嵐月 (AIRSIDE)

营业中

休息中

我同男朋友都未去過Airside 商場，趁大家今日都放假，決定齊齊大鄉里出城，去行下食下。餐廳優雅舒適，環境猛光，地方寬敞，見有唔少大枱、闊落嘅卡座、吧枱、高枱等，座位唔少。共有八款上等嘅中國茶選擇，男朋友揀咗香郁葉醇嘅西湖龍井（$28/位），一路用小蠟燭煲住飲，味道甘香，飲完喉嚨好舒服。前菜小食係碧根果（$28），香脆可口，滿有堅果香。仲有一小碟足料嘅XO醬，香辣惹味，正！午巿有兩款套餐，我地揀咗嵐月午市行政套餐（$388），共有五道菜，每款都好精美。嵐月精緻點心薈萃共有三款，先來糖醋紅菜野菌盒，加了紅菜頭汁製作，好有創意！炸得酥鬆，香脆可口，中間藏了野菌蓉，點啲糖醋汁，酸咪咪，好醒胃！嵐月西班牙黑豚叉燒沾滿蜜汁，好香甜。肉質相當腍嫩，燒得有啲焦香，加上有些肥膏，食落好甘香油潤，正！鮮茴香海鮮餃晶瑩剔透，圓潤飽滿，好靚呀！皮薄饀靚，包着彈牙嘅蝦仁、瑤柱、蟹絲等，用料矜貴，味道鮮美。枇杷果螺頭燉雪雁 美味得一滴不流。一打開蓋，陣陣鮮香，落足料燉製，有原粒鮮香嘅瑤柱、鮮爽唧螺頭、潤喉嘅枇杷果、鮮香嘅瘦肉等，每啖都甘香滋潤，好好飲呀！羊肚菌蘆筍炒北海道帶子相當精美！帶子又大又厚，刺身級狀，