うなぎ四代目菊川

今日就特登嚟到呢間米芝蓮店，品嚐最正宗嘅燒鰻魚！🤩 呢間1932年創立嘅老店並非浪得虛名💫，一入店已經聞到炭火香🔥鰻魚油香😋。 うなぎ四代目菊川在名古屋，有超過9️⃣0️⃣年歷史，本來是做鰻魚批發的，來到四代目，專注做好現在的鰻魚料理🍱。店內的鰻魚，每條都保持活體狀態的情況下由日本運往香港，用他們獨到的飼養方法，先用過濾水讓鰻魚喝個飽，去除腥味和泥味，然後才給客人享用🥢，用心❤️去提供優質🌟的鰻魚。 【❄️冬季限定 雪見之鰻鍋】新推出💥🎏 【炙燒白燒鰻鍋御膳 $438】🍲✨ 套餐入面有原條白燒鰻魚、柚子鰹魚湯底🍋、時令野菜🥗和白飯🍚，鰻魚用白燒方式處理，可以直接食到鰻魚本身的味道🎏！白燒鰻魚有幾種食法，分別可配搭玫瑰海鹽、醬汁或醋；又或者放進柚子鰹魚湯浸2至3秒來食♨️，個人比較鍾意配搭海鹽，更加帶出鰻魚嘅鮮味！💯 📍うなぎ四代目菊川銅鑼灣希慎道33號利園一期4樓401A號舖…查看更多

日本食過四代目菊川後就回味無窮，呢間餐廳簡鰻魚控必食！仲係日本米芝蓮餐盤推介！真係好好味！超掛住！超想飛過去再食lor✈️可惜唔得閒飛住，唯有喺香港分店解下饞！成間餐廳裝修都好高檔雅致，木系日式設計，天花設計好精緻。有玻璃窗可以觀賞到師傅用備長炭燒鰻魚既烹調過程🤤鰻魚同和牛都係空運直送，價錢唔平，但值得！😋鰻燒和牛三吃丼 $398成條蒲燒鰻魚😍😍備長炭燒到外皮焦脆，肉厚多汁，完全無骨，無腥，入口即化！ A5宮崎和牛鋪滿飯面，超滑既和牛，滿滿幸福感🥰可以三吃： 1️⃣ 原味：和牛撈蛋黃就咁食 2️⃣ 加葱＋wasabi＋紫菜：清新，又可解膩，中和鰻魚油膩感3️⃣ 高湯茶漬：沖高湯落去，變身茶漬飯！ 仲有鰻魚乾湯，清澈鮮甜帶微煙香，啜一口已經好正！ 餐廳枱面有唔少調味料，個人推介千祈唔好錯過佢有個山椒粉！！識食之人見到真係即刻心心眼 🤩香港好難買嘅日本山椒粉，撒少少香氣即爆棚！和牛鰻魚味道再昇華！ 記得上次喺日本機場食四代目菊川鰻魚好似都要三百蚊，所以呢個加埋和牛$398，都真係唔算太過貴，食到日本原味，超值！…查看更多

今日跟朋友專程去銅鑼灣朝聖人氣大熱鰻魚店‼️🐟🍚✨ 位於銅鑼灣利園一期的「うなぎ四代目菊川」🏯是由擁有超過90年歷史📜的老字號鰻魚批發商直營的鰻魚料理店。 店家主打以原條鰻魚製作各種料理🍴，還推出了炸鰻肝💥、鰻魚玉子燒🍳等特別料理。 而店內裝潢營造出隱密🪵和充滿自然氣息🌿的空間，並設置開放式廚房👨‍🍳，可以近距離欣賞炭火🔥燒鰻魚的過程🤩 菊川鰻三吃 🍱包括蒲燒鰻魚切斷🐟、時令配菜🥗、特製清湯🍵及醃菜🥒。 店家使用備長炭烤製鰻魚🔥，再浸入秘製鰻魚醬汁再烤🍶🔥鰻魚有3個吃法😉 第一吃：品嚐鰻魚飯的原汁原味🍚，味道甘香😋。 第二吃：加入芥末🌱、蔥花🌿及海苔絲🌊等配料拌在一起享用，層次豐富✨。 第三吃：按照第2吃拌好鰻魚飯後🍚，再加入茶湯🍵作菜泡飯享用。 鰻魚魚皮烤得香脆🔥，肉質軟嫰🤗食落啖啖厚肉，而且帶甘香，真的好滿足‼️最後，來一碗清湯🍵解解膩，湯中點綴著清新的柚子碎🍊，入口清香爽口，真係解膩一流✨…查看更多

