一家

营业中

休息中

和家人再次光顧一間以上海和舊香港風格為主題的餐廳，裝潢頗具巧思。餐廳主打上海菜，味道出色，最近換了新餐牌，菜式更豐富。轉角還有一間姊妹店，專賣果茶和奶蓋飲品，還可在店內享用。- 🏅滋潤養生茶**：老人家非常喜歡，有雪梨、蜜棗、紅棗 - 🏅香氣二家姐**：啱晒年輕人，茉莉茶、橙、柚子、蜜糖、羅勒葉 - 🏅糖醋魚塊配菜飯**：必吃！魚塊厚實嫩滑，酸甜醬汁帶有果香 - 🏅黑豬肉紙皮燒賣**：以薄皮包裹糯米和豬肉粒，風味獨特 - 🏅上海雞汁百葉包**：經典上海味道，非常清新- 🏅海鮮全家福水餃**：五色餃子皮，各有不同餡料 - 🏅糖醋小排骨**：傳統口味，微酸微甜 - 🏅缸鴨狗玫瑰桂花湯圓**：缸鴨狗是寧波湯圓品牌，芝麻餡，香甜不膩 - 茶芥**：桂圓紅棗四寶茶（$8/位）

餐廳：一家，米芝蓮必比登推介 (2023-2024)地點：筲箕灣形薈菜式：新派上海菜餐牌：前菜，湯，點心，主菜，素菜，餃子，蟹粉，麵，飯，甜品等等。飲品有果茶，芝士雲，清新系列，果龍味，酒類，汽水等等。另外都有午市套餐，廚師推介，期間限定。糖醋小排骨 $82 另加一糖醋小排骨一客九件，面頭加上食用花瓣裝飾。個汁味道酸酸甜甜，好開胃。排骨有瘦有肥，半肥瘦當然最好食，瘦就肉多同健康d，不過要咬下。韭菜鍋貼 $58 另加一韭菜鍋貼一客五隻，皮薄餡靚餃子面頭居然有一層又薄又脆脆皮，可以加添口感。特別一讚係老闆係日本人，所以特登用日式餃子製作方法加一層脆皮落鍋貼度，好有特色，而餃子皮係煙煙韌韌而且夠薄，入面餡料豐富。伴有黑醋可降溫。一家蔥油白切雞 $138 另加一一家蔥油白切雞係米芝連推介菜式，見到面頭果然係滿滿蔥花，下底就係有一行雞髀肉同一行雞胸肉切件，伴有雞翼切件。呢度用新鮮雞，雞皮滑溜而雞有雞味，伴蔥油食味道好好，而且夠味之餘又唔會太油膩。服務員話好多人都會打包蔥油返屋企撈飯食。呢個價錢抵食。缸鴨狗玫瑰桂花湯丸 $48缸鴨狗玫瑰桂花湯丸一客四粒，放係靚靚開口碗上枱。湯丸皮又薄又滑而入面黑芝

一家•係上海中華菜館.裝飾同菜式名都幾有心思.除左有煎到好酥脆既乾煎麵.重有臭豆腐😲同時Menu仲有好多素食選擇🥦🥬🥒🫑滕椒豆乾絲炒苦瓜.蔥油涼拌山藥.薺菜豆腐羹.醬炒花菜茶樹菇.我地試左個上湯聖子都清甜啱老人家食.➿臭豆腐米芝蓮推介餐牌之中有兩款係素食.$80食臭豆腐都諗左諗.但見到幾乎每枱都嗌.每件即叫即炸.上枱時都多香🤭比想像中大.同係街邊食一樣都有甜醬同辣醬一齊食.➿糖醋小排骨糖醋小排骨味道唔錯不過肉質就未多淋身~有少少柴.另一款無試到既一家蔥油白切雞其實都係招牌菜之一不過要留返下次試~.➿非常外父比較少見餐廳提供既飲品都好似台式飲品咁多款重要改名改到好有心思.試左芒果芝雲伯爵茶.夠哂清新同解渴.如果只想買飲品嘅話.餐廳隔離都設有茶鋪可以買飲品🧋.➿高力芒果奶黃高力豆沙係屋企人至愛.估唔到有芒果蓉既高力豆沙😈唔會太甜又一空氣感.真係好邪惡以米芝蓮餐廳.裝修環境同價錢.質素都可以接受--➿高力芒果奶黃 ʜᴋᴅ 60➿臭豆腐 ʜᴋᴅ 80➿糖醋小排骨 ʜᴋᴅ 82➿三鮮雙麵黃 ʜᴋᴅ 98➿非常外父 ʜᴋᴅ 40..👩‍🍳  整體味道: 7.5/10💸  性價比: 7.5/10📸 

