Burger Mate

Burger Mate的漢堡包有著令人一試難忘的好味道，至今仍然念念不忘漢堡中香濃的芝士味，還有薯條上多到滿瀉的黑松露醬，特別喜歡到小店，份外有人情味。⧐ What we ordered ⧏瑞士芝士安格斯牛漢堡 HK$85蘑菇安格斯牛漢堡 HK$105黑松露薯條 HK$65汽水 HK$18當晚去到的時間尚早，店內未算多人，下單時能有機會店主攀談幾句，才得知原來除了漢堡肉外，連麵包也是自己搓！所以麵包的外皮有別於平日吃到的口感，外皮是酥脆的，有像豬仔包。亦正因為是自家出品的關係，所以供應量不多，每天大概賣300個左右就賣完，慶幸這天來得早，想吃的款式仍有供應，入座後不久門外已經有人在排隊等候。漢堡是很大的一個，芝士香濃面蘑菇也炒得很香，吃完是很滿足的。薯條是粗薯條，搭配多到滿瀉的黑松露醬，店家還貼心地提供了手套，不怕吃的時候會弄髒手。飲品方面點了汽水後才發現原來這裡有供應奶昔，下次要試！…查看更多

經常聽朋友講話依間漢堡包店 - Burger Mate 啲美式漢堡好食，一直都未有機會，呢日終於去咗品嚐一下啦～店內地方雖然唔係好大，但牆壁鋪上白色磚，營造美式風格。餐廳堅持每日新鮮製造食材包括Burger Meat，連麵包都係自己搓，自家製食品，而且美國傳統Burger超級足料同Juicy，每日限量發售200個。外藉店主服務態度很有善，他可以講流利國語及英文。黑松露蘑菇安格斯牛漢堡           $125最喜歡黑松露既我，當然要揀呢款黑松露蘑菇安格斯牛漢堡，Burger即叫即整，食材超多料，安格斯牛係USDA PRIME牛肉製成，牛肉味特別豐郁，食落亦好juicy，醬汁用上意大利黑松露醬，散發陣陣黑松露香氣，配搭新鮮蕃茄、生菜、洋蔥、醃製酸瓜，以及炒香嘅蘑菇，麵包壓平烘至外脆內軟，漢堡口感層次好豐富，太美味啦！瑞士芝士安格斯牛漢堡         $85依款漢堡口感亦好豐富，安格斯牛肉都好厚，帶濃郁牛肉味，煎得香脆，內裡充滿肉汁，而且非常嫩滑，瑞士芝士好creamy，加埋厚蕃茄、爽口生菜、洋蔥和酸瓜，漢堡好足料，十分滋味。日式炸雞粒               $68雞粒炸至金黃香脆，外脆內嫩，雞肉好juicy，粉漿唔會太厚，沾上特色醬汁，食到停唔到呢。黑松露薯條             $65食Burger鍾意揀埋薯條，呢款有埋黑松露味，睇見都想食，澎湃嘅意大利黑松露醬汁，睇見都想食，粗薯條炸到超香脆口感，薯味濃郁，沾上黑松露醬，香味獨特，好快就已經俾我哋食完了。香蕉奶昔           $35奶昔配Burger都幾特別，香蕉味濃，口感綿密細滑，味道微甜自然，香甜可口。汽水           $18另一款揀選Coke，冰凍清爽，配Burger亦都好夾。…查看更多

大隻仔今次覓食嘅店舖就係💥 Burger Mate 💥大隻仔今次介紹一間尖沙咀人氣手工漢堡包店，餐廳主打傳統美式漢堡包，麵包同埋手打牛肉漢堡都係自家製產品，所以數量有限，每日只可限量200個。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 黑松露蘑菇安格斯牛漢堡 $125爆瀉黑松露醬汁充滿整個漢堡包，安格斯牛肉漢堡充滿牛香味，而且非常多肉汁，每一啖都爆曬汁，非常Juicy，自家製麵包外脆內軟，中間夾住炒蘑菇、洋蔥、蕃茄片、生菜、小酸瓜，將味道提升到另一個層次。🔥 瑞士芝士安格斯牛漢堡 $85瑞士芝士安格斯牛漢堡一樣非常多汁美味，加上瑞士芝士獨有嘅香味，非常滋味。🔥 黑松露薯條 $65薯條即叫即炸熱辣辣，加上香味濃郁嘅黑松露醬，唔會太鹹，極之惹味。🔥 日式炸雞粒 $68份量不少，炸雞粒炸到剛剛好，外皮炸到金黃色，十分香脆，雞肉仍然多汁嫩滑，不會太乾太柴，點上自家醬汁，非常好味。…查看更多

