上海婆婆336 (iSQUARE國際廣場)

营业中

休息中

尖沙咀食乜好？食最近大熱既酸菜魚都好喎之前成日覺得好多間餐廳既酸菜魚都唔夠酸而家終於搵到間多酸既就係上海婆婆335啦～🐟鬼馬酸菜魚（小辣）超正既菜式魚既味道好鮮口感嫩滑切得夠薄吸收曬湯底既香味仲跟埋脆卜卜既油炸鬼估唔到點酸菜湯咁好味除左有窩筍同蓮藕片底下仲有薯粉～🍜上海粗炒係🐸🐸最近食過最好味既粗炒調味世一肉絲都好細嫩份量十足㗎🍨雪糕高力豆沙 (4粒)口感鬆軟味道清雅既皮包住香甜豆沙同雪糕雪糕可以揀2款口味個人認為菠蘿味出色過雲尼拿味

今日想食上海野，記得尖沙咀isquare6樓有間上海婆婆336，今日早去應該未太多人碰碰運氣，正好有位，4位卡位，餐廳夠大又係半開放空間感十足都幾舒服。看看餐牌，正好有個4位用商務套餐都幾豐富，入面啲菜式都幾啱食，就佢啦。4位商務套餐 $608

四小拼（小排骨-烤麸-肴肉-小竹筍)擺盤漂亮幾吸引，份量也不少，有小排骨、烤麸、肴肉和小竹筍，每款味道香濃，有特色。砂鍋雲吞雞（例）湯清甜，雲吞好大粒，餡多皮簿，雞都不錯，好大鍋都有啲食唔曬。

336上海小籠包 (4隻)小籠包湯汁豐富，皮煙韌，是我喜歡的口感。
醬燒茄子-汁香味濃，下飯啱曬。
黑醋排骨-排骨爽嫩，酸酸甜甜好醒胃。
黃金四季豆-富咸蛋黃香，邪惡香口，佐酒很棒。

白飯x4凍鮮豆漿 +$6最後甜品有豆沙鍋餅，皮脆內軟糯，新鮮熱辣辣。茶位 $6

上海婆婆336 (iSQUARE國際廣場) (尖沙咀)尖沙咀彌敦道63號iSQUARE國際廣場6樓605-606號舖今晚去咗尖沙咀嘅iSQUARE，試咗一間叫做上海婆婆336嘅餐廳，真係好正啊！佢哋嘅菜式係以正宗上海風味為主，味道好純正，真係好食。首先，佢哋嘅上海小籠包真係好正宗，皮薄餡多，鮮肉汁水分夠，真係好好味！4隻只要$46，真係夠抵食！酸辣湯拉麵好辣好正，湯汁夠勁，麵條都好彈牙，份量都好足夠。如果你係麵食控，一定要試下佢哋嘅酸辣湯拉麵啊！蔥爆牛肉真係好嫩好多汁，牛肉係用薄片切咗，炒得夠熟夠香，配埋蔥爆嘅香氣，真係好好味。雞絲粉皮係嚟緊熱嘅天氣食嘅好選擇，凉爽解渴，雞絲又好嫩，粉皮都夠Q彈，真係好好味！如果你鍾意甜品，就要試下佢哋嘅綠茶芋泥餅同埋黑糖冰粉啦！綠茶芋泥餅芋頭味道好濃郁，綠茶味道夠香，餅皮夠脆，真係好好食。黑糖冰粉就係一款好涼爽嘅甜品，花生粒令味道更豐富，好開胃！總括黎講，上海婆婆336係一間位置方便，性價比高，正宗上海風味嘅餐廳，真係值得一試！ #香港旅行 #香港美食#香港探店 #美食#多國菜#試食 #餐廳 #推廣#foodie #hkfoodstagram #hk

喺Isquare睇完去，想食中菜，就去左336上海婆婆醫肚。酸辣湯拉麵 $72湯頭有一點辣，好開胃。有木耳絲，竹筍等材料，拉麵的口感非常好，細緻滑順，和湯汁完美地融合在一起。上海小籠包 $46皮薄餡多，味道鮮美。每一口都能夠感受到肉汁的鮮味和湯汁的甜味上海粗炒 $85炒得好惹味，麵質彈牙，肉絲嫩滑，而且好入味，配上青菜和冬菇，讓整道菜的口感更加豐富。蒜蓉清炒小棠菜 $78小棠菜翠綠，食落爽口。高力豆沙 $58高力豆沙的外皮鬆軟，內餡豆沙香甜，非常好吃。芝麻糊芋圓 $28芝麻糊芋圓也很特別，芋圓口感Q彈，配上香濃的芝麻糊，讓整道甜品口感豐富，讚！

