雅 ‧悠蔬食

臨時決定外出吃晚飯，剛巧是星期五，為免多人，還是先在OpenRice訂座，簡單的按幾個制，就完成訂座，實在十分方便。這間素食店食物款式多，算是多國菜風格。晚餐有套餐，二百多元一位，由前菜、小食、湯、主菜到甜品， 非常豐富，算是抵食，但我們二人沒有挑選套餐，反而在餐牌內散叫。整體感覺：食材新鮮，味道好，份量足。不知是否趕著10時關門，店員上菜速度很快，但服務態度也不錯。看到其他食客的套餐，份量也很多，甜品挺吸引，建議兩女生可以叫一個套餐加其他小吃，應該會更加抵食。…查看更多

⿻⿻ 雅。悠蔬食𓏲𓏱𓏭𓏭今次去咗間尖沙咀嘅素食店 之前去驚安燒肉商店嘅時候見到佢地menu已經覺得幾吸引 除咗中式嘅齋仲有啲特別嘅fusion款 ヾ(●︎´∇︎`●︎)ﾉ 其中一個就係香芒牛油果alfafa手卷 晚市套餐有得揀一款手卷 超fresh 入面嘅芒果好甜 配上牛油果同alfafa口味又夾又健康 晚市套餐仲包兩款前菜同個湯 前菜分別係四喜烤麩同火龍果沙律 兩個都細細份幾清爽主菜有六款 試咗黑松露美國蘆筍南瓜焗千層麵 入面有各種蔬菜 所以雖然係lasagna都唔會太膩 味道幾豐富甜品都係晚餐包埋嘅 伯爵紅茶乳酪蛋糕 earl grey味香濃 質地都夠滑 仲可以加錢有杯五穀杏仁牛乳另外仲叫咗個黑松露薯蓉焗大啡菇都唔錯 薯蓉滿滿松露嘅香氣 配埋爽口嘅大啡菇食冇咁膩 而且食落好飽肚～𓏲𓏱𓏭𓏭晚市套餐 $248黑松露薯蓉焗大啡菇 $178…查看更多

尖沙咀樓上cafe越開越多 ，各有主題 ， 單純素嘅選擇很少 ,今次朋友介紹了這間中西Fusion素食店，同媽咪過黎一試。套餐很便宜，但因為想試多d食物， 所以決定散叫。兩個湯， 黑松露 薯蓉焗 大啡菇， 五彩生菜包，香煎如餅，香煎腐皮卷， 擔擔麵 及甜品。牛肝菌忌廉湯， 大大碗，很creamy, 下次可以兩個人share, 因為頗為飽肚。黑松露薯蓉焗大啡菇，打碎了的芝士薯蓉配合黑松露，口感creamy ，大啡菇咬落juicy, 兩隻配合得很好。五彩生菜包，我們選了帶辣味的， 五顏六色，內有木耳,生菜,冬菇，豆干，馬蹄等，不同食材的口感加上爽脆生菜， 既開胃又健康。香煎魚餅及腐皮卷係我最鍾意食品夠曬香口， 尤其是係個腐皮卷， 外型有啲似雞翼，包了多層腐皮。擔擔麵 水準也不錯， 最後食焦糖布甸燉蛋， 內有 西米露, 但略甜。總括嚟講坐得算舒適，食物種類及款式多， 作為素食店來說，相當不錯。…查看更多

