一緒一番酒場

营业中

休息中

呢間日本料理餐廳位於中環Stanley，主打廚師發辦、壽司、刺身、唔同牛串嘅稀有部位同季節性限定清酒。採用開放式廚房，可以邊食邊觀賞師傅烹調菜式，係視角同味蕾嘅雙重享受😋 店員服務態度十分有禮，淨係呢樣已經大大加分！先送上前菜，第一次食海膽豆腐，味都突出，上面以黑松露點綴，嫩滑可口，入口即溶，旁邊有赤雞胸，來自日本，完全唔嚡，點埋醬汁，讚。之後到鯛魚，師傅話唔會比柚子同豉油，用竹炭鹽點，真係好夾，更能帶出魚嘅鮮甜味。值得一讚喺壽司飯淡淡香味，唔會淨係用白米！師傅已將全部壽司調味，用上唔同醬汁，逐件放上碟。赤貝粉嫩肥美、地金木鯛濃厚魚香、深海池魚晶瑩剔透、烏賊帶點煙靭、赤蝦鮮甜，黏黏哋、馬友鮮嫩多汁、蠔又大又甜、中拖入口即化、海膽甜濃唔腥、鰻魚滿滿油脂、各有千秋。串燒做得幾有心思，秋葵放上肉餡，令口感同層次昇華咗、白鱔嫩滑又juicy，鮮甜美味、雞翼帶啖啖燒香氣，肉質鮮嫩，肉骨分離。麵豉湯熱呼呼，仲有大量配料，飲完暖笠笠。最後以甜點作結，為呢餐畫上完美嘅句號。

📍中環- 一緒一番酒埸今日帶大家去中環食日本餐🫶🏻✨首先呢間餐廳係地理位置超級方便 係喺娛樂行對面Stanley 11 一棟比較新嘅Building 都聚集着幾多唔同嘅餐廳🫶🏻✨我覺得性價比幾高 但係地理位置同埋環境都好適合去慶祝生日🎁 🍣刺身拼盤定食 $398 嗰日就食咗佢哋嘅lunch set🍣🐟呢個刺身拼盤除咗刺身之外 仲有三款前菜 包括麻醬沙律 茶碗蒸 同埋麵豉湯！當然都仲有配刺身嘅飯啦！刺身方面份量都唔少🐟🍣赤蝦🦐配海膽刺身比較爽口！另外中拖羅來完全冇筋 咬落去超級順口！雖然只係中拖羅 但係都有唔少嘅油脂(⁎⁍̴̛ᴗ⁍̴̛⁎)！跟住我覺得最深刻印象一定係日本馬友！因為師傅有微微灸燒過 所以食落去雖然肉質比較實，但係都好香口！———-📍中環- 一緒一番酒埸地址: 中環士丹利街11號Stanley 11 26樓

趁夜晚分享一下🌆是日午餐🍤 先！我同同事嚟咗呢間中環士丹頓街11號26樓嘅餐廳食日本菜，呢個地方真係有啲隱蔽，我平時好少自己一個過嚟，但係今日嚟到先見到原來呢度午餐選擇都唔錯，價錢偏貴，不過用了基本上全部都係日本貨！✈️我試咗呢一個「北海丼 Hokka Sashimi on Sushi Rice Bowl」 $280 🍣🍚🍱🍙 價錢嚟講係有啲貴嘅，但係睇返入邊啲用料就知，真係唔算貴。主要有三種嘅海鮮，有北海道活帶子、北海道海膽同埋呢一款好好食嘅鰤魚🐟，三款全部都幾正，帶子味道好Fresh，海膽味道濃郁，油甘魚啲油脂分布好平均，食落真係好鮮味！成個Lunch set 包咗前菜、碗物、茶碗蒸、煮物。我個人好鍾意個茶碗蒸，入邊非常之足料同埋豐富，首先個日本蛋黃一望好吸引，仲有好多三文魚子大大粒，撈埋底下滑捋捋嘅茶碗蒸，咬到一啲菇菌，非常惹味！麵豉湯味道同出邊嗰啲有少少唔同，呢度用嘅蔬菜比較多，我自己就食到有多啲蘿蔔。同埋沙律🥗都好開胃，整體感覺唔錯，之後會再多啲嚟！

天氣變熱好多 都唔中意太熱食只想吃冰冰涼涼魚生 降降溫🥵北海丼：海膽 北極貝 獅魚🍣我最愛的三件套！軟軟滑滑鋪在飯上🍚搭配少許醬油咸香 誰能拒絕！魚子蒸蛋：蛋上加蛋🥚！戳破生蛋 蛋液包裹爆漿魚子 與下面彈嫩蒸蛋一起入口 加少許松露調香🍄真係美味可口🥹