呢日嚟咗呢間喺銅鑼灣嘅鰻魚專門店食午餐🤣未講呢間餐廳嘅食物之前首先講吓有關鰻魚嘅知識，鰻魚嘅知識非常廣泛有啲仲幾深奧不過全部都幾有趣🤣例如，邊個季節食鰻魚最好呢？當然喺日本🇯🇵一年四季都有得食🤣，不過有講法話喺冬天之前10-12月鰻魚準備過冬聚積脂肪嗰陣最肥美🤣；另一個講法就係夏天食最適合，2025年嘅《土用の丑の日》係喺7月19日 同埋 7月31日，《土用の丑の日》係日本傳統節日，有時一年有一日有時一年有兩日（一の丑、二の丑），2026年（令和8年）會喺7月26日，日本人🇯🇵會喺呢一日（或兩日）食鰻魚因為認為就可以喺炎熱嘅夏季保持體力，呢個傳統始於江戶時代，其中以讚岐國出身嘅 平賀源內 之說最有名，話說某個鰻魚店老闆因為生意唔好尤其係夏天，問一位叫 平賀源內 嘅所謂「天才型學者」點樣可以賣多啲鰻魚，平賀源內 建議 鰻魚店主 喺店頭張貼「本日丑の日」，結果鰻魚銷情大好，此後，其他鰻魚店也依樣模仿，《土用の丑の日》食鰻魚就逐漸成為一種習慣🤣依家喺香港餐廳食到嘅鰻魚絕大部份都係嚟自中國養殖嘅鰻魚，所以越賣越平🤣，太平價嘅鰻魚會有啲令人擔心點解就自己諗諗🤣，依家就算喺日本🇯🇵食嘅鰻魚都有超過50%係嚟自中國🤣；而呢間餐廳嘅鰻魚係嚟自日本🇯🇵静岡県，静岡県有好出名出鰻魚嘅地方，呢間餐廳喺日本🇯🇵亦有好多分店，總店就喺名古屋，名古屋有勁多鰻魚老店，我去過其中幾間，不過就唔係好記得有冇去過名古屋嘅《うなぎ四代目菊川》🤣呢日食咗 $458「鰻燒和牛三吃丼 Unagi & Wagyu HITSUMABUSHI Setうなぎ和牛まぶし」，包括：蒲燒鰻魚一條日本A5宮崎和牛丼日本生蛋黃日式腌菜三吃配料鰻肝湯宮崎和牛有一大片肉質軟熟兼好牛味，就咁食好味，沾少少🤏日本生蛋黃食就口感再滑啲🤣傳統鰻魚老店嘅蒲燒汁可能已經有幾十年甚至上百年歷史，嗰桶汁一邊用一邊添加，淨係食個歷史感覺已經超正啦🤣，裏邊有鰻魚嘅精華，甜甜哋嘅蒲燒汁當然美味🤣，不過就唔知呢間喺香港嘅舖頭有冇喺名古屋帶啲有幾十年歷史嘅蒲燒鰻魚汁過嚟🤣；我首先就咁食 蒲燒鰻魚飯，有鰻魚鮮味，有少少🤏炭烤味，幾好食🤣跟住就二食🤣：加 わさび 、香蔥、海苔絲，咁味道層次又豐富啲啲🤣跟住三食：沾少少🤏日本生蛋黃食就口感幾得意兼再滑啲🤣跟住四食：加埋山椒 サンショウ、鰻魚醬油、だし，我非常之超鍾意 サンショウ 因為同鰻魚超夾 🤣跟住我又重複最簡單嘅一食🤣；點樣食真係隨你鍾意🤣其他仲有鰻魚肝湯、簡單嘅漬け物 等🤣…查看更多

