グリル滿天星

营业中

休息中

🥢 每次由港威商場穿過去海港城都會見到一間排曬超長人龍嘅餐廳，就係傳說中東京嘅著名蛋包飯店—滿天星，今日終於終於有耐性去排隊去食到啦！ 👍🏻 除左蛋包飯，佢地嘅鐵板餐仲有幾種甜品menu都係非常吸引，蛋包飯配料選擇都有10種有多，另外店員全部服務態度都好好勁nice，用餐體驗好好！ ⏳上菜速度: 🐄🐄🐄🐄🐄 ✨ 日式咖哩吉列豬扒蛋包飯 $228豬扒極厚切外脆內彈，蛋好順滑配咖哩飯夠惹味！揾食指數: 🐄🐄🐄🐄🐄 ✨ 日式漢堡扒 $238漢堡扒厚肉juicy，推介叫鐵板因為可以保留熱度！揾食指數: 🐄🐄🐄🐄🐄 ✨ 士多啤梨奶昔 $78草莓味清新鮮甜，配合陣陣奶香，仲有新鮮果肉！揾食指數: 🐄🐄🐄🐄 ✨ 抹茶拿鐵 $52抹茶味相對幾濃郁，唔會太多奶，杯面仲有奶泡！揾食指數: 🐄🐄🐄🐄 ✨ 原味梳乎厘班戟 $108班戟軟綿綿有空氣感，唔會太大份所以唔會太漏！揾食指數: 🐄🐄🐄🐄

呢間餐廳食過好幾次，堂食試過幾次，但每次都要排60分鐘或以上，外賣都試過兩三次，等15分鐘左右，所以今次補番食評。餐廳係出名蘭王蛋😍蛋味濃，色澤比一般蛋深黃d, 聽聞成本都要4蚊一隻。所以我每次都係食咖哩蛋包飯。每款咖哩飯個飯底都有小小吾同。個炒蛋真係好好食，好濃蛋味同多汁，好juicy 😍$178炸蝦咖哩蛋包飯: 炸蝦炸得好脆吾油膩！炸粉吾厚身，蝦肉都大隻，好香口。個炒飯底係咖哩味，好好食。$248浦燒鰻魚蛋包飯: 原條鰻魚好吸引，魚好厚身，美中不足係個炒蛋底係甜味，有點奇怪🥹而且鰻魚汁比較咸左少少。價錢亦係最貴，所以性價比一般。$128滿天星蛋包飯: 即係普通蛋包飯。另外叫左炸洋蔥圈。可能外賣關係，洋蔥圈淋晒，所以好一般。$208滿天星肉汁忌廉蟹肉餅蛋包飯: 蟹肉餅有三舊，炸得幾脆，但就吾係好多蟹味。總扣黎講，性價比最高係堂食炸蝦蛋包餅，熱辣辣先好食😋😍

/ #洋食料理 /.每次經過グリル滿天星門外總是大排長龍，被門外嘅餐牌所吸引著，同朋友食過真的很不錯，很有日本和風料理嘅感覺，圖文完全相乎！呢間以蛋包飯為主打的日本正宗洋食餐廳，淨係蛋包飯都多達十五款。另外備受注目當然係佢地嘅甜品梳乎厘、窩夫、芭菲，#甜品愛好者 必試～｜#日式咖喱吉列豬扒蛋包飯 ｜上枱見到熱㷫㷫香噴噴嘅金黃蛋包飯，蛋包飯鬆軟滑溜好有蛋味，皆因佢地用上日本嘅蛋王蘭王蛋，難怪色澤金黃亮麗蛋味濃郁。配上炸得脆口的吉列豬扒同香甜可口嘅咖喱汁絕配。｜#日式漢堡扒 ｜日式漢堡控要嚟試下，漢堡用上鹿兒島嘅優質和牛同日本北海道嘅和豚搓製而成！咬落juicy 有肉味，鐵板上可保持熱度肉香鎖緊肉汁～｜#期間限定 - #日本草莓芭菲 ｜令人好難抗拒嘅日本草莓芭菲，賣相已好吸引，每口都食到唔好層次嘅口感，幼滑香濃嘅忌廉同雪糕、薄脆香口嘅waffle片、餅乾碎、口感Q彈啫喱粒、香甜清新新鮮士多啤梨....飯後甜品一流！｜#士多啤梨奶昔 ｜用上新鮮當造士多啤梨做嘅奶昔，幼滑香濃，士多啤梨跟牛奶好夾甜度剛好，creamy 豐厚！少女粉Yum～.グリル滿天星 HONG KONG尖沙咀海港城海運大廈3

