上海婆婆 (黃大仙中心北館)

营业中

休息中

想吃上海的正宗食物，這店的食物，就真的很不錯了，下午茶時間，價錢更十分實惠！北京炸醬麵的肉醬很多，足夠拌勻一整碗麵吃，肉醬味道也惹味吸引！砂鍋雲吞雞，很大的一鍋，份量足料，湯底香濃，有半隻雞，數粒雲吞及菜，雲吞餡料飽滿，內裡還放了金華火腿，味道迅即提鮮！生煎鍋貼的外皮煎至金黃香脆，內裡的肉汁更是非常豐富，一口咬下時要小心，肉餡滿滿！蔥花家常薄餅煎至薄脆，加上蔥花煎香後，令蔥的香味直接滲到薄餅裡，超美味！

好耐之前食過幾好味，今次gathering大家一致決定黎返上海婆婆度食，味道唔錯得黎，菜價都幾抵食。大家今晚都好開懷，食左好多、好開心。三絲冷麵清爽可口，喺夏天食正合適。淮揚酸辣湯味道酸辣啱啱好，辣味唔會過火。黃金四季豆脆口，手撕包心菜加左少少乾辣椒，微辣人人啱食。黃金蝦球既咸蛋黃痴滿每粒蝦球，好搶味。糖醋魚塊甜酸平衡得唔錯，江南三小拼就係咸香開胃。紅燒豆腐滑腍，上海小籠包汁多皮薄，食一口就滿足。黑糖冰粉配咗芋圓同蜜豆，口感豐富。整體上，餐廳環境輕鬆，服務都幾周到，服務員態度友善。總括來講，今次聚餐真係好開心，下次一定會再黎！

上海婆婆(黃大仙中心北館）餐廳位於九龍黃大仙龍翔道136號黃大仙中心北館地下低層,餐廳裝修族新,環境光猛,座位寬闊,用餐舒適,餐廳主打上海菜,服務員招呼熱誠有禮。酸辣湯麵下午茶套餐包括有豆漿,上海小籠包,加$15配有小食水晶餚肉,大大碗酸辣湯麵材料豐富,每條麵身都掛滿酸辣汁,酸酸辣辣好醒胃,小籠包食落肉香多汁,水晶餚肉入口爽彈香滑。蔥油排骨湯麵套餐包括有豆漿,加$15有小食皮蛋豆腐,排骨炸到鬆化香口,湯麵軟硬食中,每條麵條沾滿蔥油香味。蘿蔔絲酥餅蘿蔔絲酥餅兩大塊,酥餅煎至金黃色,厚身,不腻,酥餅食落蘿蔔味濃,口感清甜。生煎包生煎包包底煎至微微焦香,餡內豬肉肥瘦均勻,油香肉味濃又多汁。紅油抽手紅油抽手微辣,配有花生粒和香蔥粒,紅油抽手皮薄餡靚,越食越惹味。高力豆沙甜品高力豆沙,表面鋪滿白色糖粉,不太甜,口感鬆軟有蛋香味。

黃大仙係一個古色古鄉既地方，連呢度既餐廳裝潢都好古雅，夠哂有特色，座位闊落，地方好大🥘川渝小籠包$45賣相顏色好靚🤩皮薄餡多，咬落去要小心湯汁🤭，微微麻辣，過癮🥘京蔥牛肉包（3個）$48包身鬆軟，牛肉餡幾嫩，京蔥味出，但唔會太濃，食落香口🥘宮廷炒飯（鮑魚雞粒蝦仁）$108飯粒分明又掛到汁，鮑魚、雞粒同蝦仁都足料，芡汁唔會太厚身，食落唔會太膩🥘砂鍋（花膠）雲吞雞（小）$118湯底好濃郁，飲落滑口，花膠夠滑，雲吞大粒，雞肉都嫩，好味😋🥘綠茶芋泥餅（3件）$28外皮脆脆哋，綠茶味清新，芋泥餡夠綿密，唔會太甜

