笑林寺

偷得浮生半日閒，放半晝幫自己叉下電。笑林寺係之前去探索灣仔嘅時候，係open rice 了解下呢邊有咩好食嘅時候收藏的餐廳。今日就啱啱好可以一試佢龍鳳！兩個人的午餐點了，兩個意粉，一個包類，一個甜點及兩杯咖啡。兩個意粉都好出色，我個人口味第一名係：鏗魚追蟹劍😆，入口味道好豐富，奶油的香氣充滿口腔，濃郁嘅奶香過後係鏗魚片的香烤味，咬到一梳梳的蟹肉及卜卜脆的蟹子，爆發海洋咸香爽甜的味道，加上卜卜脆的咬口真的好驚喜。同巿面和風洋食果種白奶油蟹肉/軟殼蟹意面果種油膩感覺唔一樣。我諗好大程度係因為廚師加左青瓜絲適度調整左整個菜品的清甜感覺，順帶帶出其他香料的味道，真係好好食，意粉夠Al dente.第二個意粉：赤煉神掌(up)😆呢個都好好食，睇想唔好以為係窩蛋牛肉麵，佢地嘅肉醬絕對係升級版，一入口首先係香草的香氣，有肉醬基本的咸及酸味，最後仲有一種甜味係舌底出現番。如果唔係前面個鏗魚追蟹劍呢個會係今日第一。好食，明白點解咁多人慕名而去。一間餐廳兼備有趣的裝潢加上實力菜品難怪咁多讚，真係做得好好。我覺得我今日有偷得半日閒，食笑林寺呢個選擇真係揀得好好，要稱讚下自己。今天也過得很好，滿足😌。…查看更多

📍笑林寺 (灣仔)灣仔摩理臣山道33號地舖武俠林風中西合壁的特別cafe ，menu同裝修系少林寺為主，古色古香，食物以西式為主，周邊掛畫是十八銅人，值得一試的fusion cafe☁️桃花島$96煙三文魚.酸忌廉醬.白酒.煙肉.意大利麵每條意粉都掛滿汁，好creamy,煙三文魚整成花形，意粉，煙肉足料，表面再舖滿碎芝士，好食☁️黃金堅壁$116賣相好靚，西多士浸滿蛋醬，多脆內軟，加上香噴噴的煙肉，香蕉表面加了焦糖，沙律菜新鮮，加上楓糖醬好好食，好飽☁️玄冥神掌Cold-brew$60用酒瓶裝咖啡，好有feel ,咖啡香滑濃郁☁️Swiss roll (four season) $48蛋卷正常發揮，四季春味道不是太濃郁#灣仔#灣仔美食#香港#hongkong#hkfood#hkfoodie…查看更多

噚日(17-4-2022 Sun)晏晝,同老公出到銅鑼灣呢間食晏,我哋坐低睇完menu後,決定要:2. $95.00嘅黃金堅壁係西多士,芝士,煙肉,焦糖蕉,蜜糖配沙律呢個配搭,令西多士變得鹹鹹甜甜咁,西多士厚同鬆軟,沙律菜新鮮冇問題.而呢個令我諗起舊年喺一日之間食過類似嘅嘢(2021年10月28日刊登嘅呢篇:https://www.openrice.com/zh/hongkong/review/yeah-%E5%AF%A7%E9%9D%9C%E5%9C%B0%E4%BA%AB%E5%8F%97%E5%8D%88%E9%A4%90-e4211079),原來係古早味黃豆粉黑糖法式土司.味道:5分1. $82.00嘅草上飛係大啡菇青醬意大利麵,我買飛時都請佢哋幫我將意大利麵煮腍啲,因為我嘅消化力真係好差,唔想又”銀”胃.上到枱睇,連意大利麵都係青綠食,食落,青醬同意大利麵都好夠味,亦真係幫我煮腍啲,thank you.而大啡菇都正常冇問題.味道:4.7分食完後,決定要啲輕食,由於問咗冇蘋果酥,所以就要$35.00嘅美式鬆餅,呢個配奶油同果醬,美式鬆餅一貫外脆內乾,奶油冇乜問題,果醬似係士多啤梨味,都OK冇問題.味道:3分4. $40.00嘅六脈神劍Flatwhite咖啡呢個老公飲嘅,我只飲一啖,唔評.之後我睇其他人嘅食評,見到原來有另一張蛋糕menu擺出嚟,我就去睇睇,發現又有檸檬撻,我又想食卷蛋,於是我又買.6. $23.00嘅檸檬撻賣相同悉尼樂園同老二花廳嘅一樣係圓形(嗰兩個食評係2022年1月3日刊登嘅呢篇https://www.openrice.com/zh/hongkong/review/yeah-%E5%96%BA%E5%8F%A6%E4%B8%80%E5%80%8B%E4%B8%BB%E9%A1%8C%E6%A8%82%E5%9C%92%E7%94%A8%E9%A4%90-e4292145,同2022年2月11日刊登嘅呢篇:https://www.openrice.com/zh/hongkong/review/yeah-%E6%87%B7%E8%88%8A%E7%92%B0%E5%A2%83%E6%85%B6%E7%94%9F%E6%97%A5-e4322894),開動lu,cut開一半先,但好難cut,而且發現原來佢嘅檸檬饀嘅形態同尼樂園,老二花廳唔同,唔係完全固體,而係同Bench Cafe嘅一樣,係cream狀(食評係2022年3月12日刊登嘅呢篇: https://www.openrice.com/zh/hongkong/review/%E5%94%94%E5%A5%BD%E5%BD%A9%E8%A6%81%E7%9D%87%E5%BF%83%E6%83%85-e4338793),呢個係偏微酸,但唔會太酸,幾開胃.味道:5分5.$46.00嘅大紅袍卷蛋啱啱前日至食完抹茶,所以唔揀四季春喇,呢個茶味嘅cream好幼滑同好夠味亦甘,蛋糕鬆軟,比cream甜少少,混埋嚟食味道就啱啱好.味道:5分抵食係2.7分…查看更多