這次去了一家人氣店舖，主打吃日式蛋包飯的，晚市時間人頭湧湧🤩。店舖位於海運大廈三樓，環境裝修簡約，西日風格的裝修。食物以散點為主，價格中等食物大份🙈。-▪︎藍莓芝士蛋糕奶昔 HKD$78▪︎日本蘋果汁 HKD$48奶昔飲品有多款選擇，飲品賣相吸引。奶昔味道香甜忌廉口感幼滑🤤，這杯挺有咬感的，忌廉質感較濃稠。蘋果汁味道酸酸甜甜的挺開胃，可以中和食物油膩感。-▪︎日式咖喱吉列廣島蠔飯 HKD$188這個賣相吸引，用了蘭王蛋製作，滑蛋味道較香濃，半流心的質感滑溜🥰。吉列蠔外脆內軟，肉質鮮味爽口，咖喱味道微辣。蛋包飯裡是炒飯底，口感煙韌炒飯大份。-▪︎日式照燒雞扒 HKD$198用鐵板上的味道挺香的，雞肉肉質嫰滑，預先切件較方便吃😆。有黑椒汁和蒜蓉汁選擇，黑椒汁較香口惹味。另有薯角和蔬菜拌著吃，薯角口感脆口，吃光整個挺飽肚的☺️。-▪︎藍莓紫薯窩夫 HKD$148這款窩夫擺盤賣相吸引，而且是較少見的口味😎。窩夫做到外脆內軟的口感，藍莓雪糕味道香甜，藍莓和紫薯忌廉口感幼滑，拌窩夫吃味道較好，整體味道不會太甜。-

グリル滿天星是日本過江龍，於 1978 年由昭和天王御廚的入室弟子 —— 窪田好直創立，總店扎根於東京麻布區，是多年來受食客追捧的人氣蛋包飯專門店。香港店充滿少女心，柔和的燈光，以䁔黃色為主調，佈置加入雞蛋元素，安坐在舒適卡位，吃一口滑溜蛋包飯，充滿幸福感。日式咖哩炸蝦蛋包飯$178炸蝦酥脆可口，金黃滑溜的蛋包飯，覆蓋着熱呼呼的炒飯，切開蛋包飯，嫩蛋慢慢流瀉，令人食指大動。炸蝦肉質彈牙，口感飽滿又脆卜卜，為米飯倒上日式咖哩汁，每口飯都有濃厚咖喱香氣，滋味吸引。日式照燒雞扒 $198照燒雞扒以鐵板盛上，倒上燒汁香噴噴，緩緩切開雞扒，肉汁豐盛，質感軟嫰，配上燒汁的調味，香濃肉香在口中散發。香口薯塊吸收了肉汁精華，啖啖細膩、滋味。期間限定: 日本草莓梳乎厘班戟 $148 震騰騰的梳乎厘，空氣感十足，用叉輕輕按壓，質感軟綿綿。入口洋溢誘人蛋香，配上鬆軟的忌廉，奶香柔滑，令人甜絲絲。伴以鮮甜的草莓果肉，滿滿幸福感。士多啤梨奶昔$78/ 凍朱古力 $42奶昔夢幻粉色，表面鋪上蓬鬆的忌廉及士多啤梨，快快拌勻後，入口綿密柔順，草莓甜香充滿口腔，飲到粒粒草莓果籽，舒爽甜蜜。朱古力濃濃醇滑的奶香，美味吸引

