二鍋頭 (福苑)

营业中

休息中

旺角二鍋頭推出2個半小時任食任飲雞煲同鴨煲 雞煲食得多 鴨煲真係第一次食😍😍店員即席表演加酒落鴨煲 🤪爆香鴨肉 鴨肉香嫩 比起雞煲味道特別吸引 淡淡南乳香味🤓每人平均$200內就食到雞煲放題餐廳有一張點餐紙order 😋海鮮 肉類 內臟 都有提供我地encore好多次海鮮 白鱔肉油脂感重 肉質嫩滑另一邊廂有自助區 😚可以自己攞丸類 粉面 -𝚈𝚞𝚖：👅👅👅/𝟻𝚁𝚎𝚟𝚒𝚜𝚒𝚝:💃🏼💃🏼💃🏼/𝟻𝙿𝚛𝚒𝚌𝚎: $200/𝚑𝚎𝚊𝚍.————————————————.二鍋頭旺角———————————————— ..

今次試食呢間舖頭，位於旺角中心對面。地點非常容易搵。一入去，地方比較寬闊，分左兩邊，可容納嘅人數都比較多。另外，位置有卡位。我地兩個人可坐卡位，依家，環境都唔錯，唔會好逼。一坐低，就有人俾火鍋醬汁我地自己調配，服務態度也很好。我地先點了雞煲，上菜都比較快，等了一會兒就食得了。味道也不錯，雞肉也嫩滑。食完雞煲，我地就再點了莞茜皮蛋湯底。服務員會幫我地另外上湯底，不似平時出面食的係原鍋雞煲上加湯。所以值得一讚👍 當然，打邊爐一定少不了配菜喇。配菜款式都比較多選擇，質素也不錯。另外，店鋪還有蔬菜丸子嘅自助區，自己可以去選擇喜歡嘅配菜。飲料也有兩個雪櫃自行選擇。總括來講，店鋪坐得舒服，食物質素也不錯，呢個幾錢食到呢個質素已經很好。店員服務態度也很好，最重要係依家流感咁嘅狀況，呢間舖都唔洗同人逼👍👍 坐得舒服。

約了幾位朋友聚會，之前旺角吃過這家，所以推介他們一起來吃，畢竟環境地方闊落，不會與隔離枱太接近，與朋友暢談挺合適的。抽風系統也算好，入去不會聞到濃烈不散的油煙味，尤其是最怕整個人及衣服都沾滿那些味道。雞煲整鍋雞肉已經預先醃好及炒熟，侍應端上鍋，就開始炒熱，便能享用了。配料還有大洋蔥圈及大蔥頭，整體很香口惹味。火鍋吃完雞煲，就到火鍋了。湯底有多款選擇，鴛鴦鍋。湯底分別爲蕃茄薯仔湯和麻辣鍋。蕃茄鍋味鮮，香濃蕃茄味。對不嚐辣的人來說，是其中一個選擇，而且健康的湯底。另一邊的麻辣鍋則較香濃，四川麻辣的香氣較突出，反而湯底不太辣。火鍋配料多選擇，任點任食，食材挺新鮮的，放在冷凍櫃裡以及在紙上寫上數量。炸魚皮沒有很重的油益味；即食麵一包包自己拿的。吃完還要留肚吃甜品，雪條高質，最喜歡這椰汁西米露口味，連吃了兩條。

之前同朋友忽然興起想食雞煲，又想食邊爐。係旺角行街嘅好處係邊度都有驚喜。旺中對面就有呢間二鍋頭可以一次過滿足我地咁多個願望。一個價錢任食，食到幾多就食幾多，完全唔使諗太多。入到舖頭，伙記離讓見到我地入門口，就已經迎來招呼，幾好笑容，態度又好。一坐低就已經介紹呢度嘅食法同架步，放好調味架，好高效率，即刻加左唔少數。呢度嘅任食火鍋同煲，係真係係限次任食。煲可以揀雞煲或鴨煲，有辣度可以揀，最少可以叫到小小辣。火鍋有成十種湯底，咩味道都有，火鍋料配十種，其他配料可以自己去旁邊夾。你可以食煲》火鍋〉再食煲，可以無限輪迴。當然仲有飲品同甜品都可以自己拎。當晚我地食鴨煲，上菜嘅時候，飄出好香辣嘅味道。放完菜，伙記跟手兜兜d料，未開始食已經流晒口水隻鴨嘅肉質好滑，唔會un到扯唔開。加埋佢成盤都係鴨肉，唔會食黎食去都係骨嘅大隻鴨。所有嘅配料有呢隻辣係全部都好送得飯。食完咁熱氣嘅鴨煲，朋友想試埋個養生藥膳湯底火鍋，加上可以配嘅十款餸，有海鮮、有肉，加埋手痕夾嘅菜同丸，真係好滿足。最後要提埋佢嘅甜品選擇，佢地嘅紫米雪條，好好味！試晒佢地提供嘅口味，係呢隻最好味！（可惜無影底）全晚都一邊吹水，一邊食，完全無負

