🏻餐廳會上左個雞煲先🐔 食完雞煲之後, 再成個煲拎走換上全新嘅打邊爐湯底♨️ 而唔係直接加湯落雞煲, 無咁油☺️☺️☺️-🐔二鍋頭惹味雞煲雞煲上枱後店員再即場炒下, 我地叫左少少辣都已經好惹味🌶加上雞夠滑, 份量仲好足, 食極都有😂-♨️打邊爐湯底有多款選擇, 有濃味亦有淡味健康嘅, 總有一款岩你💁🏻‍♀️我地就揀左滋補藥膳鍋, 無論涮肉涮菜都好岩~~🥢任食有▫️牛▫️豬▫️雞▫️魚▫️海鮮▫️餃類▫️墨魚滑▫️蝦滑▫️🔸自助區就有▫️菜類▫️丸類▫️公仔麵▫️🍻飲品方面亦係自助, 有汽水▫️涼茶▫️鴻福堂清熱飲品, 連指定啤酒都係任飲!🍦最後記住食埋雪糕雪條, 芝麻同紫米雪條都超好味!-

呢排可能因為天氣凍，就去打邊爐打得密左。呢次我收工就同同事落左旺角打邊爐，而呢間個位置都好近旺角站，旺角中心對面。聽聞呢間好似有鴨煲食，於是聞名不如見面，親自黎食下睇下得唔得先。係未揀湯底嘅時候，我地就揀要食雞煲定係鴨煲，咁緊係食鴨煲啦，因為唔係好多間鋪有鴨煲比你食，最多都係雞煲，所以呢間都算幾特別。食鴨煲佢係差唔多煮滾後，店員就係即刻點火，原來啲鴨有落到花雕酒，所以點火先至咁猛，好有視覺效果。食完鴨煲就揀得湯底，我地揀左個豬骨煲湯底，呢間湯底都幾足料。而火鍋食材除左係點心紙度點之外，仲可以係店內食材區度自己夾黎食，都好多野揀，有丸，餃子，蔬菜等等跟住啲海鮮類嘅野都好新鮮，好靚。呢間性價比都好高，又可以食得飽足，絕對有下次。

天氣一涼涼地，好多邊爐控都已經出動哂，我自己都已經連續第三晚打邊爐，無辦法，過年前都有唔少朋友相約食飯。網上揀左呢間好評頗多嘅(新)餐廳，位於旺角，好就腳，我地收工就可以直接過黎。雖然係新開張，但由於價錢唔貴，食物照片睇落都ok，所以二鍋頭晚市都幾full，特別如果係繁忙時間，一定要訂枱穩陣。呢度上手都係火鍋店，裝潢上都有改動過，起碼眼見就闊落左好多，兩邊卡位，中間係二人枱，鐘意佢地人少都一樣會安排卡位，其實相當闊落呢輪都鐘意食啲200蚊樓下嘅任食火鍋，性價比高。呢間食物選擇都多，環境唔錯，招呼都ok。價錢方面9點半前入座每位收費$188，9點半後$168，任食任飲2個半鐘。包括雞煲/鴨煲任食、火鍋湯底8款、配料超過30款同多款蔬菜、丸類、麵食。鐘意食海鮮可以升級呢個餐，睇落都幾吸引，有龍蝦。醬油三張點餐紙，先食雞煲或鴨煲，之後轉湯底打邊爐。我地揀左惹味雞煲，第一次食點小辣。好快雞煲就上枱喇，望落都唔錯，伴芫茜、洋蔥，見到少量花椒。店員會幫我地邱翻炒，轉左細火之後就可以食得。雞件都幾入味，唔算話好肥好多肉，小辣比較溫和，鐘意食辣可以點中辣以上。雞件仲可以一路任食，幾有誠意自選火鍋湯底有

最近去左呢間新開嘅二鍋頭打邊爐🍲，佢係一個價錢，任食火鍋，仲要好平，9:30pm都只係$188，好似好耐冇見過咁平嘅價錢最抵嘅係，打邊爐爐前會有一個雞煲或者鴨煲，我哋就揀咗雞煲，小小辣，唔算太辣，不過麻味夠，我哋兩個人，每人都食到十舊八舊雞食完雞煲，佢就會上令一個全新嘅湯底俾你打邊爐，都有8個選擇，我地就揀左滋補藥膳鍋，湯底比較清，不過出邊啲配料係自助任取，所以我地攞咗好多粟米，煲甜個湯底，另外仲有d食物係寫紙叫嘅，每次限叫10款，不過都係任叫架仲有飲品，雪糕同雪條，都係任攞，好抵呀

