潮尚居

营业中

休息中

今日約左長輩食飯，帶佢地去左潮州菜試下。揀番尖沙咀夠方便，樓上舖感覺都乾淨同舒服啲，可以慢慢坐下食下▪️潮州紅燒翅$498/位招牌菜真係好足料！！啖啖都食到翅，口感順滑，味道正宗，仲好貼心咁俾埋芫茜同醋，更添鮮味▪️脆皮婆參$328黎到已經覺得好香，婆參口感Q彈，外層微脆，充滿燒過嘅香味，雖然較細片，但夠晒入味，食到lamlam脷 😋▪️滷水鵝拼盤$198 滷水鵝肉嫩滑，色澤唔錯，入面有齊鴨腎、豆腐、雞蛋，叫呢碟已經好好餸飯👍🏻▪️香煎蠔仔烙$168蠔餅爆滿蠔肉，煎到金黃色，啲蠔肉一切開就瀉出嚟，味道都好新鮮，每一啖都好厚肉，落足料，餅邊幾脆▪️紅燒魚鰾煲$298一煲都幾多海鮮，魚肚軟腍入味，入面仲有蝦、魷魚、雞肉、筍同冬菇，夠晒豐富▪️清心綠豆爽$36/位食完野叫左個綠豆糖水，清心丸口感軟身，整體解膩清甜

同太太及友人响尖沙咀行完街搵嘢食醫肚，行至漢口道被燈箱廣告「潮州食府天花板」吸引，走上咗去呢間叫「潮尚居」潮州食店。入到去環境都幾清雅，被安排了近窗口位置坐，由於有間隔屏封，都幾有私人空間，十分適合傾偈。我哋三個人點咗鹵水鵝、燕窩石榴雞、煎蠔餅、方魚炒芥蘭及糖醋麵。估唔到有碟鹹雞送，份量都唔細。石榴雞裡面有燕窩，味道口感都好夾好好味！蠔餅都夠厚身同埋幾香口，鹵水鵝片同埋炒芥蘭都ok！最後個糖醋麵份量都幾足，差啲食唔晒！總括嚟講呢間潮州食店啲嘢食同埋環境都真係唔錯，收費合理，下次到尖沙咀都會再試吓其他菜式。