呢間係名古屋老字號嘅鰻魚專門店，主打名物「一本鰻」近年登陸銅鑼灣利園，再度掀起鰻魚熱潮！餐廳裝修走高級和風路線，木系設計，座位舒適，透過玻璃仲可以見到入面嘅師傅即場運用備長炭同竹炭原條碳燒鰻魚，充滿視覺享受！員工好有禮貌，介紹 menu 時唔單止講食材，仲會分享食法同配搭，感覺專業。😋 名物一本白燒定食 ~ 白燒鰻魚完全無落蒲燒醬汁，直接以炭火燒烤，燒到皮脆肉嫩，食落去有淡淡炭香，鰻魚本身油脂豐富但唔膩。白燒食法真係好考功夫，呢度做得好乾淨俐落，食到鰻魚本身最原始嘅鮮甜風味，值得一讚！😋 鰻燒和牛三吃丼 ~ 薄切日本A5宮崎和牛，油花靚，入口即溶。蒲燒鰻魚醬汁香甜但唔搶味，鰻魚燒得啱啱好，魚肉鬆軟肥厚，皮脆肉香，鰻魚三吃更加各有風味：1. 直嚐蒲燒原味2. 加入三吃配料3. 加入特製高湯製成茶泡飯🍵 鰻肝湯 ~ 呢個養生湯確實不容忽視，鰻肝處理得好乾淨，無腥味，湯底清澈但有深度，飲落去有少少甘香，感覺解膩，係一個好好嘅收尾 ❤️香港分店保留咗本店嘅精神，環境高雅，服務親切，鰻魚質素亦有水準。價錢唔算平，但以質素嚟講絕對值回票價。無論係想試下正宗名古屋蒲燒，定係想感受職人手藝，呢間過江龍都值得一試！…查看更多

我嘅愛店<うなぎ四代目菊川>鰻魚飯專門店🌟最近又推一系列冬季限定新品🤤!𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁 ☰ ᴍᴇɴᴜ 𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁【炙燒白燒鰻鍋御膳 $438 】好豐富😍 🥗時令野菜🐟白燒鰻魚🍋柚子鰹魚湯底🍚白飯白燒鰻魚一如既往皮脆帶咸香🤤 配柚子鰹魚湯底好清新暖胃☺️ 店員話仲可以二食鰻魚 - 將鰻魚輕輕沾湯🍲 不過個人推介分開食😝 邊食野菜，邊食白燒鰻魚飯好滿足🥰【松葉蟹腳天婦羅 $168】炸得香脆，啖啖蟹肉，不過略油🤏🏻⋆ ⋆ ⋆ ⋆ ⋆🐽 Overall : 9/10🐽 Revisit : Always🧡…查看更多

有一段時間冇返鄉下～非常掛住日本正宗嘅鰻魚飯，所以今日就特登嚟到うなぎ四代目菊川品嚐最正宗嘅燒鰻魚！🤩🤩嚟到發現佢哋推出咗冬季限定menu，就決定試吓呢一個新出嘅鍋物！炙燒白鰻魚鍋御膳🐟套餐入面包咗原條白燒鰻魚、柚子鰹魚湯底🍊、時令野菜🥬、白飯🍚，由於白鰻魚冇落到醬汁去燒，所以更加可以食到鰻魚本身嘅味道同埋魚嘅油脂香味！比較適合口味偏向清淡同埋想食到魚本身味道嘅人試下！呢一個白鰻魚有三款食法，分別係就咁食、配搭玫瑰海鹽、配搭醬汁，我自己就比較鍾意配搭海鹽，更加可以帶出鰻魚嘅鮮味！另外仲有幾款冬季限定嘅單品，都好有特色，包括有松葉蟹腳天婦羅🦀 同埋 白燒鰻魚佐魚子醬🐟等，大家千祈唔好錯過！特別值得一提嘅係，香港分店做出嚟嘅品質，簡直係完美複製咗日本店，而且價錢亦都同喺日本食差唔多！而家想食正宗鰻魚，仲使乜特登飛去日本呀🙈…查看更多

鰻魚控記得bookmark！日本名古屋90年老字號鰻魚專賣店係銅鑼灣開左啦！唔洗去日本都食到高質鰻魚同和牛！裝修走高級和風路線，木系設計，座位舒適。仲可以近距離欣賞師傅即場碳火烤製原條鰻魚，充滿視覺享受！鰻燒和牛三吃丼蒲燒鰻魚採用關西派嘅直火炭燒，魚皮燒至微脆焦香，肉質嫩滑，醬汁味道醇厚，完美帶出鰻魚嘅鮮味。和牛質素同樣驚艷。宮崎A5和牛油花分布均勻，油脂甘香豐富，單吃肉質軟嫩。二吃蘸日本生蛋黃，蛋黃濃稠無腥味，鰻魚同和牛蘸蛋黃食，令柔嫩口感再昇華，變得更順滑濃郁。鰻肝湯都好特別！湯色清透但味道鮮甜，帶有獨特嘅甘香餘韻，飲完成個胃好舒服。菊川鰻三吃呢個套餐將同樣高質嘅鰻魚切成適口大小，鋪滿喺飯碗上。「三食」可以一次過體驗三種截然不同嘅風味層次！直嚐蒲燒原味，加入三吃配料，最後加入特製高湯製成茶泡飯，三種風味各有特色。…查看更多