今日同朋友嚟到一緒一番酒場，試咗佢個午市套餐，呢度有中環靚境環境又舒適，lunch set 都係二三百，算係幾抵！首先碎切刺身壽司丼，呢道菜用咗好多新鮮嘅海鮮，包括帆立貝、鮪魚同鯛魚等等等等，配上壽司飯，味道鮮美，令人好滿足。每一口都可以品嚐到魚生嘅鮮甜同豐富口感，絕對係海鮮愛好者嘅首選👍🏻另一味試左銀鱈味噌燒，魚肉質鮮嫩，同埋味噌燒嘅調味令味道更加豐富。每一啖都可以品嚐到魚肉嘅鮮美同埋味噌嘅香氣，正。銀鱈味噌燒嘅烤製技巧令魚肉保持著柔軟嘅質感，同時亦帶有微微焦香，增加咗口感層次。呢度仲有提供清酒pairing，可以同菜式相輔相成，提升整體嘅食用體驗。pairing由淡口清酒到濃厚口感，好爽快。另外，柚子酒嘅清新柑橘風味都係一個唔錯嘅選擇，佢可以為餐點增添一絲清爽嘅口感，勁香勁好飲！

大隻仔今次覓食嘅店舖就係💥 一緒一番酒場 💥大隻仔今次介紹一間位於中環樓上舖，客人不多，食物質素不錯嘅日本餐廳，一出lift，就係餐廳位置，餐廳樓底好高，感覺開陽，座位只有吧枱，open kitchen 設計，可以近距離望到師傅烹調食物嘅手法。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 北海丼 $280 （另加一服務費）午市套餐包括沙律菜、茶碗蒸、麵豉魚湯。北海丼係一個三點刺身丼飯，有北寄貝2片、鰤魚4片、海膽， 再配上生醃白蘿蔔片、壽司薑片墊底，大隻仔比較貪心，如果有埋北海道出名嘅帆立貝刺身就更加滿足。北寄貝用上新鮮北寄貝，爽口彈牙，夠曬新鮮，但有少少腥味。鰤魚肉質緊緻，充滿油香味道，表面灑上魚鬆粉，甜甜地幾好食。海膽用上北海道馬糞海膽，入口即溶完全冇腥味，非常高質。飯有濃厚日本醋味道，飯量大概三分一碗滿，配有蟹柳絲、干瓢絲、白芝麻粒。

呢間係我一直以來都好想食嘅，得自己就唔好食到咁奢侈，食個lunch set就算佢嘅lunch set包咗沙律、餐湯同埋蒸蛋沙律嘅胡麻醬一啲都唔吝嗇，係我食過沙律嚟講最多胡麻醬嘅蒸蛋好夠熱，而且好滑北海丼北海丼包左北海道海膽，獅魚同帆立貝海膽嘅份量都算好多，而且味道唔會腥佢嘅壽司飯有別於平時，加咗啲芝麻同埋醬油，令到成個飯嘅味道都昇華咗最後我仲自私地加咗杯柚子酒，好香嘅柚子味，酒味又唔會過濃，好適合女仔飲個人認為如果喺呢間食Omakase會係好好嘅氣氛，因為見到旁邊嘅人食我媽卡些師傅帶動得氣氛好好

中環士丹利街11號Stanley 11 26樓6:30在中環見完客，已經好攰又肚餓，行過見到 Stanley 11 ，諗住獎勵下自己咁辛勞，豪 D 食餐日本菜，既然順路方便就上樓,座下後店員話有午市套餐😳都已差不多7時 🤣北海渡丼飯定食$288前菜🥗麻醬沙律菜，有蕃茄有小小粟米味噌湯🍵清清淡淡有小小海帶/豆腐日本蒸蛋🥚主角北海渡丼🍣海膽正常帶子正常獅魚正常應該都是已調味的日本米，唔使20分鐘就食完🤣晚餐時段付午市套餐價$288 安慰自己可能真係超值，不過份量唔算太大，仍感覺肚餓無飽足感 在7：20 結賬，用餐時間快過快餐店，在樓下再搵其他食店，食碗熱辣辣拉麵暖暖個胃😄

$680 +10% omakase 話限時 60min.... 2pm 落場 趕客。。。booking 1230pm, 有名疑似廚師話我地坐左 20min 都唔落單，話一般留枱15min, 要我地 1.30pm 還枱。。。又話有人book 左 130pm ....但其實根本冇客。。。態度惡劣。。。我覺得俾得起 $680 ㅡ 個 lunch 可能有更好選擇 ？

呢排日日都大魚大肉，今日嚟個輕盈啲嘅午餐~所有lunch set都配有前菜沙律、麵豉湯、茶碗蒸～ 全落地玻璃嘅環境採光好好，環境幾舒服～座位全部係高凳面向大廚👨‍🍳⭐️ 北海丼 ($280)來自北海道嘅刺身好新鮮，有油甘魚、海膽、帶子。海膽超級新鮮，滑溜溜嘅質感好好。油甘魚同帶子新鮮度一流。而帶子味道鮮甜，油甘魚嘅肉質豐腴，加上佢嘅油脂，配埋赤醋丼飯食好夾～⭐️ 沙律⭐️ 麵豉湯⭐️ 茶碗蒸💰HKD 300 p.p for Lunch📍 一緒一番酒場 (中環)中環士丹利街11號Stanley 11 26樓