唔係餐餐都要大魚大肉嘅，偶然吃素一樣可以美味滿足。 雅．悠蔬食的套餐非常豐富多元，唔大食的話，兩個人分享都差不多夠，若然多加一兩樣散點就非常足夠。 中西合璧的素菜，挑選套餐幾乎已包括所有散點食品，$248/$258 五道菜，相信是大部分人的選擇。四喜烤夫及紅火龍果藜麥沙律伴無花果黑醋及羅馬番茄藜麥伴胡麻醬前菜三款一起上，因為本來都是素菜，味道與在平常餐廳吃到的一樣，烤夫汁豐，火龍果新鮮，蕃茄亦甜。蘆筍素香鬆苜蓿芽手卷以大量苜蓿芽作手卷饀我首次品嚐，因為紫菜有鹹香而且夠脆、蘆筍新鮮夠爽，效果估唔到都幾好，唔會話太淡口，不過當然是食菜的感覺，乾乾爽爽咁。周打黃耳桃膠忌廉濃湯意想不到味道豐富，忌廉濃湯的功勞，而且湯來有粒粒黃耳，濃湯與黃耳同吃口感非常可口。大大粒桃膠明顯可見，食完感覺增添美麗。菠菜合桃野菌忌廉燴意大利飯伴香脆腐皮卷菠菜忌廉野菌燴意大利飯是個好主意，豐富汁多，吃到野菌增咬口，食味不寡。香脆腐皮卷賣相似雞髀，咬落就知道只是脆腐皮卷一件，要快吃因為沾上了意飯汁好快腍。黑芝麻豆腐千層班㦸 $20需要多加$20的甜品，外表一般，食落口感豐厚頗特別。黑松露薯蓉焗大啡菇 $158見到話係招牌所以點，大啡菇名符其實大大個，切起來似扒，外表與味道都合格。吉列新珠玉薯餅伴自家製千島醬 $88新珠玉唔知道是甚麼做的，質感腍唔似肉，吉列咗都攞唔到效果，還是薯蓉太多，是否應該拿著吃炸薯餅的期望去品嚐呢？其實沒有出甚麼問題，只是我們唔係太鍾意。擔擔麵 $58沒有肉的擔擔麵，都是一碗擔擔麵，所以味道正常，湯頭有花生香，肉醬吃不出是素，尤其辣味會遮蓋了。素食店的裝潢通常比較低調撲素，或者會是綠悠悠以營造健康氣氛，雅．悠蔬食大膽以紫色作主調少見，似乎添加了女生喜歡的浪漫，很不一樣的形象！非常豐富飽肚的一餐，價錢合理，環境舒適，平均分數：3.5/5，若然想食素又唔想煩惱如何點菜，不妨考慮。…查看更多

媽咪話想食素記得之前朋友介紹雅 ‧悠蔬食D素菜好新潮,就帶媽咪去見識下.餐廳以粉紫色為主色,好少女feel,又有梳化卡位,令人覺得好舒服.我地叫左個Dinner Set,好豐富有麻醬沙薑豆絲粉皮,紅菜頭蘋果香橙伴合桃,華都夫薯仔松子冰菜沙律,香芒牛油困苜蓿芽手卷, 黑松露忌廉蘑菇湯, 牛肝菌忌廉燴扁意粉伴香脆腐皮卷, 夢幻泡芙, 香脆五穀杏仁牛乳.另外加多個黑松露薯蓉焗大啡菇.前菜-麻醬沙薑豆絲粉皮,好有驚喜,好似食緊雞絲粉皮咁,粉皮通透,又夠滑,煙煙韌韌,加上麻醬,好好味. 紅菜頭蘋果香橙伴合桃,酸酸甜甜咁,蘋果好爽脆,好醒胃,仲有沙律,用冰菜好特別,比普通沙律菜更健康,好食.香芒牛油困苜蓿芽手卷,侍應好有禮貌提醒要先食,紫菜先會脆,好有創意,用苜蓿芽代替飯,無草青味,配上芒果,牛油果,好夾,紫菜都好脆,一D都唔Dry,又特別又好味.黑松露忌廉蘑菇湯,好濃郁既蘑菇味,仲有黑松露加持,菇味更提升,口感又Creammy.主菜- 牛肝菌忌廉燴扁意粉伴香脆腐皮卷,份量超大,材料好豐富有好多菇,番茄,露荀,菇味同忌廉好夾,意粉軟硬度又岩岩好,好掛汁,唔會膩,仲有好似雞脾既腐皮卷,係好多層腐皮整成,但一D都唔油,好有口感.黑松露薯蓉焗大啡菇,大啡菇好巨型,上面鋪滿薯蓉,再加上黑松露,更突出菇味,一切開,D汁已經流緊出來,好Juicy,好值得推介.夢幻泡芙係尖沙咀限定就試下,賣相超靚,打卡一流有1個係雲呢拿雪糕泡芙,另外3個係吉士泡芙,外皮係朱古力味,好脆,夾住雲呢拿雪糕.雪糕又滑,好好味.吉士泡芙,咬落去軟滑既吉士醬涌出來,吉士醬好香滑,外層脆,內里軟,層次好好,下次要再encore.百爵茶千層班戟, 班戟皮好薄,好柔軟,百爵茶味好fresh.…查看更多