由灣仔行去銅鑼灣時路過呢間cafe幾次，佢啲食物同飲品用武林招式或地名命名，非常搞笑，店內桌椅都係木造，咖啡名以用軸列出，配合返個店名，初初以為佢都係玩gimmick，純碎支持下良心小店，點知咖啡食物都同個名一樣有啲功架，而且價錢合理，可以encore，佢地仲係寵物友善餐廳。 🍽黃金堅壁 Golden Open Toastie ($95)睇個名估唔估到係西多士呢？兩塊吐司沾上蛋液後煎至金黃色，車打芝士鋪喺吐司面呈半溶狀態，再放上煎煙肉同有脆焦糖面嘅熟香蕉，落埋蜜糖鹹鹹甜甜又幾夾，另配黑醋沙律菜解膩。不過用原塊車打芝士會搶去蛋香，份量可以調節下。🍽草上飛 Portobello Pesto Spaghetti ($82)自家製青醬好香濃又creamy，帶蒜香及混合左洋蔥粒同蕃茄粒，大啡菇厚身多汁，呢個配搭望落好寡但食落又唔覺，好食。☕️六脈神劍 Flat White ($40 +$5 Oat Milk)咖啡豆可以揀Brazil (Nutty) 或 Ethiopia (Fruity)，店員見我揀燕麥奶建議我揀Brazil，不過我平時都鍾意飲Ethiopia嘅豆就無轉，出到黎都無咩問題，帶花香同莓果味。☕️一陽指Latte ($40)朋友偏好nutty風味，話咖啡帶可可香，口感順滑，唔錯。餐牌：…查看更多