年近歲晚，與同事一起去打邊爐，上網搵到二鍋頭，新開又近旺角，可以食完去行下街。一行兩人，放完工後，直去餐廳，因為佢在旺角中心對面，十分方便。事前都book左位，上到去都係前點大右，好早。不過已經有唔少台開始咗。都幾旺下。我哋擇左鴨煲同豬骨湯底。個鴨煲是火焰鴨煲，侍應哥哥幫手炒一炒非常惹味兼惹火，好香酒味，鴨肉夠淋夠入味。個豬骨湯底相當足料，可以只食佢呢兩樣都值回票價。同飽晒。當我地已經飽左七成先岩岩開始，打邊爐有相當多啲餸可以選擇。肥牛黑毛豬同幾十款餸菜。任飲任食。值得贊佢嘅黑毛豬，非常出色，比肥牛仲要好，唔太肥，十分有肉味。濃郁鮮肉味，而又唔肥。因為個鴨煲已經十分飽，我地只係叫好少野。另外佢啲蛽相當新鮮，食得嘅話可以叫多啲沙白，可以變卜卜蛽煲。可以一試。

一心諗住搵間舒服的火鍋舖打個邊爐姐~所以見到呢間都幾平就去試~其實係旺角南記再上多層, 可能因為有D難搵, 所以見到佢個價錢都幾平($188/人)原本真係一心諗住打個邊爐, 點知佢係"先雞煲, 再邊爐"!!咁係照抵食!餐廳職員好用心解釋: 可以先揀左雞煲定鴨煲, 之後再揀湯底打邊爐, 再畫紙揀海鮮/肉, 菜就係隔離的凍櫃, 野飲/啤酒免費任拎!聽完已經覺得賺左!!!我們揀左雞煲,最低都係小小辣, 無唔辣; 食落惹味, 薑蔥蒜都多, 所以好夠味; 雞肉都唔少~邊爐揀左豬骨湯底, 裡面有兩嚿好大的豬骨同雞腳, 湯底好飲~海鮮/肉款都多野揀, 有好多少見的食材, 例如鵝腸, 沙爆豬皮等。菜櫃都裡面都好多野, 豆腐, 准山, 蘿蔔, 好多種丸, 菜都好多種!!海鮮好新鮮, 魷魚&鵝腸爽口, 蜆甜, 肉已經解凍好, 蝦滑都實的的~其實咁樣一路食一路飲啤酒真係好爽, 仲要有樽裝涼茶飲~

記得留肚先食呀。又有雞煲又有火鍋真係飽死。雞煲揀左少少辣嘅辣度，雞算滑好入口，少少嘅辣亦吊到味。有7個湯底選擇，其實算唔錯。最後選左豬骨鍋，呢個價錢唔係hea湯，兩舊大豬骨，真係算唔錯，所有野都ok，so far冇樣難食。菜櫃選擇我想食嘅都有係度。係飲品甜品選擇少左啲啲，一般都係氣水同鴻福堂飲品。雀巢雪糕，記得有芒果味。阿波羅雪條，記得有芝麻同紅豆味。兩個人食左$414，cp值真係算唔錯啦！已經夠食到好飽。

朋友話打邊爐，我就最怕攪到周身油煙味，我件外套仲要係新買不久。好彩這火鍋店有超高的樓底，超濶落的通道和超強力的冷氣，個心即刻放心晒。雞煲的份量及辛辣程度可按自己的口味和承受能力去選。雞件的份量比預期多，肉質亦頗為嫩滑。中辣也覺得有點兒辣左少少。對住個超大尺吋電視機，跟友人邊食邊吹邊睇劇，都咪話唔盞。串蝦肉質結實，仲有少少彈性，是我個人愛用來𨰹別海鮮是否新鮮的方法。帶子是我愛吃的，鐘意其肉諗，群邊則爽口，那種口感和鮮味，每次吃放題我一定會嗌。隔離有個大凍櫃，讓客人喜歡食乜就攞乜，自助模式放了很多貢丸、龍蝦丸、片頭角、芝士腸、枝竹、獅子狗...常見的食材都一應俱備。還有響鈴及炸魚皮都好搶手，特別是響玲，薄而脆。地方所限，飲品櫃及雪糕櫃都唔大，但還是能提供超過十款口味飲品及3款雪糕+雪條，都算係咁。最後當然係...「清倉」，全部食晒啦!