行經尖沙咀，想不到會有這麼舒服的素食餐廳整間餐廳也是紫色藍蝶花雪梨汁這飲品好清甜解渴，內裏有一粒粒雪梨，好像喝粒粒果茶的感覺，飲品色澤很夢幻，與餐廳顏色相配合。手作小漢堡這個小漢堡很小巧，中間的素肉球有很多的纖維，口感很像吃真肉球，同樣美味。黑松露薯蓉焗大啡菇十分特別的一個菜式，大啡菇味道香濃，上放了滿滿薯蓉，再加了芝士及黑松露令整個菜式有些點綴，味道更多元化。香芒牛油果苜蓿芽手卷第一次食素食手卷，很有創意，紙菜包着好高營養高纖維的苜蓿芽，味道好清新。牛肝菌煲有很多菇類食材，十分健康。椰香紫薯千層糕色澤美麗，每層都好分明，椰香味濃郁。餐廳有好多特色美食，令我眼界大開，想不到素食都可以有這樣的多樣化。令我愛上了吃素食。…查看更多

唔係要有燭光晚餐至可浪漫，今晚為朋友慶祝生日也能帶給朋友浪漫呢間店以紫色為主，是大部份女士們難以抗拒既紫色一入到去已被這格局吸引了，心情都特別愉悅食物賣相很吸引，唔單只有外表，味道也的確好味食完朋友急不及待話要book定下次同家人再來品嚐睇黎朋友們都相當滿意又滿足…查看更多

一間以紫色為主的素吃餐廳, 不少女性也會喜歡這個浪漫又夢幻的颜色 正好我朋友是紫色控, 噢! 持續多天肉食後, 是時候清理一下腸胃了, 二话不說選擇了這間素食店, 順便為我的好朋友提早慶祝生晨, 给她一個既浪漫又溫馨的晚上, Surprise！相信不少人像我般,太清淡的食物又怕太“寡＂, 太油腻又怕肥, 太煎炸又怕太熱氣.... 呵呵, 女人就是這樣子!幸好這裏的食物, 恰到我倆胃的要求, 外型精緻美觀, 味道也確實令人回味, 看得出廚司是花了心機造的心機菜!…查看更多

繼上一次在銅鑼灣的《悠蔬食》吃過一餐豪華的素菜，這次便來到尖沙咀的《雅 · 悠蔬食》，而這家以粉紫色白色為主顏色，貫徹其輕鬆悠閒餐廳格調。雪梨汁不但賣相漂亮，給人夢幻的感覺，味道亦不假。前菜足足有三款，更是平常很少吃到的。個人很喜歡烤夫和青豆的組合，而藜麥薯仔就可以有多點藜麥，同時把薯仔切細點。菠菜忌廉湯的奶味重，桃膠這種滋潤養顏的貴價材料還落了不少，絕不馬虎。苜蓿芽令手卷的質感提升不少，本身草青味濃但爽口，加上芒果和牛油果即達美味又富口感的效果～大啡菇超大份，上面的薯蓉很多，吃落軟綿綿的～五彩生菜包又豈止五款材料那麼少，其實是集黑木耳、冬菇、白菌、秀珍菇、馬蹄、三色椒等一起，微辣，有辣式的辣風味，再配以新鮮的生菜，口感和味道均豐富。忌廉汁稠得夠 creamy，意大利飯的硬度恰到好處。腐皮卷的外形像雞搥，但內裡的薄薄的腐皮層次豐富～千層糕不算很甜，帶清甜的班蘭味，非常煙韌。這餐飯雖然是吃素的，但也很飽足，食物依序送上，每道菜都非常精緻、用上新鮮上好的食材且服務好，實在不容錯過～…查看更多