黃金堅壁 $95 西多士•芝士 •煙肉 • 焦糖蕉 • 蜜糖• 配沙律見到好多人推介就叫黎試下✨ 西多士食落好鬆軟 面頭既芝士就好有鹹香🧀 煙肉唔會煎得太燶太油🥓 夾埋甜既焦糖香蕉🍌同埋蜜糖🍯 一鹹一甜既組合食落層次感十足 值得一試😋評分: 9.5/10🌟蝸牛醉了 $119紐倫堡腸 •車厘茄•辣椒•蒜•洋蔥碎• 蕃茄粒伏特加• 忌廉 • 九層塔 • 慢煮蛋•蝸牛粉蝸牛粉食落有啲似貓耳朵 咬落好有嚼勁🤤 而且個汁微辣同好香蕃茄味 加埋蛋汁就更加滋味 個人覺得幾有驚喜🥰評分: 9/10🌟赤練神掌 (UP) $93自家制蕃茄牛肉醬•紅酒 •慢煮蛋 • 意大利麵蕃茄牛肉醬食落偏甜帶淡淡既紅酒味🍷 意粉煮得Al dente🍝 食落好掛汁 加上牛肉醬入面都有好多牛肉粒 仲要包埋野飲同意粉份量好多 勁抵食👍🏻評分: 8/10🌟大紅袍Swiss Roll $46卷蛋食落茶味好重好香 每一啖都有淡淡既茶香 啱哂茶控去食😻 卷蛋食落都偏濕潤 唔會太乾 唯一係個cream有啲膩 食到後期都將啲cream撥開先食得落🥺評分: 8/10🌟一楊指 + $8一楊指即係latte😚 咖啡豆係偏nutty 堅果香味濃啲 入口順滑 奶同咖啡既比例剛好 如果係熱飲的話仲會用好中式既茶杯去襯返飲品既名😂評分: 8/10🌟大力金剛指 $0呢杯即係Americano 飲落咖啡味好濃 而凍飲夠好清爽 啱晒行到熱辣辣飲🥵 而且黑啡有助解膩 啱晒怕肥既人飲🥳評分: 8/10🌟P.S.呢間黃店都真係黃店既表表者 坐得舒服食物唔錯 舖頭又有gimmick 都值得一試💛————————————————————————笑林寺 (灣仔)灣仔摩理臣山道33號地舖…查看更多

📍灣仔 -#笑林寺——-赤煉神掌-黃金堅壁-六脈神劍  ——-赤煉神掌💛💛💛蕃茄肉醬意粉配溫泉蛋👍🏻每啖都食到滿滿嘅蕃茄肉醬 唔會太酸帶點洋蔥甜味 意粉口感啱啱好 一啲都唔腍👍🏻 配上溫泉蛋💯-黃金堅壁💛💛💛💛吐司+芝士+煙肉+焦糖香蕉+蜜糖🤤口感豐富 咸咸甜甜又幾夾😋煙肉唔會好乾 加分👍🏻 我好怕食到又乾又硬嘅煙肉🤣🤣 整體配搭唔錯 好食 係有少少貴🤏🏻 性價比唔算高🙈 不過推介去試🤣-六脈神劍  Flat White💛💛💛有兩款咖啡豆選擇我揀左Nutty味道不錯👍🏻——…查看更多

之前行過銅鑼灣見到呢間cafe既裝修幾靚幾有特色，所以就拉埋W小姐一齊去打卡😛-笑林寺個menu d名好搞笑，全部都好似d武林功夫招數/地方名🥷有幾款比較出名，所以我地就叫左呢幾碟試試佢。-🍞黃金堅壁 $95聽個名都唔知係咩，但其實係西多士🤣呢份西多士相當有驚喜，材料有芝士、煙肉、焦糖香蕉同蜜糖，雖然又咸又甜，但係食落味道幾夾，而且賣相仲好靚tim😍👍🏼-🍝桃花島 $89呢個意粉專登整到好似有朵花🌷係個島上面咁，花既部分係煙三文魚，而島既部分就係用白酒煙肉煮酸忌廉意粉，整體味道唔錯。-☕️一陽指Latte $45☕️化骨綿掌Cappuccino $40咖啡有得揀oat milk，味道正常，但佢擺脫傳統，用中式功夫茶杯沖咖啡，型😎…查看更多

Cafe有很多，但中西合璧的就好像比較少～不過最近留意到一間。就是位於銅鑼灣的笑林寺，單看店名已經覺得是玩味十足的餐廳來！聽起來很中式的店名，但其實吃的是西餐～還有咖啡飲的喔一拉開門就已經聞到很香的咖啡豆香！店的掛牆 Drink Menu 是中式書法字畫那種樣子～有沒有想起以前在學校寫的書法呢？在咖啡機上平時總會看到的馬克杯，在這裡會看到中式的茶具連等位的椅子也是客棧的那種板凳。我自己則是被天花板上的燈吸引了呢！繼續走進店的後方，在灰色的牆上掛了一些方丈的畫 還有一些小小的插畫加上字句，滿有意思的～可以留意看看喔桌椅方面，也是客棧那種的桌椅 (加櫈的那張有點微妙最喜歡那個中式櫃，還真的有放一些武俠小說，亦有些很美的杯！不過有點失望的是Menu轉了一張大的過膠片那樣子，之前看別人分享的是像武林秘笈餐點和飲品名字都是很熟悉，有看金庸小說的話一定不會覺得陌生我點的主食是 - 黃金堅壁 ($95) 其實就是西多士來喔麵包很厚身，外層很酥脆金黃～但中間的部份則是口感軟嫩且蛋味十足的呢半溶的芝士加上鹹香又不會乾柴的煙肉，另外還有焦糖蕉！再加上蜜糖來吃，鹹甜配合得剛剛好～不過個沙律菜就 ... 如果黑醋汁可以再落多少少便好了 ...因為剛一進門就被那咖啡豆的香味吸引了～所以點咖啡，但其實這裡也有茶的啊化骨綿掌 ($40) - 聯想不到這跟Cappuccino有什麼關聯 這店有兩種咖啡豆可以選擇～ 有 Brazil or Ethiopia, 我選後者口感很滑順、酸甜平衡 (我很怕飲太具酸性的) 連那醇厚度也是我喜歡的！朋友點的主食則是 - 挪威北斗陣 ($68)這Bagel太過堅實了～夾在中間的是煙三文魚、青瓜、忌廉芝士和水瓜榴 雖然和朋友都是吃包，但這餐廳其實都有意粉的喇～…查看更多