終於抽個空黎食呢間來自東京45年老字號蛋包飯專門店！ 點解咁想試都真係有原因的，因為次次經過都排晒長龍實在好好奇係有幾好食。😍聽聞呢間滿天星於 1978 年由日本昭和天王御廚 秋山徳蔵的入室弟子 —— 窪田好直創立，總店係日本東京麻布區，是多年黎極受日本食客追捧的著名老字號日式蛋包飯，通關後都未去到日本既我，心血來潮想食蛋包飯就去試試吧❤️1. 蒲燒鰻魚蛋包飯 （香港限定)好耐無食鰻魚 ，睇menu大大舊又肥美好吸引，今次就order 黎試下，絕對冇失望啊 ! 鰻魚大大條肥美而不膩， 醬汁份量岩岩好， 仲帶點蜜糖既甜味！聽聞呢度既蛋包飯會用3隻蘭王蛋，所以顏色偏橙，食落有微微蛋香味，口感嫩滑， 切開個飯再仲見到驚喜😍 原來唔只係白飯！入面有細細粒既香姑、魷魚粒🦑、蟹柳、粟米🌽，撈埋鰻魚同蛋一齊食 ， 真係好豐富，口感十足！ 咁大份一個女人仔真係食唔晒 ，好彩個朋友仔share食！ 👯‍♀️2. 鐵板雞扒因為唔係太食牛肉，所以點左個雞扒，賣相都算精緻，有西蘭花，椰菜花，紅蘿蔔同薯菜伴碟，雞扒熟度剛好口感軟滑，店員上餐熱辣辣係你面前淋上秘製肉汁，小窩心既係驚食客彈到衫，所以有圍裙提供。❤️ 3.

位於海港城海運大廈< 𝐌𝐚𝐧𝐭𝐞𝐧𝐛𝐨𝐬𝐡𝐢 >, 一間蛋包飯專門店, 於1978年由日本昭和天王御廚的入室弟子創立, 受到日本食客追捧, 香港當然也不例外。ᴇᴇʟ ᴏᴍᴇʟᴇᴛᴛᴇ ʀɪᴄᴇ $²⁴⁸蒲燒鰻魚蛋包飯, 來自九州大分縣呈橙色的蘭王蛋, 包裹粒粒分明的白飯, 面層放有嫩滑無骨的鰻魚, 份量十足。ᴊᴀᴘᴀɴᴇꜱᴇ ʜᴀᴍʙᴜʀɢ ꜱᴛᴇᴀᴋ $²³⁸熱辣辣的鐵板放上日式漢堡扒, 以鹿兒島和牛及北海道和豚, 其搓成一個餅狀, 面層再散上滿天星秘製肉汁, 充滿啖啖香氣。ᴄʜᴏᴄᴏʟᴀᴛᴇ ʙᴀɴᴀɴᴀ ꜱᴏᴜꜰꜰʟᴇ ᴘᴀɴᴄᴀᴋᴇ $¹³⁸朱古力香蕉梳乎厘班戟, 以日本新鮮農場雞蛋用心製作, 入口即溶, 超級鬆軟。而朱古力醬非常濃郁, 整體水準完全比得上日本, 這個推薦!ꜱᴛʀᴀᴡʙᴇʀʀʏ ᴍɪʟᴋꜱʜᴀᴋᴇ $⁷⁸士多啤梨奶昔, 面層放有香滑忌廉及果肉, 帶有甜甜士多啤梨香味。ᴍᴀᴛᴄʜᴀ ᴍɪʟᴋꜱʜᴀᴋᴇ $⁷⁸抹茶奶昔甜度適中, 亦很好喝呢。グリル滿天星 (尖沙咀)📍尖沙咀海港城海運大廈3樓OT301-301A號舖