原本西式嘢都係覺得一味醬醬汁汁太膩，但見哩間幾好評都要嚟試一試。結果食物有驚喜唔膩夠fresh, 服務好好又不斷添加暖水(有少少檸檬味); 收碟亦快。非常光猛潔淨，難怪情侶大伙兒一家大小咩客路都齊。黑松露薯蓉焗大啡菇 - juicy. 非常juicy, 粟米薯蓉上面加上芝士一啲唔膩，撈埋啲番茄汁，好fresh手作小漢堡 - 包係中式包，豆品漢堡素肉加啲沙律醬菜，中西合璧，好味大啡菇白松露薄餅 - 加咗松露油非常香，芝士亦唔膩特濃朱古力暖布甸配雪糕 - 朱古力布甸濃味偏苦正呀，其他vanilla 雪糕呀cream 呀正常味道，ok鮮果拿破崙 - 餅鬆化，cream 幼滑淡淡甜味，討好…查看更多

越式叻沙米粉，有豆腐卜、芽菜、木瓜、車厘茄多種蔬菜，米粉湯底是香濃的花生醬伴花生切碎粒，食落好有口感架， 咖喱濃度適中黑金芝麻蓉包加上金薄，樣子精緻，簡直唔捨得食食落去可以有啲甜，但係有好香嘅芝麻味可以護髮細細杯越南黑咖啡跟啡糖，特別香濃有特色 這個沙律及餐湯，餐湯真材實料，冇味精，飲落鮮甜，沙律配菜很新鮮…查看更多

之前有同事試過悠蔬食既晚飯, 而佢又知道我媽媽係素食者, 所以提議我帶媽媽試下.幸好悠蔬食係尖沙咀都有分店, 如果要去銅鑼灣的話我諗我媽媽未必會去...始終老人家行唔到太遠一早已經訂好位, 同爸爸媽媽3人行.店剛開始營業所以人未算很多, 不用等就可以入座.店內裝潢以白紫色為主, 很舒服, 亦很光猛.坐下不久,店員先幫忙斟水, 又叫我們先看看menu,之後再回來介紹店方推介, 店內亦有多部電視, 介紹他們的食物.每款都拍得很好, 真的想每款都嘗試我們先點了3款點心, 一份午餐 (午餐有前菜, 湯品, 主菜, 飲品各一) , 價錢由$88-$108不等, 亦可以以優惠價加點甜品一份.以及店員推介的黑松露薯蓉焗大啡菇, 他說這款是必食的.剛好3件一份足夠我們3人一人一件.先端上新薯蔬果青醬藜麥沙津, 新薯已經煮淋了. 配上近年健康新寵藜麥, 口感一爽一軟,配上黑醋酸酸甜甜.但個人不太喜歡就是沙津中另一款醬汁. 有點印度香料, 有點濃烈. 西洋菜南北杏蓮藕湯, 清甜, 淡淡地, 我覺得夠味, 但有人會覺得比較淡. 隨個人口味加一點點鹽就好了點心3款, 有燒賣, 粉果, 腐皮卷, 很欣賞點心, 湯品都非常熱, 點心要剛蒸好熱啦啦即食最正燒賣好足料, 入面是用豆品料, 混合甘荀, 素翅打成包好. 厚厚腐皮卷, 好多涵料. 醬汁都浸入了腐皮卷, 腐皮卷的汁看似很深色, 以為好重味, 其實不太咸, 用來送飯一流!粉果就還好, 正常味道, 沒有之前兩款咁吸引紅麴豆腐冬菇粉絲煲配珍珠飯紅麴豆腐冬菇粉絲煲比較的骰, 兩三啖就可以KO了, 男生食的話肯定不夠飽材料很豐富,  蔬菜菇類都很多, 珍珠米比較乾身, 我們都以腐皮卷的汁送飯,味道剛剛好.單點的黑松露薯蓉焗大啡菇  ($148)每一隻的啡菇都非常大, 剛上桌時有聞到黑松露既香味, 但吃下去只有淡淡的, 可以松露份量不多.啡菇中心釀了薯蓉, 上層再有一層芝士, 再配上蕃茄醬, 茄醬還有蕃茄粒的. 菇味突出, 賣相亦不錯.雖然是焗, 但竟然沒有很熱, 只是剛好而已.這個有點扣分,我期待的是吃到是剛出爐熱騰騰的大啡菇吃罷此道我覺得我還可以吃...所以又點了一份午餐. 就是點心拚盤配青菜雜菇煨麵 ($108)剛好拼盤的點心跟我們之前點的有不一樣. 春卷好脆很喜歡, 而且不油膩, 素义燒包醬不錯, 包皮又不太厚.青菜雜菇煨麵, 湯底很香, 麵很軟但煮得又不會太淋, 夾起來不會容易碎開.真的跟上海舖吃的差不多不過如果拼盤可以多加一至兩件點心會比較好, 感覺會化算一點這個套餐是LUNCH SET中最貴的餐飲點了檸檬蜂蜜跟檸檬蜂蜜生薑茶, 兩者只加了生薑的分別.但味道真的有分別, 爸爸話檸檬蜂蜜那杯比較甜, 要加水才行. 生薑茶多少份薑味, 很合兩老的味覺.雖然好飽, 但係吃甜品會有另一個胃.點都要試下佢地既甜品, 有芝麻卷同宇治抹茶紅豆乳酪蛋糕店員叫我地先試宇治抹茶紅豆乳酪蛋糕再吃芝麻卷.乳酪蛋糕即係chesse cake,我係吃了一口才知道是chesse cake.其實我係唔多喜歡吃chesse cake. 很怕那種重口味的chesse 味.還好chesse 味不重, 不會很酸, 抹茶味剛好, 不是苦澀味.chesse cake比較實. 我喜歡那個餅底, 脆脆的細細件, 我還可以將它KO. 多少少的話會很膩店員話芝麻卷, 佢地係自己炒芝麻, 烘焙, 自家磨的. 真的很久沒吃過芝麻卷, 芝麻很香不會很甜, 易入口先試宇治抹茶紅豆乳酪蛋糕再吃芝麻卷.會減輕乳酪蛋糕的滯後感.…查看更多