今日約左外國返嚟嘅親友食飯， 佢哋比較鍾意食中菜，我第一時間就諗到上海婆婆。 黃大仙嘅上海婆婆地方好大， 有寬敞舒適嘅 卡位，有大圓枱好適合親友聚餐。黃金四季豆： 香氣四溢，鹹蛋黃嘅濃郁與四季豆清新爽脆形成鮮明對比， 口感有層次。糖醋魚塊： 魚塊肉質鮮嫩，糖醋醬汁酸中帶甜恰到好處， 令人食慾大增。手撕包心菜： 鑊氣十足，廚師烹調時間掌握得好好，唔會令到蔬菜太淋保持爽脆口感。黃金蝦球： 鹹香味十足， 蝦肉口感彈牙鮮味多汁， 青瓜伴菜， 除咗增添視覺上嘅美感，仲平衡咗蝦球嘅油膩感。上海小籠包： 皮薄透亮，柔韌而不失彈性， 肉餡湯汁豐富， 每一啖都好滿足。最後一定要試下黑糖冰粉，冰粉質感細膩， 黑糖嘅 甜味恰到好處， 裏面仲加咗啲干果， 啖啖果香味， 香甜清新。

去黃大仙探朋友當然順便食飯吹水啦，佢話之前食過依間上海菜幾好食帶我去試吓，地方幾大幾舒適又有好多卡位😍上海小籠包~ 皮薄湯汁豐盈肉餡鮮甜建議趁熱食用😊雞絲拌粉皮~ 粉皮爽滑雞絲份量足芝麻醬香😋陳年花彫醉雞~酒香濃郁雞肉嫩滑冷盤必選 👍😍美極油爆蝦~好夠味蝦殼酥脆連殼都可以食埋👍😋黃金四季豆~喜歡鹹蛋黃嘅朋友必試😋鱔糊炒年糕~鱔魚鮮嫩年糕軟糯,醬香濃郁鑊氣足👍😋豆沙鍋餅~外皮酥脆紅豆沙綿密唔會太甜擂沙湯圓~芝麻餡香濃外層花生粉增添口感甜度適中👍😋

有朋友好幾年無返黎香港，話好想食上海菜，叫帶佢去食，我諗起之前系將軍澳食過上海婆婆都幾抵食，味道又吾錯。今日就試黃大仙呢間分店食，好多卡位，坐位都濶落。▪️點心：小籠包 (4隻)，爆滿湯汁▪️涼菜：雞絲拌粉皮，陳年花彫醉雞，濃濃花彫酒味。▪️黃金四季豆，好邪惡，不過我鐘意，滿佈咸蛋黃▪️美極油爆蝦，炸到蝦殼都脆卜卜，不過吾覺得好油膩，又無過咸。▪️鱔糊炒年糕，鱔糊份量都足夠，加上肥嘟嘟嘅芽菜▪️排骨擔擔麵，排骨炸到好香口，擔擔麵湯底有濃郁花生香味。最後點左3款甜品，高力豆沙，豆沙鍋餅，擂沙湯丸。

約咗朋友有小朋友一定要搵間坐得舒舒服服嘅餐廳最緊要空間感 如果唔係分分鐘掃晒枱面啲嘢落地😂呢度嘅格局真係好適合聚會 而且地點方便 好近地鐵站❣️排骨擔擔麵特登要咗個唔辣version 小朋友都啱食排骨炸到好香口又酥脆 食落有肉汁唔會柴❣️生煎包包底夠脆口 咬落有肉汁 大大隻❣️一口小饅頭炸到金黃色勁香脆 點煉奶食勁正❣️燻香樟茶鴨食到煙熏味道 鴨味濃郁 表皮香脆 鴨胸位仲起咗骨 方便夾住啲包嚟食❣️婆婆粗炒夠晒鑊氣 香濃得嚟唔會油膩❣️鱔糊炒年糕鱔糊份量超級多 每條都勁粗身 食落冇碎骨配埋啲芽菜 雙重口感 下嘅年糕，吸收晒鱔糊嘅鮮味❣️珍珠冬菇扒棠菜珍珠冬菇勁可愛 小朋友食唔停口冬菇濃味 小棠菜輕輕灼過 兩樣夾埋食就夠晒平衡啦❣️松子大黃魚大黃魚勁大條 炸到好酥脆 起咗骨勁方便甜酸汁好開胃 仲有啲菠蘿碎同蝦仁 好豐富嘅感覺