💛笑林寺·呢間我想食好耐架啦 我對佢嗰條焦糖香蕉好有興趣🤤🤤不過佢呢度午餐啲套餐主要都係意粉 但係因為我一早諗左想食佢所以我都係散嗌左🤭如果大家想食嘅話早少少 11點半前嚟到就可以套餐咁嗌 比多$4有埋個飲品開心啲🤣·黃金堅壁$95佢呢一個比我想像中好食 佢個西多係西式嗰種黎既 無咁油膩 而且佢食落仲係幾鬆軟 蛋味都幾重 不過因為佢個麵包本身又厚身 而且好大塊 所以食完一塊會有啲寡😂😂之後佢個煙肉煎得好脆 好香口 個香蕉都做得超級唔錯 真係有層脆皮🍌·#rbyeat#rbycafe#rby💛#rby銅鑼灣·📍灣仔摩理臣山道33號地舖…查看更多

我嚟過N次啦，都係食午餐套餐，所以今次嚟個單點，叫個中西合璧嘅西多士啦～黃金堅壁 (HK$95)．2片煎得黃金的西多士，軟綿綿口感，有些少蛋香味．車打芝士靠住多士的熱力呈現半溶狀態，覆蓋整片多士．厚切煙肉，半肥瘦肉，淋上蜜糖，鹹鹹甜甜好好味．焦糖蕉，伴煙肉一齊食好正㗎．雜菜沙律伴黑醋汁，清新口味又可以減膩六脈神劍 (HK$40)．英文係 Flat White．可以揀Nutty 或 Fruity 口味．我就最近喜愛Nutty啲…查看更多

一直覺得這家咖啡店名字非常特別，用上金庸小說筆下的名作不同食物的名稱，連餐牌都活像是武林秘笈。咖啡店雖然賣西式咖啡，但內裡裝修都是貫徹古典中國風。倒是有點不明白為甚麼叫一陽指，反正拉花和咖啡豆的香味就對了表面焦糖化的香蕉配煎得香脆不油膩的煙肉，又鹹又甜，味道可以異常的夾加上maple syrup更香更濃郁，整道菜的完成度更高Brioche麵包烤得香脆，加上上面熱溶的車打芝士，非常好吃另一款要了煙三文魚意粉，忌廉不會令人覺得太膩，調配恰到好處煙三文魚加煙肉十分足料，在al dente的意粉上面再灑上Parmesan芝士碎更為香濃。雖然選擇不算多，但無論環境還是食物質素都十分令人滿意。加上有武林元素的加持，這份心思值得更多人氣呢。…查看更多

👑黃金堅壁超級豐富嘅法式西多士，多士有空氣感，唔會死實實，蜜糖都好充足，食西多最忌乾爭爭，呢份好高質😍😍😍👑👑獨菇劍法個汁調較得好好啊，夠哂濃味，菇菇份量好慷慨又厚身，存在感好重。無諗過特色cafe會有西餐廳嘅質素，我同朋友都好滿意又回味。焦糖燉蛋正常size售罄，店員減返差額提供跟餐嘅size俾我地，但其實個size都好合理，唔會係mini size。但作為Creme Brulee號資深食家，覺得一般般，質地有點稀，同埋蛋味唔係好夠。真朱味道幾濃，又唔會太甜，正正常常，ok。…查看更多