有小朋友之後都好少機會自己同朋友出街食飯，今日難得有機會出嚟就想揀間坐得舒服傾到偈又可以試下新菜式嘅餐廳慢慢食。呢間餐廳裝潢用咗粉紫色做主題，感覺好girlish，枱上放咗小盆栽做裝飾，令人感覺好舒服。雖然係一間素食餐廳，但係菜式設計好頴，唔講都唔知自己食緊素。我地兩個人叫咗一個dinner set，加一個招牌菜黑松露薯蓉焗大啡菇share食，已經飽到不得了！Dinner set 前菜: 四喜烤麩，泰式鮮果沙律再加羅馬蕃茄藜麥伴胡麻醬手卷: 香芒牛油果手卷，手卷配搭入口非常之清新，而且塊紫菜脆卜卜，真係好好食，原本諗住唔夠飽嘅話會再encore多一份手卷，點知...要留番下一次再幫襯先可以再食到🤣湯品: 蟲草花竹笙黃耳蓮子冬瓜燉湯，出咗名係湯王嘅我，只要去到有湯叫嘅地方我都一定會點，呢個湯超足料，一啲味精都無，但係所有食材嘅味道都出晒嚟，而且呢個配搭好健康養身保健主食: 三杯猴頭菇雙薯煲配十穀飯，一上枱香味撲鼻而來，要整到呢個水準真係唔容易，蕃薯薯仔都煎香咗，個汁料濃度十足，送飯一流！仲有甜品同飲品，一個Dinner set真係夠我地兩個女生食到捧住個肚！之但係我地一坐低就見到隔離枱點咗個焗大啡菇，賣相極吸引，又見到係招牌菜，所以都點咗！大啡菇載住啲薯蓉再加層芝士同黑松露喺面先拎去焗，芝士控又點會忍得住口！三件我包辦咗兩件🤣焗過嘅芝士煙煙靱靱豐富咗口感，黑松露嘅香味又豐富咗味蕾，呢道招牌菜真係必叫！下次屋企聚會，呢間餐廳一定on list，健康之餘又好食，價錢又affordable!原本影咗好多食物相，可惜電話壞咗，朋友電話只係得零星照片T_T…查看更多