一家人去慶祝父親節，門口睇上去有啲似日本拉麵店，差啲認錯左6點去到已經一半滿左，好彩book左枱。座低無耐就有侍應嚟幫我地免費影一張免費即影即有，係父親節特有既服務，都幾貼心。落餐既時候，侍應姐姐都好貼心提我地落左11道菜，怕我地食唔哂專登問我地會唔會太多。除左11道茶，一家4口每人都叫左一杯特飲，都幾好味鋪頭裝修都好有特色風味呢碟糖醋小排骨就麻麻地，冇乜肉，少酸呢碟係招牌菜蔥油白切雞。睇上去好多蔥，但食落口唔會好大陣蔥味。我本身好唔鐘意蔥味但都好接受到。而且啲雞肉好滑好嫩，同埋好入味。推介大家去到點都要試下呢碟松子魚就好夠味道。如果一開始先上，會好開胃。不過今次最後先上，都已經食到8成飽。最後我地仲叫左一碟豆沙窩餅。因為冇咩特別就冇影相。呢間餐廳值得推介俾身邊朋友。可惜既係冇泊車優惠。商場本身時租車位都好少，但唔算貴既。

筲箕灣的餐廳越開越多，而在形薈有一間上海菜的料理餐廳，就一直都好想食，今晚終於都有朋友仔陪我去食喇✌🏻✌🏻✌🏻🤭餐廳除了普遍上海菜的菜色外，還有手調飲品「家茶」，非常適合我地每星期都要飲幾杯手調飲品朋友仔。美食推介：👍🏻💛 飲品-非常外父：金金黃黃的一杯茶飲，是由芒果芝士奶蓋加上伯爵茶，伯爵茶香，與芒果及芝士奶蓋十分夾，而且唔會太甜及不膩👍🏻💛 飲品-型格大叔：非常靚靚的藕粉紅色，是由巨峰提子、菠蘿加上梳打水製成的，非常清新而且，不會太甜👍🏻💛 櫻花蝦麻醬秋葵：第一次嘗試食秋葵，原來秋葵配上麻醬及櫻花蝦係咁好食的，櫻花蝦的鮮味鹹鹹香香的，一流的清新涼拌前菜😋💛 糖醋小排骨：酸酸甜甜的排骨，加上玫瑰花瓣裝飾，除了賣相，味道更是好，開胃之選👍🏻而且排骨肉嫩😋💛 石窩咸肉菜炒飯：熱辣辣的石窩，嗞嗞喳喳的聲音，就知道炒飯會有好多飯焦食喇😋看似平平無奇的菜飯，其實有非常多咸肉，食落非常香口，好好食👍🏻😋💛 缸鴨狗玫瑰桂花湯丸：一上枱便會聞到陣陣的玫瑰花酒香味道，湯丸皮軟糯配上黑芝麻餡，甜度剛好。餐廳📍 一家 (筲箕灣)📍筲箕灣筲箕灣道393號形薈地下G04號舖

𝘀𝗵𝗮𝗻𝗴𝗵𝗮𝗶 𝗰𝘂𝗶𝘀𝗶𝗻𝗲 𝗺𝗮𝗱𝗲 𝘄𝗶𝘁𝗵 𝗹𝗼𝘃𝗲💕 𝘁𝗵𝗲𝗶𝗿 𝘀𝗽𝗲𝗰𝗶𝗮𝗹𝘁𝘆 𝗯𝗲𝗶𝗻𝗴 𝘀𝗽𝗿𝗶𝗻𝗴 𝗼𝗻𝗶𝗼𝗻 𝗰𝗵𝗶𝗰𝗸𝗲𝗻, 𝘁𝗵𝗲 𝗮𝗺𝗼𝘂𝗻𝘁 𝗼𝗳 𝗳𝗶𝗻𝗲𝗹𝘆 𝗰𝗵𝗼𝗽𝗽𝗲𝗱 𝘀𝗽𝗿𝗶𝗻𝗴 𝗼𝗻𝗶𝗼𝗻 𝗱𝗶𝗱 𝗻𝗼𝘁 𝗱𝗶𝘀𝗮𝗽𝗽𝗼𝗶𝗻𝘁. 𝘁𝗵𝗲 𝘄𝗶𝗻𝗲 𝘁𝗵𝗲𝘆 𝘂𝘀𝗲𝗱 𝘁𝗼 𝗯𝗿𝗮𝗶𝘀𝗲 𝘁𝗵𝗲 𝗰𝗵𝗶𝗰𝗸𝗲𝗻 𝘄𝗮𝘀 𝘀𝘄𝗲𝗲𝘁 𝗮𝗻𝗱 𝗽𝗮𝗶𝗿𝗲𝗱 𝘄𝗶𝘁𝗵 𝘁𝗵𝗲 𝘀𝗽𝗿𝗶𝗻𝗴 𝗼𝗻𝗶𝗼𝗻! 𝗼𝗻𝗲 𝗼𝗳 𝘁𝗵𝗲 𝗯𝗲𝘀𝘁 𝗱𝗶𝘀𝗵 𝗶'𝘃𝗲 𝗵𝗮𝗱 𝗿𝗲𝗰𝗲𝗻𝘁𝗹𝘆🤤.好耐無食過上海菜， @yijia.hk 嘅特色住家上海菜係區內性價比算高環境又企理～ 糖醋小排骨酸酸甜甜好開胃，不得不提嘅一定係蔥油白切雞，面頭鋪上海量蔥花，蔥油汁加入花雕食落帶酒香味更鮮甜，而且雞肉鮮嫩，遲啲一定會返嚟返兜呢碟雞🤩