之前foodie朋友推薦我去這間cafe，搞了幾個月終於有機會朝聖，星期六12:30來都要等最少30分鐘，建議拍拖來比較容易有位😉餐廳主打素食，大部份食物都是素菜，但口味絕對不會讓你覺得淡而無味，從名字開始就精心設計，不看介紹還真的會不知道是什麼～赤煉神掌 $79全個menu內有肉感的菜式大概只有它了～義大利麵口感很爽很彈牙，完全不會粉，每條麵條都有甜甜的蕃茄牛肉醬，卻不會黏口，加上紅酒烹調後讓牛肉碎更有咬口，推薦！草上飛 $82衝著大菇來的我們看見大啡菇的色澤真是讓人驚艷，咬下去菇的肉汁爆出來，一邊吃著清新自家製青醬混和的意粉味道豐富又爆滿，相比前者這款意粉比較清新。黃金堅壁 $95一開始是看見這個名字才點，結果味道是我們公認最好吃的菜式！首先份量是很足夠，西多士邊微脆，上面就算有很多材料都不會塌下來，車打芝士令多士有很強烈的咸香，這又比燒得剛剛好的焦糖蕉中和了，再加少少新鮮沙律，很滿足！玄冥神掌 cold brew $60這裡是我少有推薦coldbrew的地方，首先它的器具實在太有特色！用這個壺盛載coldbrew能夠保持咖啡的溫度，小小的功夫杯合咖啡可以確保我慢慢細味化骨綿掌 cappucino $40因為coldbew實在太好喝，突然令其實也不錯的cappucino變得普通，咖啡濃度可以再高一點，這會更好喝。…查看更多

餐廳環境寧靜舒服，我鍾意佢用少林寺做主題，菜式名都係取材自金庸小說，仲有個擺滿金融小說嘅書櫃，會令你真係想拎本書📖坐喺度慢慢睇，暫時遠離一下繁囂嘅世界。🏞⛩🌟黃金堅壁 我每次嚟都一定會叫呢個。佢個toast好鬆軟，車打芝士溶喺面。以為煙肉同焦糖香蕉呢個配搭好奇怪，又咸又甜咁，❗️❗️點知係好食到痴線❗️❗️個味覺既衝擊就好似岩鹽加焦糖咁☺️。最緊要係塊煙肉煎到Juicy得來又夠脆，佢嘅油分、肉味好夾車打芝士。🌟獨菇劍法 呢度嘅意粉全部都好好食，鍾意佢個意粉嘅軟硬度拿捏得啱啱好，索哂啲汁。個汁好creamy但唔會漏，白酒同黑松露味都好夠味同好香，加埋曬喺上面嘅巴馬臣芝士，令味道更出。呢度嘅咖啡好香，一入門口後就會聞到🌬👃🏻。最鍾意係佢用中式嘅茶杯去裝咖啡，夠玩味，打卡一流。🤩最後，我真係好鍾意佢幫啲野食改既名🤣！好有創意！❤️最緊要係黃店！…查看更多

評分：🐷🐷🐷🐽（5🐷滿分）Book mark咗好耐一直都好想試，今次終於搵到朋友仔陪我去食啦！不過唔知係咪我嘅期望太大😂，感覺上不過不失啦！如果你想打下卡，其實都幾得意既～首先講吓杯咖啡。佢哋有得轉植物奶，仲要唔使加錢，我覺得呢一點係抵讚嘅！不過咖啡味就唔係太濃烈啦，作為一間coffee shop，對於我來講咖啡係最重要嘅，所以就有少少失望。再講講個pasta。其實黑松露芝士嗰個幾好食，如果想來打卡嘅朋友仔就可以選擇佢啦，芝士味比較濃烈，冇比黑松露味遮蓋着，所以總括而言都算幾好㗎。但係另一個意粉呢就冇乜特別。最後到佢哋最出名嘅黃金堅壁。其實個多士加埋芝士、煙肉、香蕉、蜜糖，都唔會話太過甜，都算唔錯嘅，但係個多士硬身返少少，咁整體嘅感覺就會更加好啦！但係要抵讚嘅係，其實我哋都坐咗幾耐，因為實在太耐冇見啦！以一間打卡Cafe來講，佢完全冇趕過我哋走，其實真係算唔錯，再加上服務態度都非常之好，所以值得加分！…查看更多