屋企人又好想食上海野所以今晚去搵上海婆婆👵🏻探下老人家尖沙咀isquare出口落𨋢直上就到，岩晒落雨天氣去食飯～** 茶位 每位💲6 **【 4位商務套餐 💲608 】《 四小拼（小排骨-烤麸-肴肉-小竹筍）》小排骨其實係黑醋排骨，酸酸哋香濃入味；烤麸吸汁好味、肴肉爽口唔膩，而我地都無食竹筍～

《 砂鍋雲吞雞（例）》湯底奶白色，大煲足料，有原隻雞、6-7大粒，皮薄餡飽滿嘅雲吞，加上小棠菜令湯底鮮甜～
《 336上海小籠包 (4隻) 》包有啲厚，不過多湯肉甜～
《 醬燒茄子 》香濃惹味～
《 黑醋排骨 》酸得嚟唔會刺鼻，酸度剛好，入味二胃，肉都多～
《 黃金四季豆 》用咸蛋黃少嘅四季豆好有咸香，惹味香口～

《 白飯x4 》《 凍鮮豆漿 +💲6 》《 豆沙鍋餅 》其實已經超飽，但仲有甜品叫架！鍋餅熱辣吸引，脆口味甜唔油膩～

上海婆婆336位於尖沙咀i square，是一間滬式餐廳，提供多款套餐，有四人或六人用，適合家庭聚餐🌟蜜汁火方｜$122火腿切片，用桂花蜜汁熬煮，連同脆皮腐皮、青瓜一齊夾在饅頭同吃，麵皮鬆軟，蜜味鹹甜有致，豆皮酥脆，味道層次豐富🌟松子魚｜$192魚身片出刀花，落油鍋炸脆，最後加上酸甜的醬汁，賣相好美觀，魚炸得香酥，酸甜開胃，伴菜仲有菠蘿同松子仁🌟砂鍋雲吞雞｜$198半隻雞加小棠菜和上海餛飩，湯頭奶白色，清甜不會好油膩，飲到有金華火腿味道，雲吞雞皮滑，厚實的菜肉料🌟蟹粉小籠包｜$98肉汁一咬就湧出，皮唔算好厚，不過蟹黃同蟹肉唔太突出🌟京蔥手切牛肉包｜$48口感鬆軟肉包，我就比較喜歡生煎包做法，會保留更多肉汁🌟高力豆沙｜$58傳統上海甜品，外型幾靚脹卜卜，豆沙不算太甜，如果再軟綿綿同埋多d餡就更正

屋企人好鍾意食上海菜，因為有數之不盡的經典菜式，特別係小籠包，每次都必定會叫🤣所以今次就揀左尖沙咀既上海婆婆336，環境大多座位，唔洗預約同等位就有得坐👍🏻呢到小籠包外皮有好多摺，入口湯汁幾鮮甜好味桂花蜜汁火方都幾推介❤️金華火腿沾滿了桂花蜜汁，好香甜，而餅皮微溫包住火腿同炸腐皮，真係好滿足，又脆又鬆軟口感另外再叫左砂鍋雲吞雞，有得飲湯又啖啖肉，湯頭清潤溫暖，唔會好多肥油，而雞應該係三黃雞，幾嫩滑，三個人食都好夠，而且仲有雲吞同菜，份量都唔少🤣

🐟 野生椒魚皮（辣）$68魚皮超爽脆，完全冇腥味，非常有咬口又夠凍，個椒辣味🌶岩岩好又唔會好搶唔會過咸🥧 336上海小籠包（4隻）$46熱辣辣上台，個皮好薄，一咬開入邊有肉汁有湯🤤 🍲 鬼馬酸菜鱼（跟油炸鬼）$208第一次食酸菜魚係有跟油炸鬼🤭 個油炸鬼啱啱炸出嚟，外脆內院金黃色，原來點個酸菜魚湯係咁好食，口感就好似打邊爐食響鈴咁話癮😋 啲魚超肉質非常嫩滑，又厚身有口感，最重要係一條骨都冇👍🏻 個湯都夠酸，除咗有好多酸菜，個底仲有萵筍🥒白蘿蔔同薯粉🍆 魚香茄子 $78呢個魚香茄子少少辣，不過佢唔同出邊有鹹魚味，反而佢係有陣茄汁味，酸酸甜甜好下飯，豬肉亦都係用肉絲形式唔會驚碎濕濕食唔到

·小籠包稱得上皮薄餡靚，一咬汁即爆出，是必叫之選。·麻辣雞絲粉皮名符其實地辣得過癮，一絲絲青瓜及雞絲帶來清新和口感。·336酸菜魚魚肉片鮮嫩香滑，湯底味道濃厚，選了少辣，酸度恰到好處。但若嫌配料稍微偏少，曲薯粉沒有傳統酸菜魚配搭的寛粉耐放，偏軟身。·紅糖糍粑這款看似簡單但內有乾坤，一咬就溢出熱騰騰的紅糖漿，非常有驚喜。

上海炒年糕 ,年糕很煙靭,建議配點辣醬,微辣口味變得更好食.必食!!!!小籠包, 多汁酸辣湯, 不夠辣, 但整體都很好,不會太杰炒鱔糊, 鱔很有口感, 但太油....

