上海萬家村小館

营业中

休息中

大家好今次去左深水埗既上海萬家村小館食晚飯呢間店在黃金電腦商場附近既食街閒日晚上去都幾多人我點左松子魚二人套餐己經包左湯 小籠包 小菜 松子魚 炒飯 甜品同埋飲品首先上既豆漿兩杯都有豆味小食我揀左四喜烤麩都幾入味好多人都點跟住就係招牌小籠包皮薄同充滿湯汁配埋薑絲醋就最正酸辣湯酸辣度適中仲有好多料好似豆腐 蝦 雲耳絲仲有非常足料既揚州炒飯有好多蝦 雞肉 同火腿飯都炒得夠乾身同有葱和蛋香松子魚炸好香脆魚肉仲保持左D肉汁同埋仲有好多糖醋汁小菜我揀左回鍋肉份量都幾多味道就係好正宗既豆板醬味道唔太辣最後上既豆沙鍋餅都係即炸外皮好香脆紅豆餡料唔會太甜幾岩我口味總括呢間店價錢好抵400蚊可以食到好多樣食飯味道仲幾唔錯

今日起深水埗行完街就喺附近搵一間嘢食好多選擇，最後揀咗一間食上海歺，牆身黐門招牌菜 餐牌都種類繁多，有午市套餐，二人晚餐，同埋六人套餐，最後我哋揀咗餐廳推介，總算不錯冷盤花雕醉雞 $69花雕酒味香醇，因為凍食雞肉比較硬身，雞皮仲爽口，完全沒有肥膩嘅感覺，雞肉又夠嫩滑，仲有香濃嘅酒香味食上海嘢必點鮮肉小籠包$48一籠有五隻，上菜速度都好快，保持到熱辣辣，上枱一口咬落去湯汁爆滿，小籠包做法比較傳統正宗必食推介，做到皮薄餡靚嘅效果松子黃花魚套餐跟飯$170黃花魚經炸過之後，餘生粉漿酥脆魚肉保持嫩滑，加上酸甜汁，食落開胃，醬汁加上蝦仁松子洋蔥比較豐富送飯一流，仲非常飽肚最後侍應員工推介，蟹粉扒豆苗$148豆苗葉比較細嫩，食落唔會有渣，加上蟹粉嘅芡汁口感比較豐富，蟹粉還有一疏疏嘅蟹肉，非常美味餐廳做法都係比較傳統嘅上海菜價錢，同份量確實優惠，味道同口感都好滿意

只係想講身為一間食上海嘢好失敗！！小籠包好難食，鍋貼好難食.仲要見有好多人排隊，真係想叫佢哋唔好食.叫咗一個二人餐食 覺得還可以的只有回鍋肉，其他都不予置評…..

係深水埗買完電腦野 即刻去搵野食 上海菜不嬲都係我地既頭幾位排名涼拌海蜇食親上海嘢一定會叫呢一碟小食 麻油味好香 又夠脆口食完好開胃😂😂😂小籠包基本上係每檯必點皮薄肉汁多 熱啦啦拎出黎小心辣親嘴仔😋朋友好鐘意飲酸辣湯 即刻叫個例牌 哩個例牌好大碗 2個人起碼飲4碗 下次都係叫1碗夠晒啦🥰湯料好足 有好多隻蝦 唔會太辣 好味👍🏻相思骨 鐘意食酸微微既野 即刻叫哩碟乖又係分量大 醬汁包住晒每一舊排骨 酸酸甜甜食到唔停口 見到隔離檯叫黃金蝦 食到好滋味咁都叫返碟黎食 黃金味唔會太濃 蓋過蝦既味道 最後一個主食點可以小左炒年糕呀 回鍋肉炒年糕最鐘意食煙韌野飛年糕莫屬味道調得恰到好處😋

本人去買咗外賣，但天氣有啲熱，所以坐咗一陣，外賣到咗，店員就即時趕我走。我唔明白點解一定要趕我走；難道買外賣就不是消費者嗎？態度十分之惡劣，表示以後不會再去。難道他們沒有做服務性行業的態度嗎？