宮廷炒飯（鮑魚雞粒蝦仁） $108.0炒飯粒粒分明，鮑魚、雞粒、蝦仁搭配得恰到好處，味道濃郁，口感超級豐富，樸實無華又溫暖人心～外婆紅燒肉 $92.0紅燒肉色澤誘人，肉質軟滑，醬汁滲透入肉中，甜中帶鹹，肥瘦相間，是濃油赤醬的本幫菜口味。配菜有栗子、小蘑菇、腐竹結，都幾特別！上海小籠包 $45上海菜點可以唔試小籠包，小籠包雖然中規中矩，皮薄適中，湯汁唔算特別多，但味道都ok! 高力豆沙（4件） $58.0外脆內軟，豆沙香甜可口，係完美嘅甜品選擇，尤其配合茶飲！🍵🫖

這間上海菜在尖沙咀分店食過，價錢合理又大份，好值得食☺️原來在家附近開了新店，環境靚，又大間，多卡位，坐得超舒服😄💠上海小籠包 $45食上海菜一定不能錯過的小籠包☺️☺️鮮甜肉汁混合豬肉，湯汁清甜不膩🤩薄透外皮韌性十足，咬破瞬間湯汁爆發😚😚💠一口炸饅頭 $25外層酥脆帶油香，內裡綿密微甜，煉乳增添奶香甜潤😊😊💠酸辣湯 $48稠滑羹湯中有脆嫩配料，酸辣直擊味蕾，超開胃🤤💠砂鍋雲吞雞$102雞湯醇厚鮮美，雲吞餡料飽滿, 皮滑餡彈，白菜清甜😙雞肉燉至軟爛，湯很清澈☺️☺️💠川辣麻婆豆腐 $75豆腐嫩滑，醬汁濃郁😙 配白飯瞬間清盤🤣🤣💠擂沙湯圓 $38外層花生粉堅果香濃郁，內餡黑芝麻流心甜而不膩👍糯米皮軟糯Q彈😝

我同朋友去咗一間位於黃大仙嘅上海菜館，呢度嘅環境好舒服，以下係我食過嘅幾道菜，等我同大家介紹一下。蟹粉小籠包蟹粉新鮮，餡料多汁，每一口咬落去都好滿足，蟹香味濃。值得推介。珍珠冬菇扒棠菜呢道菜色香味俱全，冬菇啖啖肉，珍珠滑溜，搭配清脆嘅小棠菜，食落去仲帶點清新感。鱔糊撈麵鱔糊超濃郁，麵條吸收咗湯汁，食落去又彈牙又有嚼勁，鱔魚嘅鮮味好突出。蝦籽鍋塔豆腐呢道菜特別又好味，鍋塔外脆內軟，蝦籽香濃，豆腐滑溜黑糖冰粉（芋圓，蜜豆）最後一定要試吓呢個黑糖冰粉，覺得呢個上海菜嘅新甜品配搭。夏天就最啱食，凍凍地嘅甜品。