BURGER MATE🍔位於尖沙咀，舖面唔算大但相當精緻🌟幾有feel既小店，主打美式傳統漢堡，Fresh Natural Handmade Burger🍃老闆話每日真係自家製漢堡麵包同埋牛肉，一至五做150件，星期六日200，確保超級新鮮既存在😍蘑菇安格斯牛漢堡，加車打芝士🧀非常靚既賣相，爆汁爆芝士，大大份🤞🏻一啖咬落去，最難忘應該真係個包先，個包係比一般漢堡鬆軟，加埋烘脆左既邊，口感特別，真係好味🤤加埋芝士同汁又另一個感覺，正👍🏻手工野係唔同啲，洋蔥係用汁煮熟，加埋酸瓜、蘑菇好豐富，安格斯牛厚身濃肉味，加埋芝士無得輸😎瑞士芝士安格斯牛漢堡，又係好爆既擺盤，瑞士芝士無咁咸但芝味奶味更重，配牛肉漢堡扒好正好好味😋整體又係另一個好正既漢堡，黑松露薯條，食漢堡店必試，粗薯條香脆，加埋滿瀉既黑松露醬，食到唔停👍🏻仲有得飲返杯SUNTORY生啤，爽😮‍💨日日製作手工漢堡唔易，但真係食得出既新鮮同特色🫶🏻仲要用美國靚牛，而原來佢既黑松露咁正，下次一定要試下佢既黑松露漢堡！😻…查看更多

這晚趕著去看《詭異之家》傳媒優先場，入場前先去尖沙咀Burger Mate速食漢堡，內裡面積不大，座位不多，不過落地玻璃讓日光滲入餐廳，感覺悠閒，小店由外國人主理，主打美式傳統漢堡包，小食當然不少得薯條及其他炸物，麵包每日親自手做，而手打漢堡扒選用USDA Prime 安格斯牛肉製作，即叫即整，保證新鮮熱辣辣。黑松露蘑菇安格斯牛漢堡 $125餡料包括安格斯牛、生菜、番茄、洋蔥、酸瓜、蘑菇、黑松露，層層疊起後確實是一口無法掌握，包身烘焙出外層輕脆的口感，內裡鬆軟有彈性，帶有微甜牛油香。漢堡扒嚴選美國農業部認證的優質牛肉製成，肉質鮮嫩多汁，融合份量澎湃的意大利黑松露和蘑菇，綻放馥郁菌香。瑞士芝士安格斯牛漢堡 $85最傳統的基本款漢堡，夾著生菜、番茄、洋蔥、酸瓜、瑞士芝士，餡料分佈平均，每口都吃到麵包、醬汁、配料和漢堡扒，自家製漢堡扒牛味濃郁，瑞士芝士加熱易融，濃稠香軟。黑松露薯條 $65漢堡包配薯條可說是永垂不朽的經典配搭，厚切薯條炸得金黃酥脆，肉心軟綿細密，黑松露份量同樣絕不手軟，另外再追加車打芝士$12和瑞士芝士$12，芝味更上一層樓。飲品自選香蕉奶昔$35和罐裝汽水$18，奶昔打得幼細，沒有冰粒，入口濃厚順滑，香蕉味天然香甜。…查看更多

大胃好耐冇食連鎖漢堡包喇，因為小店嘅漢堡都已經好高質尖沙咀佐敦中間嘅位有間外籍店長經營嘅漢堡店，品質好高水準佢地嘅手工漢堡係招牌，由麵包起，已經會認真烤烘，脆得嚟保持濕度，口感一流漢堡扒用美國牛肉手工打出嚟，安格斯牛肉香突出，肉質juicy，仲有瑞士芝士嘅加持，令人肉鮮欲食，配上新鮮菜蔬同酸瓜，層次更豐富除咗牛肉，雞肉都可以係漢堡嘅主角，佢地嘅炸雞炸得非常出色，炸到脆卜卜裡面嘅雞肉好嫩滑，仲有醬汁同蔬菜嘅配搭，太完美了黑松露薯條好堅，啲黑松露好似唔使本嘅倒落薯條堆度，勁足料，每條薯條都唔怕點唔到黑松露，成份勁香黑松露味，薯條粗切炸口感爽脆，食得好過癮…查看更多

舖頭細細，有大約五張枱見啱啱有一張枱淨，唔使等就入去坐低睇落幾靚仔，第一啖好juicy但一路食一路變得冇乜味芝士味比車打嗰款香，又係第一啖好juicy繼續食落去又係變得冇香味食晒就發現，成個袋都係汁，所有香味流走晒所以一路食一路覺得唔香同個肉乾乾地反而薯條$45 有驚喜，睇落個樣冇特別但佢外表好脆，又唔會硬到𠝹口，裏面都係鬆軟…查看更多