放假我鍾意發掘新食店。呢間日本餐廳位於士丹利街11號大廈。上升降機需要保安特登開返專用的升降機。當日餐廳話只有魚生飯同串燒午市套餐提供。留意返每日可提供的套餐。當日叫左碎切刺身壽司丼飯套餐，附送味增湯、蒸蛋同沙律。海帶味增湯、海鮮茶碗蒸同沙律都正常發揮。魚生都算新鮮，有海膽、帶子、油甘魚同腌製蘿蔔。壽司飯有如果少酸會更好。環境都算乾净，全部圍住坐，只是張凳有少少高。當日有人生日，餐廳都有播生日歌，都幾特別。

工作壓力大想好好獎勵自己或者想慶祝終於捱過五日到星期五Stanley 11呢間嘅定食係個唔錯嘅選擇客人嘅位置包圍住中間嘅工作位置師傅整壽司同切刺身都會一覽無遺亦有機會可以聽吓師傅介紹食材今次食嘅套餐有前菜蟹籽沙律麵豉湯同三文魚子茶碗蒸食咗三樣嘢都覺得係心機之作而且已經好期待個主角《北海丼》見到師傅係我面前切鰤魚師傅話佢係油甘魚嘅哥哥 淨係腹嘅部份已經重3.2公斤係大魚另外有北海道鮮帆立貝同海膽三樣食材都好新鮮份量又多配料有紫蘇葉+紫薑+我最鍾意清新又開胃嘅自家製柚子蘿蔔最後想講嘅係個丼飯底係有調味成個丼有唔同嘅味道口感同驚喜食完忍唔住坐多咗陣樓底高景觀好係寧舍唔同🥰✨

聽朋友介紹過呢間位於中環既日式餐廳，去開中環就去試下。餐廳位於大廈高層，可以一覽中環街頭，感覺舒服。再者，呢間餐廳座位唔多，所以客人數量唔會太多，適合想坐下傾下計既朋友。今次想試下佢既廚師發辦又想試下佢地馳名既沖繩豚肉丼，所以就同朋友叫左一人份量$880既廚師發辦套餐同一個沖繩豚肉牛丼飯。食完之後完全無失望，而且項材料都新鮮，令人有驚喜，想食間性價比高既日式餐廳既話，可以去呢間試下。蘭王黑松露蒸蛋香濃蛋味，配上啖啖的黑松露味道，好食Omakase壽司8件款款刺身都新鮮，配上廚師精心製作，款款都新鮮好食，有新鮮感，正沖澠豚肉丼經過廚師烹調後，豚肉入口即溶，又不會太肥，煮得肉質同味道都剛剛好，令人食落停唔到口，推介

Sashimi Donburi🍣✨特選刺身定食（六品）Supreme Assorted Sashimi Set魚生丼的份量十足，刺身新鮮種類豐富，魚生厚切結實。輕炙過日本馬友外皮香脆、帶微微焦香，魚油香濃，肉質嫩滑，入口即溶，帶子鮮甜爽口，肉質厚身。赤蝦食落鮮甜、肉質彈牙。拖羅、吞拿魚和油甘魚的肉質柔軟富油脂，口感厚實帶鮮味。魷魚彈牙有咬口，軟滑鮮甜，令魚生丼的口感層次更豐富。配上脆口的蟹籽，再拌以醬油和芥末食用味道和口感恰好。✨沙律✨麵豉湯✨茶碗蒸

一緒一番酒場中環士丹利街11號 Stanley 11 26樓經開中環，老友想食日本菜，帶咗我去Stanley 11 嘅 一緒一番酒場，果然冇介紹錯。😽日式雜菜沙律沙律菜新鮮爽口，加了蟹柳和飛魚子提升層次，胡麻醬汁酸酸甜甜好開胃。😸麵豉湯鹹度適中，配料有白蘿蔔、香蔥和海帶，暖胃一流。😋黑松露蘭王蒸蛋得獎冠軍菜式，面層放了黑松露醬和蛋黃，中層有三文魚子，底層蒸蛋又香又滑，配料有菇和日式魚蛋，攪勻食好正，每一啖都有黑松露、蛋黃和三文魚子的香味，必食！🤤碎切刺身壽司丼刺身有熟成了五日的北海道鰤魚，沒有急凍的北海道新鮮帆立貝，北海道海膽。鰤魚魚油豐富，入口即溶，帆立貝鮮甜爽口彈牙，份量十足，我淨係鍾意食北海道嘅海膽，鮮甜嫩滑，其他地方嘅海膽唔同層次。吃到中段可加 wasabi、紫蘇葉、子薑和自家製柚子味蘿蔔刺激味蕾。壽司飯醋味香濃，酸度適中，加了芝麻、蟹柳和煮干飄，大滿足！😻自家製焦糖海鹽雪糕又香又滑，調味和份量控制得好好，薄荷葉夠 fresh，so nice。😚一緒一番酒場 環境舒適，食材高質，侍應服務態度好，還會再來。😎🤘🏻