上海婆婆4道招牌菜實試 花膠雞湯鮮到舔匙羹！🍲🐮醬香金錢牛展牛魔王必嗌！每片牛展切到銅錢咁薄 滷得超入味又唔韌👏🏻秘製醬汁帶微微麻辣 撈埋底下嘅青瓜絲一齊食 涼浸浸好開胃！🦀干貝賽旁蟹師傅用蛋白+干貝絲扮蟹肉 滑溜到似食緊真蟹肉😱面頭淋滿蟹黃醬 鮮味爆燈仲有粒粒蟹籽卜卜脆 送白飯真係「冇得輸」組合！🍳上海炒年糕（$88）鑊氣小炒王！年糕煙韌唔黐牙 索晒火腿同椰菜嘅油香🔥最驚喜係落咗少少蝦米吊味 鹹香層次即刻昇華 忍唔住一啖接一啖清碟！🐔砂鍋花膠雲吞雞揭蓋即刻聞到超濃雞湯香 飲落仲有花膠嘅膠質黏嘴唇👄雲吞包住成隻鮮蝦 雞肉燉到離骨又唔柴 寒流嚟襲飲呢個真係暖到入心呀❤️

返工放lunch，梗係要食得飽同好。而上海婆婆就係其中一間食得飽，同食得豐富嘅lunch之選。睇返餐牌，選擇十分之多，由各款小炒，水煮菜系，到炒粉湯麵都有。一班同事嚟，可以叫多幾個餸齊齊share。今日我揀嘅係，牛肉湯麵加小籠包套餐， $72包熱茶免+1。小籠包一籠四隻，每隻都十分飽滿兼且熱辣辣，一咬開係會滴湯嘅小籠包。調味啱啱好，濃郁得來唔會過鹹，亦都試到湯汁嘅鮮味。猄皮嘅時候需要特別注意，唔好太用力，以爆皮。牛肉方面，主打係3、4大大舊嘅牛肋條，燉煮得十分之軟腍，但都可以保留有少少口咬感，牛味足，絕對滿足到食肉獸。麵條係上海麵，個人覺得用返闊麵會好啲。湯係牛肉清湯，飲落清新，冇油膩感。總結，坐得舒適，食物同環境質素唔錯， CP值幾高👍🏻

好多年冇食，估唔到而家嘅菜式咁多樣化，唔止有埋川菜，仲有蔬食menu，係素葷共融嘅好地方。🔸咕嚕猴頭菇 $88素咕嚕肉可以用素肉可以用猴頭菇，後者用料貴啲但好味得多！猴頭菇炸到香口，咬落好多汁，比起豬肉更好食。🔸排骨擔擔麵 $72擔擔麵好重花生醬味，整體辣度唔高。排骨軟腍又有肉汁。🔸迷你素春卷（4條） $42香脆嘅春卷包住清甜多汁嘅蔬菜絲。一碟完全唔夠喉🥲。🔸上海小籠包 $45內裏多汁鮮甜。最正係皮唔算厚，但又唔易穿。🔸野山椒炒牛仔肉 $92辣度唔算高，調味有啲似醬香乾鍋嗰種，都幾嫩味。同埋牛仔肉嫩到冇咩渣。

今日同爹D嚟到上海婆婆食上海菜，除咗黃大仙分店，我哋之前都有去尖沙咀分店，價錢親民，質素有保證，菜式份量足且充滿家常風味，成為我哋的飯堂。上海小籠包（4隻）皮薄餡靚，輕輕一咬，鮮甜肉汁溢出，豬肉餡調味恰到好處，蘸點陳醋更鮮。 生煎包（3隻）底部煎得金黃酥脆，內餡多汁飽滿。上桌時熱辣燙口。 糖醋魚塊魚塊外脆內嫩，醬汁酸甜開胃，魚肉無骨且炸衣不厚，配有菠蘿，蕃茄青椒同洋蔥。麵筋素雞燒豆腐 呢個係素食，豆腐滑嫩、麵筋吸飽醬汁，素雞口感紮實，醬油香濃帶有麻油香，充滿上海家常菜的鑊氣。 婆婆粒粒炒飯鑊氣十足！米飯粒粒分明，配料豐富，臘腸粒非常之香，蝦仁好多，份量超多。豆漿 豆香濃郁且不會過甜。