想食上海菜, 又係深水埗附近, 就試左依間👍🏻價錢合理, 食物都啱胃口🙌🏻『鮮肉小籠包』HK$48上枱熱辣辣, 即刻食左先🥢肉汁都有, 皮唔係薄個種🌪️『1/4 砂鍋雲吞雞』HK$88雞湯好鮮甜, 見餐牌話用左老雞、金華火腿熬好多個鐘, 雞都好有雞味, 唔係太肥, 又有幾大隻雲吞, 抵食!『金銀炒鱔糊』HK$128鱔份量都幾多, 芽菜又爽口, 夾埋一齊食, 加埋個上海菜一定有嘅汁, 鹹甜鹹甜咁, 超好撈飯🍚『紅燒獅子頭』HK$98三大粒, 真係拳頭咁大, 外酥內軟, 另外個小棠菜好索汁!°°°°°°°°°°°°°°°°°°°°°°°°°°°°°°上海萬家村小館@shanghai_man_ka_chuen📍 深水埗福榮街117號地舖#MrsLong #hk #hkmami #hkbloggermama #Longs #hkbaby #influencer #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers #上海菜

深水埗呢邊好多嘢食，但係上海菜餐廳唔多，咁啱見到呢間就覺得幾吸引。佢哋有特價嘅晚市套餐都幾抵食，價錢親民，所以見到好多街坊客。我哋嗌咗砂鍋雞二人餐$288有¼隻嘅砂鍋雞，砂鍋雞切件，湯底嘅雞味都幾濃郁，可以直接飲，仲有娃娃菜，所以湯底好香甜，好飲。《招牌鮮肉爆汁小籠包》小籠包真係有驚喜，外皮啱啱好，唔會太薄，亦都唔會太厚，食起嚟係有口感，入邊嘅湯汁好多，真係做到爆汁！《宮保雞丁》呢個比較似住家菜，但係雞丁炒得入味，辣辣地，用嚟送飯真係一流，而我哋嗰飯揀咗菜飯，好味。《豆沙窩餅》呢個豆沙窩餅不過不失，個皮有啲腍，我估未必係即炸即整，但係紅豆唔算太甜。《黃金蝦球》估唔到呢度嘅黃金蝦球有出面港式小菜嘅水準，鹹蛋黃味好香濃，蝦球大大粒口感又好爽彈，值得推薦。《酸辣湯一位》$38食上海嘢梗係要嗌酸辣湯，辣辣地入邊嘅配料又好豐富真係好開胃。

野食幾好，豆漿都好飲但態度太差，唔會再去本身book左夜晚7點食飯未夠7點去到餐廳，門口就有位阿姐即刻大聲鬧我做咩頭先打電話比我唔聽我話我電話無響過之後都入左去食飯，因為比較多人再搵其他餐廳有啲難野食其實幾好，但我覺得唔可能咁鬧個客同未夠鐘點解你要比我張臺其他人？態度極之惡劣，幾好食都唔會再去食..............................

首先係上海生煎包。呢道菜係一個好受歡迎嘅中國小食，通常以豬肉餡料為主。呢啲生煎包外皮酥脆，內部多汁，口感好好。我鍾意佢哋煎煮嘅方式，會喺包子底部形成一層金黃色嘅酥皮，好好味。然後係大份蝦仁炒滑蛋。呢道菜以鮮嫩嘅蝦仁同滑蛋炒製而成。蝦仁嘅口感鮮嫩多汁，同滑蛋嘅柔滑口感相互融合，好好味。呢道菜嘅烹飪技巧好恰到好處，保持咗食材嘅原汁原味。再嚟就係上湯菜苗，呢係一道清爽嘅菜品。菜苗經過快速嘅烹煮，保持咗佢哋嘅綠色同脆嫩嘅口感。上湯嘅味道更增添咗菜苗嘅鮮甜風味，令整道菜更加開胃。相思骨係一道經典嘅中式菜，以排骨為主要食材。相思骨帶有楊梅嘅酸味，每一口都充滿咗豐富嘅肉香同骨髓嘅滋味，好好食。楊州炒飯係一道具有地方特色嘅中國經典炒飯。佢以米飯、蛋、火腿、蝦仁同蔬菜等多種食材炒製而成。呢道炒飯嘅味道豐富，米飯鬆散，每一口都可以品嚐到各種食材嘅鮮美同香氣，好啱做主食。最後係豆漿，呢係一種傳統嘅中國早餐飲品。豆漿以黃豆為主要原料，經過研磨、濾汁等工藝製成。呢杯豆漿口感綿密順滑，豆香濃郁，係一個營養豐富嘅選擇，總括而言，你叫嘅呢啲菜品喺味道同口感上都表現得好好。佢哋代表咗上海菜嘅傳統美味同多樣性。