突然想食d香口野，就搵下邊度有雞煲食。見到旺角呢間二鍋頭除左雞煲仲要鴨煲就去試啦！一開始當然要試下火焰鴛鴦鴨煲。上菜時望落同平時嘅雞煲差唔多，而店員淋完酒之後令香味爆發！佢用左臘鴨同鴨，所以有兩種口味，兩款鴨肉都好爽口，而臘鴨唔會好咸。成煲最好食嘅就係d支竹，吸收濃濃嘅酒味，可惜太少支竹啦，即使再加支竹落去都無開頭濃濃酒香，下次一定要落多d先加酒！食完煲就食火鍋，想叫清d中和下香濃鴨煲嘅味道，藥膳湯就啱曬啦！火鍋料有好多選擇，我最欣賞就係白鱔片同鯇魚片。白鱔爽口又有鮮味，鯇魚片非常嫩滑。飲品同甜品都好豐富，仲有泰式雪條例如紅豆、榴蓮同紫米口味。好奇嘅我就食左榴蓮同紫米味，唔算好甜，好好完結呢一餐。

抗疫時間大家都留係屋企唔出街，不過偶然都要抖下氣架。今日一於出黎聚下食下野。喔個時勢食飯真係要簡啲大件夾抵食既，朋友提議黎二鍋頭，可以$188食雞煲+火鍋任飲任食。一黎到既刻叫左個雞煲先，雞煲上枱熱辣辣份量都唔細，醬汁味濃勁惹味，正！之後食火鍋。出面餐廳一般都係直接加湯，但係呢度係可以另外簡湯底既。湯底有8款比我地簡都唔錯，今次我地就試下藥膳鍋先~我地3個人可以每次叫10樣肉加海鮮，叫幾多次都得，之後出面有自助區拎野食。自助區選擇都幾多，菜都有成五六款。我哋食咗勁多西洋菜，好新鮮。除左菜仲有炸魚皮、響鈴同各款丸類配菜。蝦、花枝、魚片、墨魚滑都幾新鮮，爽口彈牙。份量啱啱好唔會太多牛肉唔錯，嫩嫩的。朋友有食鵝腸，洗得好乾淨值得一提既係飲品佢選擇好多，連啤酒都有呀！食埋個雪條完結呢一餐。

因為疫情嘅關係抑制左自己好耐冇打邊爐食雞煲， 今日見人少少，就同一個朋友去食番餐！呢間喺旺角區，價錢算平，所以試下一嚟到侍應就叫我地揀鴨煲或雞煲，本來想試鴨煲，但係我朋友麻麻哋，所以都係揀左雞。原來呢度係食完雞煲之後，再另外上湯可以打邊爐，咁又幾好！因為平時雞煲湯底都幾heavy雞煲一上，店員就幫我地炒下佢，即刻聞到香氣十足。雞肉好夠味，濃濃的麻辣醬味，肉質幾滑，份量都幾多下。洋蔥同埋蔥頭入味，無生澀味得黎又唔太淋。食完雞煲之後，就揀咗個冬陰功湯底打邊爐。冬陰功湯底真係有冬陰功味，但唔會太重，酸酸地幾開胃。一開始我以為食物得一張紙，望望下都覺得幾夠食，而且海鮮為主，幾吸引。但原來呢度有自助區！咁都真係好多野食喎我都係鍾情於魚同蝦，海蝦同脆鯇片海蝦好有蝦味，幾新鮮，口感爽彈。脆鯇片切得唔夠薄，不過肉質幾好。不斷追加即係白鱔片同花枝片，白鱔片唔係間間火鍋任食店都有，所以幾驚喜， 口感滑而帶點脆，食落有白鱔的油脂香味！ 花枝片就爽口，唔韌，幾岩打邊爐肥牛都唔錯，好有牛味，幾嫩口食完仲有雪糕雪條任食，加分！