最近食得多西餐 突然好想食下中菜特登搵咗一間特色嘅中華料理餐廳 接埋朋友放工一齊開餐🍻******************************食物s：🥟小籠包 ($50) 上枱時好夠熱 賣相工整咬落充滿鮮甜肉汁 十分juicy🤤皮簿餡多 餡料肥瘦均勻 比例恰到好處點埋醋食真係好正呀😜🥣蟹粉桃膠 ($120) 呢個組合幾創新 真係未試過桃膠入口好滑又有咬口食落有啖啖蟹肉 仲加咗瑤柱添店員細心提醒一定要趁熱食，趁熱食，趁熱食！重要嘅事要講３次❣️因為凍左先食會有腥味 會浪費晒廚師嘅心機🥲🐟水煮魚片(大) ($188) 呢一道水煮魚 用料認真豐富有雲耳、菜、薯粉、大蔥同切片蓮藕仲有芝麻薑絲、蒜片同辣椒乾調味雲耳索晒湯底 好濃味 蓮藕夠爽脆水煮魚食落淋得嚟又幾滑身唔知大家平時食水煮魚食食下咬到花椒八角嘅時侯係咪都會食得好唔暢快呢?廚師好細心幫客人處理埋 好窩心成個湯底入面係無任何花椒八角香料影響口感㗎特別值得一讚嘅係呢度嘅水煮魚係愈食愈爽亦有麻辣嘅後勁 愈食愈暖🤗🐷糖醋小排骨 ($78) 份量幾多 擺盤亦十分精緻食落帶有酸甜味 十分醒神開胃💕肉炆得好夠腍 一咬落去就骨肉分離🥭非常外父 ($4

朋友屋企附近冇野多, 餐廳最多。佢話新商場形薈開左間上海野想去食下, 就跟左佢去。呢間係地下, 好易搵到。舖內環境都幾有心思,行懷舊風, 仲有霓虹燈。 糖醋小排骨$78去上海舖一定要食佢地既糖醋骨, 酸甜適中, 煮得好入味。而且每一舊肉都好易脫骨, 最重要既係肉質嫩滑。 蟹粉蝦球鍋巴 $128一黎到已經好吸睛, 唔好睇佢得三舊好似唔多咁。食完一舊其實都飽架。因為佢鍋巴係有厚度, 仲要脆卜卜, 好香口,面頭既蝦球掛滿汁, 但係又唔會多汁到令下面既鍋巴變淋,正。 蟹粉桃膠$120 (位上)桃膠加落蟹粉到? 平時甜品就食得多, 加落咸點到食真係未試過。見佢咁過癮就叫左一客嘗鮮。為左令碗蟹粉keep 住熱, 下面有小火座住, 呢點幾細心。呢碗蟹粉好足料, 加埋桃膠多左咬口, 仲覺得好養身。 鎮江餚肉$88味香嫩不膩, 點少少醋食會更香。冬日飄雪$50天氣涼少少係會想飲番杯熱飲,見呢杯有鮮薑, 鮮梨, 雪耳等滋潤既材料就岩哂。飲完覺得滋補得黎又暖身。 整體黎講, 呢間既野食真係用心制作, 性價比高。

之前嚟食過，覺得平靚正又坐得舒服，今次再嚟！小籠包 (4件$50) 熱辣辣，入面超多汁⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣糖醋小排骨 ($78) 新鮮製造，醬汁酸酸甜甜，件數多而且厚肉，好開胃⁣⁣⁣⁣⁣⁣⁣⁣櫻花蝦麻醬秋葵 ($68) 原來秋葵咁樣企都幾靚㗎喎，配合櫻花蝦一齊食有雙重口感，好適合夏天食⁣⁣⁣⁣⁣⁣石鍋鹹肉菜炒飯 ($108) 因為用石鍋上菜，所以食到最尾都仲係好熱辣辣，份量超級多，就算2個人好努力咁食都係食唔哂，最後拎返屋企今晚繼續食⁣⁣⁣⁣⁣棗泥鍋餅 ($68) 呢度其實都有飲品，不過今日想食甜品多啲。落單時叫起，到差唔多食完主菜嗰陣，店員就安排廚房即造，所以上菜時又係超級新鮮。棗泥份量多而且唔甜，棗味仲非常香濃，鍋餅口感脆脆⁣呢度有好多打卡位，訂位記住指明坐邊張檯~