今日約咗朋友去深水埗行街，行完街之後我想搵一間餐廳食飯，然後見到呢一間餐廳門口排晒隊， 6:00已經人才濟濟，應該係老字號，好受歡迎，質素有保證，所以入咗去試吓，估唔到第一次食，就覺得呢間餐廳有賓至如歸的感覺，而且食物質素好高，價錢經濟實惠，而且位置都好方便，非常容易搵到，所以如果下次朋友去旺角深水埗行街，一定要來試吓，因為我覺得呢間餐廳真係非常好食，首先我推介佢哋嘅高力豆沙，因為唔係好多餐廳都會有整到呢個食物，而且佢呢度係快靚正，豆沙個餡真係好好食，加埋口感軟綿綿，成個口感都好好食，好愛上了，而且呢度嘅蟹粉小籠包都係非常推介呀，裏面嘅肉質超級多份量，而且加埋蟹肉，真係好好食，味道好夾，出面都食唔到啊，而且全部都係新鮮熱辣辣，真係好專業👍👍👍

深水埗不嬲都係非常多美食，估唔到今日又發現好嘢！今日要試嘅係一間上海菜。叫做萬家村。🤯🤯🤯涼拌四拼有非常多選擇，我揀咗以下菜式麻油海蜇：海蜇具有爽脆的口感會唔會？鎮江餚肉：鮮嫩多汁。這道菜有著深厚的醬香味道，與其他涼拌菜品搭配時能夠提供豐富的口感。手帕小青瓜：清爽的口感，適合作為開胃菜或配菜。花雕醉雞：雞肉先經過煮熟，然後浸泡在花雕酒和其他調味料中，使其入味。雞肉嫩滑多汁🤤🤤🤤🤤鮮肉小籠包：小籠包的特色是其饅頭皮薄而有彈性，內餡多汁鮮美。酸辣小雲吞：酸味和辣味相互融合，為這道湯餃帶來獨特的風味。鱔糊粗炒：鱔魚先被切成段狀，然後裹上麵粉糊，再油炸至金黃酥脆。炒鍋裡加入蔬菜和調味料，將油炸的鱔魚與其他配料一同翻炒雲腿津白：火腿的鹹香味和津白菜的爽脆口感，口味鮮美。

今日黎到深水埗食野 6點幾經過呢間 上海萬家村小館 已經有唔少人食緊野 即刻睇下佢餐牌 啲小菜同小籠包都好吸引 就決定入去試下佢啦😬 坐低睇緊餐牌果陣 好多選擇 明明出邊好多人 但老闆勁好人叫我哋慢慢睇 好nice😊客飯套餐有小菜+飯+野飲 好抵😋 小食仲有好多 小籠包同生煎包都好吸引🤩 豬扒擔擔麵 $68上枱果下仲係出緊煙😍 岩岩炸好既豬扒 熱辣辣但啲肉又唔會做到好乾 仲係有肉汁😇擔擔麵 麵質軟身 湯底濃厚 好香少少辣 食食下啲面吸左啲湯 好野味😋 鮮肉生煎包 $48食生煎包前我一定會反轉個底睇下係咪煎得金黃🤣 呢間煎得金黃香脆 包係軟軟的 入面仲有肉汁 岩岩煎好熱辣辣就上枱 好好食呀🥹 椒鹽鮮魷 $100呢個係套餐黎嘅 我哋揀左菜飯 仲要左酸辣湯+$15 本身以為跟餐既唔會有好多 點知都係咁大碗😍 酸辣湯好開胃 有蛋花 木耳 荀等等好足料 味道岩岩好😇鮮魷就炸得香口脆身 好岩送飯呀😌 鮮肉小籠包 $48一定要熱辣辣食呀😋 小籠包夾起已經見到皮薄呀 咬開好多肉汁 好味🤤 酸辣土豆絲 $68土豆入味 酸酸辣辣好開胃 好好送飯🤣 高力豆沙 $52最後梗係要食個甜點啦😬 呢個係食到差唔多