昭和年代創立既老字號米芝蓮店終於喺香港都食到啦喇💕名古屋名物當然裝修走日本風帶點現代時尚風格，餐廳中間仲有玻璃間隔，望到日本師傅炭燒鰻魚嘅製作過程，真係十分之尊敬，隔住玻璃都覺得好高溫度蒲燒鰻魚+宮崎和牛，簡直雙重享受鰻魚即叫即燒保證熱辣辣香噴噴外皮焦糖化又香又脆 微微散發炭火燒烤味肉質肥美很厚加埋秘製醬汁簡直係人間美味😋日本A5宮崎和牛蓋飯超大塊A5和牛，雪花超靚，肉味香濃燒完勁香油花一滴滴滲透落飯粒中間配埋日本生蛋黄油脂同蛋黃將珍珠米全面升級所謂既三食 除左直接品嚐原汁原味更加可以撈埋wasabi/葱花/紫菜絲減膩帶出清新感最後再加入茶湯做泡飯食 三重享受第一次飲鰻肝湯，配麵豉煮完全冇腥味👍🏻…查看更多

餐廳環境設計走日式簡約風格，整體氛圍寧靜而舒適。入面用大量木質元素，令空間感覺溫暖又自然，配合柔和嘅燈光。座位安排寬敞，唔會感到擠迫，裝修線條簡潔，桌椅設計講究實用同舒適。牆上掛住幾幅日本風嘅畫作，增添一份典雅氣息。鰻燒和牛三吃套餐賣相已經好吸引，擺盤乾淨又有心思。首先，鰻魚燒得皮脆肉嫩，口感好彈牙且Juicy，帶出鰻魚獨有嘅鮮甜味道，咬下去每一口都好滋味。牛肉切得厚薄適中，入口嫩滑，油脂分佈均勻，混合咗鰻魚嘅豐富鮮味，層次感十足，好有驚喜。三種不同嘅食法，令味道唔單一，間中會配搭特製醬汁，鹹甜度非常平衡。…查看更多

📍 四代目菊川-銅鑼灣一行入去就已經聞到一陣炭燒嘅味道，原來係隔住塊玻璃喺度燒緊鰻魚，成個過程可以經過玻璃就睇到廚師嘅煮法，有種帶著炭香、現烤現殺的道地滋味！入面嘅裝修都係以簡約嘅米白色為主，成個日本風格走晒出嚟，全部都有沙發🛋️而且座位唔會好逼，坐得格外舒服😌燈光好柔和，唔會覺得有一種壓迫感，又大又舒服😌夠晒空間感～～～～最近餐廳推出咗兩款嘅和牛加鰻魚丼，可以享受晒兩款日本嘅美食🩷呢度嘅鰻魚係日本🇯🇵係養殖場每日新鮮運送特別新鮮👍日式腌菜｛日式前菜｝✨ 鰻燒和牛三吃丼有牛有燒鰻魚，仲要係原條燒鰻魚，食晒成條燒鰻魚，再加埋個和牛飯都已經飽晒啦😍😍蒲燒鰻魚，活鰻配上嵗火蒲燒，皮脆肉嫩、鹹甜適中，仲可以自己自由添加鰻魚汁👍✨日本A5宫崎和牛丼真係入口即溶，油脂分布，西冷扒真係超大塊米飯也煮的粒粒分明，非常討喜。加入日本生蛋黃🥚層次感即刻提升🐮🐮✨三吃配料茶漬飯與一般茶漬飯不同，採用直火燒過的飯糰再倒入茶湯，讓焦香和茶香更加濃郁🫖🫖加入蛋黃、生、紫菜、Wasabi，又係另一種比較清淡嘅食法🍚🍚🍚✨鰻肝湯口感棉密，而且有昆布，有自然嘅鹹味🩷…查看更多

喺香港搵鰻魚專門店其實唔多，呢一間喺銅鑼灣嘅日式餐廳，裝修風格都幾有特色，彎彎曲曲嘅走廊，同埋用咗一條條線去做間隔，都幾特別。我哋兩個人，一人叫咗一個set。名物一本鰻三食 ($398)鰻魚燒得飽滿，個底仲有少少香脆，真係唔錯。三食係：1.鰻魚嘅原味 2.鰻魚加香蔥，紫菜， Wasabi 3. 加入熱湯，變成茶漬飯。三種食法，各有特色，而且豐富咗食鰻魚嘅體驗。鰻燒和牛御膳 ($458)A5宮崎和牛，咬落去牛香味勁濃，而且佢哋燒得啱啱好，肉質軟腍，配咗佢哋特製嘅醬油，好正。呢度嘅鰻魚份量就冇上邊個set咁多，而且燒得乾身咗少少，醬汁都好似重手咗啲，食落去好鹹，我要不停配白飯食。呢個set仲有一個特別嘅地方，就係佢嘅湯係鰻肝湯。總括黎講，個set係幾豐富嘅，和牛都係令人回味嘅，但係鰻魚質素比想像中差咗少少，唔知點解真係好鹹，而且呢度嘅價錢都唔平，性價比有啲低。…查看更多