食物水準一般 並不是令人有驚喜今日路經此地 和情人點了兩個午市套餐 有：- 擔擔面(剪開）- 小籠包- 㛈夫另一個套餐有：- 松子魚, 菜飯- 一杯乜嘢芒果特飲嚟到個面唔覺有剪開過 叫佢再剪開 拎返出嚟 完全冇剪到 唯有叫佢再剪 拎返入去拎返出嚟都係一樣🤦🏻‍♂️ 仲要大大聲同我講 剪咗嗰囉喎🙄️小籠包同㛈夫冇問題👍🏼 仲幾好食添松子魚啲松子好似真係好貴 得個幾粒菜飯就真係搵笨 要另外加我$15 但係只不過係啲飯度 多放幾條葱 都唔見啲菜🤦🏻‍♂️嗰杯芒果特飲，完全唔知係乜 🤬

有朋友自遠方來，上OpenRice 查看边間上海菜食評多贊，見到上海婆婆336有80％食評都贊， 毫不猶豫就選了這間，但我對今晚的晚餐非常失望。今晚我們一行四大兩小，叫了一個四位商務套餐，包括四小拼（小排骨，烤麩，肴肉，竹筍）, 野生椒牛仔肉，黑醋排骨，黃金四季豆，小籠包4隻，砂鍋雲吞雞，豆沙鍋餅，四碗白飯，加$10轉了兩碗菜飯，咁多食物都只是$628, 如果好吃，真是抵，可惜........ 我們另加了一籠小籠包，一碟京蔥手切牛肉包和一碟生煎包。order 後不夠8分鐘，商務套餐的餸菜全部出哂放在檯上，感覺非常不好，我叫了野生椒牛仔肉，隻碟就熱辣辣很燙手，但牛仔肉和醬汁就少少微熱，這是微波爐翻叮的結成品，黑醋排骨和黃金四季豆，廚師都費事翻叮，全是室温菜，同街鋪兩餸飯無異，黑醋排骨可改名為黑醋老柴排骨，非常難吃，我平時吃的砂鍋雲吞雞，湯底是雞湯色，這裡是豉油色吃不慣，如果我早知吃套餐是廚師煑定送上檯，我一定不會叫，中伏，中伏，中伏。

朋友外國回來, 就揀左位於尖沙咀I Square既上海婆婆, 餐廳地方大, 坐位闊落舒適,  點了四個主食及甜品, 加上信用卡有九折優惠, 每人都不過$100, 真的化算💰花雕醉雞: 雞肉滑花雕好入味上海小籠包: 小籠外皮唔算厚，入面嘅湯份量適中蜜汁火方(四片):咸香既 火腿加上蜜汁, 還有薄脆, 用包包著真系好夾味上海炒年糕: 自己好中意因為唔會好油夠味又爽口 高力豆沙: 蛋白包住甜甜地既豆沙, 軟綿綿新鮮好味尖沙咁地帶找到正宗上海菜, 價錢相宜, 實在推薦, 要留意餐廳用餐時間系90分鐘#上海菜#上海婆婆#尖沙咀美食#小籠包#醉雞#妙年糕#蜜汁火方#高力豆沙

中午黎試下呢間上海菜，叫左個松子魚客飯，魚非常柴口，炸到幹又硬，用刀叉都好困難切開。返炸幾次嘅食材真係唔應該俾客食，做壞招牌。仲叫左個蟹粉豆腐，好在都算可以食。都唔算出色。我地同服務員反應個魚嘅情況時候，佢話就係翻炸，就係咁做嘅。之後就唔理人

今日去I Square 看電影🎬，只有10分鐘開場，但又有點肚餓。店員介紹冷盤醉雞可最快上枱！今日天氣濕凍，還是選了熱熱的拉麵暖肚。用QRcode點菜，很快送上熱茶和拉麵！很久沒吃有酸辣湯拉麵，雖然用餐只有10分鐘，但也很享受麵滑，酸辣比例也恰當，可以和日本一蘭拉麵比。坐位和環境舒適。墊枱紙介紹了336是‘謝謝儂’，整好食的菜答謝食客，很有意思。