深水埗出名多野食，前幾日出開深水埗買野，就系食街入左呢間上海餐廳食晚飯，都幾多選擇呢，價錢亦都好抵食😋一人晚市套餐都系一百蚊倒！我地就揀左個2人餐，有一款小食，一款小菜，仲有一個雲吞雞鍋，2個飯，2個飲品，咁多野食都系2百幾蚊咋，性價比高，非常豐富！雲吞雞鍋裏面都幾多雞件，可以飲埋個湯！金菇肥牛鍋份量非常多😂食極都仲系滿滿的料～之後仲追加左個乾扁四季豆同豆沙窩餅😋一次過食左好多上海特式小菜，肚子滿足的一餐！

今日要同大家分享深水埗美食，首先係花鵰醉雞。呢道菜嘅雞肉鮮嫩多汁，加埋花鵰醉醬，味道更加香濃。醉雞入口滑嫩，醬汁完美嘅平衡令人回味無窮。肉質鮮甜，加埋啲特別嘅醬汁，真係一絕。另一款係鮮肉小籠包。包子皮薄軟滑，入面嘅肉餡鮮美多汁，每一個小籠包都有豐富嘅湯汁。一咬落去，湯汁同肉汁會一齊爆出嚟，令人驚艷。鮮肉小籠包係絕對嘅小吃經典，好適合做為點心或者正餐。回鍋肉粗炒係另一道令人垂涎嘅菜式。回鍋肉外脆內嫩，肉質鮮美，加埋辣椒同蒜末，味道香辣開胃。回鍋肉粗炒嘅獨特味道同滋味，配上炒得香脆嘅蔬菜，真係令人食指大動。蒜蓉豆苗係一道清爽嘅菜式。豆苗炒得剛熟，保持咗豆苗嘅鮮甜味道同脆口質感。蒜蓉香氣四溢，令呢道菜更加香味十足。食落唔會覺得膩口，而且豆苗嘅營養價值都好高，真係健康又美味。最後一樣係豆沙鍋餅。鍋餅外皮煎得金黃酥脆，內裡嘅豆沙餡香甜滑順。每一口都可以感受到外脆內軟嘅食感同豆沙嘅香甜味道，真係令人回味無窮。

小店提供多款上海菜，包括小籠包、拉麵、水煮魚、松子魚、砂鍋雲吞雞、季節限定蟹粉。松子魚二人套餐陳醋木耳：木耳加入陳醋和椒絲，口感爽脆，係醒胃既冷盤。招牌鮮肉爆汁小籠包：新鮮熱烘烘，肉汁滿滿。松子黃花魚：魚炸得酥脆，去晒骨，炸粉厚度適中，配上酸酸甜甜既醬汁，開胃不膩，再加入大量松子、菠蘿、青椒、洋蔥，口感層次豐富極了。 揚州炒飯：炒飯粒粒分明，晶瑩透亮，加上雞蛋、雞肉、火腿、蝦仁、蔥花一起炒，色、香、味倶全。西蘭花炒蝦球：西蘭花爽口，蝦肉彈牙，配上韭黃、紅椒，更添香味。海鮮羹： 食材有旗鱼、鮮虾肉、蟹柳、雞蛋絲，用料充足，鮮甜可口。豆沙鍋餅：外皮香脆，裡面既豆沙蓉味道濃郁。自家製豆漿：豆味香濃，甜味適中。總結，食物好味，出菜快，價錢合理，值得推介。