朝聖呢間開喺日本東京麻布區嘅日本老牌洋食店「グリル満天星麻布十番」，過江嚟到香港落戶harbour city 海運大廈。好記得餐廳開幕初期，嗰條塞滿1/3個小長廊嘅人龍都幾震懾本人，心諗「蛋包飯啫！」。試過後我嘅結論係「蘭王雞蛋係make the difference💁🏻‍♀️」。首先，淨睇個唔駛用PS推高飽和度嘅自然鮮艷色澤就夠激發食慾，半熟蛋漿喺燈光下又真係閃令令㗎喎(lighting 方面好吸力，果然係司馬昭之心🥴），打卡大fit！開動發現係有誠意嘅日式西洋炒飯底，忽然令我憶起細個食西炒飯嘅畫面(證明我真係少食飯，小小事都回憶重啟👆🏻），心底嗰浸童心未泯嘅感覺出晒嚟，私心加分。分別叫咗兩款蛋包飯 — 「日式咖喱吉列豬扒蛋包飯」同香港限定嘅「蒲燒鰻魚蛋包飯」，前者係最經典嘅組合，豬扒係少少半肥瘦，入口有少少脂肪香。口感未到入口酥脆，但如果你鍾情厚身炸粉漿賦矛嘅紥實口感，呢個豬扒就幾啱你。我個人鍾意鰻魚多啲，原條夠靚仔，口感爽彈而且蒲燒汁不多不少，唔會太濃或死甜，味道剛好，加上冇咁熱氣😂😂😂。」記得有一集嘅《孤獨的美食家》又係講芭菲，同一情況面對幾款甜品pancake、奶昔同芭菲終須深

難得同老公拍拖梗係要去特別嘅餐廳啦！今次去咗東京45年老字號蛋包飯專門店食咗佢哋嘅必試菜式：香港限定嘅蒲燒鰻魚蛋包飯！蒲燒鰻魚蛋包飯 $248第一次食咁多汁嘅鰻魚，炭燒過好香！佢哋用蘭王蛋，係日本嘅蛋王！母雞飼養方面好有講究，而蛋色係橙色，難怪蛋味咁香同濃郁！真係絕配，難怪係必點，好大條魚！啱晒重口味嘅人！日式漢堡扒 $238鹿兒島嘅優質和牛同日本北海道嘅和豚搓製而成！啖啖肉，好好味！鐵板可保漢堡扒同肉汁熱辣辣，見到真係流晒口水。日本草莓芭菲 $118雪糕配waffle片好match！我好鍾意佢一層一層唔同嘅質地。最頂嘅係忌廉，到雪糕，然後到一餅乾碎，最底就有啲啫喱粒。有新鮮士多啤梨，雪糕又唔會太甜，做飯後甜品一流！藍莓芝士蛋糕奶昔 $78甜度適中，好濃郁，好creamy嘅藍莓奶昔！係我好鍾意嘅pastel藍色！！我真係第一次飲嘅奶昔唔會塞住喺條飲管到。好容易入口！

每次經過都見到好多人排隊，今次特登黎試下。點知伏到喊😓嗌咗份鐵板西冷牛扒，3成熟，點知切開全熟咁濟。。。啲肉又薄又‘鞋’，瞬間冇哂mood（所以切開都唔想影了）茶餐廳質素，唔會再黎喇😖😖😖😖btw pancake係ok嘅

經常咁多人排隊，諗住應該唔錯入到去見餐牌，蛋包飯大部份都$200起叫左碟鰻魚蛋包飯$248 及黑豚肉咖哩飯 $188，加一杯野飲食落完全唔係特別好食，肉太肥，食緊舊肥豬肉都唔使同日本普通餐廳比較，但呢個質素同價錢我不如食CoCo，起碼一定唔使$500唯一好處條鰻魚都夠大條，但蛋同飯都唔太得早知叫個明太子意粉，好似仲吸引啲，加上價錢又平啲係港威商場另一間日式餐廳更好食，雖然都要排隊，但時間好值錢，排間好食啲既唔好？最後都廢事叫甜品

行街行到累想搵個位坐下路經見到這間餐廳排隊人數不太多, 下午5點左右,但都排了約30分鐘原以為日式餐廳的pancake 應該一定好食滿心期待點了朱古力香蕉梳乎厘班戟朱古力醬太杰, Pancake 太實,再加上一條香蕉,已經非常飽肚...Pancake味道沒有特別如果不用排隊的話,有機會都會想試一試這裡出名的蛋包飯.