雞煲同邊爐真系缺一不可呢間二鍋頭真系滿足哂2個願望二百零蚊一個人就已經任飲任食確系唔錯既選擇雖然依排比較少人打邊爐但餐廳座位好闊絡所以更加食得安心雞煲嗌左小小辣雞件舊舊都幾嫩滑唔會太鞋邊爐湯底今次就試左懷舊沙嗲湯一黎到已經聞到勁香濃既沙嗲味沙嗲好百搭同所有火鍋料都好夾好惹味餐廳分左點菜紙同自助吧兩個部分黑豚肉新鮮，肉質比牛肉更好味花枝片好爽口又彈牙帆立貝大大粒幾有鮮味墨魚滑咬落啖啖墨魚肉鮮鵝腸超級爽口勁好味而自助吧可以揀唔同種類既食物有丸有菜有菇，仲有炸魚皮響鈴烏冬等等真系好多唔同既種類另外值得一提佢既啤酒系任飲，好正仲有雪糕同雪條無限供應芋頭味雪條食落好有芋頭味值得一試整體CP值真系好高如果想簡單打個邊爐同雞煲依度真系不二之選

聽講呢間二鍋頭嘅任食雞煲好抵食所以今日放咗工就過咗嚟朝聖🤪一坐低店員就好親切咁樣介紹佢哋有咩食同埋唔同嘅調味料 睇嚟佢哋有好悉心咁樣安排每一台客人 雞煲有唔同嘅辣到可以揀仲可以無限添 食夠雞煲就可以開始食火鍋 🍲有唔同嘅湯底揀例如蕃茄湯豬骨湯辣湯底都有我哋就揀咗清清地嘅豬骨湯 入面好大舊豬骨 唔同嘅肉類尤其是牛肉係非常推介嘅因為好新鮮 另外其他火鍋配料都好足有腸丸同蔬菜 🥬 我哋食完之後都好飽仲要佢又唔同嘅飲品同埋甜品呢餐真係好滿足好抵食👍🏻👍🏻

上星期同朋友去咗旺角 二鍋頭 打邊爐！真係10分開心！食物質素高，環境衛生，服務好好！超級讚！.Step 1首先，我哋叫咗火焰鴛鴦鴨煲！呢個鴨煲好特別，一開始，服務員會將已經葉制好嘅鴨放上爐，煮大約10分鐘，但啲肉熟晒之後，就會落酒！啲火「逢」一聲彈出嚟，真係名副其實嘅火焰鴛鴦鴨煲！醃制好嘅鴨肉，配埋少少酒，真係10分惹味！最令我驚喜嘅係枝竹，酒味完全滲入，每一啖都充滿着濃郁嘅酒味！..Step 2到咗我最期待嘅打邊爐時間。今次我揀咗沙嗲湯底。眾所周知沙嗲湯底都幾油，老闆好細心，每張枱都有一個用黎隔油嘅羹，所以唔使擔心食到中段至尾段時間會好油。鋪頭裏面，有30款(大部份係肉類），可以落單嗌！我特別推薦油鴨脾，配搭沙嗲湯底，鴨嘅味道好出色。另外我最鍾意脆魚腩，脆魚片，真係真材實料，咬落去真係好脆，同埋食得出新鮮嘅魚味。我係一個超鍾意食羊肉嘅人，佢哋嘅羊肉，真係有羊「蘇」味，真係超香.其次仲有一個自助區，係放啲蔬菜類食材！仲有打邊爐一定唔可以唔食嘅響鈴卷， 15至10秒，就可以即刻食。有時食得太多肉，都要食返啲蔬菜中和下，我食咗大量嘅生菜，生菜勁新鮮，真係菜有菜味，肉有肉味！.最後，當然少

舊同事相聚，一位想打邊爐，一位想食雞煲，於是就選擇這間又可以吃雞煲再打邊爐的餐廳，咁就可以滿足了兩個願望，同事是嗜辣愛好者，於是雞煲就點了大辣，店員開火後炒了炒，一陣香味撲鼻，令人垂涎三尺，雞煲醬汁調得濃郁，掛上雞件上，可口美味，雞肉雖然不是太幼滑但辣汁令雞肉惹味，食不停口食完雞煲，就點了一個藥膳鍋，餐紙上有八款食材可以選擇，選擇了肥美的美國肥牛，薄薄一片，只需淥一會就可放入口，香滑美味，香滑鵝腸，海蝦新鮮鮮甜，彈牙墨魚滑，同埋爽口的花枝片，帆立貝和鯇魚片還有自助區可以自由揀選其他食物，食物種類都不少，丸有好多選擇，八爪魚丸，蟹子包心丸，黑椒牛筋丸，香菇貢丸，流心芝士丸，豬肉丸，墨魚丸，魚蛋，心大心細唔知點揀，一於每款拿來試試，食落新鮮彈牙，有質素，供應商的質素不錯眼見菜也有六款至八款，仲有鮮淮山蓮藕片，支竹⋯等等，選擇之多，最啱食素人士最後食埋雪糕做甜品