係韓國街居然有餐廳賣美式漢堡包，仲要係超水準。有落地大玻璃可以望出去，坐得幾舒服，加上開放式廚房，可以睇到即整漢堡。仲有標語 "Fresh, Natural, Handmade Burger, Made Here"，就可以知道佢地賣真材實料。- 瑞士芝士安格斯牛漢堡 ($85)漢堡係好巨型，同埋好足料，賣相一流。包係有烤過，有少少脆。一咬落去，口感好豐富，有安格斯牛，新鮮生菜，蕃茄，洋蔥，酸瓜，仲有滿滿既芝士。安格斯牛肉係美國最頂級，USDA Prime 級數，好重牛味，好Juicy。- 黑松露薯條 ($65)熱辣辣既薯條，同埋超多既黑松露醬，性價比十足。- 蘑菇安格斯牛漢堡 + 車打芝士 ($105 + $12)同瑞士芝士安格斯牛漢堡一樣，呢個滿滿磨菇加安格斯牛，另加車打芝士，加多$12都係值得既！蘑菇，超多，超正，自己再加車打芝士，一次滿足曬所有願望。- 雞翼 6隻 ($58)單骨雞翼，方便易食，配埋蜜糖芥末醬，好夾好好味。- Banana Milkshake有香濃既蕉味，但係又唔會太甜。- Hoegaarden如果想同朋友飲番杯，都有Hoegaarden 同埋1664選擇。餐廳仲有部電視可以一邊食住美式靚牛漢堡，一路飲野睇波😄比like👍…查看更多

餐廳既外表好吸引，仲要係外國廚師。入到黎得5張枱仔，星期六晏晝都有2枱客，感覺唔錯。價錢適中，叫左瑞士芝士Angus burger，炸雞粒 153蚊漢堡大概10分鐘到枱，顏值一流，靚！先試一下炸雞粒，雞肉佔得一半，有半粒炸粉，而且炸粉係無味，要點醬，但醬只夠點5粒雞粒... 點解炸雞可以無味架，同韓式又有咩關係主菜漢堡，包係少脆，好味既，但奇怪既事係雖然埋枱時塊扒係突出兩塊包出面，一咬落去塊扒滑左入去，再咬，再滑入去，咬左3啖都未咬到塊扒，望一望個包，塊扒竟然完整仲係塊包入面，size好細，真係好細，再咬一啖終於連扒一齊咬，味道係有咸味，但唔香牛味，咬多一啖，塊扒碎左，跌左張紙入面，兩塊包就仲係手，狼狽到一個點外表靚，味道可以，價錢唔值，試下就算了韓式炸雞粒，可以不試…查看更多

🍻 啤酒🐷食評 🍖 ‖ Burger Mate ‖ #beerpig尖沙咀 #beerpig西式💁🏻‍♀️ 爆多肉汁手工漢堡&全港最貴盒裝飲品 💁🏻‍♂️尖沙咀有個叫三角公廁既地帶🤧個頭都幾多野食架！btw小編第一次聽個陣真心以為係三角型既公廁，有冇人都好似小編咁..🤷🏻‍♀️今次放lunch出左黎呢邊搵食，係馬路邊有間鋪頭細細但香氣誘人既burger店，店鋪細到一眼都望得曬，座位得5張二人枱咁大把🙈如果想去試下就睇你好唔好彩一黎就有位喇🤧大家有興趣就記得｜Like•Save•Share｜呢個post喇—#🍻🍖 質素：🍔瑞士芝士安格斯牛漢堡｜$78由於Burger係即叫即煎既關係，等一個漢堡都差唔多等左15～20分鐘🥶餐廳選用既Burger係USDA Prime Grade🏅肉質彈牙，牛味香濃，仲好厚身🤪因為Burger真係太多肉汁勁Juicy🙈餐廳都預先比左對手套客人，以防客人邊食邊漏肉汁整污糟😮✨評分：8.5 / 10 分🍟炸洋蔥圈｜$40呢到既小食全部都要單點，無得跟餐加配炸洋蔥圈口感都算鬆脆，味道正正常常，但食多幾舊就會覺得味道有啲單調🤔✨評分：7.5 / 10 分🍟炸薯條｜$40而另一款小食當然係同Burger最夾既炸薯條呢到既薯條份量都OK多，不過食落外皮好厚粉，咬落都相對硬身同埋有D乾，個人覺得麻麻地🤷🏻‍♀️✨評分：6.5 / 10 分🧃盒裝/罐裝飲品｜$20小編原本冇留意，見大Menu冇寫飲品價錢，以為係跟餐送🥶到比錢先知一盒維他蘋果汁都要$20一盒...呢個價錢真係離曬地..下次真係要問清楚先...🤦🏻‍♀️✨評分：2 / 10 分—🐷整體評分：總結就係除左Burger係成正價比之外，其餘既都唔太抵食🤷🏻‍♀️如果真係想試，都可以去試試呢間既漢堡，會比到驚喜你既，但係就唔好點呢到既小食&飲品喇🤔 🍻🍖：🍻🍻🍻 6.12 / 10 分環境 ：🍻🍻🍻🍺 7 / 10 分服務 ：🍻🍻🍻🥃 6.5 / 10 分性價比：🍻🍻🍺 5 / 10 分✨總分：6.16 / 10 分✨推薦：#🆗一般啦—🍻 #Burger Mate 🍖🚩尖沙咀金巴利道78號金輝閣地下A號舖✨如有興趣睇更多食評，歡迎Follow IG🐷#BeerPig ｜#啤酒豬｜#酒肉朋友 —📝推薦評分標準：0 - 2.9｜💔勁伏3 - 4.9｜🤢不了5 - 6.9｜🆗一般啦7 - 8.9｜😋幾好食喎9 - 10｜❤️‍🔥好L正呀—…查看更多