每次行過呢間滿天星都見長長人龍，但門口價錢牌都算高不可攀。因為羊群心理，前幾日見得十幾人排，就排隊一試。點知唔夠三分鐘就可入座。基本上細檯係可以直入。始終年紀大咗，肚皮唔爭氣，只能淺嘗。本身打算先食主菜，之後再試甜品。所以唯有只叫兩個主食，留肚等食甜品。因為first love 效應，所以心思思叫咗個拿破崙意粉。上碟時明顯份量大小同劇中所見有好大分別。呢碟意粉應該五啖就可以食完，趕時間食晏真係不錯嘅選擇。個汁比平時酸好醒胃，令您食慾大增，可惜份量太少，到喉唔到肺另外個碟咖哩飯同佢就明顯有分別。始終一碟加一後差不多要$200碟嘅咖喱飯，都要有啲賣點。炸蝦明顯比坊間大隻，唔係平時坊間質素。咬落去吉列漿鬆化，蝦新鮮彈牙。採用蘭王蛋嘅關係，蛋嘅顏色比平日嘅鮮色好多，打咭時確實比較吸晴。但食落同Coco 咖喱屋比較，質量相差不多，但價錢貴over兩倍。食完再叫甜品，發現綠茶味嘅甜品全部都落架。而其他available items又唔係我杯茶。唯有落去Shake Shack 買杯Milk Tea Shake 仲好。食完呢間，發覺Shake Shack 性價比真係好得多。總括來講，試一次就夠了！無咩

東京好出名的滿天星蛋包飯，日本好多連鎖店，實際只係平民餐廳。來到香港就變高級版。定位為高級版，但是只限價錢高級，食材真的普通。-----------------食物方面-因為2人/4人set 限制食物選擇，所以不想叫set。散叫以下食物漢堡扒蛋包飯$238 一個蛋包飯已經幾乎貴絕全港，預期材料要高級點，但又唔係。米飯非用日本米😨，二百幾蚊一個飯都係用平價珍珠米😨。塊蛋係好一pat 野咁，感覺好似係一次過煮一盤蛋漿然後淋上個飯度。漢堡扒係厚身，但係只有一塊...一個大男人食個蛋包飯應該唔夠飽。三文魚刺身沙津呢個好食，$78 價錢算係咁。醬汁同係日本食到的係一樣。日式炸雞$88普通炸雞，粉漿偏厚，可以唔駛點。凍檸茶$42，茶餐廳質素，要唔要點就見仁見智。-------------------服務方面-排隊等入座，無得拎飛。入到餐廳自助點餐。埋單自己去收銀埋。service 只係侍應上菜。唔會有人serve 客，所以無咩好評。

📍香港📍尖沙咀📍滿天星📍尖沙咀海港城海運大廈3樓OT301-301A號舖📍星期一至五 12:00~22:00 & 星期六至日及公眾假期 11:30-22:00🌹 無得訂位。長期人龍排隊但唔知有咩好食好排。試完一次絕對無下次。性價比極低。🦄 牛油果大蝦凱撒沙律 $128🦄 評分: 7/10份量算多，大蝦彈牙，不過太多醬，最鍾意食啲脆卜卜既麵包粒。牛油果幾新鮮唔錯。🦄 蒲燒鰻魚蛋包飯 $248🦄 評分: 2/10鰻魚好大條但味道一般。同平時日本餐廳食到甜甜地嘅鰻魚無得比。上枱醬汁賣相唔靚。蘭王雞蛋蛋黃較橙色炒岀黎視覺上會比較吸引，但無咩蛋香味亦唔滑，跟隨既醬汁比較咸。完全唔值呢個價錢。🦄 日式咖喱吉列廣島蠔蛋包飯 $188🦄 評分: 6.5/10廣島蠔幾大隻，炸到脆卜卜好食。日式咖喱偏甜好送飯。🦄 朱古力奶昔 $78🦄 評分: 3/10賣相唔錯IGABLE，但無咩味亦無朱古力味…除非你食啲朱古力碎片。撈埋啲cream有甜味會好飲啲口感濃郁啲。得個樣唔推介。#foodieschu尖沙咀～～～～～～～～～～～～～#香港美食 #尖沙咀美食 #蛋包飯 #日式咖喱 #海港城 #dinner #hkf