雅 • 悠蔬食是一間新派素食店，店內以白色及紫色作主色調，配合簡約的英倫傢具設計，營造出優雅及帶點女性化的風格。 身處追求健康飲食的年代，坊間的素菜店越開越多。要在云云素菜店中突圍而出，質優的菜饌與富心思的設計是取勝的不二法門。在一個平凡的週二晚，雅 • 悠蔬食仍然幾近滿座，實在予人期待！ [精選短片] 是次二人同行，簡單以一客五道菜的精選晚餐作底，再追加數項散點美食，平衡便捷與偏好這兩個因素。 飯餐的前菜，由一客三色小碟開始。在一個豆形的碟具上，由左至右分別擺放了羅馬蕃茄藜麥伴胡麻醬、泰式鮮果沙律及四喜烤麩三款小吃。清甜多汁的羅馬蕃茄是推介的美食。純粹個人喜好，建議追加沙律的芒果份量。 泰式香煎如餅不論賣相、口感與味道勻與真魚餅十分相像，尤愛甚富泰菜風味的香茅味道，推介。 有別於一般漢堡，手作小漢堡以中式包點製作，醬汁味道調較甚佳。相同一片鮮茄，置於迷你漢堡中的效果尤其明顯，成功令整體食感變得水潤吸引。 焗大啡菇一向是筆者至愛的小吃之一，平日閒時亦會在家自製品嚐 (相關連結：芝士焗大蘑菇 · 蜜糖雞翼 · 海鮮鍋)。這碟黑松露薯蓉焗大啡菇，面上的薯蓉混入了芝士、粟米及馬蹄後十分誘人，既香且爽。下方的大啡菇經焗製後仍然保持相當份量的水份，菌香突出。 香芒牛油果苜蓿芽手卷明顯揉合了和風原素，苜蓿芽擁有蓬鬆的口感與原始的味道，配合香芒的甜潤與牛油果的細膩，效果予人驚喜。平日吃手卷，最怕紫菜走氣變韌，單是這項要求已難到很多日本料理。這件手卷落在手中仍見乾爽，入口香脆，已交出很好的成績。 蟲草花竹笙蓮子黃耳冬瓜燉湯沒有刻意賣弄濃郁的味道，相反，清澈的湯汁予人一種平和舒適的感覺，特別適合當下炎炎夏日的天氣。黑松露美國蘆筍南瓜紫薯鮮豆包焗千層麵是西式素菜，面層芝士半溶起絲，混入了搶香的黑松露是穩勝的組合。美國蘆筍潛伏在芝士之中，取用嫩綠的部份，食感固然甜爽。在層層疊疊的千層麵間，夾雜了一塊厚厚的腐皮，還有相當份量的紫薯、南瓜、薯仔等等，選材同樣以甜味為主，味道層次豐富。紫淮山米湯浸有機時蔬屬相對平實的素菜。平日碰到的淮山多數是白色，產自日本的紫淮山比較少見。入口細味，一如預期帶來一份微黏泛爽的食感。紫淮山以翡翠苗相伴，青葱原始的氣息盡滿齒縫間。有些朋友對於這份青葱味道甚為抗拒，正氣平和的米湯則有助調緩這份味道。 雙檸乳酪蛋糕是套餐可選的甜品之一，因有雙檸介入，在胃納有限的情況下亦不覺負擔。檸檬糕的質感富彈性，有點似馬蹄糕。清香的檸檬味道不會一步到位，而是慢慢滲出。相比之下，檸檬乳酪蛋糕的味道強烈多了，容易令人留下印象。追求滋補甜蜜的味道，可選桂圓紅棗雪耳茶；追求清熱解膩的感覺，可挑養生牛蒡茶。 總括來說，雅 • 悠蔬食的用餐環境理想，菜式設計創新，味道優越。吃完整頓飯，難得有「不覺吃過齋菜的感覺」，特別適合少吃素菜的朋友。 …查看更多