💖講到高質鰻魚，一定唔少得日本過江龍90年老字號嘅「うなぎ四代目菊川」，而家係香港都可以食到呢道融合傳統關西流蒲燒工藝同現代風味嘅佳餚。1️⃣鰻燒和牛三吃丼🐟💖好高質嘅套餐，包括成條蒲燒鰻魚、日本A5宮崎和牛丼🇯🇵、日本生蛋黃🥚、日式腌菜、三吃配料（茶、蔥花、芥末、紫菜）同鰻肝湯🥣，檯面有各款搭配鰻魚嘅醬汁可自取。💖所謂三食，第一食☝🏻先係品嚐鰻魚原味。同其他地方唔同係呢度即嗌師傅即燒，醬汁自行加，所以上台時外皮香脆肉質細嫩，仲帶炭烤香味同鮮香。第二食✌🏻就係搭配蔥花、芥末、紫菜等，再淋上自己鍾意嘅醬汁，配飯好香口，呢度嘅鰻魚汁香甜提味，搭配芥末解膩開胃，紫菜豐富口感。第三食👌🏻係加入茶湯🍵，茶漬飯食得暖笠笠～另外A5宮崎和牛非常嫩🥰，混入生蛋黃口感更順滑細膩。鰻肝湯足料，味道鮮得黎唔腥。💖餐廳環境舒服好坐，大家要留意午市同晚市時間，唔好撲空。我咁啱係午市收爐前食～…查看更多

鰻魚四代目菊川位於銅鑼灣利園一期四樓，地點便利，餐廳裝潢以和風為主調，環境乾淨寬敞，木質桌椅配合柔和的暖燈，仲設有包廂，環境非常舒適。入座後由侍應細心招呼，好詳細介紹餐點。玻璃窗可見到廚房師傅燒鰻魚，鰻魚燒得香氣四溢。鰻燒和牛三吃丼，鰻魚烤到微微焦脆，帶啲炭火香，魚肉嫩滑又Juicy，啖啖肉入口即化，帶有鮮甜味道，而且醬汁調得好入味，甜中帶鹹，鹹中帶香，好冧又惹味。第一吃，先唔加任何配料，直接將鰻魚飯舀起嚟食。第二吃，加入配套嘅香蔥、芥末或紫菜等香辛料，輕輕攪拌鰻魚飯。第三吃，喺加入第二吃嘅香料之外，再注入熱高湯（出汁）或茶，做成茶泡飯風味。配搭嘅日本A5宮崎和牛井，和牛飯鋪面鋪滿咗啲油潤嘅和牛片，肉質柔軟得嚟帶啲彈牙感，油脂豐富但唔會膩，生蛋黃加落飯裡，令整碗飯更加滑順同潤澤，提升咗味道層次，好Q彈又嫩滑，令口感更加豐富。腌菜爽口，味道清新，剛好中和咗重口味嘅鰻魚同和牛。…查看更多

放工黎到利園既「うなぎ四代目菊川」食鰻魚飯為既係佢嘅「名物一本白燒定食」。平時食開嘅鰻魚都係蒲燒，濃醬濃味，間中食白燒又唔同口感！ 成條鰻魚原條上，落單仲會問要唔要切開6件。 鰻魚冇任何醬汁遮掩，直頭係對師傅手藝嘅信心表現！魚皮燒到金黃帶微脆，炭火香好出眾，咬落去魚肉依然保持到濕潤同嫩滑。點少許山葵或者岩鹽，食到嘅係鰻魚最原始嘅鮮味。對於食開重口味嘅人，可能覺得淡口，但呢種食法先至係真正嘅品味。朋友點左「鰻燒和牛三食」第一食原味，和牛嘅油花同鰻魚嘅油脂，夾埋一齊又出奇地夾！ 第二食落紫菜同wasabi，口感清爽咗好多。最正係第三食，用茶湯做泡飯，暖胃又解膩，將之前嘅飽滯感一掃而空。…查看更多