平平地想打邊爐見到188就貢左上去， 成層都係佢地餐廳分兩邊，大枱同1-4人枱，兩丁友就去坐左卡位個邊食。怕鴨煲騷就叫左雞煲小辣，雖然本身唔多食辣，而ne款確實少辣得黎又惹味仲比左差唔多半隻雞黎tem。食完轉打邊爐係直接換另一個煲，扮健康就叫左個藥膳煲黎進補，清清淡淡，叫d海鮮幾大幾新鮮架，鴨件出乎意料之外肉質肥美唔騷，紅肉肉質又唔差bo,。過左條秘道可以拿丸同菜，對我ne d扮健康人士重點係多菜式選，真的蔬菜。可惜order完一round戰爭力不足連雪糕都食唔成，好彩有鴻福堂可以扮健康又清熱

好耐冇食過雞煲，所以今日同男朋友放工去食，重要係仼食，打埋邊爐，性價比幾高！一坐低，侍應就拎咗調味盒比我地，有好多款醬料揀，可以調一碟自制嘅美味醬。首先我地叫咗個惹味雞煲。雞煲肉質鮮嫩，好入味，因為我地唔食得太辣，所以叫咗小小辣，都非常惹味。如果配碗飯，真係一流，但我地今日嘅主角係雞煲同邊爐！食完雞煲後，侍應幫我地換火鍋湯底，我地叫左正宗豬骨鍋，味道清甜，真材實料。我地叫咗美國肥牛、黑豚肉、脆鯇魚腩、海蝦、花枝片、墨魚滑、鮮蝦雲吞等等。當中海蝦肉質結實，幾新鮮，而花枝片十分彈牙，好好食！而肥牛唔會太油膩，豚肉亦爽口。另外，餐廳重有其他自助火鍋料係雪櫃，可以仼拎。打邊爐一定要落西洋菜同菇類，會煮得好入味。餐廳重有汽水同降火飲品仼飲，打邊爐一流👍🏼

呢排食量大增 任食嘅放題就最啱我 一個價錢 任飲任食 保證吃到飽 地點方便就腳 餐廳位於旺角中心對面 行完街醫肚就最適合不過可選雞煲或鴨煲 我哋最後揀咗雞煲 朋友話驚鴨煲會騷 都係食返雞煲穩陣啲 呢個雞煲確實有驚喜 味道夠香夠惹味 味道非常濃沃 雞件夠入味又肥美 肉質嫩滑又多汁食完雞煲之後仲可以自選湯底打邊爐 有多種火鍋配料提供 還有自助食物區挑選食物 部分火鍋配料需要額外加錢 但係本人覺得套餐包括的食物款式已經足夠 所以我哋就冇額外追加食物火鍋湯底點選了藥膳鍋 湯底清澈不油膩 藥材味道香而不苦 感覺好養生墨魚滑夠新鮮 口感彈牙 膠質重 非常推介火鍋配料還有海鮮提供 重點是不需要額外收費 回本冇難度 白鱔片厚薄度適中 魚脂豐富 彈牙冇骨帆立貝鮮嫩鮮甜 一啖一口自助食物區選擇多羅羅 有多種蔬菜類，菌類，丸類，腸類，公仔麵……還有我最喜歡的炸魚皮和響鈴！ 炸魚皮夠脆口 就咁食或者浸湯食都一樣出色， 炸響鈴沒有油益味 吸收曬湯底嘅精華咬 落口有爆汁效果蔬菜款式多樣化 而且清洗乾淨 分門別類擺放整齊飲品選擇豐富 有氣冇氣嘅飲品都有 最重要嘅係啤酒都係任飲的今餐確實豐富又抵食 食完雞煲仲可以打邊

同朋友行完旺角，想搵個地方食野傾計坐耐少少，就簡左呢間雞煲試下。都唔錯啵!原有有雞煲同鴨煲簡，都幾特別，但我地最後都係簡左雞煲，好多雞脾肉❤ 好滑店員好好服務，有專人幫你炒，加左芫荽同好多洋蔥好香，好入味，我地叫左小辣過下口癮。調味配料好齊全有肥牛，有海鮮可以點，啲蜆雖然細粒，但都幾鮮甜。牛肉出孚意料好食，好香牛味，豬肉就不過不失。雲吞都幾足料，值得一試仲有帆立貝，魚同花枝片可以選擇，幾新鮮，唔錯除左自己點既之外，仲有個自助區可以選擇食物，有菜有丸，都好多款式嫁仲有餃子添!仲有我好中意食既魚皮同鄉鈴!飲品櫃，有無糖茶，岩哂我呢到有黑糯米雪條! 唔算甜，仲有啲黑糯米係入面，值得一試!