由於老婆轉食素多年，但就唔喺全素，都會食啲白肉及海鮮，而身邊原來亦有唔少朋友都一樣有食素嘅習慣，同樣唔喺全素，只喺偶然為之，就算無食素嘅朋友，都好接受食素（限一餐半餐啦），所以，茹素再唔喺好似以前食齋咁咁專登嘅事，加上近年素食店都開唔少，且甚具特色，在追求健康嘅前題下，素食店應大有可為。就好似之前曾光顧嘅素食店「悠蔬食」，卒之跳過海晌九龍開店，超方便到我老婆。話雖為分店，但店名有別，加多個「雅」字，卻更有詩意，而且，空間比銅鑼灣店更闊落。一踏入店內，一室紫與白，雲石地板、素白窗紗、雅致盆栽、摩登吊燈……都令餐廳變得光潔而有份高雅氣質。除少量卡位，有多組二、四人枱，適合三五知己聚餐。轉入餐廳內籠，跟銅鑼灣店一樣，設有兩個貴賓廂房，亦可打通共用。所以，一大棚人晌度開一、兩圍都無問題。打開餐牌，羅列咗好多選擇，由午市套餐、下午茶套餐、晚巿套餐，以至唔同時段嘅散點、甜品、飲品，仲有多款供12人享用嘅圍菜，真喺唔同時段嚟都有大把選擇。不過，溫馨提示，餐廳晌唔同時段均設有唔同嘅最低消費額，例如，晚市就每位$200，但以前已問過，都唔喺強硬性執行，指標性嘅作用比較多啲。都唔喺第一次光顧，知道佢哋啲晚巿套餐份量足又抵食，5道菜包括前菜、手卷、湯品、主食及甜品，定價只喺$228-$238 + 10%，絕對豈止一人份量，所以，3人行，點兩個套餐再加少少散點，唔怕食唔晒嘥嘢，又一定過到最低消費額！四喜烤麩稱得「四喜」，梗喺有4樣嘢啦：烤麩、木耳、筍片及毛豆，烤麩軟綿吸滿醬汁，食落煙韌咬口；木耳爽脆，營養益有。柚香紅菜頭蘋果拌合桃除咗有一道日本山藥麵線拌熱情果汁，依一個紅菜頭蘋果拌合桃我就覺得喺佢哋嘅招牌前菜，賣相嬌紅已夠吸引，而爽脆嘅蘋果粒，軟腍嘅紅菜頭，再配搭香脆嘅合桃，唔止口感多變，更喺健康富營養。麻醬沙薑豆絲粉皮呢一道前菜未試過，喺雞絲粉皮嘅素菜版，「雞絲」以一啲類似麵根碎（沙薑豆）嚟代替，外觀及口感都幾像真，配以柔綿嘅粉皮及清爽嘅青瓜絲，晌濃郁嘅麻醬襯托下，味道富層次。露筍素香鬆苜蓿芽手卷、香芒牛油果苜蓿芽手卷我哋點兩客晚餐，就有兩客手卷，但手卷比較難「些牙」，所以就散叫多點一客。以有機苜蓿芽代替米飯，加埋嫩滑無渣嘅露筍、清爽嘅青瓜及有啲鹹香嘅素香鬆，咬落爽爽脆脆，又清爽。另一款以芒果及牛油果取代露筍及青瓜，高纖嘅苜蓿芽夾雜軟綿嘅牛油果同鮮甜嘅芒果，同樣清甜好食。啲紫菜仲脆到咔咔聲，整具咬口。菠菜忌廉桃膠濃湯西湯加入中式食材 ，喺依度嘅新色，上次試過嘅南瓜甘筍栗子雪耳忌廉濃湯仲記憶猶新，今回加入嘅中式食材「桃膠」，更喺近來大熱嘅健康食品。湯底本身已經好濃郁，充滿菠菜味，碧綠嘅色澤更相當吸引。湯內嘅桃膠唔算好多，但都夠我哋人人試啲，桃膠煙煙韌韌咁，又有點似雪蛤膏，本身喺無乜味，所以，就靠個忌廉湯。竹笙紅棗蓮子百合黃耳燉湯中式喺燉湯，就好啱我老婆，尤其依家寒寒哋，極之啱晒。個湯有咁多健康嘅食材，樣樣都健康有益，而且唔單用料足，亦火喉十足，感覺非常清潤，所以，點唔討人歡心吖。黑松露薯蓉焗大啡菇 $148（散點）據說喺店中招牌菜，但咁耐以嚟都一直未有試，所以，散點一客試試佢嘅焗大啡菇，一客3件又啱啱好夠我哋分。大啡菇釀入薯蓉，加芝士及黑松露嚟焗，香氣撲鼻就唔在講，入口大啡菇好夠汁，薯蓉亦好柔滑，而芝士、黑松露令味道昇華，卻又無互相搶味。栗子紫薯牛油果鮮豆包焗千層闊麵 $238（套餐）千層闊麵個賣相跟一般西餐無咩分別，不過，啲餡料就大不同，而且，非常佩服大廚晌用料上嘅心思同創意，睇菜名唔使我多講都知有咩成份。切開睇睇，果然真材實料，蜜潰嘅栗子好甜蜜，紫薯清甜，最有趣喺中間夾咗塊鮮豆包，十分有豆香，而配上蕃茄醬，鮮活嘅蕃茄香，令味道更上一層樓。黑椒猴頭菇扒配意式薯菜 $238（套餐）套餐中有一個選擇喺分店限定廚師推介，經店員介紹喺猴頭菇扒，好似幾特別，加上平時用嚟煲湯嘅多，但做西菜就真喺第一次聽，故一致決定試試。整道菜賣相好西式，有板有眼，所配嘅薯菜亦唔喺「求求其其」，意大利蕃茄仔、椰菜仔……都處理過，好食！主角猴頭菇扒，一客都有3、4件，相信視乎件菇本身大細而俾幾多件，總之就份量唔少，切同食起嚟，都有幾分似食鮑魚，佐以黑椒汁就固然之惹味。藍蝶花雪梨汁 +$20晚餐本身唔包飲品，但可以選擇加錢配，啡茶佢哋都有供應，但就有更多特色嘅飲品，就好似店員推介我哋試吓嘅新品「藍蝶花雪梨汁」，一身幻紫，幾襯個環境。藍蝶花以前都接觸過好幾次，知道佢喺有減壓同抗氧化作用之效，因藍蝶花花香味唔突出，杯嘢嘅味道主要就喺雪梨味，梨味突出，清甜滋潤。店中有一系列冷壓鮮果汁，喺小弟好推介俾朋友試試，因為除配搭特別外，更列明唔同成份及其功效，仲以慢磨機嚟打果汁，慢慢磨，務求唔產生高熱而除去鮮果營養嘅流失或變質，保持原汁原味。紅石榴蘋果汁 +$35顧名思義，簡單以紅石榴及蘋果打做，故色澤鮮紅。友人貪佢色靚兼有減少脂肪積聚及可以降血壓，再者，味道酸爽清甜。Vita-C奇異果汁 +$35以奇異果、香橙、檸檬及香蕉打成，店員話絕無加水，所以，味道濃郁，酸酸甜甜，清新清涼，酸甜味中以香蕉味稍稍突出啲，重要嘅喺有多種功效嘛！紅棗桂圓椰汁糕、紅棗乳酪蛋糕套餐裡嘅甜點，一喺選紅棗桂圓椰汁糕（2件），一喺就紅棗乳酪蛋糕（1件），店家好好俾多件乳酪蛋糕我哋。前者似上海甜點拉糕咁，柔軟煙糯，紅棗及椰汁味都出色，又混有少少桂圓肉，朋友大讚好食。後者就喺用上紅棗嚟做嘅芝士蛋糕，除咗餅底較厚身外，強烈嘅紅棗味，餅面伴丁點蜜糖，同樣叫人食得滋味。比起銅鑼灣店，尖沙咀店既方便到我等九龍人，環境又闊落啲，重點喺食物嘅賣相、味道及健康並重，由前菜、湯品、主菜到甜品，都無令人失望，加上店員有禮，服務殷勤，值得推薦嘅素食店。…查看更多